紅樓

營業中

休息中

💪🏻 紅樓煙燻燒鵝皇 (例牌 $148)燒鵝嘅肉質都幾滑，唔會乾柴，有肉汁😋 而且燒鵝都唔算太肥，食完唔會覺得好膩，同時亦有鵝油香！性價比唔錯！💪🏻 紅樓蝦餃皇 (頂點)蝦餃大大粒，當中嘅餡料主要蝦肉同少量荀絲，入邊嘅蝦肉餡好足料，蝦肉都彈牙🤤💪🏻 蟹籽燒賣皇(頂點)平時嘅燒賣都係豬肉為主，呢間嘅燒賣竟然係蝦肉多過豬肉🤣 每粒燒賣都有全隻2隻蝦係入邊，蝦肉大大隻，好足料！💪🏻 芝士鮮蝦脆春卷 (大點)呢個春卷都係炸得好脆身，脆卜卜。入邊嘅餡料全部都係蝦肉，冇其他另外嘅配料去填充，又係好足料！當中都有芝士係入邊。💪🏻 蘋果玉桂叉燒酥 (大點)叉燒酥熱辣辣咁上枱，好香，而且酥皮都夠酥。酥入邊嘅餡料都係飽滿，叉燒肉量都多，甜甜地😋味道：7.5/10性價比：7/10 食住瘦指數：💪🏻💪🏻/5

中午去附近尚新的紅樓飲茶 新淨光猛內裡很大 轉彎又轉彎才到坐位 可能還未客滿 冷氣真有點凍要加衣 後來人多就不夠冷氣 角落位不夠空調我們兩人叫了六個點心 金蝦餃 櫻花蝦燒賣 叉燒腸 炸雲吞 煎雙椒茄子 蟲草花鮮竹卷，真係要讚這兩粒金蝦餃 👍賣相十分吸精 👀鮮紅色金閃閃 蝦夠爽彈 櫻花蝦燒賣味道很正👍😋好極 櫻花蝦味道很特出 好好味，炸雲吞夠脆 可惜伴醬不夠酸味 而煎茄子太油膩了 滴出油 要多加注意呢 😅其他就中規中矩啦 總括來講雖然價錢稍貴 但可以接受的 會再來試其他食物的😁😋

為咗慶祝朋友新居入伙 我哋嚟到佢個屋邨樓下嘅商場搵嘢食🍵 見到好多時間 所以就入咗嚟飲個中午茶 門口都人山人海好多人等位紅樓煙燻燒鵝皇見到隔離枱嗌呢個燒鵝 所以我哋兩個人都嗌咗碟例牌呀🪿 燒鵝肉質偏瘦 食落口唔韌 但都幾有口感 食得出唔係過度醃製嘅肉類 燒鵝皮香脆 底下有少量皮下脂肪 但係入口即溶 所以都忍唔住食晒😂紅樓蝦餃皇去親飲茶都會想食蝦餃 一籠有四件 入面都係一啲鮮蝦同埋豬肉🐷 水晶皮唔算太厚 下面嘅蝦都幾彈牙 而且餡料好多 陳年果皮鯪魚球見到呢個特價點心 呢個鯪魚球清清地味道唔錯🫢 仲三粒大大粒㖭啊 鯪魚球入面有少少陳皮嘅香味 口感幾彈牙 底下仲有啲娃娃菜🥬 加胡椒粉同埋豉油都係一個健康之選金磚脆豆腐粒粒豆腐size啱晒一啖食咗佢 金黃色嘅外皮包住滑溜嘅豆腐😙 啱晒一家大細一齊食 仲有喼汁俾大家點添脆炸蛋散唔係間間酒樓都有蛋散食㗎 所以又好吸引我😋 上面嘅蜜糖好夾🍯 蛋散蛋香味十足呢個地理位置非常方便 地鐵站一出就係🤣 裝修又光猛 空間都幾寬敞 難怪咁多街坊街里過嚟幫襯啦

一直鍾意同屋企人捐窿捐罅搵酒樓嘆返個靚茶，今次黎到啟鑽商場既紅樓，其實地點都幾方便，鑽石山地鐵站一出就係商場，唔好以為屋苑未入晒伙就冇乜人，今日lunch time去都好多人排隊要等位😆酒樓真係好受街坊歡迎，原來店內面積超大，超碼過7000呎，都仲人山人海😍呢個畫面證明啲野食都有返咁上下😆海皇XO醬炒腸粉 $63原煲上有少少震撼😂熱辣辣份量都幾多腸粉加左XO醬炒好惹味，香而不辣，而且唔會太咸，煲底亦都唔會太油，就算食到中後段都唔會覺得油膩👍🏻腸粉加上滿滿櫻花蝦，蛋絲同少少海鮮炒埋，真材實料🦐櫻花蝦煎薄撐 （中）竟然有煎薄撐食，真係童年回憶🤭同樣有櫻花蝦係面，咬落仲有少少菜甫粒，增加口感，粉漿唔算太厚，食落唔會太膩蘋果玉桂叉燒酥 （大）呢粒叉燒酥size好大😂入口滿滿既叉燒，蘋果玉桂味唔會搶走叉燒既香味，味道清爽，外皮酥脆蜜汁叉燒包 （大）對我黎講叉燒包重點係個包，最怕食到呢類中式包蒸到淋晒，或者入口一pat野😂呢個包都唔錯，叉燒亦都夠多，肉同醬比例適中👍🏻醬汁蒸鳳爪 （中）鳳爪醬汁稀稠度都岩岩好，鳳爪入味👍🏻

