紅茶冰室

營業中

休息中

油麻地早餐之日常3點解同樣係茶記，有啲會愈做愈頹，有啲就愈開愈多分店？好明顯嘢食嘅質素決定一切。「紅茶」分店愈開愈多，食物嘅質素以茶記來講，大部份食物都唔錯，起碼次次去食嘅味道都唔會特別參差。早餐 沙嗲牛肉麵，炒蛋丹麥多士，凍咖啡$38榨菜肉絲米，炒蛋丹麥多士，熱檸水$35每次我朝頭早經過油麻地依間分店，都有人排緊隊喺出邊。坐喺到舖頭入面嘅用餐嘅時間其實都係2,30分鐘。比澳牛多10分鐘咁大把🤷‍♂️依度最出色嘅係個沙嗲牛麵嘅汁，炒蛋丹麥多士，凍咖啡。沙嗲牛肉入面嘅牛肉，真心唔好食，乸到爛晒嘅肉，食完都唔知食咗啲乜。不過講真，30幾蚊嘅牛肉你都要預咗唔方好得去邊，所以我次次都會食淨。除咗依樣之外，其餘樣樣嘢嘅質素都係中上水平。面正常，唔會太淋。炒蛋煮到好有蛋味，好嫩，比起牛奶公司冇咁鹹，拌埋落件丹麥多士度一齊，味道好夾。杯凍咖啡我叫走甜，好飲，奶奶地。$38嘅價錢，以茶餐廳嘅質素，冇得輸。喺香港食茶記嘅早餐，唔想諗咁多，去「紅茶」都唔會衰得去邊。「紅茶」分店愈開愈多真係有佢嘅原因。至於點解屯門良景間「祥景」永遠都離唔開良景邨，就算開咗分店都要執笠。遲吓我再開post講吓「祥景」有幾差，點

一入到去個位已經係俾個冷氣機位吹住. 坐佐一陣覺得勁凍同侍應講可唔可以較一較個冷氣機位吹住侍應回一句咁多人. 然後走佐一路食早餐一路吹住個頭就黎吹到頭暈咁埋單俾錢又勁無禮貌.從味食過一間餐廳咁無禮貌

我由紅茶冰室得一間舖喺佐敦內街嗰陣，已經開始食，嗰陣啲職員態度唔錯，但而家佢啲職員越來越巴之閉，態度勁差之餘，自己錯咗又唔道歉。話說我埋單用we chat pay俾錢，我個app明明寫住支付成功，我出咗門口行咗兩步，有一個戴眼鏡、電咗髮嘅中年女職員追出嚟話我未俾錢，我光明正大又唔係呃佢，咪行返入去同佢對質，我show埋俾佢睇我手機寫住支付成功，但佢keep住話佢部手提機(專收Alipay、we chat pay嗰部機)冇顯示收到錢，仲要態度勁差，好似我呃飮呃食咁，於是我話你部機嘅網絡有問題關我咩事，佢就好似錄音機咁重複又重複話冇收到錢。喺大家僵持緊之際，佢撳撳下部機，突然又話收到錢，我懷疑係佢唔識refresh部機，所以睇唔到最新交易紀錄。佢好明顯知衰啦，因為本身佢聲大大巴之閉，即刻變咗尷尬細聲，但完全冇講過唔好意思或抱歉。其實紅茶服務變差唔係第一日嘅事，但而家旺角信和店、油麻地店嗰班阿姐真係越來越差，成日呼呼喝喝，明明我係嚟俾錢消費但仲要受氣。如果老闆得閒有睇下呢度啲食評，我真係建議你整頓一下呢兩間分店嘅女職員，因為真係每一個女職員嘅態度都係咁差，反而男職員仲會客客氣氣。我知你哋紅茶

服務態度極差！服務員強逼我坐指定某位置，但我不想坐，選擇另一位置（我選嘅位置唔係個人坐四人枱，同佢哋指定要我坐嘅一樣，都係2人座位），然後兩位尊貴嘅女侍應相當緊張及態度惡劣地叫本人坐回她指定嘅地方（神手像老師叫學生去某位置一樣指著），我問：我入來消費，我沒自由選擇位置？奇妙嘅侍應神回：無架！_你，坐監都可以攞完碟飯之後揀位啦！我俾錢消費仲要俾你咁嘅態度回我話我入到嚟係無自由？我即時離開並在離開前問收銀老闆在那裡？她一面玩手機一面說老闆不在。然後望著話呢度無自由嘅同事，繼續無視、 輕佻態度。敬請負責人正視。

