紅茶冰室 (已結業)

最近天氣不穩定還會經常下雨，我上完堂肚餓觀塘附近上完堂特別餓，又下大雨。🙄🙄🙄所以選擇了附近的紅茶冰室。之前都食過一次紅茶冰室在旺角，覺得味道不錯👍🏻，今次點返跟上次一樣的炸雞比薯條。可能每間餐廳都不一樣，今次炸雞同上次的味道有些不同，上次有少少黑胡椒的味道，今次感覺有點像黃姜的味道，不過食下去也不錯👍🏻但係今次薯條就失了水準，超級勁😡勁勁😡硬。所以我只吃了兩條薯條，有點像吃了石頭。另外還點了新菜式比較邪惡的。😭😭😭它的味道，西多士表面香脆裏面柔軟夾着芝士食半份都覺得好飽啊😘上面加咗牛油同大佑真係好邪惡😈😈😈😈😈間唔中食下都可以。

《觀塘區冰室》呢間冰室長期都好多人排隊，特別係午飯時間，晚市反而無咁多人，即管去試下。—————————————————————見到餐牌有個吧KING推介🤔就揀左#KING餐💰50，有酸辣肥牛湯米米粉/公仔麵兩款麵揀。個湯底陣味係泰國個種酸辣，味道比較酸，同我諗平時食開米線既酸辣有啲出入🤭肥牛都係普通，份量唔算少既，另外，仲配埋炒滑蛋同香脆丹麥多士👍蛋食落唔滑，有啲散既感覺。唯一最特別應該係塊丹麥多士，搽滿牛油，食落都幾鬆脆😋另外加$3有杯冰凍奶茶，其實茶記既奶茶係好飲啲，呢杯算正常。總捨而言，下次都係食番#早餐/#常餐會好食啲。🍚: natalietongym 👉🏻#跟住皇后去觀塘

近年冰室一間接一間的開設，部分都以懷舊情懷，勾引集體回憶。茶餐、䥫板扒餐，在冰室都能吃到。常餐是冰室或茶餐廳一般午、下午茶、晚餐都能選擇和吃到的，亦能顯出其是否名副其實。而每間店的常餐都有一些特色的材料配搭。此處用的是香酥丹麥多士，多士以丹麥酥的做法做成，塗上牛油一起烘香、牛油滲入多士內，除有香脆，亦比一般烘麵包多咗一層層的酥化口感。再配上嫰滑炒蛋，是炒到流心狀的滑蛋，加在飽上吃，口感更豐富。金寶豬扒湯通粉，豬扒醃得入味，肉質鬆化。湯味相當濃，配淡囗通粉又幾夾。

呢間餐廳經過都見到好多人排係出面，之後聽朋友講開先知原來呢間野叫紅茶好出名咁，所以就去試試，我下午茶去叫左芝士蛋魚柳包配薯皇，佢個包唔係平時出面見個種包，第一次見又幾特別，佢上個陣冇合埋個包，可能想show個令令炒蛋出黎😂,望落有d細份但食落又好多料幾飽下，可能仲有薯皇配就飽d，埋單38都幾抵食但男人食就未必夠飽喇

今日又過黎觀塘本身想食紅茶既早餐但遲左起身 黎到已經12點唯有嗌lunch啦(落完單先知原來仲有得嗌常餐😭孤陋寡聞唔知道tim🥺)我叫左牛扒飯 朋友叫左雞扒飯雞扒飯好食d😭起碼皮脆肉嫩牛扒有兩塊 但都有筋🤔🤔同埋食落冇乜口感話說以前喺CU咁樣一個頹飯好似都係廿蚊😂熱奶茶一般啦唔係好突出下次要試下佢個常餐先好想食丹麥多士😭

經常聽到有人講呢間茶餐廳人氣好高，價錢貼地食物質素有驚喜，住觀塘既我已經想試好耐了。香辣炒貴刁個調味應該同星洲炒米係一樣，但就唔係米粉係河粉。炒得好香有鑊氣，足料大碟，唔係餐但+3蚊都有野飲，正👍🏻我見隔離枱叫既食物都好大份賣相又好吸引，好多我都想試。總結我覺得性價比高，選擇多質素又有，服務有效率，茶餐廳做到係好難得。而家好多茶餐廳越黎越貴但好求其服務又更加唔使講🙈PS 去既時候未到lunch時間所以唔使排隊但都已經無咩位，食完出黎已經見到好誇張既人龍，大家lunch時間盡量食快d等多d人可以食到😆

這間茶餐廳開在我公司樓下，因為在觀塘工業區，所以平日午膳時間大排長龍。食物質素正正常常，絕對無伏，上餐時間也是奇快。門口小弟工作效率極高，安排客人入座如玩俄羅斯方塊，幾人併幾桌，如魚得水。可惜，餐廳裏面的是阿姐態度奇差，呼呼喝喝。我們十幾人去吃飯，點餐時候戰戰兢兢，說錯一句話，語速慢一點，都會惹阿姐暴怒。跟澳牛可以比拼。不過這家餐廳營業時間直到深夜，是所有要超時工作的上班族的最愛。同事經常訂宵夜，因爲要在公司工作至夜深。有一次我工作至凌晨三時，是連續一星期唷，星期六日也得工作唷。不管你信不信，觀塘工業區就是充滿了這種賤民。。。

