紅葉冰室

營業中

休息中

紅葉冰室絕對一間唔錯嘅午餐選擇，因為佢哋午餐都有一啲set lunch，價錢相宜，味道亦都唔錯。今日我就嘗試咗佢哋嘅set lunch，就係白汁魚柳意粉，白汁有啲驚喜，因為除咗普通香草白汁之外，上面佢仲有一層焗芝士喺面，所以成個口感好好味，白汁亦都好香濃嘅cream嘅味道，所以配合埋意粉都係好好味嘅，加上佢哋嘅魚柳，煎過一下，所以感覺都好香口。最後配合埋佢哋嘅凍咖啡，咖啡就係一般茶餐廳嘅質素，中規中矩。

樓面姐姐黑口黑面，我見到對面張椅有雞蛋污糟左，話聲佢知，點知佢質疑話「你點知呀！！」，我就係望住污漬，無諗過佢會講呢啲，還要無視我唔理，就行開咗。服務0分，食物一般，一定唔會再幫襯！食物質素一般茶餐廳口味。午飯時間我同朋友剛食完碟飯，杯檸檬茶都未開始飲，已經比人收碗收碟，見我哋未飲完杯飲品，就唔好面口，我哋其實只坐底了45分鐘。我朋友已經話「下次千祈唔好再嚟呢度」。全間茶餐廳最好禮貌係收銀阿姐，可能一直期待你快啲走人掛！

不經意走進店內 因為店舖整潔 坐位舒適。 估不到食物水準有驚喜。 焗豬扒飯很有水準 濃濃鮮茄汁加芝士 很香而且豬扒新鮮。炸豬扒沙律 豬扒軟熟可口 沙律用水果做 清新 會再光顧試其他出品。

平時好少介紹茶餐廳，但係因為呢間餐廳好有心，格局比一般茶餐廳舒適，雖然位處橫街，但安靜舒適，已有不少食客光顧。每天出外吃早餐，首選就係呢間餐廳，我已經光顧好多次，呢間冰室選擇都算多，勝在集中同份量多，價錢相宜，好抵食，服務熱情，最重要是食物質素不錯。下午時段呢間餐廳主打咖喱和酸菜魚，食物水準唔錯，質素高又好吃，份量足，平價。但它最值得推薦的是服務員每位都非常親切，讓你感受到賓至如歸的感覺，好多茶餐廳都未必做到。滋味早餐有五款選擇（A+B+C各選一款）A1 仿鮑絲火腿通粉A2 香濃沙爹肥牛公仔麵A3 惹味雪菜肉絲米粉A4 五香肉丁米粉A5 香煎豬扒通粉B1 餐肉炒滑蛋或煎蛋B2 火腿炒滑蛋或煎蛋B3 香腸炒滑蛋或煎蛋B4 西煎雙蛋C1 牛油多士C2 牛油方包C3 奶油多士（+$2）C4 奶醬多士（+$2）湯底可以揀豬骨湯或者蕃茄湯，粉麵可以轉米粉、通粉或者公仔麵。想轉出前一丁就要加五蚊。另外再叫多一份營養早餐，都係有五款選擇。1 鮮奶麥皮配火腿滑蛋三文治2 叉燒滑蛋菠蘿包3 蔥花咸牛肉滑蛋三文治4 鮮牛油菠蘿包5 鮮茄薯仔肉片湯通粉整體來說：食物水準係

經過炮台山（餐廳個位置大約係天后同炮台山交界）發現一間以粉紅色為主調的紅葉冰室，感覺柔和舒服，整潔衛生，餐廳店內有卡位，而且環境風格優雅，寬敞舒適，成間餐廳感覺非常放鬆舒服。食物方面都十分不錯，份量足，平價。它最值得推薦的是服務人員非常親切。整體來講，食物環境質素認真一流，加上店員親切有禮，主動同客人互動，難怪有咁多捧埸客。大家經過呢區，值得來一試。

星期四既晏晝一條友入去食lunch 就安排左搭枱 同一位可愛大叔面對面咁坐明明場內仲有其他位一定係餐廳的用心之處充分利用空間之餘又令店鋪可以保留係商業社會下嘅人情味面對面都唔會尷尬仲可以當認識新朋友（可以幫助食客認識到唔同年紀唔同工作既人）味道就正正常常 ⚡️同埋疫情後 好難得 餐廳衛生仲做得好好對面枱嘅叔叔食完店員就有效率咁噴清潔噴霧 呢點相當抵讚 衛生一流 食食下飯 都有香燻點綴埋單：$60總結：有人情味 清潔味既餐廳 想認識新朋友/相睇既可以體驗一下

