紅茶冰室

營業中

休息中

今日又黎呢度食早餐，我係尖沙咀返工，專程係油麻地落車，因為我覺得呢度嘅早餐好好味，但啲服務時好時壞。我都係服務性行業，真的很難請人，茶餐廳服務沒有什麼期望的。但今日在繁忙的早餐，服務真的超好"早晨，唔該，多謝，拜拜"的說話到處聽到。我亦去過大圍的一間紅茶。兩間的早餐食物水準相同好吃，我最喜愛是火腿鮑魚通粉配煎蛋，餐包我會加3元轉丹麥多士，食極都唔會厭。雖然我唔食牛肉，但沙爹牛肉麵餐買相很好，而且配丹麥多士，怪不得差不多一半客都點這個餐

哩間誤打誤撞走咗入去食早餐同朋友一坐低就見肚餓求其叫見到「沙嗲牛肉麵」配「牛乳炒蛋」幾正就叫咗嚟到一望都覺得正路基本嘢咁，但原來都唔係！首先個公仔麵又幾好食喎，唔硬唔軟又幾好！湯底正常 沙嗲醬幾正！重點就嚟啦！ 個炒滑蛋真係出色到唔知點講！首先食到佢個牛味 再嚟滑滑地個質感再俾返個蛋味你咁。成個過程係嘩咗一聲叫出嚟 覺得超水準發揮！麵包就用哩個瑞士烘包個個方法，香牛油同埋塊包好似唔係又平又普通啲濕星嘢！又香又好食😋整體真心可以一戰再戰 一個早餐好食無幾可㗎啦

星期六既下午 呢到同附近嘅餐廳一樣多人 落雨都要排隊 終於入到去坐 叫左瑞士雞翼撈公仔麵 同豬扒通瑞士雞翼外表都好吸引 但只味道只係表面 唔夠入味 個撈麵本身都沒咩味道 都係靠啲撈汁 但食落去都有微微既雪藏味 所以呢個真係麻麻 唔會再試 到個炒滑蛋同丹麥多士 真係好好食 好食過主菜 平時既菜餐廳好少有呢隻多士食 個奶茶都唔錯奶味都茶味都岩岩好朋友既豬扒通 還好吧 如果下次來食 會試沙嗲牛

紅茶冰室早餐好好味😋次次去都係好多人！！最愛酸辣肥牛米粉～湯底係冬蔭功果隻酸辣。丹麥酥多士🍞個人鍾意走牛油🧈加埋個炒蛋。完美配搭❤️食完個早餐真係滿足曬。

間唔時都有幫襯下紅茶嘅，因為佢普遍嘅分店都keep到水準係好食嘅。今晚就2個人去左油麻地嘅分店用餐。叫左一個常餐同焗咖喱牛脷飯。常餐就一如以往正正常常，食物熱度非常夠。仲有個塊好受歡迎嘅丹麥多士，沙嗲牛味道濃麵嘅軟硬度都適中。 另一個就令我失望啦。而家已經少咗好多茶記有得食牛脷，我之前喺紅茶食過嘅咖喱牛脷真係返尋味！因為佢嘅牛脷係煎過先再拎去焗，口感夠牛味夠林同多哂厚。但!!!!!! 今次真係好失望丫!!! 咖哩汁係冇變嘅，都係焗炒飯底，但個牛脷真係薄到好可憐，係之前嘅1/2厚度。真係冇哂癮!!! 對於一個牛脷嘅fans來講真係感到失望。 希望餐廳會有所改善。

平時經過冰室門口嘅麵包櫃，見到啲麵包脆卜卜、大大個，都勁想食今日經過紅茶冰室，又見到新鮮出爐嘅麵包，個個都焗到鬆軟鬆軟咁嘅樣，真係不得了紅茶冰室新鮮出爐嘅麵包都唔少，菠蘿包、奶皇包、腸仔包、吞拿魚包、叉燒包樣樣齊，你有一款你鍾意<脆皮叉燒包$10>諗咗好耐食菠蘿包定係叉燒包好，最後諗諗吓都係唔想食咁甜，所以揀咗個叉燒包呢個叉燒包同平時嘅叉燒包唔同，因為佢係脆皮叉燒包，所以上面有墨西哥包嗰陣脆皮簡單啲來講，即係一個包滿足晒兩個願望墨西哥包嗰層脆皮依然都係咁酥脆，唔會太叉燒包內涵勁多，叉燒叉燒偏瘦，不過可以接受$10個麵包，食完之後勁滿足，好飽