係觀塘返工嘅好處係附近有好多食肆俾你揀，早餐午餐都有樂多選擇。今次早餐就去咗紅茶冰室。呢間紅茶日日lunch time 都坐爆人，仲要有五六十人係出面等緊位，每次行經過見到咁多人排就會自動放棄。難得早餐可以直入，就立即試下佢。叫咗份早餐B（沙爹牛麵+炒蛋多士+凍檸茶 $33 +3）唔駛5分鐘啲嘢食已經送哂上來，好有效率👍🏻雖然件多士就有少少燶，不過個炒蛋炒得好滑，食落去就係口入面溶化😋😋😋沙爹牛麵就唔太重沙爹，不過麵質就煮得剛剛好。如果以$36呢個價錢俾我揀大定樂早餐定紅茶，我一定會推介紅茶😋

係觀塘返工，lunch一定最常係食紅茶！唔好見到甘多人排隊，但其實每次都係等15-20分中左右。我覺得最好食一定係佢既咖哩、同凍朱古力！凍朱古力好飲過星c克既朱古力！甘細食既我永遠都食得哂紅茶既午餐，因為真係好食

今日喺觀塘睇完醫生搵朋友喺附近食飯，觀塘食肆多，不過我比呢間餐廳吸引到，外面望入去都見到好多客人。門口有職員帶位，餐廳嘅格局係連鎖式較高檔茶餐廳，座位比較舒服，坐睇睇餐牌，好多選擇，咩類型嘅食物都有，小食，新鮮飽餅，扒類，烤焗食物，粉麵，連甜品都有。我哋三個每人叫咗唔同類型嘅食物試，每款都唔錯。餐廳人手足，價錢合理，食物款式種類多，地方唔會太侷促，旺係有原因。原來想試蛋撻，職員話賣晒，所以揀咗招牌芝士撻，不過原來好快又會出爐。芝士撻流心效果一般，味道唔錯，幾軟滑，暖暖哋一啲都唔漏。招牌芝士流心西多士，牛油放喺煉奶上面所以溶唔到，無流心不過食得出芝士，唔錯。菜遠脆脆魚柳炒河，魚柳都幾多，河粉無咩味。焗芝士牛脷意粉，有3大塊牛脷，厚薄適中，唔會韌，幾好。芝士炒蛋魚柳包伴薯皇，魚柳炸得有少少乾，炒蛋好滑，薯皇炸得未夠熟。經典紅豆冰，好多紅豆，好足料，好味。

Waited for a while to be seated but it was well worth waiting for. Ordered a egg and spam sandwich, peanut butter toast with a milk tea. Service was friendly and the food came within 5 minutes. The spam sandwich was well seasoned and the ratio between egg, spam and toasted bread was perfect. One of the best in HK I think. The peanut butter toast was also well done and not too filling either. All washed down with classic milk tea which was ok.

平時反工放飯時間去到，都一定排長龍，搞到成日經過都食唔到。今日見公司唔太多野做，專登約埋成班同事早啲去到排隊食飯，可能因為太早嘅關係，我未太肚餓就叫咗個常餐，點知常餐份量都好足料，炒蛋好香滑，係唔肚餓嘅情況下都食晒成份。我見其他同事叫其他午餐都好足料，咖哩香濃好味，扒餐賣相又唔會令人覺得自己食緊好頹嘅碟頭飯咁，抵佢咁多人就算見到排長龍都要來等食午餐。見佢平時早餐都好多人排隊買麵包，等我之後都試試先。

下午茶時段，不用等位，但都好多人有的hea，有傾保險，食物唔算好平。點了雪葩窩夫及邪惡芝士流心西多窩夫香脆，配上雪糕、水果，cream及餅碎，大分夾！西多真的好邪惡，中間是溶溶地的芝士，配上甜牛奶及牛油，入面咸咸地，牛奶甜甜的，幾特別👍🏻不過真的好邪惡，不宜經常食

呢間餐廳係觀塘開咗一年以上，每日中午時段都仍然要大排長龍，不冇道理。 食過好多次，今日第一次食晚市。裝修好新淨，成個場非常之大。 所以午市即使大排長龍都好快入到場。睇完餐牌就知道點解依間野可以咁受歡迎。除咗有晚市套餐之外，Menu上面所有野食只要加3蚊就有野飲，選擇非常之多，有別於一般冰室，難怪開咗咁耐都大受歡迎。叫咗一個咖哩豬扒焗飯，同常餐 配冬陰公米。 豬扒焗飯竟然有炒底，非常之有誠意。 好難得可以有冬陰公食之餘，仲要味道都好惹，難得！ 茶餐配熱鮮奶都係加3蚊，一般餐廳應該唔得。有誠意加好食既餐廳，最緊要係茶餐廳既價錢，難怪咁受歡迎。

彌敦道信和那一段街 ，應該起碼有20年甚至乎是從來沒有餐廳在 街舖位置開食肆 ，紅茶 有膽量於此地段開叉的餐廳 ，膽量值得嘉許 。鋪面有新鮮出爐麵包西餅 ，這個才是傳統茶餐廳應有的產品 。鋪面裝潢 懷舊風得來有特色， 枱與枱之間的間距合理坐得舒服 枱面與大髀之間的空間 亦足夠 ，價錢大眾化。紅豆冰值得一讚 size巨型 ，紅豆有趙頭 ，配合鮮奶而並非過於濃味的椰漿， 這才是傳統茶餐廳 的紅豆冰 亦是我們的童年回憶! 常餐的豬扒通粉 ，豬扒夠厚而炒蛋西多所選用的麵包亦不是普通的白麵包 ，使用了高筋麵粉令麵包有層次感。