門口帶位員工(無戴眼鏡，紮馬尾的)語氣，態度十分之差，直頭係幫老闆趕客咁款！ ！ 😡 無禮貌，又串，嚴重影響用餐心情 👎🏻👎🏻👎🏻！事原我返工前諗住同老婆食個快早餐，我需要去銀行入票機入張票(就喺餐廳附近)，咁咪叫老婆去坐定位，叫定嘢食，我一到就可以食，之後趕返工。佢問我老婆幾位，我老婆答兩位。佢問人齊未，老婆話未。之後佢就趕我老婆出門口等，我老婆話依家可以叫嘢㗎喇，帶位員工就語氣態度勁差咁同佢講妳叫十個餐都要等人齊㗎喇！ 我明可能餐廳規矩係要人齊入坐，但洗唔洗語氣態度咁差咁講一句廢話？！趕時間唔轉地方，食完俾錢，用手機支付方式，要等佢load,個收銀員勁唔耐煩，掉單。仲有係呢間嘢無投訴機制，搵經理就話帶位嗰個就係經理，打去其他分店問，都無可以反映嘅方法！跟住嚟Openrice睇先發現原來呢度啲員工服務態度差係出哂名，由其是門口帶位嗰個！

美好的星期六，當然要嘆番個常餐做一日早晨美好開始，朋友大推「紅茶冰室」，果然真係大排長龍，等候良久，終於入場，當日滿座爆場。醒神早餐🍴供應時間由早上07:00至11:30招牌沙嗲牛麵+配嫩滑炒蛋+鮮油厚多士：沙嗲牛醬汁深色非常入味，牛肉好有咬口而且無筋，份量都算多。麵質是剛煮好，帶韌性，而不是浸湯而過焾個款，多士超厚重充滿牛油🧈香氣，溶入曬落多士到，麵包口感鬆軟，好味。雖然話係滑蛋，但個人黎講認為有點過老，美中不足， 牛奶🥛味不重同埋吾夠動濕潤：另外朋友叫咗酸辣肥牛湯米粉，酸辣湯湯頭似冬陰功味，不辣但帶酸味，米粉吸曬湯汁精華， 不錯👍🏽每次有新鮮蛋撻或者麵包出爐，店員都會跟住帶嗌「新鮮蛋撻出爐」，睇來呢個係紅茶冰室嘅文化。總結：服務質素整體良好 食物水準高奶茶不錯 多卡位雅座

這是一家令人憤怒的餐廳。昨天下午約14點30分，友人和我到油麻地紅茶冰室食嘢。當時室外溫度已達34度，很炎熱，太陽很猛烈。入到室內門口，當時並沒有客人在等位。服務員給我們說，當時沒有位置，要我們在門口等。我們回她，外面很熱，可否在室內等？那女服務員即時回說不可以。我們給她說，我們出了門口就會去其他餐廳了。她即時很囂張回我們說： 那就去啦，快點去吧。這間餐廳的服務員態度實在太可恨了，她不管室外的炎熱高溫和猛烈的太陽，更不管客人們都是長者，完全沒有留住客人的意欲。我想這間餐廳對員工的培訓實在太差了。或者接待員就是老闆？ 去了一次紅茶冰室，結果是令人生氣回來。

最鐘意食茶記沙爹牛麵，今日經過紅茶，就入去試吓啦！特餐 招牌沙爹牛麵 $49配火腿奄列+鮮油厚多士（熱奶茶）一嚟見到沙爹牛，醬汁較深色的入晒味，牛肉有咬口無筋，不是有些超淋不用多咬個種，我幾鍾意這個口感❤️；湯沒有浸過麵，麵煮得剛好，不會過淋；炒蛋和火腿份量算多，熟成度剛剛好；牛油溶入曬厚多士，麵包口感超鬆軟，非常好食😋；奶茶和奶的比例恰當，幾有茶味👍🏻👍🏻整體來說，成個餐的食物水準都好平均，連杯奶茶都不錯👏🏼👏🏼👏🏼上餐又快，算多卡位，服務員態度好，非常滿意這次午餐😄

要早出門見呢間餐廳未食過就入去試下個早餐 一入到去 門口個單眼皮無戴眼鏡馬尾細粒鄉音既啊姐就勁無禮貌叫嘟安心出行我地無裝 話想寫紙仔 佢就無啦啦勁大敵意話寫啦寫啦寫完又無個盒擺 遞比佢 佢個樣勁惡又勁大力搶左我張紙 仲割到我隻手話返佢無禮貌又勁大聲話覺得自己無問題 之後仲見到有幾個客無嘟安心出行無寫紙仔都照入得去臨走唔忿氣又嘈左幾句 佢叫我打去投訴佢 佢話佢都係按章工作 明明佢態度就勁有問題又勁惡 問佢幾號電話 佢就縮一縮話 唔知野食方面好似都無乜問題 炒蛋好大份 不過食到一肚氣 都係求其質落肚無心情食果位單眼皮鄉音啊姐真係好無禮貌 唔明點解好似睇唔起唔裝安心出行既客咁 一大朝早就要受佢氣