【下午茶餐】芝士炒蛋魚柳包配薯皇今日下午茶時間先收工，食番過豐富下午茶先。芝士炒蛋魚柳包配薯皇 漢堡包用牛油烘過炒蛋係滑蛋黎非常大份，魚柳大大塊脆卜卜，芝士全片比你生菜亦好新鮮薯皇脆脆的好味道呀。呢度除左一般茶餐，仲有新鮮出爐面包我每朝都會買一個菠蘿紅豆包做早餐脆面菠蘿包皮，餡是滿滿甜甜的紅豆蓉。大家不妨經過買黎食下真係好好食架。📍紅茶RED TEA地址:油麻地彌敦道500號仲有好多分店架今日午餐好滿意

一般的茶餐廳/冰室，只會使用白麵包作多士，但紅茶卻用上香酥丹麥多士，咬起來，確實香酥及牛油香味，這樣的配搭，坊間餐廳鮮見。豬扒夠大件，咬起上來啖啖肉，口感滿足，通粉湯底用上金寶湯，這才是真正的茶餐廳風味。沙嗲牛肉公仔麵，沙嗲醬夠香，但牛肉略嫌偏薄，同時過火，因此有點老，沒有影響味道，但口感偏弱。奶茶香滑，用上黑白牛奶，才能冲出美味的奶茶。成本增加，但食客回頭惠顧，已經足夠了，因此餐廳生意很好。紅豆冰也是茶餐廳的代表之一，現在流行懷舊，所以很多茶餐廳也有推出紅豆冰了。

#小秘書 呢排被迫清假🤨 最慘係無得飛🛫 但係年底前又要攞十幾廿日假... 真係無陰公👉🏻👈🏻 不過我都好識得自娛嘅，瞓晏啲、食個tea☕️ 又一日😅今日由 #中環 搭船過 #尖沙咀，行咗一陣 Harbour City，睇咗 드로잉메리 drawingmary 嘅 #畫展，再沿著 #彌敦道 一直行，行到腳仔軟、肚又餓，咁啱 紅茶冰室 就係我面前，一於入去食啲嘢再繼續。我好快就被 #餐牌 上嘅 #芝士炒蛋魚柳包 吸引住👀 我揀咗 #沙律、#熱奶茶 做配菜。估唔到#實物 比 #餐牌上相片 更加吸引，傳統嘅 #薯仔生果沙律 雪得夠哂凍，勁消暑🤤 滑嘟嘟嘅 #炒蛋配新鮮炸起嘅 #魚柳，仲有 #芝士、#生菜、#蕃茄 夾埋喺 #漢堡包 一齊食，口味絕對唔會失禮過啲 #高級餐廳 喎，至啱我呢啲食都論論盡盡嘅 #茶客... 平靚正之選🤩

上午於佐敦做一些公事，之後諗住食個早餐。在彌敦道一路走來，openrice一輪也沒有頭粹，－係未開舖，一係滿街吉舖。本來去眾坊街的美都，印象中好似曾幾何時去過一次，看到門外的餐牌及"最低消費25元"，同一時間一位街坊叔叔經過："呢間Ｄ嘢好怪，又唔好食。"他－面行－面說着。我知道那應該是遊客吃環境的地方。走之前瞄－瞄，地下有－枱青年人正進餐，樓上就不得而知了。繼續沿着彌敦道走，剛入了一間有賣口罩的時裝店涼冷氣及再openrice，店鋪在燈口位置，見行人過路燈轉了綠色，交通燈的另一端有一間"紅茶冰室"這個名字有些熟悉，在哪裏見過？是連鎖店？看看手錶，以為過了早餐時段，再看看手機，原來還趕得及。冷氣風力太強勁，由雙人位轉了另一卡位，侍應態度良好。點了沙嗲牛肉麵配香酥丹麥多士、炒蛋加熱奶茶，一份普通茶餐廳的早餐，但什麼是丹麥多士呢？整理口罩後，一面等食，一面調較手錶時間，不知什麼時候兩地時間被reset了，但明明昨天仍然正常。手錶時間還未調較好的時候，食物已上枱。沙嗲牛麵外貌正常，香酥丹麥多士我有幻想過是否牛角酥的那模樣？炒蛋原來是－球雪糕的造型。成件事的外型不錯。吃－口丹麥多士, omg!

