紅茶冰室

營業中

休息中

第一次去食，食物還可以，環境一就般，但員工服務態度差，尤其收錢個四眼女人，大約50幾60幾歲，超級冇禮貌，找錢時嘴渺渺，又唔望人，仲大力擲啲錢，好似唔想找咁，唔會再幫襯😡🤬

红茶冰室經常有位都不比客人入座，可能要客人在外排隊，幫手制造墟冚塲面，等路過又未決定食邊間的客人跟著排隊入內進食。不過這間冰室的老闆是認同及接受員工對客人態度差，定唔知道自己的伙記對客人態度差呢！今天只想求奇食個晚餐，入座時巳經晚上8:40pm, 加上4点才下午茶，所以3個人打算叫2個晚餐，1個小炒-凉瓜魚柳，但待應話無小炒供應，所以就食住餐先，待應忽然來催促我們要再下单，因為每人都要叫一個餐，是最低消費，於是便求其叫個波蘿包红豆冰餐，待應話沽清，於是又要再睇吓餐牌先，這時候巳聽見女待應在附近大聲駡唔通10人來坐叫1個餐都得呀！真是氣上心頭，索牲叫多個晚餐打包算了。9:10 pm 待應竟然通知所有客人Last order, 9:20 pm 催促所有客人要埋單，所以我忍不住問待應餐廳收幾点？待應話10:20pm , 仲有成個鐘才收工，咁快要客人埋單跟著就見到待應取出地拖來拖地，清潔。（趕客）可能餐廳太好生意，加上近日多了遊客幫襯，員工都唔想做咁多，唯有少幫襯，或者唔再去啦！

員工服務態度極差，嗰日我朝頭早去食早餐，明明好多吉位，佢問我幾多個人我話兩個之後佢叫我出去。唔明點解咁多位唔畀人坐。入到去仲要吩咐人坐邊度，又唔係多人。我同朋友喺度諗緊食乜嘢嘅時候係噉過嚟催落單。好似催命噉。一直喺度問落得單未呀。我話未佢仲話仲未落單呀，唔明咩態度，真係畀咗錢食嘢仲要受人氣。之後我另外一個朋友嚟搵我哋，噉佢唔係好肚餓就冇叫嘢食啦，點知個員工又行過嚟話乜最低消費一定要叫嘢食。我嚟過幾次都冇聽過話咩最低消費。問佢邊度話有話最低消費佢話黐咗喺門口。之後我個朋友咪叫咗嘢食囉，行出門口睇嘅時候根本就冇話咩最低消費。我個朋友想搵返嗰個員工理論，點知搵唔到人。係咪心虛唔敢出嚟。見到其他食評都話員工嘅服務態度好差，噉唔想服務人哋就唔好出嚟做服務行業啦。諗住好地地食個早餐點知仲要俾人激。唔理解呢啲行為。

先唔評論呢度啲食品，都係一般茶餐廳水平，呢啲價錢一定唔會有高要求。但係啲服務員，無論外賣，收錢，落order的，都係嬲左一村人，面口說話都係令人不快，可能多人做到嬲猪猪掛

Lunchtime趕時間諗住嚟快快食一餐，見好似都算好評多就入咗紅茶冰室。入到去話一位，個阿姐求其指咗我埋一邊，我再問附近個阿姐究竟想我坐邊個位，佢嘖咗一下之後就好串咁話呢度有一個位，呢邊有一個位，你坐其中一個咪得囉。我食lunch雖然趕時間都唔打算貼錢買難受，直接拍枱走人算數。之後上openrice仔細睇返啲reviews先發現佢哋不嬲都係服務奇差，油麻地附近咁多茶記冰室唔洗揀佢呢間垃圾，千祈唔好中伏。

呢間紅茶冰室下午茶芝士炒蛋魚柳包伴沙律真係好好味㗎！魚柳好新鮮，炸到好鬆脆好好食。芝士炒蛋味道都好正，啱啱好彈牙。沙律清爽，配料都好新鮮。啲服務員都好熱心，好有禮貌，令人好舒服。總括黎講，呢個芝士炒蛋魚柳包伴沙律真係好推介呢碗沙嗲牛肉公仔麵真係好好味啊！麵條彈牙有嚼勁，同埋個湯底好香濃，啲沙嗲味道好突出，令人一嚐就愛上。啲牛肉都好嫩，肉汁都流出嚟，真係好好食。啲份量都好足，食完之後真係好飽足。總括黎講，呢碗沙嗲牛肉公仔麵係一定要試嘅

今日又嚟食晚餐,今次呢個晚餐仲抵食,雜扒餐👍🏻一大堆扒😍咁多嘢,想肥死人咩😆好彩我醒,帶定食物袋尼,拎走一半🤣🤣仲有值得一讚嘅,係今日個湯,終於唔鹹啦!之前唔知做乜,呢幾個月嚟食,次次都好咸

