紅茶冰室 (已結業)

今日又黎左觀塘，同朋友食咗佢好推薦嘅觀塘冰室 - 紅茶冰室。紅茶冰室長期排隊，我哋十二點鐘到都要排差唔多十分鐘先有得入。 KING餐 (香草豬肉腸芝士撈麵 配 香滑炒蛋+丹麥多士)落單後，炒蛋多士會先上。炒蛋配得上佢個名: 香滑，而且蛋味濃。多士就中間鬆軟，側邊好脆。而且黎到的時候已經搽咗牛油，食落好香口。芝士麵食得出應該係韓國嗰隻芝士麵，麵身好彈，芝士味帶微辣食落唔會溜，怕辣嘅我嚟講，食到尾都幾辣下。另外豬肉腸係德國腸，稍微有啲鹹，但口感唔錯。招牌冰火脆皮菠蘿包 ($10)冰火菠蘿包係菠蘿包，再加多塊用冰水浸住既牛油。浸住上令牛油融得冇咁快。菠蘿包好鬆軟，菠蘿皮好脆，加埋牛油簡直係prefect match。呢個波蘿油10蚊黎講抵食又好味，朝早買黎做早餐都唔錯。

終於有人陪我去排隊食呢間每次都好長龍既紅茶冰室，一直都好好奇點解每日到中午時段都會有幾十人排，今日一探究竟！揀左呢個夏威夷烤豬扒配飯，飲熱檸水，埋單$50。說實在的，眾多餐點中揀左呢個一啲都冇後悔，一上檯俾佢又多肉又多菜嚇到。汁煮得少酸少甜幾好味，豬扒肉質都適中，唔會硬同韌。略嫌唔夠多汁，撈飯唔夠食！另外白飯都係煮得幾好冇太熟。呢個價錢絕對抵食，不過就唔好期望會有優質服務😂，快黎快去光速餐有呢個質素係值既。

日日中午都見到佢大排長龍，搵左日去試下呢間既下午茶，終於唔駛等位，其實入面都好多位好闊落，一入到去，waiter 就會即招待你。兩個人叫左3樣tea set。因為好肚俄，哈吉列豬扒烏冬，豬扒都炸得好脆，烏冬就正正常常。芝士流心西多士，勁邪惡，一切開出黎，d 芝士湧出來，勁澎湃!炸雞脾薯王，中意食炸物既我認為合格，炸脾最緊要唔好烤得太乾身，佢做得到，薯王都係正路野。茶餐價錢都算唔錯呀，選擇都好鬼多下，下次再來試其他tea set先。

去過2次，第一次叫伙記落單，態度差，又板臉，反眼。第二次去落單慢一點，的，伙記好似想趕人走咁，食物食唔哂要打包，伙記的臉黑到冇朋友，叫個個都唔啋！是看著多人排隊自傲嗎，影衰香港。

下班去觀塘來這家茶餐廳，種類真的超級超級多，西多士，湯粉味道都不錯，可是薯角怪怪的，好像炸了两遍，不太好，饮料便宜，味道还可以吧，外带了饼干🍪味道一般般，太硬了，不太喜欢

喺觀塘呢個位，相信好多返工朋友都當左呢度係飯堂，我就附近放工專登走去食下午茶，呢個時間唔使排隊直入坐低，地方好大好多位樓底又夠高，係坐得舒服的茶餐廳。下午茶選擇唔係好多，不過我食幾次都係食同個餐，因為真係好好食🙈，攪到無機會試其他野。就係呢個下午茶E餐的包，37蚊跟side dish 同熱飲。包加左牛油烘得好香，外脆內軟，餡料好充足，炒蛋可以做到半熟但係又唔會散修修，一叉叉落去落刀可以切到切口好靚，一來把刀夠利，二來係因爲野食唔係hae pat 上去，明顯係有心機擺好，令客人享用食物嘅時候唔會跌哂啲嘢出嚟。味道方面亦都無可挑剔，芝士蛋蕃茄炸魚柳，加埋好好食，我覺得呢個比邪惡流心西多士更加值得試。

啱啱同日本的同事喺觀塘見完客行下，經過駿業街有一間叫紅茶的茶餐廳。見到餐廳嘅招牌同埋菜牌都十分吸引，因為晚上仲要繼續返寫字樓加班的關係，所以決定喺度醫下肚先再繼續搏殺。入到餐廳侍應馬上過嚟招待我們，雖然未到晚飯時間，但估唔到係餐廳食嘢嘅人都幾多。餐廳環境有別於一般嘅茶餐廳感覺有啲似冰室所以都坐得幾舒服。一坐低我哋就馬上打開餐牌再問侍應有咩好介紹，佢推薦我哋可以試下餐廳出名的焗咖喱牛脷飯。於是我哋兩個一齊叫咗咖喱牛脷飯，佢係焗飯所以等左大約10分鐘侍應就拎咗碟飯過嚟。一上枱就比佢好香濃咖喱味吸引住外表賣相都十分好。本身已經肚餓所以都忍唔住馬上要試吓個咖喱飯。一放到咀邊已經完全感受到濃郁嘅咖喱椰香味，咖喱唔會太辣我日本同事本身都唔食得辣但佢都完全食到仲話好好味。牛脷又夠爽口又厚身十分彈牙，好有口感。而且仲有四片咁多真係大件夾抵食價錢先係$55加埋杯熱檸水真係滋味無窮，連我日本同事都讚不絕口話好好食只係單單呢個咖喱牛脷飯已經可以喺日本令人排隊大賣佢話，下次都一定要繼續再黎！！

由一開張就幫襯, 早餐質素唔錯, 尤其全日早餐中的黑松露炒蛋, 德國腸, $50set都好抵。但現在決定永遠不再去。開張時的服務態度不錯, 但不知係咪而家難請人, 請埋d態度差的侍應, 只此一位, 其他的都好好. 當你叫她落餐時, 口黑面黑唔想做, 其實我當下都想走, 但見老公想食, 咁留低啦, 向餐廳經理投訴完仲差. 所以決定唔會再去. 

