紅茶冰室

營業中

休息中

星期六下午茶時間,等佐5-10分鐘,三人入去,原先睇緊餐牌首先落住一個餐,女侍應態度十分十分不滿,立即再落一個餐,女侍應態度仍然不滿,要求我地點多一杯飲品,佢話係餐廳要求,每人要點一杯飲品.我睇見枱面,四周牆壁,餐牌都冇寫呢個字眼條文,如果有,我地未必入去,因為我地其實自己有自己水樽,有水,又食完即走,又唔係坐好耐,店主應該出番呢個條文規則,大家好,避免誤會. 食物味道只係一般,而家只不過係內地人幫手宣傳呢間店,全部其實對我來講都係一般

走入一間遊客區茶餐廳，食物質素果然係唔同啲，食到舔舔脷下午茶叫咗2個常餐，因為好好味，常餐$66都覺得值通粉湯底係金寶濃湯，唔係雞粉水，個湯基乎飲哂豬扒肉質又嫩軟，味道澀得剛好唔會死咸 多士係凡麥條唔係白麵包 奶茶香濃唔苦澀，成個餐不得了，好好味啊！實在太多國內或台灣嘅遊客去食，所以店員大多數會用普通話對應🥴 呢點我地要多多體諒體諒🥹 但服務唔差喎，全場爆滿都無催我地走。食過幾間，暫時我覺得油麻地呢間最出色。

一支公去搵位食午餐, 就算在旺角也不困難,原因是有時要與陌生人同桌共膳。油麻地紅茶冰室是我首次光顧,在沒有任何前設或特定期望下,享用午餐過程中又頗有意外驚喜。我選了黑椒洋葱豬扒配薯菜加熱㗎啡,豬扒約嫩滑,洋蔥黑椒与豬扒配搭可口, 薯菜是整個焗薯配沙律醬是驚喜

平日我冇寫食評，但今次幫襯嘅經驗極度惡劣忍唔住要上嚟寫!星期三晏晝十二點三左右諗住入去食個快嘅午餐，帶位嘅安排我搭枱，呢個冇問題反正繁忙時間預咗。點知一坐低有個女服務員一粒聲都唔出拎住個餐牌啪啪聲放喺我枱面乜都唔講，咁係咪個意思係叫我自己睇餐牌?!個餐牌爛容容都算，我其實係諗住睇下有冇午餐之類或同埋望下枱面上面塊玻璃攝住咗嗰個餐牌仲有啲乜嘢食，點知有個好惡嘅女侍應(應該係同一個人)即刻走埋嚟話未寫曬喺個餐牌度囉!我都嚇一嚇我心諗我係嚟食飯唔係嚟畀你個八婆話嘅!我望下枱面塊玻璃下面歺牌啲字都唔得咩?相反我見到佢招呼六七八個講國語嘅大陸旅客就非常之有耐性咁解釋個餐牌，仲推介佢食乜嘢!豈有此理!我知你哋係網紅店大把大陸人嚟打卡唔憂做，但係你咁對本地客，呢啲係乜嘢服務態度呀?仲有一樣，後來隔離幾張枱各自搭咗個單身男人，呢位阿姐都有同人講叫佢睇餐牌嗌嘢食，大家都係嗌嗰啲午餐常餐，都係幫襯咁上下咁多錢，點解個女侍應要走嚟咁惡對我?你咁唔鍾意做生意唔好做侍應啦!油麻地呢間分店永遠唔會再幫襯!你哋咁鍾意招呼大陸客，呼籲香港人就唔好去食呢間嘢!

見到小朋友唔想你入嚟， 又問你食幾多個餐先派個位俾你， 走嘅時候你個紙巾啱啱用完個袋放喺枱面叫你自己拎走簡直就係歧視帶小朋友嘅餐廳如果你連小朋友都有最低消費，請清楚列明或者唔招呼未成年孩子也可以。

紅茶冰室好似近排好hit開佐好多間分店有朋友來香港旅遊，專門話要來試試香港特色茶餐廳紅茶冰室真係好多人，好受歡迎我地梗係點佐最經典嘅餐啦，包括😄菠蘿油餐😄特餐（有奄列炒蛋多士）😄乾炒牛河😄黑松露炒蛋厚多士——呢個算係佢地特色啦，加佐黑松露上去。個味道層次就更加豐富啦。😄脆炸魚柳伴薯皇🥤嘢飲包括紅豆冰、咸檸碧、奶茶。點佐好多嘢，但係掛住食唔記得佐影相📸️三個人盛圍💰234蚊。朋友食得好開心，體驗幾好👍

下午要係附近考試，先食個lunch填下肚，一出地鐵站見到紅茶冰室，未食過試下。十二點左右幾乎坐滿。叫左個牛俐意粉。上餐都好快。個賣相真係。。。牛俐好騷，食左一塊就食唔落，意粉好多油。好彩考試冇肚痛。

