紅舍

營業中

休息中

今天謝霆鋒個唱開鑼，我和好友到啟德體育園購買入場券，順道遊覽這個新地標景點。原來除了體育設施之外，還有很多打卡熱點，更有三個大型商場：啟德零售館1,2,3號館。又到午膳時間，我們在2號館找到了一間新開業中菜館，裝修得古風典雅，一派貴氣，門前的菜單非常吸引，於是便入內幫襯。精美午市套餐，包括前菜、湯、主菜、甜品及飲品，非常豐富，更有多款菜式選擇，新張期內還有半價優惠。前菜：“涼菜三小碟”：麻辣雲耳、拍青瓜、上海肴肉前菜的份量也不少，爽脆微辣的雲耳和青瓜，非常醒胃，配合肴肉來吃，雙重口感，特別滋味。湯：“正宗酸辣湯”材料充足，有筍絲、肉絲、蝦肉等，濃酸辣度適中，是開胃湯水。“蟲草花螺頭燉雞湯”原盅奉上的老火燉湯，打開盅蓋已經聞到香味。湯料豐富，有蟲草花、瘦肉、桂圓、螺頭等，味道濃郁甘甜，有家的感覺。主菜：“秘製川味牛肋骨”一大碟，讓人驚喜。牛肋骨已經起肉切好，每塊都厚切大件，旁邊鋪滿辣椒及酸甜配菜。肉質入口腍軟而富肉味，夾雜多種香料味道，味道令人一試難忘，是必選的菜式。“京蔥爆牛肉”爆得香口，夠鑊氣，還用慢火暖住上枱。爽口大蔥配嫩滑牛肉片，香氣十足，好滋味。甜品：“千層糕”紅棗椰汁千層糕，

以前睇演唱會，睇完就要趕回家，現在的啟德體育園看表演，可以吃埋夜宵才回家，啟德零售館的「紅舍」，有大型活動時，會營業至凌晨1點，而且上菜快，唔使怕因上菜慢而擔誤入場睇騷，食物水準也是中上之選，價格合理，集粤京川滬菜餚，真是理想用過餐好地方。今日到啟德體育園與啟德零售館逛逛，並在古式古香裝潢的環境進餐，心情愉悅。招牌秘製豉油王鴨絲炒麵~賣相雖然不算吸引 ，但迎來撲鼻而至香氣，令食欲大振！紅舍脆腩仔~咬落脆卜卜燒腩皮，像清晰的音韻，嫩滑腩仔肉美味可口，配合精緻擺設，吃得愜意。正宗酸辣湯~是我喜歡的味道，喜愛另一個原因，它是連多款湯料一起吃，像吃羹 ... 口感豐富。手工鮮肉小籠包 ~肉餡鮮甜好吃， · 湯汁清甜滋味，再蘸加上薑絲與醋， 很有滿足感！鮮鳳梨咕嚕肉~ 甜甜酸酸,香脆肉嫩，很開胃又受歡迎的菜餚。黃金河蝦仁~啖啖脆口彈牙蝦仁，還有重心靈魂的鹹香黃金沙，甘香冶味。京川佳餚~炸湯圓口感煙韌，饀內是芝麻流心，十分討人喜愛！

預先喺網上訂咗位，星期六晏晝一點半到達， 餐廳內有五成座位都係吉，生意一般。我哋七個大人一位小朋友，被安排坐圓枱。我見佢有一間private room有窗口，一直都冇人坐，冇安排畀walk in嘅客，唔知係唔係要 book枱嗰陣講明。店內裝修較為昏暗，我哋嗌咗 13 碟菜式:金蒜銀絲蒸娃姓菜$108.8🌟🌟北京烤片皮鴨半隻 @$268.0🌟🌟🌟🌟🌟溫泉蛋貴螃蟹$188.0🌟🌟手丁鮮肉小籠包 🌟🌟🌟（五件）x 2= $124.0紹式炸臭豆腐$78.0🌟🌟鎮江水晶肴肉$78.0🌟🌟🌟蟹籽豚肉燒鷹$58.0🌟🌟茶水 （每位） $12.9*8=$96.0招牌炒飯$118.0🌟🌟🌟四川麻辣擔擔麵$73.0🌟🌟家鄉炒年糕$98.0🌟🌟紹式炸湯丸 （六件）$88.8🌟🌟棗皇糕 （四件）$48.8🌟🌟茶水貴些，可能佢定位高檔，但服務不乎，一開始就見到隻匙羹上面黐住乾咗嘅飯🤢， 同埋上菜一般比較耐，份量就比較少，每碟應該兩至三人嘅份量，合小家庭，味道不過不失冇乜特別， 同普通茶樓一樣。唯一有記憶點及好食嘅係個片皮鴨。總括而言，個人覺得性價比低😑， 試一次就夠。

