糖水佬甜品

營業中

休息中

這區有好多甜品店，但如果鍾意食中式嘅甜品，呢間都還可以過得去！今次我點咗個腐竹糖水（熱的）-好夠热，而本人平時食得都幾甜，但係呢碗嘢我都覺得有啲偏甜唔知係咪落堂落得重手左呢？渣渣糖水- 就係我朋友食嘅，見佢成碗食晒應該都唔差！

難得約到班FRD去食大排檔，順便走埋下場食個甜品見到附近有間甜品排緊隊，又開得夠夜，咪諗住試下點諗到會嬲到要特登開OPENRICE AC寫負皮一入店見到餐牌已經FEEL到唔太對路，全部野都貴得好離譜講緊淨豆腐花都成35蚊，平時出面甜品鋪食都先應該20幾大家諗唔到食咩，就決定先叫個88海盜船，諗住價錢甘貴個份量應該夠2-3個人食再睇下有咩岩食再嗌，就甘樣落住單先本身侍應都冇咩野，我地都同侍應講我地仲睇緊，轉頭再嗌點知一段時間個收銀叔叔就突然破口大罵態度惡劣話我地落唔夠，要再嗌詰咩依家新年邊可以甘，其他台食客即刻聚焦係我地身上大家都唔GUR佢明明可以再有禮貌少少講野，你見我地猶豫不決甘都可以推介下我地食咩而唔係甘樣令到我地尷尬同難堪，嬲到即刻同佢講我地CANCEL張單走人點知個阿叔詰你地唔俾走阿！你個甜品已經出左唔走得但我想講，你間鋪就冇講話低消呢樣野，你明知我地叫得唔夠仲叫廚房出餐俾我地?事實個甜品都仲未上，甘我地問，個甜品呢？佢話就快點知隔左再3分鐘先等到個甜品服務態度講完，就講佢個甜品到底點樣值88海盜船，兩球雪糕，加施捨量既西米同芋圓，仲要冇糖水上既時候仲要暖既，跟本個容器同入面既

同朋友飯後係深水埗揾左間甜品店食，店舖幾近地鐵站📍深水埗站一岀行幾步就到，之前成日見到好多人排隊，我哋7:00pm左右比較早去食，當日唔洗等位，而且呢間甜品店款款店都幾多，中西式都有，我哋叫左2碗生磨芝麻糊$25，其中一碗加左湯丸3粒$12，湯丸細細粒，芝麻味 芝麻糊味道普普通通，唔會話太甜，價錢合理💰2個人賣單$62，想普普通通平平地食碗糖水可以試呢間😋追求質素既朋友可以試其他糖水舖🙂‍↕️

出咗深水埗站行幾步就見到呢間甜品店睇到佢menu上有好多唔同款嘅甜品 好吸引🤤所以就入去試下今次我就試咗雜果黑珍珠🤤呢款甜品嘅水果種類多而且水果數量都唔少再配上芒果汁味道酸酸甜甜 好開胃🤤而且價錢都唔貴👍🏻

求其入去一間糖水舖，叫左兩碗糖水，結果全軍覆沒！雜果紫薯芋圓，水果極少😑芒果小丸子，芒果極酸🫣而且兩碗糖水都好稀，仲要收$110幾，即刻暈低左😵‍💫出左鋪頭先發現原來咁多差評！下次試新嘢前都係先 search 下

深水埗依頭都有好多糖水店，今日因為一班人去食，見佢比較多位，糖水都算多款式，就揀咗佢，就中咗伏啦。食物除咗味道，我諗賣相都係好影響食欲。我諗大家對喺糖水舖嗌雪糕都會期望佢係一球球，就算唔係一球都起碼𢳂得靚仔少少，而家依個賣相我覺得就真係好難令人接受，仲衰過食自助餐自己𢳂果個樣，仲要朱古力色真係聯想到啲咩你諗下。雪糕西米露都好難話會難食，佢個朱古力雪糕叫做好啲嘅地方係有朱古力碎碎，都有啲啲口感，只可以講真係個賣相影響整體感觀。

突然間好想食中式糖水,近近地搵咗呢間糖水舖!叫咗份薑汁蛋白燉鮮奶同埋雪耳紅棗杞子燉桃膠。燉鮮奶熱辣辣好滑,薑汁味啱啱好👍🏻燉桃膠唔會太甜,紅棗味好重,好啱女士飲

今次同朋友食完飯, 嚟到糖水佬試吓. Order咗個芒果西米露. 啲芒果超級酸, 所以最後食淨啲芒果. 好彩糖水個底用咗芒果汗, 所以就咁食西米露都好有芒果味.🫧🫧🫧🫧

