紅葉冰室

營業中

休息中

今日同朋友去北角行街，接近中午時分有啲肚餓，見到呢一對開咗間新嘅茶餐廳，價錢都係50幾蚊左右，非常實惠，就一於入去試吓~呢間茶餐廳主打咖喱、焗飯丶滑蛋系列，仲有常餐三文治等等 非常多選擇！因為疫情關係，所以我哋都係外賣拎走，但係見到佢整得咁靚，忍唔住都影吓相😛叉燒滑蛋飯滑蛋炒得好香 又滑 义燒係半肥瘦 再配上甜豉油同埋飯味十足嘅米飯🍚，非常好吃😋！芝士焗茄牛柳粒新鮮熱辣拎出嚟，芝士非常多，鍾意拉絲嘅朋友不要錯過！茄汁底配上炒飯，誠意十足！ 牛柳粒好香，份量又多～正！常餐－牛柳粒茄通配上黑松露炒蛋，再加多士欣賞佢係將湯底同通粉分開，所以就算返到去都唔會淋哂，蕃茄湯底濃郁，配上煎得啱啱好嘅牛柳粒勁好食！ 黑松露炒蛋就好香，每一啖都係滿足～老闆娘超級好人又易傾偈，全程招呼十足，下次一定要再試吓其他食物！

之前有一段時間，經常會過嚟炮台山搵食，不過自從第 5 波疫情爆發後，近排都減少咗出街，盡量留家自煮。早前聽朋友講，蜆殼街新開咗間以粉紅色為主調嘅冰室，食物水準唔錯，質素高又好味，所以趁今日要嚟炮台山辦點事，就順便過嚟試下。餐牌以飯同意粉為主，另外亦有全日早餐、常餐、特餐、茶餐、三文治、菠蘿包、多士及飲品等供應，選擇好豐富。蒲燒鰻魚滑蛋飯 ($70)：條鰻魚燒得好香口，既油潤又肥美，入口外脆內嫩，而且份量亦不少，用上原條鰻魚炮製，非常厚身，配埋面頭微甜嘅醬汁同嫩滑嘅炒蛋一齊食，非常滋味。另外呢個蔥油雞扒餐肉太陽蛋飯 ($59) 賣相亦非常吸引，雞扒煎至兩面金黃，入口皮脆肉嫩；餐肉有厚度，邊位夠脆，肉質軟腍，配上清香嘅蔥油同完美流心嘅太陽蛋，真係無得輸，送飯一流！平時去快餐店都好鍾意點焗豬扒飯食，呢度嘅芝士焗鮮茄豬扒飯 ($62) 亦做得非常出色。豬扒調味得宜，厚切有口感；飯底粒粒分明有香氣。配料平衡豐富，有番茄、蘑菇、洋蔥、蛋絲等；醬汁濃度亦剛好，入口酸甜適中，用嚟拌飯不錯。食完再嘆番杯香滑嘅熱奶茶 (跟餐+$3) 大滿足！

行過咁啱見到呢度有間新開嘅餐廳粉紅色裝潢，但係係茶餐廳嚟，比人一種新鮮感覺見到餐廳環境幾乾淨，就入去買幾個外賣，準備拎返屋企開餐，設有幾個餐係外賣餐🥡平時好少介紹茶餐廳，但係因為呢間餐廳好有心，冇諗過外賣都咁靚仔，所以記錄一下🔹蟹柳豬頸肉湯稻庭烏冬 $53好鐘意佢個湯底好夠味，有啲豬骨湯底咁，而且餸麵分開放，豬頸肉、蟹柳唔會過淋，仲有啲粟米粒做點綴～🔹咖哩豬扒伴法蘭克福腸配飯 $56條腸仔超大條，要打斜放，仲有塊大豬扒塊豬扒金黃香脆，咖哩汁香濃🔹芝士焗蕃茄海鮮意粉 $58個樣都好靚仔，芝士量都比較多蕃茄味濃而且汁夠，唔會食到最後冇汁送意粉🔹黑松露滑蛋菠蘿包 $26一上枱呢樣係最吸引我嘅，因為松露味已經飄緊過嚟菠蘿包返到屋企焗一焗，脆卜卜，咬落去又脆又軟，好食😋