因為老公好鐘意食火鴨絲窩米，就去附近呢間新酒樓飲茶順便試試，點知伏到七彩。。。難食到一個點，一定無下次。叫左5樣野：火鴨絲窩米 - 料頭完全無落味，無炒過，青椒絲粗條係完全生嘅無煮過，好似食沙津咁！ 火鴨先好野，成窩米粉一條火鴨皮都無！全部料頭只係切好放面淋湯就算，食落口又唔熱，料頭完全無香味，鴨肉好似隔夜咁無陣味！湯頭亦都無味，好意思收$98一窩嘅垃圾出品！叉燒腸 - 凍嘅，係連隻碟都係唔凍嘅，叉燒仲有小小發酸味！垃圾到不行。蝦蛟 - 皮厚，蝦唔彈 已經食到無癮唔影了。牛肉&金錢肚 - 正常叫貨味，講唔上好食。服務：基本上無，連枱頭暖茶嘅蠟燭都冇幫我整

鑽石山新屋苑的商場，內裡還沒裝修好，但已經有不少食店在這了，其中肯定少不了的酒樓了！這間地方比想像中的要大！紅樓煙燻燒鵝皇（１４８元／例）燒鵝質素很高，吃起來皮脆肉嫩的，鵝味香濃，而且又不會很肥，對於怕太肥的可以不用擔心！竹籤生蠔配他他汁（１４８元）生蠔炸得外脆內嫩的，吃起來還會爆汁，蠔味香濃，配上酸甜的他他汁，特別開胃。濃雞湯杞子萵筍（９８元）用雞湯去煮，每一條萵筍都吸飽了湯汁，吃起來又滑又嫩又爽！茶位（１２元）前菜（１２元）（可拒絕）

剛星期五23/6/2023晚, 訂了一圍套餐, 有全體燒豬、燒鵝(不是燒雞)、鮑魚鵝掌(不是鴨掌)、龍蝦蒸籠飯(不是普通炒飯和伊麵)等. 整體食物質素比預期好.之前2人食過普通晚餐, 一個正價的小菜加$38, 邊有半隻片皮鴨/ 一個冬瓜盅, 價錢合理.

首次在OpenRice寫食評絕對負評，大家小心唔好去！！一家為了慶祝父親節，打算在酒樓食，見到紅樓有$38例牌片皮鴨/冬瓜盅，諗住好優惠呢7:45入座，冇晒片皮鴨，我哋就叫冬瓜盅；落單時話乳豬拼盤冇我哋要改叫其他餸；點知落單等咗10多分鐘，待應姨姨話冬瓜盅冇晒；作為酒樓，樣樣都冇，已經有啲失望⋯佢嘅食物偏油，譬如叫咗龍躉片，唔知點解冇晒啲龍躉皮；蒸鮑魚過咗火，硬到咬唔到⋯最憤怒嘅地方係我哋叫咗本身$68嘅鮑魚，聽佢講冇哂優惠餸，話做$38給我們；到埋單時卻收$68，個姨姨理直氣壯咁話價目寫好晒，唔可以隨便講同改；根本就是騙子。最難受，係佢一離開我哋張枱就大聲同另一個阿姨講「梗係$68點會$38⋯⋯！」咁嘅服務態度，下次真係唔敢去大家如果唔想食到一肚氣，就記得唔好去了！

今日試試新茶樓, 怎知在裏面叫了四樣點心, 試試，唉，等一小時, 才上了三款點心, 還有一款點心變成炒麵. 落錯單了, 唉, 等了一小時才吃了三款點心, 我不是在等西餐呀。冷氣又勁凍, 不想再等了!