招牌沙嗲牛肉麵配嫩滑炒蛋+香酥丹麥多士😋$35 (早餐)成日見沙牛關注組有人分享🥸而且每次經過都見到排晒大隊😆咁啱嗰陣行過條隊唔長，得三個人🤔結果排咗幾分鐘就可以入去🥸但之後枕住都見到出面條人龍排隊😅不過算係清得好快👍整體體驗都唔錯😌一個字講晒，快、靚、正😎沙牛味道好，份量又夠😇滑蛋夠嫩滑，多士好香好食😋難怪咁多人排食🤣跟餐包熱飲☕️熱咖啡都唔錯😎紅茶冰室 (油麻地)油麻地彌敦道498-500號地舖

紅茶基本上長期都係爆場，就連早餐時段都唔另外，今次試既係紅茶招牌既沙嗲牛肉公仔麵，麵一到即時候已經聞到好香既味道，而食落去都唔失我所望，非常濃厚既沙嗲味，而且D醬汁都掛滿每條公仔麵，食落非常滿足。而跟餐會配煎蛋/炒蛋 同丹麥多士，特別一提個丹麥多士都爭高質，非常好鬆軟好食。最重要係價錢同一般茶餐廳早餐價錢無異，但質素卻高好多班，必須推薦

門口啊姐唔知係咪趕客，無啦啦話要係門口等齊人先入得去，火🔥都嚟埋，上兩個星期先嚟完都無問題，我上次都係先入去叫嘢食，朋友後join。佢話公司規矩，真係唔知咩規矩，又唔係繁忙時間，點解唔可以彈性處理呢？ 何解做法不一?倘若真係公司規定即係有人疏忽啦！咁公司係咪要處理？擺明六點前嚟，都係趕住食下午茶，啊姐擺明阻住晒，我經過咁多次都唔見有人等囉，入面又有三成空枱，咁做法係咪多餘呢！問佢攞公司電話又比唔到我喎，完全無渠道反映意見，無下次！

今天早上去油麻地红茶吃早餐，入门经常给员工强制坐那张台！当时07:40人也不多，我选择坐31号台，即时有个四眼女员工跑来说要搭坐，那张是二人台，根据当天限聚令是只许二人一桌，我便说随便，那个四眼的女员工很不礼貌的和我下单牛扒炒蛋早餐41元那个。然后拿走台上汤匙拋下一把扒刀便离去！进食过程中，有一位年老的妇人拿着买菜的拖拉车入来斜对面台坐下，那四眼的女员工骂那老妇人，你的车不应放在路边，便一脚把那车踢过去！那妇人便说她什么态度？于是直接起身便离去，四眼女员工便骂道不吃拉倒，做少台！我刚刚看着，她便用不满的眼神看着我！我出去结账时，便询问收银台的女员工叫阿华，请问她红茶的总办公室电话几号？她便说不知道！反问我什么事，这反应自保是对的，我还以问对人，便询问她那四眼的女员工叫什么名字？她说是个人私穩不说！那时有一员工女性员工气急败坏的跑过大声吆喝道，吃个早餐啫要么那么麻烦！我顿时O咀！是否你们红茶那么大的餐厅吃个41元的早餐就不能提出改善的意见？因赶着上班，便付款离去，唉！今时今日大集团的餐厅还有这些员工！

今日經過門口諗住買幾個麵包，於是入去收銀處想同阿姐講要咩包之際，阿姐已經好惡咁叫出返去，叫我出去等，但門口又冇窗囗位係賣包的，咁冇禮貌同感覺佢唔休做咁，啲嘢幾好食都冇用，我都好彩未俾錢，如果唔咪貼錢買難受，會叫埋朋友們唔好去幫襯！

先評論食物， 沙爹牛肉 鹹到不得了， 只係得個鹹字 沒有香味 。 牛肉質地又差得幾片。 好似食緊 薄片鹹肉 公仔麵。 真係，飲返十杯水都中和唔到。員工方面，我同意其它食客所講。D 阿姐的 態度係其差，感覺係仲惡過你。由入去果刻已經安排你坐邊，不得隨意 選擇位置。 我明白佢哋主力客人係自由行國內客 ≈ 疫症前。 ( 以前光輝嘅時候係餐廳門口長期有條人龍 ) 但今時今日， 都冇以往咁旺，但態度 依舊。 門口帶位和收銀亞姐長期口黑面黑。 試過叫完外賣只係喺門口企一陣想放返啲錢落銀包， 阿姐已經催你要出門口等唔好阻住個門口。 今時今日甘的服務態度係唔得，作為管理層應該正視一下， 開餐廳單靠做自由行生意係唔夠的。 服務本地市民都好重要的。