糖水佬甜品

營業中

休息中

今晚飲飽食醉整返個糖水！深水埗好處就係食飽行2步就有甜品店，地理位置方便，今次食糖水佬比較下!價錢可以啦，不過又唔算平雜果小丸子，本來以為d水果會切到好細舊，原來都幾足料，但係就唔係時令水果所以哈密瓜同西瓜都唔夠甜但個芒果汁就好甜，小丸子就好q彈，ok 唔錯。渣咋，呢個我朋友點既，好多唔同豆類，隻味有點似紫米露，營養價值高，落埋椰奶又香又滑，幾好。最唔好食就係呢個哈密瓜西米露，哈密瓜唔甜之餘個西米露好甜，過多糖水同埋唔夠椰奶，好稀身，不喜歡。。。

今日閒日，同朋友仔食完晚飯咁啱經過哩間糖水鋪，見餐廳光光猛猛，企企理理，就喺門口望咗兩眼，順便望吓個餐牌，哩個時候企門口嗰位妹妹仔就好落力咁推銷而且好有禮貌外加笑容燦爛！於是乎就決定行入去試一試，入到去有卡位坐而且坐位舒適，落單出餐時間唔算太慢，可能因為閒日唔係特別忙嘅關係。點咗個什果黑糯米同雪糕楊枝甘露配搭芒果味嘅雪糕，第一眼望落去啲生果大大件，雪糕又大大件，食落仲好新鮮果味十足整體用餐感覺非常好，簡單啲黎講哩間鋪的確稱得上為老字號，最重要嘅係啲甜品足料又抵食又有內涵畀到人用心製作嘅感覺，支持老字號糖水鋪下次會再幫黎幫襯題外話：餐廳老細的確請到個好員工，餐廳出品如何出色都好，都必須要有好員工嘅全力推銷先會有生意，希望哩間糖水鋪長做長有啦

救命，買碗糖水返來，本身好開心諗住有糖水食，點知一打開即刻聞到臭味，聞到就好想嘔🤮🤮🤮🤮🤢🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮，極度嘔心🤮🤮🤮，真係未試過買啲糖水係咁樣🤷🏻‍♀️，點解可以咁嘔心🤢🤢，過夜就唔好拎出來買啦！！咁樣害人都有，浪費左我啲錢買碗咁既糖水🤷🏻‍♀️都唔知係咪想食死人，以後絕對唔會再幫襯呢間糖水鋪🤬🤬🤬🤬🤯

每一次食完晚餐，我都好想食個甜品，先會覺得滿足。 今日喺深水埗附近食晚餐，所以之後就嚟咗呢度食糖水。呢度嘅甜品選擇都ok，價錢望落都唔算貴。 由於天氣真係太夜所以最後叫咗兩個甜品都係要咗凍嘅～～南北杏雪耳燉木瓜($29)糖水味道清甜，用料十足，不過小編就覺得有啲過份甜，好似甜到遮蓋咗木瓜嘅味道。雪耳爽口，整體味道都ok！芝麻糊溝合桃糊($28)賣相同想像中有啲偏差，初頭會以為佢整得靚啲，但真係原來佢直接將兩個溝埋一齊。😅 成碗糖水質感幼滑，甜度適中。總括嚟講如果想食下糖水，傾下偈嘅話，都係一個好嘅地方嘅～～

剛剛好落班，結束咗一日葛辛勞，梗係要慰勞一下自己個胃啦，天氣感熱，就想吃凍葛糖水了，一個人來到深水涉葛糖水佬甜品Tong Shui Lo Dessert；店內環境單調整潔，而且有好多糖水品種可以挑選！超級鐘意吃軟糯食品葛我，點咗一份自己最喜愛葛椰汁黑糯米，黑糯米葛軟糯加上椰漿，吃一淡，椰汁葛奶香以及黑糯米的糯糯嚼勁，直到吞嚥下去都口中帶有濃郁的椰汁甜香！而且糖水甜度適中，唔會甜到膩；我仲特登買咗兩份糖水返屋企比家人一齊嘴饞一下！

聽人講過呢間D糖水話好好食,咁經過開咪捉埋老虎乸黎試下囉,點知..............................$26 薑汁蛋白燉鮮奶個賣相都唔差,望落好滑,聞落薑味唔多,但我都幾期待。點知,唔食由至何,一食完全唔掂一達達,口感極差,又"唉"口,唔識形容。芒果西米露都唔係好食,芒果都唔係最大問題 ,但D西米呢,一D一粒粒一D一PAT PAT 好難食。糖水佬甜品整體評分 2.0 /10推介: N/A(五分滿)老虎回頭率：老虎乸嬲豬指數：🐯🐯🐯🐯

