紅葉茶屋 (T.O.P This is Our Place) (已結業)

疫情緩和，終於可以出街抖下氣😪去左旺角掃化妝品之後走左去TOP搵食，又揀左日本野😆 紅葉茶屋一上電梯就見到，木色風格感覺好有和食氣😆主食揀左個拉麵，食好啲叫特盛（配料較多），豬骨湯底都幾濃食得好滋味，溏心蛋都做得唔錯，另外佢旁邊會配啲冷食前菜，真係好似個日本套餐咁😗，我既重頭戲！！甜品！！有我最愛既抹茶！！佢呢個提拉米蘇有幾款，但我抹茶控當然揀抹茶（不需猶豫😎呢個提拉米蘇有層次地用抹茶浸過蛋糕片同tiramisu層層疊上去，面層再灑上濃濃抹茶粉，抹茶味滿足左我🤗🤗呢間店既對食物既setting都幾有心思，想做到純日本風咁，都算係一間有誠意既餐廳！下次再黎食更多抹茶甜品😋😋

行完T.O.P. 有啲肚餓，就同友人入咗去而間充滿日式茶屋味道嘅鋪頭食嘢。原本見佢格價都算幾平，而且入邊都唔係好多人，所以都冇對佢抱有太大嘅期望友人覺得好肚餓所以就叫咗個壽喜燒定食，跟餐加配小食有特價，所以我哋就叫咗翡翠螺嚟食啦特價小食比人感覺一啲都唔廉價，翡翠螺好鮮甜而且都好多肉令我哋喜出望外壽喜燒友人揀咗個比較貴既，轉做和牛，個壽喜燒嘅湯底好鮮甜，而且都好多配料，有豆腐、有菜、又有菇白飯重任添添仲要有埋前菜同埋有埋個湯。個湯既味就好似冇番茄嘅羅宋湯咁，幾清幾好飲。我朋友今餐終於可以食飽食滿而且啲汁仲勁好送飯，令我嘅朋友一碗又添一碗不過我同友人一致覺得唔需要加錢轉做和牛，因為肉質始終都唔係入口即溶，唔係特別重牛味，淨係要個湯已經好好送飯最後我就要咗個士多啤梨朱古力新地，估唔到大有驚喜佢個朱古力好濃郁仲有少少冰係入邊好似食緊雪芭咁新地有啲甜但係啲士多啤梨就有少少酸，加埋就啱啱好我本身都鍾意食酸野嘅所以就覺得都可以但我朋友就覺得太酸了最後食埋佢嘅雪糕筒底，估唔到過咗咁耐之後先食仲係好脆

難得約左好耐無見既朋友出黎聚會大家都無乜意見食咩咁我就提議食呢間紅葉茶屋食啦因為之前有係度食過佢地既甜品 覺得味道都幾好一直都想試下啲主食終於都有機會啦平日既夜晚都唔算好多人 好快就入得叫左個明太子忌廉烏冬，好creamy 明太子既份量都好足夠，好好味另外仲叫左杯黑蜜牛奶抹茶，抹茶味道好濃郁仲有淡淡既黑蜜味如果可以再大杯少少就好啦朋友們都對會地既食物表示滿意日本餐廳黎講 價錢可以接受味道好 環境又舒適係同朋友聚會既一個好選擇

今天經過旺角Top 商場！經過這間日本料理，就決定一個人的浪漫！😂我選了這個牛肉鍋定食，附送湯！如果需要飲嘢，需要單叫！我看見餐單，白飯任添！我其實都食唔到咁多飯！牛肉份量都算多，味道中規中矩！溫泉蛋配飯非常好味！

呢日喺麥花臣睇演唱會，睇之前約朋友一齊食晚餐，第一時間就諗起top呢間餐廳，之前食過嚟開呢頭一定要再幫襯！好鍾意佢個明太子忌廉烏冬！好少地方食得到，有少少西式嘅日本菜，好似食意粉咁嘅感覺。超香滑，鍾意明太子嘅人一定會鍾意！朋友就叫咗個滑蛋牛肉飯，雖然係普通菜式，但係都整得好好食，啲牛肉有用汁煮過，甜甜地。而且價錢唔算好貴，如果唔飲嘢嘅話每人唔使$100 ，性價比超高！去開呢頭一定會再encore！推介！

