影片
更多
2021-06-21
532 瀏覽
我由紅茶冰室得一間舖喺佐敦內街嗰陣，已經開始食，嗰陣啲職員態度唔錯，但而家佢啲職員越來越巴之閉，態度勁差之餘，自己錯咗又唔道歉。話說我埋單用we chat pay俾錢，我個app明明寫住支付成功，我出咗門口行咗兩步，有一個戴眼鏡、電咗髮嘅中年女職員追出嚟話我未俾錢，我光明正大又唔係呃佢，咪行返入去同佢對質，我show埋俾佢睇我手機寫住支付成功，但佢keep住話佢部手提機(專收Alipay、we chat pay嗰部機)冇顯示收到錢，仲要態度勁差，好似我呃飮呃食咁，於是我話你部機嘅網絡有問題關我咩事，佢就好似錄音機咁重複又重複話冇收到錢。喺大家僵持緊之際，佢撳撳下部機，突然又話收到錢，我懷疑係佢唔識refresh部機，所以睇唔到最新交易紀錄。佢好明顯知衰啦，因為本身佢聲大大巴之閉，即刻變咗尷尬細聲，但完全冇講過唔好意思或抱歉。其實紅茶服務變差唔係第一日嘅事，但而家旺角信和店、油麻地店嗰班阿姐真係越來越差，成日呼呼喝喝，明明我係嚟俾錢消費但仲要受氣。如果老闆得閒有睇下呢度啲食評，我真係建議你整頓一下呢兩間分店嘅女職員，因為真係每一個女職員嘅態度都係咁差，反而男職員仲會客客氣氣。我知你哋紅茶
話說我埋單用we chat pay俾錢，我個app明明寫住支付成功，我出咗門口行咗兩步，有一個戴眼鏡、電咗髮嘅中年女職員追出嚟話我未俾錢，我光明正大又唔係呃佢，咪行返入去同佢對質，我show埋俾佢睇我手機寫住支付成功，但佢keep住話佢部手提機(專收Alipay、we chat pay嗰部機)冇顯示收到錢，仲要態度勁差，好似我呃飮呃食咁，於是我話你部機嘅網絡有問題關我咩事，佢就好似錄音機咁重複又重複話冇收到錢。
喺大家僵持緊之際，佢撳撳下部機，突然又話收到錢，我懷疑係佢唔識refresh部機，所以睇唔到最新交易紀錄。佢好明顯知衰啦，因為本身佢聲大大巴之閉，即刻變咗尷尬細聲，但完全冇講過唔好意思或抱歉。
其實紅茶服務變差唔係第一日嘅事，但而家旺角信和店、油麻地店嗰班阿姐真係越來越差，成日呼呼喝喝，明明我係嚟俾錢消費但仲要受氣。
如果老闆得閒有睇下呢度啲食評，我真係建議你整頓一下呢兩間分店嘅女職員，因為真係每一個女職員嘅態度都係咁差，反而男職員仲會客客氣氣。我知你哋紅茶而家好巴閉，周圍都有分店，但唔好唔記得有啲連鎖餐飲集團早幾年巴閉到上市，但到今時今日執笠嘅執笠，清盤嘅清盤，所以你唔好以為自己生意好就覺得態度差係冇問題，客人一走咗，就唔會再回頭。
菠蘿油
5 瀏覽
0 讚好
0 留言
熱狗
16 瀏覽
0 讚好
0 留言
黑松露炒蛋多士
17 瀏覽
0 讚好
0 留言
張貼