今日去紅茶。未知朋友到未。行左一圈搵下。知道佢地未到。行到最入有位。諗住坐底先。點知有個侍應見到截住我。問我幾位。我話3位。佢就帶左我返出去最出。有張6人台要搭台。我話唔想搭台。佢就話:「唔想搭台出去等啦!」心諗入面明明有位都要等。再入去問。佢話:「齊人先入得呀!」我未見過茶餐廳要齊人先入得。仲要侍應態度超差!!!未食已經一肚氣😤😤食物到左。又唔係特別好食。價錢又唔係平。個個侍都好似殺左佢全家甘。問下邊杯野飲打邊杯。都黑面甘答。趕客唔想做生意甘

平日去咗觀塘搵個朋友食晏🤗經佢介紹發現左呢間紅茶冰室，一去到真係嚇一下超級多人排隊😂系未諗到食邊一間之際就排住隊先啦！點知原來2位黎到都唔係等好耐就到我地啦😘lucky選擇都幾多有焗飯，有扒有麵，乜都有🙂而最後都係決定揀咗常餐平時就最唔鍾意食常餐當中普通嘅多士😂而呢間特別之處就係佢哋用咗丹麥多士，比普通多士更有牛油香😍而且酥皮軟熟，成個ko無問題！炒蛋雖然吾重牛油同奶香，但系夠嫩滑😊金寶豬扒配通粉湯底系金寶湯，但唔會太鹹，豬扒質素參次，我個塊就普通簿片😂肉質都腍軟，煎得尚可！觀塘區嘅白領一族如果一兩個人食嘅都真系可以考慮下食呢間，選擇多，加上個丹麥麵包無得輸😂

裝修好吸睛，食物相片亦很引人垂涎。今次是第二次食。上次飯後感覺是沒有甚麼特別，就是填飽了個肚。今次再食，更肯定了，又是一間流水作業的冰室而已。魚湯海鮮泡飯應改名鹹魚海鮮湯泡飯，只有鹽鹹味道，嚐不到任何鮮味。馬來咖哩腩肉筋飯更加流水作業，冇乜特色。去大家*食，起碼唔使五十幾蚊碟，仲會包杯飲品。晚飯套餐$68反而好一點。雖然雜菜湯又係好鹹，但塊港式豬扒唔韌，算有咬口，最驚喜係個片焦糖蘋果，算有heart之作 即時將個晚餐升格。整體來說，來這裏食，先求填飽肚，之後才求驚喜，咁一定ok.

昨日下午去觀塘中海日升中心做物理治療，因跑步傷腳，差唔多隔日做治療。昨天做完物理治療，落到樓下有些肚餓，刚巧見到红茶餐廳，於是入內叫左個下午茶餐，菠蘿油及奶茶。但估唔到個菠蘿包及奶茶令人好失望，奶茶唔夠滑，菠蘿包包皮唔趣，好失望的下午餐茶。

去一次，就激氣一次，伙计态度勁差（食完一肚火）價钱又唔系特别平，食物質素份量也下降，成日要人系門口排隊（明明里面大把位），要齊嗮人先安排入座（分明自己造势）... 😤😤😤😡😡😡

個日夜晚係觀塘收左工就約朋友係附近食飯朋友話呢間紅茶冰室好出名所以就去試下因為我係遲少少先到 佢地已經攞左位我到個時見到係門口都有唔少人係到等位佢地話呢間餐廳出名焗飯同常餐特餐我又唔想食飯就叫左個特餐試下特餐會有蛋 多士 同豬排麵（冇影到）多士唔錯 好脆 同埋好香牛油味奄列就正正常常啦至於個豬排麵 啲豬排幾林算係厚切 但係我就唔覺得非常好食只係average啦朋友叫左個鰻魚炒飯我試左啖係好中式既鰻魚炒飯 什至有少少揚州炒飯feel飯粒炒得算分明睇落好咸 但實際中等冇話特別好食另外個朋友叫左個油雞飯我第一下好奇怪點解冰室會有燒味飯定係一直有我唔知？睇落係好普通既油雞飯朋友話啲雞好滑但個飯就有啲多整體黎講 如果係以冰室既質素 佢唔係好高質算中等啦 平時食下lunch dinner都會食但就唔會特登約黎呢到食啦

今日有時間就嚟咗呢度食個下午茶叫咗個芝士炒蛋魚柳包伴薯皇 要$37下午茶來講我覺得佢算比較貴因為平時喺其他茶餐廳食下午茶炒粉麵都係唔使$30但總括來講味道都算OK可以一試嘅