意外地黎左呢邊食晚餐，同朋友傾計傾到意猶未盡，於是搵地方食糖水！黃金附近都有好幾家糖水舖，大多中式糖水～蛋白杏仁茶 $40好似冇落糖咁，一d甜味都冇，不過都幾好食，杏仁味夠出，感覺落足料，蛋白夠多，好健康👏🏻雷沙湯丸 $25相對呢個好出色，湯丸應該似自家制，口感超軟軟軟糯👍🏻我認知嘅雷沙係粉狀沾滿湯丸上，呢個係芝麻花生，唔知同糖不甩有咩分別，呢個調味非常不錯👍🏻我覺得冇需要專登黎食，但經過可以一試😉不過唔如果想坐得耐，要食慢d，我地食完想坐多陣感覺好似唔想我地再坐落去咁，咁我地都費事阻住人地做生意乖乖離開啦～

合桃露好食！番薯糖水正！燉奶正！外賣到屋企食仲熱辣辣！合桃露甜度適中！唔太甜！好味！番薯糖水，番薯唔老！冇根！好好食！甜度剛好！有薑味！好好食！燉奶又滑又熱好食！

熱芝麻糊 ($30)- 不過不失- 濃郁到適中，唔會太杰唔會太稀熱蛋花香芋西米露 ($30)- 買完5分鐘內打開嚟食十分之熱- 稍為嫌佢香芋唔夠多- 香芋味十足初一開到凌晨兩點

同友人係深水埗食完晚飯後，友人提議食糖水於是係附近見到呢間糖水舖就入去試下睇過餐牌好多款式，但又冇咩心水最後揀咗穩陣的芒果西米露-嚟到賣相都幾靚仔，點知都係中伏入口第一啖有陣突兀的味道試哂所有材料，原來係出自西米而且西米仲係黏住一大堆，唔係一粒粒分開芒果係正常味，幾片有甜有酸整個糖水係各自有味道但冇融為一體冇諗過呢種都叫現成隱陣派都可以咁難食相比許留山真係好食太多價錢又唔算平，冇諗過質素差到咁只能說比錢買難食，永冇下次

叫咗個芒過西米露同麥提沙糯米糍西米露叫做中規中矩不過我覺得太傑食咗一半就食唔落個係個糯米糍真係食一啖就無再食啲皮又厚又粉啲糯米糍唔知雪咗幾耐啲麥提莎淋晒嘅真係有啲失望

琴晚臨著為興祝世界盃 特登揸車去買糖水差不多一點 興幸 #深水埗 @糖水佬 收三點出發前 打定電話落去order 定☎️電話過程 一完講完要咩 阿叔叔已經咩都冇講 直接收線#今時今日咁嘅服務態度唔得架 落到去話order咗咩 就真係已經預備好 俾錢 走得🚗叫咗 #楊枝甘露 $42 正常囉 係芒果肉少啲#生磨合桃糊 熱 $29呢碗真係 #炒到PK ‼️打開蓋都知出出地事架啦🤦🏻‍♀️諗著可能外賣返到嚟 隔咗成十分鐘 所以個面果啲杰咗咁再攪勻吓 🤬🤬🤬🤬🤬成碗都係咁嘅都算啦。。。夜媽媽 有得食 冇咁多要求點知😤😤😤 冇合桃味 得個「甜」！然後越「不」越「糊」嘅 一舊舊 好似白膠漿咁唔知以為食緊「甜合桃粥」🤣🤣🤣真係浪費都係咁話 成碗掉9咗 更嬲到忍唔著要表揚吓佢地🤮🤮🤮呢間野真係越做越炒 咩生磨？！ 用粉開 仲要攪唔勻 唔溶粉之餘 再加糖水 就真！ #垃圾 今次真係黃店都幫佢唔到 大家放心 佢對面有間真黃嘅 @深深甜品=====================#懲罰 #黃色經濟圈 #yellow深水埗 #yellowssp #yellow糖水 #hker #hkig #hongkongfood

記得之前同一舖位位置有間甜品舖，係好味的，但唔記得係咪呢間，見門口都好多選擇，於是入去食，點知今晚叫左三款甜品，其實三款都麻麻地，唯一得糖不甩相對好少少😂😥.冰花燉蛋 $29好味度：⭐️⭐️⭐️味道是小時候屋企整的燉蛋。。蛋+水+糖🤣不過唔知點解食到個底位置，有少少粉粉地，口感有d 奇怪🤔🤔心諗，應該唔會加左d 粉落去掛🤔😂.糖不甩$23好味度：⭐️⭐️⭐️相對比另外兩個味度好少少。。.雜果大明珠 $39好味度：⭐️⭐️呢個好唔掂。。雖然嗌左多椰汁，但點知佢d 椰汁撈水撈到淡到好難食，呢個最差😥😥.雖然多款揀，但味道唔得😂😂😖