其實我差不多一星期會食呢間餐廳三四次外賣每次我都係經網站平台下單早排餐廳經常擺錯野，漏擺野我已經試過幾次都係漏野咁我就會打返去同佢餐廳講，佢都會補返不過態度都已唔太好，好似鬧緊我自己唔check甘諗住唔緊要，佢地忙有錯漏正常佢補返比我就算直到今日，我又經網站下單，錢已收我今日仲要病左，失左聲，講唔到野去到餐廳佢話無我呢張單有個應該係老闆既女人(之前就係呢個人態度十分差），叫我去廚房自己睇下有無單我即時打左果突，客人落單你叫佢自己睇Ok 你忙我自己去，行到水吧比個待應睇果外賣號碼，佢話無，又叫我去返果女人度問因為我講唔到野，我比佢電話佢睇我叫左咩佢係甘話收唔到又話熄左平台部機叫我重新下單，佢幫我現場下單佢態度已經勁差，勁惡劣我講唔到野我比個電話佢睇我食咩佢大大聲話你講啦，我唔睇之後我實在太嬲走左！今時今日甘既態度，趕客嗎？食物不算特別好食，只係網站平台下單平態度又甘差，請餐廳好好檢討！

今日食個late lunch，去到北角蜆殼街附近，記得朋友介紹公司附近開左間茶餐廳超高水準，去試一試
餐廳店內有卡位，而且環境寬敞舒適，雖然係茶餐廳牆上粉紅色磚牆，成間餐廳感覺都幾舒服
餐廳食物多款選擇，侍應介紹有4大皇牌，有「皇牌咖哩系列」、「精選焗飯或意粉」、「滑蛋系列」、「越式蔥油系列」午餐平平地$61起連餐茶鰻魚飯滑蛋飯 $74今次我就試下鰻魚飯滑蛋飯，一上枱好大碟！原條蒲燒鰻魚放滑蛋飯上，配埋滑蛋同白飯，非常美味
奶茶紅豆冰 +$8香滑奶茶加上起沙紅豆，夏日炎炎消暑一流！紅豆不算甜仲好多紅豆，飲到底都仲好多紅豆，勝價比高！

今次介紹芝士焗咖哩雞飯（可選擇意粉）焗焦的芝士鋪住焗飯的表面並散發少量香味，卻被咖哩的濃味蓋過，對喜歡吃芝士的朋友會有所失望，可幸的溶化的芝士令咖喱中帶有奶油的口感。至於雞肉雖不至於焗過火喉但也不嫩滑

之前幫襯過蜆殼街嗰間「紅葉冰室」，食物大碟又抵食，選擇又夠多，性價比極高。趁今日嚟炮台山做嘢，一於食過返尋味。餐廳門面同內部裝潢都以粉紅色為主調，風格優雅，讓人感覺非常放鬆舒服。 餐廳主打咖喱、焗飯/意粉、越式蔥油同滑蛋系列，另外亦有幾款午市套餐、蕃茄濃湯系列等供應。點咗蜜汁叉燒滑蛋飯 ($64) 同 老闆娘推介嘅酸菜魚米線 ($62)。米線湯頭微酸微辣，鮮香得嚟又唔會太過油膩，非常醒胃。魚片白滑鮮爽，無骨又無腥味，配上酸菜和豆卜，惹味十足。米線吸盡湯底精華，食落幾有咬口，煙韌滑溜，啱我口味！至於另一客蜜汁叉燒滑蛋飯，賣相亦非常吸引，炒蛋混入了蔥花，食落好香口，嫩滑又富蛋汁。叉燒肥瘦適中，軟腍大塊，香甜又有肉香。飯粒分明，唔會過乾，以蛋汁拌吃，味道一流！跟餐飲品點咗杯熱柚子蜜 (+$8)  入口甜甜地，內有柚子皮，滋潤解膩。另一杯咖啡紅豆冰 (+$8)  亦誠意十足，咖啡底濃而不澀，加埋綿密嘅紅豆一齊飲，甜度啱啱好。

最鐘意就係四週圍搵野食咁岩前排經開天后 見到有間餐廳係粉紅色做主題今次要為大家介既係 - 紅葉冰室紅葉冰室係位於蜆殼街9-23號秀明中心地下C1號舖餐廳個位置大約係天后同炮台山交界啦成個環境係以粉紅色做主題超eye catching食物個方面 佢地主打係食local food為主個人大愛佢地個餐蛋菠蘿包同雪糕紅豆冰餐蛋菠蘿包個包皮整到超脆而且個餐肉都煎到脆脆地 超正雪糕紅豆冰都誠意十足佢係原球雪糕咁放係個飲品上面 Yummy

