糖水佬甜品

營業中

休息中

同三個朋友一齊去食，我同兩個朋友一齊叫左先，另一位朋友係後加既。我個兩個朋友糖水到左，已經差唔多食完，我個個仲未到，吹左佢一次，話好快整緊......由於我等得太耐，見佢有麥提莎糯米糍，咪叫囉，黎到，點知係白色一舊舊既，就咁糯米皮放兩粒麥提莎落去，完全唔係平時出面啡色細細粒個隻，$25得3粒🙄又唔好食。之後，我朋友後加個糖水都到埋，我個個仲未到，再吹多次，話個蜜瓜切緊。洗唔洗整咁耐牙！？後加個個都黎埋，你同我講依家先切蜜瓜？一般出面都係切好哂啲配料，加埋一兜就出嫁啦，算。最後黎到，我叫個個係哈密瓜大明珠，係椰汁底的，椰汁底冇椰汁味好似白色既水咁，本身大明珠冇味，你個椰汁底又淡味，哈密瓜又唔甜，成兜野冇味，你係完全唔會想食，最後我淨係食晒啲哈密瓜就算，$30食垃圾，新年流流真係好灰☹️☹️😡食物質素差，阿叔又Hea覆，唔會再黎幫襯！

收銀呀叔態度超級惡劣！琴晚放工諗住買碗糖水番去治癒下，點知換黎一肚氣2019年1月30號，傍晚6點半左右外賣凍椰汁黑糯米 $20 諗住溝西米餐牌寫住"經典甜品凍熱兩溝同價"，正常人都get到以為係兩溝都係$20啦，點知收銀話$21，無所謂我照俾，不過俾完都係唔明個$1邊度黎😮我都係正常語氣詢問番，但個呀叔一起已經係無好氣咁指俾我睇，又係咁重覆：「熱甜品兩溝$21呀！」語氣非常勞嘈，呀叔我係叫凍甜品ok？「咁簡單都唔明？」重複左n次，呢句說話除左侮辱我，對成件事有咩作用嗎請問？🧐「咁簡單都唔明？唔明咁無啦！」最後拋低呢句就走番入舖👏👏👏🤗喂呀生，我買既係凍甜品喎，你個兩溝加$1寫向熱甜品度，凍甜品又寫兩溝同價，明顯有誤導啦！都算，你正常態度解釋我都俾得鋸☺️但你個收銀呀叔收銀就粗聲粗氣，大聲到全舖頭都聽到咁串我話我蠢，咁真係多謝晒喎！😘咁既態度唔洗旨意我回頭，亦絕唔推薦俾身邊既人！問起深水埗糖水？我會推薦其他囉！🤗唔知係呢位收銀呀叔係老闆定員工！不過老闆員工都好，咁衰既態度都只係趕客，反正附近大把選擇！拋開上面，講番甜品，西米同黑糯米好少，用羹好難"but"到，係誇張到我轉用粗飲管飲！🙄西

一向都中意食豆類既野，加上有選擇困難，所以每次去糖水舖都點喳咋，貪佢乜豆都有D😆。是日晚上路經此地，見到餐廳店外個招牌寫住喳咋，勾想我既食慾，結果拉埋朋友入去試下佢。凍咋喳 $20不得不說呢度既咋喳都幾足料，口感豐富，麥米彈牙，芋頭軟爛，不過甜度對我黎講就甜左少少。凍芝麻糊 $20呢個芝麻糊質感似係加左粟粉既湯羮，口感好奇怪😫，而且芝麻味唔香，唔好食。由於平時食開熱芝麻糊，所以唔知凍芝麻糊係米就係呢個質感，但以後唔敢再食凍😣。

琴日食完飯走左去糖水佬食返個中式糖水，我叫左個香芋西米露加丸子，糖水上得都幾快。一食落口嘩，好鬼死甜，碗野真係得個甜字，果下我真係唔知食緊啲咩，廚師真係煮得好求其，似係煮滾熱水加糖，再加煮好左既西米落啲水度再加兩小舊芋頭同丸子，mix埋一齊就端碗糖水出黎，可能佢叫香芋西米露真係就咁得芋頭同西米同水所以碗糖水又無芋頭味又無椰汁又無花奶。最後我唔明點解我碗野會有蛋花係入面，成件事變左丸子蛋花香芋西米露，個口感真係好奇怪。我記得我以前食過係無咁差，真係越做越差我諗我以後都唔會再幫襯

食完晚飯，同一班朋友轉場食甜品，佢地話哩間唔錯，我叫左個什果，再加雪糕，見到真係嚇一跳，咁多雪糕既，第一次見咁闊佬，味道又唔差，芒果味好重，真係想再加多款口味，可惜食完已經飽了。

食飽飯見到門口錦光孟就吸引左我入去啦,入到去枱同枱之間空間都好足夠,望下餐單價錢大概30蚊-60左右,算係實惠!我叫左個喳咋糖水椰奶味好香呀,同埋D豆好林,好足料又大碗,真係好抵,我都食唔曬朋朋友就叫左個MANGO雪糕西米露,明顯地雪糕係大過隻碗一半既,都幾重手下WO~!雪糕低下西米好多好多又好味,真係好抵!