去體育園睇演唱會之前提早去啟德行下，去咗零售館呢間中菜館食晏，環境食物都唔錯，價錢都唔貴。原來餐廳喺有大型Event嘅日子會營業到凌晨一點，以後唔使驚睇完演唱會要捱餓。鮮拆蟹粉小籠包 一籠有五隻，小籠包皮薄，裏面蟹粉肉餡湯汁濃厚，沾上薑絲陳醋更加滋味。水晶鮮蝦餃 蝦餃賣相好靚，晶瑩剔透，皮薄，啖啖爽口蝦肉。珍珠雞珍珠雞裏面有啲紅米，感覺健康，糯米濕潤軟綿煙韌，餡料有惹味蝦米、冬菇粒、肉粒同埋鹹蛋黃，醬汁豐富。老壇酸菜鱸魚配大油條鱸魚好新鮮，魚肉白雪雪，滑溜溜，完全冇骨，一啲都唔腥，啖啖肉。我落單時備注咗小辣，湯辣度啱啱好。配料有爽口豆芽菜同埋酸菜，最重要有煙靭紅薯粉吸湯汁好好味。呢度特別之處係配油條，油條一大條掛喺度又幾好打卡。油條炸得好脆，可以剪開一塊塊沾湯食，保持脆脆口感之餘又吸咗啲湯汁，幾好食。

今日去Sogo行街，順道去到位於啟德體育館附近嘅零售館搵食，見到紅舍裝潢好靚，價錢都ok，就入去叫左幾個小菜。 鮮鳳梨咕嚕肉外脆內嫩，搭配酸甜的鳳梨，味道好開胃。川味辣子雞香辣味道讓我感受到正宗的川菜風味。雞肉鮮嫩惹味，配上香脆的花生，吃起來特別過癮，辣味剛好，不會辣到頂唔順。上海粗炒麵條炒得恰到好處，上色夠均勻，搭配菇同新鮮的蔬菜，讓味道同口感更加豐富，👍。手工鮮肉小籠包每籠有五隻，小籠包的皮薄餡多，咬下去湯汁四溢，肉餡鮮美，好食。紅舍嘅食物上菜速度很快，之後如果睇演唱會，開show前可醫一醫肚，或者show後過嚟食嘢，仲分分鐘可以見到明星打卡添😍 

餐廳充滿濃厚的中國風情。木雕屏風、紅燈籠，古色古香的裝修令人恍如置身舊時茶樓，氛圍不錯。食物價錢親民，上菜快又好食。啟德有大型event時，餐廳原來營業至凌晨1點，適合演唱會入場前散場後黎飲野食野，分分鐘見到明星打咭。點心拼盤拼盤份量精緻，可以淺嘗多款招牌。蝦餃皮薄透亮，蝦肉爽彈。燒賣的豬肉與蝦比例平衡，頂部蟹子點綴，口感紮實。 小籠包湯汁豐盈。 棗皇糕紅棗香濃郁，糕體軟糯微甜，不黏牙。 鎮江水晶肴肉擺盤精美，肉凍晶瑩剔透，夾著淡粉色肴肉層次分明，蘸點鎮江醋突顯鹹香。紹式炸臭豆腐外皮金黃酥脆，內裡綿密帶微孔，臭味頗突出，蘸辣醬風味更昇華。紹興鹹肉菜飯鹹肉粒肥瘦相間鹹香突出，與菜碎、米飯同炒，鑊氣十足。熱豆漿豆香濃郁，甜度適中，心暖胃。

玫瑰火焰蜜汁叉燒Flambeed Char Siu with Rose Wine上菜嘅時候就好似有場表演睇，店員喺蜜汁叉燒上淋上一層玫瑰酒，火焰嘅烹調方式增添咗視覺上嘅震撼，令人愉悅。叉燒外層蜜汁醬料散發著淡淡嘅玫瑰香氣，甜而不膩，令人陶醉。無花果海底椰雪梨湯Double-Boiled Soup with Figs and Sea Coconut無花果海底椰雪梨湯清甜可口，無花果酸酸甜甜，同海底椰嘅清爽相得益彰，雪梨嘅細膩口感令整碗湯變得更加清新。湯嘅濃稠度適中，暖身又暖胃。溫泉蛋賽螃蟹Sauteed Egg White with Onsen Egg溫泉蛋賽螃蟹將溫泉蛋嘅滑嫩同螃蟹蛋白鮮美結合，蛋黃流心嘅口感，為清淡鮮甜嘅蛋白添加層次，整體口感豐富又健康。手工鮮肉小籠包Steamed Shanghai Soup Dumplings手工鮮肉小籠包工藝精緻，薄皮包裹著鮮嫩嘅肉餡，習慣先飲晒小籠包入面嘅湯汁，再連皮食啖啖肉嘅小籠包餡。以傳統醋同薑絲調味，係一道唔可以錯過嘅經典菜式。薑茶湯丸Glutinous Rice Dumplings in Sweet Ginger Soup薑茶湯丸以薑茶