朋友去完旅行， 專登買咗手信畀我， 約了在他屋企附近的餐廳交收😃😃。 粉紅色的 主題， 那裏佈置簡潔明亮，有很多舒適卡位。老闆娘和員工都很熱情友善， 真的很羨慕朋友可以經常來這間冰室。看看餐牌選擇很多， 下午茶價錢非常親民， 蔥油系列都非常吸引， 還有滑蛋原條鰻魚飯， 仲有我很喜歡的番茄系列。牛柳粒茄通湯底是清甜的蕃茄味道，配搭很多番茄粒粒， 番茄味道很突出湯底又不會過很鹹。 牛柳粒份量不少， 煎至金黃肉質嫩滑， 牛肉味濃。黑松露滑蛋配多士， 雞蛋炒到滑捋捋 配搭很香的黑松露。鮮檸蜜， 檸檬份量 非常大方， 是新鮮切的檸檬片非常清新 ，沒有半點苦味。芝士焗鮮茄豬扒飯蕃茄蕃茄蕃茄，全部都有蕃茄， 海量的芝士 配搭番茄醬， 加埋大大嚿嘅蕃茄肉， 真的是超滿足。 豬扒鬆軟多汁， 真係唔錯唔錯。飲品跟餐柚子蜜，都不用加特飲價格， 親民價格 親民服務， 下次會再回來的。

週日晚上看電影前決定在家附近吃個簡便晚餐再出發位於蜆殼街的冰室以粉紅色為主調，門面出眾迎合少女心，裝修營造一種自然愜意的環境，乾淨企理食物選擇多，價錢親民，店員熱情介紹熱門菜式皇牌咖喱系列香濃咖喱雞扒飯的肉扒又厚又多汁，咖喱惹味常餐檳城喇沙湯米線內有肥牛、大蝦、烚蛋、芽菜及豆卜，食材豐富套餐奉送熱飲，加$8可轉特飲！草根名物凍檸檬咖啡為咖啡愛好者夏天的首選飲品茶餐廳必點飲品凍檸檬可樂，可樂喝法天花板

👨🏻‍🍳紅葉冰室 (北角)📍北角蜆殼街9-23號秀明中心地下C1號舖 「大癲‼️真世一、超高性價比、深藏不露北角冰室」 吾系浮誇的🤣真心想比呢個標題🙈🫶🏻 同朋友系北角cafe chill完，見到呢間紅葉冰室，原本以為系之前食過既❌紅茶冰室定❌紅葉茶屋🤣🙈🙈原來都吾系🙈人地得一間系北角🙈 一入到去，老闆娘勁親切🙈我地問佢有咩推介🤣最後跟老闆娘發辦🤣 👍🏻🍽️芝士焗茄牛柳粒飯鋪滿整層芝士，第一啖一試難忘🥲平時食既鮮茄焗飯，吾會有一口飽滿茄膏既口感，呢個食到🥲好豐富既口感老闆娘話系用大大粒肉茄整成既醬🙈芝士、茄醬、飯、牛柳粒，每一啖都「哇」一聲🙈🙈牛柳粒好腍，一D都吾老🥲真系大癲🥲🥲 👍🏻🍽️喇沙湯米線 (常餐)平時麻麻地喇沙，因為好多都偏淡吾夠味。呢個，又突破左🙈🙈超濃湯底，辣得黎吾算太辣，反而越食越香！！豆卜索哂D湯🤤好惹味👍🏻超多牛肉🙈🙈🙈蝦大大粒，好爽口🤤 👍🏻🍽️凍檸利賓納老闆娘話堅持新鮮檸檬、每杯4大塊🤣🤣利賓納加檸檬，甜度岩岩好🤤好fresh🤤 👍🏻🍽️奶茶紅豆冰呢個又系大癲🥲🥲‼️老闆娘話用機慢慢煲出黎，用茶王。點解話佢癲🙈之前飲過奶茶紅豆冰，好甜的🤣奶茶甜紅豆冰甜，小編平時飲開珍珠奶

🔹️經過炮台山發現一間以粉紅色裝修的 “紅葉冰室” 吸引了我去試試🤔冰室內全以粉紅色佈置😍感覺柔和舒服, 整潔衛生👍🔹️食物有多種款式🍽價錢親民💰店員親切友善, 細心極緻👩‍💼👩‍💼 @紅葉冰室🔸️下午茶2人拼盤1️⃣ 芝士肉醬薯條🍟熱辣辣脆炸薯條, 配芝土肉醬好特別, 味道鹹鹹香香好Juicy, 無得彈呀👍2️⃣ 脆炸雞翼🐔雞翼皮層香脆, 肉質嫩滑😋3️⃣ 一口西多士🥞多士色澤金黃, 塗上牛油和煉奶, 味道甜而不漏🤤4️⃣ 雪糕紅豆冰🫘🧋配下午茶當然唔少得一杯懷舊紅豆冰啦🫘充滿椰香😆🔸️蒲燒鰻魚滑蛋飯🍛以原條日本鰻魚, 十分肥美, 肉質軟綿綿配上香濃鰻魚汁Yummy, 牛奶炒蛋十分香滑, 好開胃😋大讚呀☺️🔸️咖啡☕️以即磨咖啡 ~ 香濃咖啡味🤤🔸️紅茶 濃濃茶香 ~ 味道甘醇👍