近排天氣日日都涼涼地，所以想去食啲可以暖胃既食物，之後我係旺角中心二期T.O.P 就揀咗呢間紅葉茶屋。我叫咗一個定食，加甜品，因為我係抹茶愛好者，所以試咗3款同抹茶有關既食物。牛肉壽喜燒定食 $99牛肉真係超級多，都有十幾塊，牛肉仲超有咬口，一啲都唔怕韌，湯底唔算太甜，仲好濃郁添，飲咗幾口，個人都即刻暖哂。配菜有大冬菇、小蘑菇、豆腐、洋蔥、紅蘿蔔、菠菜、溫泉蛋，各種各樣配菜都好味道，只要加入一隻溫泉蛋就會令牛肉更加滑口。配埋軟熟既白飯，口感好夾。黑蜜抹茶蕨餅 $39第一次食蕨餅，抹茶味好濃，入口涼涼地，口感好得意。特製白玉紅豆抹茶漬 $ 49呢個就有啲清淡，有六粒大大粒既白玉，配合埋紅豆蓉，睇落仲好靚，再飲一啖濃濃既抹茶，好有寫意。牛奶抹茶 $19 (跟餐價)呢個賣相好吸引，旁邊有個楓葉碟仔，上面放有三粒石頭朱古力，抹茶味好濃，啱哂抹茶愛好者。

本身打算一個人是但搵間輕食定食，就嚟咗呢間餐廳叫咗個牛肉壽喜燒定食，份量都夠嘅，但無野飲送，而家價錢係午餐定食嚟講比較貴，因為仲要加一，個餐99蚊，最後賣單108蚊。佢味道正常，個牛肉比較老，咬落去好韌，我覺得有待改進。

工作過後醫醫肚, 5個人中有2個都病, 唔熱氣乃是當前首選! 牛肉壽喜燒定食 $99 ~ 牛肉是增量的, 不過牛肉超嚡口! 湯底甜甜的, 各樣配菜都好, 唯獨牛肉雖然多, 但實在太嚡喇! 一般任食打邊爐牛肉一樣, 再加隻溫泉蛋…都無助於令牛肉滑口! 飯反而不錯, 軟熟! 鰻魚茶漬飯 $104 ~ 唔係我食, 看著還不錯! 因為都真係幾香, 我坐對角都聞到好香的燒饅魚味道! 不過份量有點少, 不太適合男仕! 生薑燒豚肉定食 $84 ~ 都唔係我食, 同樣聞落好香, 聽聞都唔錯! 

去到旺角唔知食咩好.最後行去TOP睇有咩岩食～就試呢間睇落唔錯既紅葉茶屋🍁·🐟火炙三文魚茶漬飯（$109）我睇中茶漬飯.大食仔睇中三文魚😋前菜有點咸.我地全部都無食🤭整體不過不失.壽喜燒較推薦·🐮牛肉壽喜燒定食（$99）我地2個都好喜歡既sukiyaki 啊❤️牛肉份量多，湯底香甜👅落埋溫泉蛋⋯好飽好滿足·📍紅葉茶屋旺角彌敦道TOP This Is Our Place 3樓309-310號鋪

8:00接女朋友放工，然後在附近shopping ,行到攰又肚餓便停下來吃東西，見到附近有日本餐廳，立刻雙眼放亮，毫不猶豫地進了去。女友點了個茶漬海鮮飯，我就點了一個壽喜燒。望落去好靚影相一流，七彩顏色又大大塊的海鮮，而且壽喜燒材料豐富，賣相的確一流。但味道只是不過不失的水平，不過價錢也不是10分昂貴所以還可以。

已經黎過差唔多有十次，每次都係視覺同味覺既享受～燒花魚定食燒花魚香脆，魚肉juicy 有魚味，魚骨脆卜卜，可以連骨食埋。鰻魚定食牛肉壽喜燒自選特製芭菲配料款色特別，可以選擇既包括：西洋風格配料：士多啤梨、藍莓芝士忌廉、抹茶軟朱古力等和風配料：白玉、綠茶蕨餅、黑蜜、紅豆沙等整體而言，食物質素高，賣相好，日式餐具精緻、有特色

