紅茶冰室

營業中

休息中

員工服務態度極差，嗰日我朝頭早去食早餐，明明好多吉位，佢問我幾多個人我話兩個之後佢叫我出去。唔明點解咁多位唔畀人坐。入到去仲要吩咐人坐邊度，又唔係多人。我同朋友喺度諗緊食乜嘢嘅時候係噉過嚟催落單。好似催命噉。一直喺度問落得單未呀。我話未佢仲話仲未落單呀，唔明咩態度，真係畀咗錢食嘢仲要受人氣。之後我另外一個朋友嚟搵我哋，噉佢唔係好肚餓就冇叫嘢食啦，點知個員工又行過嚟話乜最低消費一定要叫嘢食。我嚟過幾次都冇聽過話咩最低消費。問佢邊度話有話最低消費佢話黐咗喺門口。之後我個朋友咪叫咗嘢食囉，行出門口睇嘅時候根本就冇話咩最低消費。我個朋友想搵返嗰個員工理論，點知搵唔到人。係咪心虛唔敢出嚟。見到其他食評都話員工嘅服務態度好差，噉唔想服務人哋就唔好出嚟做服務行業啦。諗住好地地食個早餐點知仲要俾人激。唔理解呢啲行為。