紅茶冰室 (已結業)

平時反工放飯時間去到，都一定排長龍，搞到成日經過都食唔到。今日見公司唔太多野做，專登約埋成班同事早啲去到排隊食飯，可能因為太早嘅關係，我未太肚餓就叫咗個常餐，點知常餐份量都好足料，炒蛋好香滑，係唔肚餓嘅情況下都食晒成份。我見其他同事叫其他午餐都好足料，咖哩香濃好味，扒餐賣相又唔會令人覺得自己食緊好頹嘅碟頭飯咁，抵佢咁多人就算見到排長龍都要來等食午餐。見佢平時早餐都好多人排隊買麵包，等我之後都試試先。