活動了一整天，食完晚飯，加上美味的糖水，就會為整天劃上完滿的句號。晚上飯後時間，正是糖水店的黃金時間，所以很多人在店外等候安排入座。因為吃糖水用時不長，所以等候時間不算太耐。入座後，看見餐牌上有很多不同種類的糖水，中式，西式都有，就選了幾款糖水。傳統的，腐竹意米糖水，糖水香滑，但略為偏甜。南北杏雪耳燉木瓜，用料充足，清甜可口。蛋白杏仁茶，新鮮好味，味道剛好，非常滋潤。西式的，芒果西米露，芒果汁香濃。珍寶香蕉船，份量十足，可以選擇雪糕球的味道，非常窩心。

是日夜晚經過深水埗，且友人推介這家糖水，所以我特登買咗兩個糖水返屋企chill 一chill外賣咗一個芒果西米露 同一個芒果紫米露。芒果西米露就我妹食，佢評價係：芒果一般 ，西米好難食，有陣奇怪嘅味道。好啦到我食芒果紫米露，頭果幾啖都覺得還好，嗯，一般連鎖糖水店嘅水準，沒驚喜也不太好吃，$32 也不算抵食，然後，令我嬲到爆炸，不能接受嘅事發生啦！食第N啖芒果有陣生果「宿」咗嘅臭味！真係即刻lurrrrrr返出黎！認真作為一個香港人，我真係第一次見識到用爛芒果整甜品嘅糖水舖，仲要係都叫做出名嘅一間。永不再食！警惕大家！（另外，紫米都係另一大伏，第一次食到成口渣嘅紫米！睇返d渣先發現原來係米殼！）

今次食左個薑汁燉奶同薑汁芝麻湯圓。兩個甜品都唔洗30蚊。個燉奶好有薑汁味，佢隻燉奶唔係話好滑，但係味道唔會太甜，都唔錯。薑汁湯圓粒粒都好大粒。而個薑汁都唔會太甜or太辣。最岩呢幾日返風,飲完好暖身。呢個價錢食到呢個質素，真係唔錯。

糖水，甜點，我來了一心高高興興食甜品，但是叫了一碗難🉐️不是間間有的腰果露來吃，但是完全沒有腰果味，仲杰撻撻，完全未發開的糊仔。一條條咁，太差了。另一碗芝麻糊，不遑多讓，一點芝麻味也沒有，怎麼吃下去。

夜晚未想散band，同男朋友去深水埗食糖水。見外面都幾多人排隊，隔離幾個大叔話呢間啲紅豆沙綠豆沙好正，叫咗一碗試試，無咩特別，普通酒樓水準。仲要咗碗雜果涼粉，生果酸到不得了，食咗幾啖就要停口

好難食！我諗要用10個好難食先至可以形容到啲一個楊枝甘露，我未試過食一個楊枝甘露是酸的，正常一間糖水舖芒果是很重要，如果你啲芒果品質不佳就唔應該供應給客人，整碗楊枝甘露都是酸的，食了兩啖已經食不下去，寧願浪費

人龍長長的，好彩唔駛等好耐! 唔知係咪因為新年嘅關係，所謂嘅生磨合桃並唔係生磨，食到粒粒未溶嘅粉粒 🤔 無以前咁好食 lu ..生磨合桃露 + 湯丸 ~ 食到粒粒未溶粉粒，無合桃味.芝麻糊 + 湯丸 ~ 朋友話太甜.薑汁蛋白燉鮮奶 ~ 最正常的，眼見幾滑溜

又到左甜品時間，揾地方食甜品，之前去食過都一般尚可，今次去真係好吳得🙄🙄芒果🥭豆腐花x2榴櫣飄香x1———————————————————-芒果🥭豆腐花———-好普通既一碗豆腐花，加D芒果🥭係面頭，無乜特別，又吳覺得特別好食😅————————————————————榴櫣飄香———非常失望，平日好多甜品舗頭都會有一舊榴槤，呢度係溶哂既榴櫣水甘，又一pat pat滐蓬蓬既西米一舊，係好難食😫未食過一間甜品鋪既榴櫣甜品甘差😨

同三個朋友一齊去食，我同兩個朋友一齊叫左先，另一位朋友係後加既。我個兩個朋友糖水到左，已經差唔多食完，我個個仲未到，吹左佢一次，話好快整緊......由於我等得太耐，見佢有麥提莎糯米糍，咪叫囉，黎到，點知係白色一舊舊既，就咁糯米皮放兩粒麥提莎落去，完全唔係平時出面啡色細細粒個隻，$25得3粒🙄又唔好食。之後，我朋友後加個糖水都到埋，我個個仲未到，再吹多次，話個蜜瓜切緊。洗唔洗整咁耐牙！？後加個個都黎埋，你同我講依家先切蜜瓜？一般出面都係切好哂啲配料，加埋一兜就出嫁啦，算。最後黎到，我叫個個係哈密瓜大明珠，係椰汁底的，椰汁底冇椰汁味好似白色既水咁，本身大明珠冇味，你個椰汁底又淡味，哈密瓜又唔甜，成兜野冇味，你係完全唔會想食，最後我淨係食晒啲哈密瓜就算，$30食垃圾，新年流流真係好灰☹️☹️😡食物質素差，阿叔又Hea覆，唔會再黎幫襯！