兩個人拎左個籌，叫到既時候就話賣緊單等多陣，咁我就企係嗌飛個呀姐隔離，等左一陣佢就叫另一張飛入去，以為係叫其他枱入，不過見到係跟我之後既二人飛，我就問幾時到我入啦，呀姐反問返我係咪掛住傾計。我唔出聲繼續等，之後佢繼續比其他二人枱既飛入，我再問佢先記得我地。各位睇緊d你地張籌呀。

牛柳粒：份量都幾多，牛柳粒亦都好林好易咬，相對起咁多個餸之中，最鍾意係呢一個～蝦球：覺得呢個麻麻哋，黑牛入邊基本上係冇味，所以食嘅時候一定要成嚿一齊食，如果分開嘅話就冇，所以成個餸就覺得普普通通。蟹：都算係幾大隻同埋都幾抵食嘅，味道就比較清淡～炒飯：份量都幾多，味道正正常常～

今晚第一次去啟鑽商場的紅樓吃飯，服務員態度不好，叫了多次也沒什麼反應，水都要自己加收一服務費，但自己招呼自己我們叫了一個珍饈百味一品煲，應該會有鮑魚海參花膠等的材料，上菜是鴨掌鮑魚冬菇生菜，收我們$368，但吃的是$168貴一倍我對單看到問經理，開頭不肯改單強調菜單的圖只是參考⋯⋯親戚質問$168的名是蠔皇南非鮑魚扣鵝掌但無蠔又無xx的！最後經理不願意地改回價錢，我們覺得這做生意不老實也混亂⋯⋯食物來說，就還可以，有些覺得好吃的，不過份量比較少，如果要客人回購，必須改善服務態度⋯⋯

惡劣服務3連擊：1) 事源叫左碟雪山叉燒包，上枱見--扁既，咬第一啖--凍既，試多啖--仲有面粉痴住既，同個部長解釋完，未講到我地想取消，佢衝鋒拎走剩低兩個話整熱。再次上枱係比返果碟，唔緊要既，但隻碟都辣手，明顯只係用微波爐加熱，咁就同佢講唔要喇，請取消。個部長兩度！係兩度！拉埋其他部長系我地面前話：叫我加熱完又唔要，玩我！仲即籍表演食晒兩個包比我地睇。2）咁精彩就搵左個高級d經理，想正式反映啦，結果如出一徹，佢勁敷衍咁話：得啦，幫你取消啦、會話佢。同行一枱仍然不爽，就再講：果個咁既服務態度唔掂喎，哩個高級經理即刻勁唔耐煩，不停同我地重覆：話左佢啦，大家都係打份工啫！（哩d野係人都知啦，但服務行業邊有咁講出口架。）3）之後埋單時，系接待處想問個投訴電話，知客稱：無電話，你上網啦！（意思要我搵平台公開嗎？）真係食到一肚火！！

新新地一個場，唸住平日去唔會多人，點知星期五都迫爆個門口，可能大家都等下午茶掛，差不多五六七十人等位。終於入到去，為左呢個而黎，價錢抵到不得了，唔係一般酒樓點心，係，High tea式嘅點心set。一黎到，當然相機食先。官廷桂花馬蹄糕好高級，成朵花咁，仲要白兔奶凍超滑，竹炭黑金流沙包流得好緊要，最正戊佢個蟹籽燒賣居然有隻蝦係到，呢個完全估佢唔到，仲要爽口彈牙，好味，炸物唔油。另送一壺花茶，但佢地無晒透明茶壺，轉用普通飲茶用嘅壺，感覺怪怪，但個桂花烏龍好香，如沖多壺都肯定仲夠味。呢個set已經值得等。仲叫左個糯米飯同埋炒米粉，都係有質素嘅。如果想飲茶都可以打卡，又唔怕等，呢個下午茶好值得等，百零蚊2個人有卡打有茶飲，抵。

終於星期五啦~食晚飯建議大家book定枱放工去到茶樓已經好多人等緊位, 有book枱既就可以直接入可能星期五晚比較滿座, 枱同枱靠得比較近, 坐得有d擠迫冰燒三層肉 $68燒肉皮燒到脆卜卜  細細舊好易入口  食多幾舊都唔會膩京式片皮鴨(半隻) $98鴨件入口得微溫 有幾塊淨係得鴨皮 食完飲左好幾杯茶都沖唔走係口中既油膩感餅皮每層都有點心紙隔一隔方便夾 但係唔夠熱 兩籠加埋得6塊 完全唔夠包+$38 二食 生菜包鴨崧碟鴨崧既擺盤比我既感覺超級hea 似廚房用剩少少材料就炒埋一碟咁西芹冇左佢應該要有既顏色鴨肉既部分係刀功非常好既師傅切既肉丁 完全食唔出有鴨肉 只有濃濃既汁汁醬醬味生菜係新鮮既意大利黑醋脆豬柳 $88每舊豬柳都非常精緻 包裹住厚厚既炸衣 口感酥脆  只有濃濃黑醋味 冇左豬肉味青椒有一舊係生既招牌煙熏燒鵝皇 (例牌) $148燒鵝皮有少少韌完全唔脆 皮下脂肪都唔算多 味道就不過不失 一開始仲叫左金湯蟹肉伊麵, 食完以上幾道菜有催過幾次單 中間有個經理答話廚房整緊 信佢再等多左45分鐘都未到 忍無可忍即刻取消個伊麵埋單走