話說啟德主場館開左唔算好耐，我好有幸咁已經睇左兩場show la ❤️ 。Show前show後都會想醫下肚，所以通常都會係啟德零售館睇下有咩好食，最近就試左紅舍。點知俾我發現到呢間餐廳如果有大型event係會開到凌晨一點，睇完show肚餓都可以黎食野飲野。唔好睇佢環境高級，價錢好公道，又唔會因為深宵而加價。招牌秘製豉油王鴨絲炒麵（$108）估唔到餐廳都煮到大排檔嘅鑊氣，又唔會太乾身。香蔥油淋雞（$198）半隻雞份量，煮到皮脆肉嫩，輕輕沾上香蔥油增加蔥嘅香味。鮮拆蟹粉小籠包（$78）小籠包本身都已經好好味，仲要加埋蟹粉，要好小心夾唔好夾穿，如果唔係就會浪費左入面d精華湯。薑茶湯丸（$42）芝麻湯丸好香濃，加埋夠辣薑茶，成個人即刻暖曬。@redhouse.hk 。📍紅舍 (九龍城)九龍城啟德承啟道38-39號啟德體育園啟德零售館2 2樓M2-210號舖

連續2場演唱會後都嚟食呢間！高質而且出菜超快嘅中菜餐廳！重點喺演唱會後開到1am! 唔使餓住迫出去先有得食🥹 嚟左2次最鐘意喺佢哋下面幾款菜式！北京烤片皮鴨🦆片皮鴨外皮香口鬆化，可以叫一隻 或 半隻，唔驚食唔曬！而且肉質鮮嫩，入口即溶！配埋砂糖，填鴨醬，青瓜，哈蜜瓜，京蔥！用超薄皮包住食超正！紅舍脆腩仔🐷同片皮鴨一樣都喺encore! 可以講得上喺全就啟德最好食嘅脆腩仔！外層超級超級香脆！四川麻辣擔擔麵🍜麻香味撲鼻！而且呢到可以做唔辣（當然食得辣一定食原味）但因為屋企人唔食辣，餐廳可以特製好窩心🥹 仲要唔辣都好好味！除左上面菜式，我哋試左其他都好唔錯，仲要價錢唔貴，坐得舒服，餐枱中間距離足夠，唔會覺得迫！而且部分菜式可以選辣/唔辣 大人小朋友老人家都岩食！

去啟德體育園附近逛逛～然後醫肚！喺啟德零售館依家有好多餐飲選擇，我就揀咗去「紅舍」吃吃摩登中式料理～見到有我好鍾意嘅片皮鴨🥰正～正～入面以紅色做主調，配以木質裝潢，大大小小的紅燈籠在大廳高掛着，富中式時尚又有格調💗⭐️老醋拌海蜇頭 $98海蜇頭超爽脆！拌有以香醋製作成的啫喱粒粒，和清爽的青瓜塊～口感豐盛，微酸開胃，有驚喜。⭐️ 北京烤片皮鴨 $268半隻片皮鴨鴨皮油亮光澤，甘香肥美！外皮香口鬆化💗充滿油香，肉質嫩滑～配料包括有砂糖、填鴨醬、青瓜、哈蜜瓜、京蔥。片皮鴨和餅皮都用了保溫爐暖著～可以慢慢嘆。⭐️荷葉蒸蟹炒糯米飯 $398店家另一人氣菜式！🦀肉蟹超鮮甜又啖啖肉，蟹香融合了荷葉的清香～底下的糯米飯口感軟軟糯糯，鮮香惹味，忍不住一口接一口。大推～⭐️ 鮮拆蟹粉小籠包$78一客五隻，入口爆汁🥰滿滿蟹粉鮮香。 ⭐️棗皇糕 $48純手工製作的棗皇糕，一客五件，即叫即蒸，滲著清雅紅棗香👍🏼甜度適中，軟糯得很。