嚟旺角行街，試下TOP商場入面嘅食肆上上下扶手電梯，比呢間光亮嘅餐廳吸引，而且裝潢好靚，於是入咗去平日夜晚唔洗等位，侍應好快安排我地入座。我地嘅座位係一張矮檯，適合食甜品飲下咖啡，但個人覺得食飯嘅話矮咗啲。而且檯與凳之間空間攞到好盡😂，肥少少都好難坐入去，不過座位其實都坐得舒服。打開menu，有好多款定食，同行朋友叫咗壽起喜燒定食熱騰騰壽喜燒鍋好香，試咗朋友一啖，味道濃郁而且唔會偏甜。因為未食過茶漬飯又鍾意食刺身，於是叫咗一個有三文魚刺身嘅茶漬飯。不得不讚嘅地方係，定食嘅擺碟真係好靚！每一樣碗具都好精緻！擺蔥嘅紅葉碟真係好靚！餐廳燈光好，影出黎嘅食物好有光澤，打卡一流首先每份定食都會有兩碟仔小菜，小菜偏鹹，唔餸飯好難就咁食，而且都麻麻地。呢個位扣分。之後就到火炙三文魚同刺身，兩個都油脂甘香，不過就係普通嘅魚生飯，冇大驚喜。不過欣賞魚子好大粒！至於茶漬飯，餐廳有一張指示牌教你享用。我個人唔想倒啲茶落去刺身到，所以我另外用碗舀起啲飯，再倒茶。茶溫啱啱好，唔熱唔凍。帶有少少鹹未及茶香，不過我個人麻麻地茶味配飯，所以覺得一般。另外注意係豉油偏鹹，唔似一般魚生豉油比較淡，唔好落咁多去飯到！朋友嘅

餐廳有甜食同鹹食, 兩款都好吸引不過我地食左正餐飽飽地所以今次淨係可以食甜品🤨 甜品既選擇多而且每款既造型都好吸引🤤 餐廳內部大座位多, 所以空間感十足坐得幾舒服👍🏽 係云云既甜品中我地揀左其中三款鎌倉紅葉茶屋抹茶提拉米蘇🍁($49)呢個tiramisu用一個木箱仔裝住, 淨係見到個樣既已經覺得好吸引, 食落口感好滑而且好有層次😋首先面頭舖滿左一層抹茶粉,中間一層厚厚好smooth 同 creamy 既mouse最底層係有一層海綿蛋糕🍰 好耐都冇食tiramisu 既我表示好滿足🤩 後尾走果時先見到有期間限定既紫薯味, 下次絕對會黎試抹茶蕨餅新地🍨($54)我地見到隔離枱叫好似幾吸引咁所以我地就跟住叫😂 呢個新地都好豐富嫁, 用一個好似basket形裝既cone裝住左一個soft serve, 一球濃郁抹茶味既抹茶雪糕, 3舊我煙韌既抺茶味蕨餅同埋一粒車厘子🍒, 全部都係我鐘意既野, 一次過滿足曬我所有既願望😉特製白玉紅豆抹茶漬🍵($49)呢個就偏屬清淡, 成個feel好似去左日本咁😂 有六粒大大粒既白玉配埋紅豆蓉好夾, 再飲一啖濃濃既抺茶, 好嘆下次想黎試下呢度既鹹食, 不得不讚既

TOP 的門市，環境不錯，坐得okay，無咩大陸你，但係附近得食客好嘈，好似酒樓咁。點左個腐皮烏冬，香辣牛肉定食。烏冬正正常常，就無影相。但呢個香辣牛肉定食，睇落去大堆頭幾好，有湯，有飯有配菜。個湯其實都幾好飲，有落胡椒。問題就出係個主菜牛肉身上。得個辣，但係就用低等牛肉，直頭咬唔開要吞先得，吉野家好佢9條街。做一味餸，主菜最緊要但佢連牛肉本身都衰左，個湯菜飯就幾好都無用啦。另外就係第不次食 日本餐廳，又無水又無茶， 服務差。

T.O.P呢間商場我都係第一次嚟食嘢，平時都係借洗手間多。今日約咗個朋友嚟呢度食晏，我哋食晒小食，主食，甜品，飲品，好滿足。呢間日式餐廳比我感覺係啲食物有啲似某茶館，賣相都算精美，味道可以，不過我哋喺度傾咗成兩個鐘，客人嘅流量少，好安靜，感覺舒適。炸物盛盒(蝦/廣島蠔/豬扒)，炸得有啲乾，炸漿唔係做得咁好，好普通。特盛黑麻油濃厚豚骨湯拉麵，肉質唔鞋，湯底幾好味，麵都可以。溫泉蛋卡邦尼烏冬，都唔錯，不過汁少啲濃啲會好啲。有啲似先生牌橙汁。上面嘅朱古力有啲多餘，預冷硬咗喺度，抹茶味多濃唔苦澀。抹茶軟心紅豆朱古力芭菲，朋友點嘅，佢話好多唔同配料，口感豐富。呢個我自選特製芭菲，有我鐘意嘅焦糖，當然唔錯啦。