差唔多每次做完facial都會走嚟食,呢個超抵嘅晚餐!👍🏻自從我發覺佢近排個凍奶茶,唔好飲之後,我就轉咗飲熱嘅,果然熱嘅正常好多🤭🤭除咗覺得覺得個湯咸咗之外,不過個湯咸已經唔係一日半日嘅事,係幾個月前已經唔同咗,但其他都係好好味仲有之前寫食評嘅時候,睇過人哋啲食評,個個都話佢哋服務態度唔好,但我近呢兩次去,又發覺啲侍應,服務態度好似好咗好多,唔知係唔同咗人,定係畀人投訴得多,太多好咗呢,不過點都好,起碼叫有進步呀🤭🤭希望佢哋可以keep住態度都繼續好落去啦！

呢間舖頭個晚餐真係好抵食,就算分店嘅都係一樣,不過近呢幾個月某啲嘢質素好似差咗,就係杯凍奶茶(茶淡咗好多)同埋個湯(好咸),奶茶如果飲熱飲都仲好啲,如果凍飲完全唔好飲,唔知係咪換咗茶葉,不過為咗食佢晚餐其他嘢,我都照樣幫襯佢,但以前嘅佢,真係樣樣都好好食,就算係個餐包都好食嘅,唔知係咪換咗師傳,希望遲啲會改善啦🙏🏻其實我嚟呢間餐廳最主要係因為佢晚餐嗰個汁,我到而家都仲覺得好好食,個扒都好好食👍🏻不過我今次去食,佢個賣相就麻麻地,以前真係好靚好似人哋酒店咁樣,希望佢個湯同埋杯奶茶可以改善一下,咁我就食得咁開心啦🙏🏻

紅茶食品質素普遍還是可以接受，係我近年購喜歡光顧的餐廳連鎖 ，但碗碟的清潔處理，正在動搖我的選擇， 剛剛經過佐敦偉晴街吃個早餐，味道是可以的，但看到和摸到碟邊黏黏的感覺，有點不想繼續吃下去的狀況。希望管理層看到貼文盡快研究處理這問題。

次次經過都見到勁多人排隊，今次午餐嘅時間比較充裕，決定排一排隊試一試，雖然前邊有10幾個人，但係， 10分鐘左右就可以入餐廳食嘢，今次試食普通午餐，雞扒飯，正正常常，不過雞扒就非常大件，雞皮煎得10分脆香口，不過略嫌多油咗少少 🤏

一入門口 個阿姐 就 呼喝 要你坐 那個位 我坐了前一排位 個阿姐仲要過来比說話我听 話叫我坐个到又不坐 等等 最初我以為我自己有問题。之后有個男人入來 她又呼喝他坐那里 那男人去了另一邊 的阿姐 一起話那邊未開 叫他坐返過來。過一會 有個阿姐大聲話個男人 你霸曬張台 不是得你一個人坐架！ 我心想個時餐厅大把位點解要話人 。個男人即刻走 頭也不回。 講真一早大家都系想開開心心吃個早餐 開始新一天 點解要比錢受的阿姐氣。 個男人已經好好 一粒聲都不出 走 的阿姐仲不斷粗口鬧返人 。附近那么多餐室 態度好她们 食物都好過 我以後都不會再去！

服務差勁差勁😡😡😡比以前澳牛更差待應會鬧人架🤣🤣早餐牛面,D面預先淥好的,好淋。炒蛋多士 OK的奶茶温暖不熱叫野一分鐘不到已上齊🤣🤣🤣不會有下次😡😡😡

人人都話佢啲嘢好食 , 讚到天上有地下無 。 但係食過你就知食物方面就真係好一般 . 普普通通茶餐廳貨色 . 唔覺得有咩出神入化之處。 但係杯奶茶真係水準以下， 一般奶茶 先唔講佢好唔好飲， 應該做到又香又滑。 有時啲茶餐廳 奶太多令到杯茶冇曬茶味。 一杯奶茶唔好飲， 都可以入到口。 但紅茶的奶茶係完全入唔到口。 完全冇奶香味， 只有又苦又澀嘅茶味。 飲完條脷仲要係鞋口( 勁唔舒服) 。 唔知係佢哋茶膽有問題， 定還是啲茶煲完又煲 ，煲到啲苦澀味出曬嚟。

食午餐平靚正，緊係要食茶餐廳或者冰室啦，今次就推介紅茶冰室。呢間冰室既SET LUNCH價錢唔貴，都係$60-70，加埋凍飲料都係$3。而今次食既焗飯就係SET LUNCH黎，呢個芝士咖哩焗一口豬飯，咖哩味好重好香好味，而且芝士份量都好多，仲有拉芝添，一口豬既肉量都好足夠配送哂全部飯。仲有，叫左個星洲炒米，但係個炒米就比較辣，除左辣DD之外，其餘都好好，配料都份量都好足夠，而且成碟都好大碟，夠哂飽肚，最後，配返杯冰凍既凍奶茶，呢一個冰室午餐真係抵食。