附近食完晚飯，同朋友意猶未盡，轉場再吹水，當然係揀間糖水鋪，隨意揀左哩間，叫左個午果涼粉加芒果雪糕，超大份，雪糕不是球體狀，芒果味好重，什果都好新鮮起碼冇酸味。

工作中去到深水埗，因為要借廁所所以入咗呢度，揀咗一款糖水外賣，就入咗廁所，出來已包好比我！糖水款式都幾多，中西式都有，一定揀得啱，店內裝修簡單乾淨，店員落單爽手，唔多說話椰汁黑糯米（$20）簡單發泡膠碗，攞到時隔住個碗都覺得熱，做完手頭工作先食，我並不是即刻食，打開糖水仲暖，椰汁浮面，撈勻後，紫米煮得透又有咬口，不過紫米唔算多，唔係好滿足，糖水杰身漿口，甜度ok，可惜唔夠多紫米！欠缺飽滿口感紫米唔夠多

同朋友在附近食完飯，佢地提議去哩間食甜品，我叫左楊枝金露加芒果雪糕，雪糕有兩大塊，好吸睛，成碗甜品好黃色，見到流晒口水，大熱天時食雪糕簡直透心涼，心情都特別愉快。

細細個已經聽糖水佬 咁岩尋晚喺深水埗食晚飯，所以散步去食甜品講嘢甜品，深水埗我淨係識糖水佬！可能我見識少，又唔係住呢一區～之前都諗起松記！但係距離我哋食晚飯嘅地方太遠，所以就選擇左糖水佬！好耐之前嚟過，所以尋晚去到嘅時候都幾surprise因為裝修左，變得好靚！而且地方乾淨左好多！（可能佢已經裝修左好耐，但係我真係好耐冇嚟過）🤣🤣🤣 我就叫咗芒果黑糯米(my favourite) 我男朋友就叫左西瓜涼粉加大量奶🤣🤣🤣 等左一陣就有得食，我覺得兩個都好好味！一黎我本身好鍾意食涼粉加奶，佢嘅西瓜又好甜，所以好鍾意！至於芒果，都係大大嚿同埋好甜，黑糯米就不嬲都係最愛 所以都食到自己覺得好味嘅甜品

午夜時分, 跟朋友去食糖水, 位於黃金商場十字路口位, 招牌非常搶眼, 所以就試一試糖水、甜品、飲品款式很多選擇我最喜歡食榴槤甜品的我點了榴槤飄香$37 , 但本人對芒果有敏感, 不明白明明是榴槤飄香但要加入3粒芒果肉食落口好稀, 裏面只有西米, 而且不夠凍我朋友就點了椰汁星洲喳喳$20 , 呢個以中式糖水黎睇份量偏大碗, 幾抵食 我朋友話味道都唔錯

以前一直有食開呢間(合益還未攞米芝蓮的年代)，以前最愛楊枝金露加芒果雪糕或是芒果涼粉加芒果雪糕。時移世易，好像加了不少價。雖然如此，但生意比從前好多了。淨楊枝金露同雪糕楊枝金露差$7，這裡用的是牛奶公司質素的cheap cheap雪糕，雖然畀得絕不手軟，但還是覺得有少少不值。所以叫了淨楊枝金露($35)。很足料，很多芒果，芒果很香甜。內有些爆珠，增強口感。

同朋友做完義工想吹下水，就嚟咗呢度。間糖水舖係朋友揀嘅，如果自己去食嘅話，都係想食返啲有名氣啲嘅，例如松記糖水，綠林甜品，貴族甜品等等。老實講，睇裝橫都覺得伏伏地。自己都唔想食太貴啦，就叫咗個大菜糕（$18）。首先，我未食過咁實嘅大菜糕。另外，個人覺得，大菜糕要加奶先好食，但係一係多奶一係唔加，冇中間。如果大菜糕要加奶嘅話，可唔可以唔好咁孤寒呢。朋友話腐竹糖水都算足料嘅，但係個人來講覺得色水麻麻，偷咗幾啖試，覺得偏甜。薑汁撞奶都係偏甜，薑味可以多啲。不過朋友食完之後肚痛唔知關唔關事。楊枝甘露唔係特別鍾意就冇試。其實真係麻麻哋好食，不過一分錢一分貨，唔奶要求太多。

簡簡單單的糯米圓沾上左滿滿既🥜花生碎😚，黃糖粉和芝麻，上面啲粉多到就黎滿出黎😱😱，但配上無內餡既丸子就剛剛好，唔會過甜又好香.糖不甩好似乒乓波咁大粒🐙，好煙靭好好咬🤪，真係食完一粒又一粒！而且微暖既外皮♨️，食完真係有種幸福既感覺💮！

一路由太子行到深水埗去食碗糖水，其間係為左吹水先越行越遠，哈哈。深水埗呢幾條街有n間糖水舖，見呢度有位就食佢啦，店內全部滿座，坐門口位咋，天氣涼涼地ok啦，有街邊風味。芝麻糊湯丸（$29）朋友點左芝麻糊，夠熱不過甜，芝麻好香又夠杰身，都幾好味喎，加湯丸三粒要九蚊，其實都真係唔平，哈哈，湯丸好味吖嘛，不過得芝麻湯丸揀，芝麻糊加芝麻湯丸真係好芝麻呀腰果糊湯丸（$33）自己點左腰果糊，心大心細要合桃糊好定腰果糊好，最後揀左後者，少見啲呀。腰果糊都唔太甜，但無乜腰果味？比較上黎芝麻糊好味啲。芝麻湯丸爆餡，煙煙韌韌嘅皮，湯丸好味主要係坐下吹下水啫，糖水係配角黎。