公司附近有間新冰室，食過一次真心好鬼正🤣茶記價錢同野食好吸引😱😅.下午茶偷懶時間幾條友去食tea，下午茶由$30起，有15款食物選擇，跟餐包熱飲，凍飲加$3。今日主要想講既係佢個全日早餐，大份到🤣🤣🤣.🍴全日早餐$58紐西蘭牛扒配法蘭克福腸，牛油粟米，鮮奶炒滑蛋，薯餅，雜菜沙律🥗，每樣都有啲既ADB真係好滿足，牛扒真心正，大件又淋身，食完個餐，大半日都唔使食其他野😅.🍴 吉列魚柳配薯條$36 (tea)下午茶大份量既魚柳配薯條、兩大件魚柳，炸得唔會過火，岩岩好，配茶記粗薯，正常發揮。.🍴香煎豬扒蕃茄湯通粉$36(tea)蕃茄湯幾夠濃味，滿滿茄膏蓉，豬扒自動分碟上，原件自己切。.🍴香濃咖喱吉列豬扒飯$60 呢度仲有個招牌咖喱都正，椰香味十足，但就唔係無咩辣，吉列豬扒好痴線地大舊，差唔多成兩罐可樂咁大，炸野真心👍🏻.呢間冰室選擇唔多，但勝在集中同份量多，好抵食。

同幾位同事一行4人去食lunch 發現了這間粉紅色系簡潔浪漫的冰室！冰室裝修幾靚好似間Cafe咁～ 坐得幾舒服！仲要好多卡座～ 我地4個人座一個卡座真係啱啱好！有私人空間之餘仲同陌生食客保持到安全既距離！我地叫左蔥油炸雞髀太陽蛋飯，牛柳粒通粉配黑松露炒蛋+多士，芝士焗牛柳粒意粉同埋忌廉海鮮飯～ 蔥油炸雞髀太陽蛋飯真係勁大件炸雞髀！大到好似塊臉咁大！個炸雞髀仲要炸到外脆內滑！加埋蔥油同太陽蛋一齊食口感豐富！牛柳粒蕃茄通粉既牛柳真係非常足料！大大件！蕃茄通粉都好濃好好味，真係忍唔住要飲曬！黑松露炒蛋好香濃既黑松露味～ 開埋牛油多士一齊食好正呀！芝士焗牛柳粒意粉都好好味架～ 個茄汁好正好似屋企食咁正！芝士都好好味😋！牛柳粒大大粒好正！超級足料！忌廉海鮮飯都好足料好好味呀！濃濃既廉汁真心好正！

自從新一波疫情爆發之後， 已甚少在外用膳。 不過，最近因為友人聚會，所以再次出動。今次遷就友人，去了北角區揾食。這間餐廳雖然位處橫街，仍在試業階段，但已有不少食客光顧。餐廳佔地不算大，但地方光猛，感覺不侷促。 餐牌的選擇也算豐富， 種類全面， 而且分類清晰，一眼便找到想吃想喝的食物和飲品。大家都眼闊肚窄， 但又想多試一點，商量過後，決定點幾個餐一齊分享。蒲燒鰻魚滑蛋飯（$70）原條鰻魚的確十分吸睛，加上大塊滑蛋，吸引力十足。肉眼牛扒滑蛋飯（$62）肉眼扒雖然不是很厚，但卻很大塊，而且肉質腍滑、牛味不錯。檳城喇沙湯米線（$53）（常餐）喇沙香味十足，味道香濃，材料有雞蛋牛肉片和豆卜。如果味道再辣一點就很完美。咖映一口西多士（$30）（下午茶餐）以前在澳門吃過一口西多士，一試難忘。現在見到有供應，當然要試試。西多士即叫即炸，新鮮熱辣。 香口的西多士帶有淡淡的咖映味， 又不會太油膩，好吃！芝士焗鮮茄豬扒意粉（$42）（下午茶餐）新鮮焗起的意粉，熱度十足。豬扒頗厚，味道軟腍， 沒有雪味；蕃茄汁味道酸甜適中， 加上熔化了的芝士的香味，味道比出名的快餐店豬扒飯不遑多讓。熱奶茶….入口香滑，奶味充足