坐低唔夠15分鐘行埋嚟，囉嗦嗦好似唔滿意你，冇一人叫一個餐，關你鬼事咩？啱啱先坐低慢慢叫都好正常，叫左個蛋撻同杯野飲，轉頭用勁差既態度問仲有冇野叫，似係想趕人走

今日下午唔知食咩好，經過看到平時排滿內地遊客的紅茶冰室冇人排隊，當然立即攝位入去食啦。間餐廳食物種類選擇多，但價錢偏貴而且份量一般，今次我叫了好多人叫的常餐、試下佢塊包是否真係咁好食，點解咁多人叫常餐食。常餐上餐速度比其他茶餐廳快，因為沙嗲牛面是一早整定晒，入口一食，！普通到非常普通，牛肉冇味，汁又唔香，隻蛋又細，個包都係冇咩咁特別，真係食到我頭都大晒，點解咁普通貪物可以賣咁貴，而且咁多內地人支持。店舖職員態度就真係有非常大的進步空間，不論面色還有語氣，都不是香港人服務態度。總括來說，對我來說這個價錢我可以有好多選擇。不一定要去紅茶食飯。

自從改左返學時間. 家下每個星期一都要係學校附近搵食. 我終於第一次黎紅茶啦. 平日返學見到門口排晒長龍. 心諗係咪咁好食呀? 本身已經係同學食飯的聚腳地， 今次join埋佢地一齊. 可能六點時間還早. 唔算長的人龍等左五分鐘就入到場. 由於同學們都未有咁早到. 所以跟店員講可唔可以由window seat 搬去比較遠的位置. 可能同學黎慣. 佢地話門口的姐姐一般態度普通, 但裡面的還可以. 膽粗粗問完比我地轉位. 然後重話裡面好凍. 見到佢地的反應我地都鬆一口氣. 是日無小菜. 一睇到小菜部份. 店員就走埋黎話無小菜跟手就收左個餐牌. 然後選左好抵食的晚餐. 估唔到有湯, 有餐包. 有主食.有野飲. 重要唔駛加一. 湯佢寫係板度係白湯但原來都可以要紅湯. 問左店員紅湯辣唔辣時. 佢話只係酸唔辣. 但係天啊... 辣到我流眼淚(一個完全唔食得辣的人會有咁的反應). 跟住主菜可以跟飯, 意粉或者薯菜. 一見到薯菜重以為係炸薯條. 點知居然係焗薯. 我後悔到一個點叫左意粉. 不過意粉分量真係無敵大. 一個女仔基本上都係食唔晒. 反而焗薯比較適中.個主菜係豬扒, 牛扒加煙肉. 煙肉就係好一般

想买面包，问哪个是招牌，白了我一眼，我有点尴尬，说你态度可以好点点吗，我感觉你没尊重我。她直接啪的一下把窗关了，背过身走掉了。我惊呆了。香港人这样做生意的吗？我很伤心，要是能拍个视频就好了，但也不想威胁他们。自己判断吧。

尤其是門口收銀，銀髮女子，以為大晒，成日黑面，辛苦咪唔好做，見到佢個樣都唔想食，成日鬧人，只有大陸才會排隊，根本一文不值，衞生差，品質差，價錢不合理，大把茶餐廳更好，無謂要受這些氣

不明文規定每人最少要叫一杯嘢飲，當你叫得少的時候（今次我和朋友兩個人，一個餐+菠蘿包、蛋tart)待應會逼你叫嘢飲，最後沒有叫就黑面，仲俾說話你聽，態度極差。雖然食物味道好，但也不應以這樣的服務態度對待客人。眼見很多國內遊客慕名而來，因只點招牌的香港特色食品而被黑面和用廣東話抱怨，遊客其實感受到你的態度。很快你們的名字會因出名服務差而閒名全國。中肯點講，菠蘿包和常餐是好吃的，特別是常餐的丹麥包，有誠意，希望待應們不要拖累整間餐廳。

我真係唔想其他人遇到同樣嘅遭遇，所以我好忙都抽時間分享呢次可怕經歷。當日點餐後，打算開始抹餐具發現自己忘記帶紙巾唯有禮貌地問女侍應拎兩張餐紙女侍應表現得非常不耐煩，用食指指住枱上面的餐紙再大聲質問我:你枱上面咪有餐紙囉，點解仲要我去拎俾你？當時我嚇到講唔到野，坐左係度，不知所措。然後，鬧我的女侍應女待應突然好惡咁拎左兩張餐紙叫我拎住，於是乎我戰戰兢兢咁好快喺佢手上拎咗兩張餐紙。當我以為已經完結，點知女侍應繼續大聲鬧我:都唔知咩人黎，要用咁多紙巾做乜…(繼續重複，下刪五十字)已經落咗單，不過食物未到，唔想浪費食物，所以匆匆忙忙食咗幾啖就走咗。食物一般，忌廉湯鹹到飲唔到

每到午餐時間這間餐廳一定排長龍，不過餐廳地方大所以很快可以入座，不過這次不是分享堂食，而是食他們店的包包，麵包有很多選擇，我選了就食紅豆菠蘿包買的時候個包熱辣辣，而且菠蘿包個皮好酥脆，一啖咬落去啲紅豆餡好多呀！我覺得紅豆菠蘿包做得好出色，食得好滿足三個字～好好味