套餐價$25🤔買咗三個包加一杯咖啡都係$50買單，原來早餐咁樣買仲抵過夜晚打折扣。唔知係咪心理作用，之前打折扣買嘅麵包好似冇咁多餡。上面留言唔知邊個蛋散同我講加$6就有一杯咖啡唔係囉，加$13啦

返晏既時間4:30到5:30有個break time , 一向都會食正餐，但今日個晏食得實在太飽，原本諗住同同事飲杯野算，但曼後都被邪惡既菠蘿油吸引左🤣🤣🤣講返間餐廳，呢間係我地break time 常食，炸雞髀最為出名，即叫即炸，所以都相對等得耐，時間鬆動先食，炸豬扒都一樣出名🤩而且多唔同類型既餐選擇，下午茶餐當然最抵🥰之後就要介紹呢個無得輸既菠蘿油，個菠蘿包永遠熱辣辣，再配埋冰凍牛油無得輸，幾肥都要食，再來一杯紅豆冰，紅豆夠冧只係無粗飲管無得啜埋上來差少少囉🤣🤣🤣最重要佢只要$26，個人覺得都抵既（平時都有得就甘買包加，但就真係唔好日日食， 好肥😂）

-Great food! -a bit pricer than your local cha cha tent, but still way cheaper than Tsui Wah.-Has English on their menu.-If you're every concerned, show them my picture (baked pork chop tomato rice), its their specialty.

位於油麻地地鐵站出口對面。員工有禮貌，安排座位快速，食物質素有保證，以茶餐廳來評價是一間五星級的茶餐廳。誠意推介韓式將燒牛柳，肉汁鮮美！泰式海南雞飯都相當出色。

下午我在油麻地「駿發花園」裡面的「百老匯電影中心」，購買戲票和便宜價錢的爆谷汽水套餐，看完一套時間片長不算短的韓國電影。我在電影播放完畢，散場離開電影院之後，時間已經是七點有多了。恰巧我下午在「油麻地」港鐵站出來，沿着「彌敦道」前往油麻地「駿發花園」跟「百老匯電影中心」期間，曾經留到有「紅茶冰室」這間港式茶餐廳食店的存在。於是我趁「紅茶冰室」實際營業時間，在「百老匯電影中心」電影播放完畢散場之後，仍然繼續營業的情況下，選擇「紅茶冰室」為我的晚餐食店場地。雖然「紅茶冰室」餐牌裡面，有很多不同款式，不同地方風味的熟食食品飲品，包括馬來西亞風味咖喱食品、西式燴飯食品、韓式醬燒牛柳，偏偏欠缺同時兼顧牛肉雞肉的「鴛鴦扒飯」。就算「紅茶冰室」有提供「美式什扒」的鐵板晚餐，然而我詢問過「紅茶冰室」裡面的侍應之後，才知道「美式什扒」鐵板餐無法排除豬扒，又無法同時兼顧牛扒跟雞扒，所以我只能夠放棄「美式什扒」。但是我若然選擇「紅茶冰室」裡面的牛腩飯食品，配「紅茶冰室」裡面有關雞肉小食食品的話，合共加起來的總價錢也不便宜，總價錢可能需要接近港幣一百元。所以我只能夠放棄在「紅茶冰室」餐廳晚餐裡面，享用雞肉類小