糖水佬甜品

營業中

休息中

喺度食過都好多次，有試過堂食同外賣，最鍾意係佢嘅芒果系列，例如芒果小丸子，個芒果汁底夠濃，食完都成日掛住🥰另外就係果汁系列都唔錯，例如蜜瓜汁，無溝水，可以電話落單，不過直接去落單都好快有👍🏻❤️

去完燒烤例必途徑食湯丸，真係超好味😋三碗甜品有熱有凍，共通點就係加湯丸😂🤣😂🤣😂芝麻糊滑不留口，必叫之一。豆腐花凍食也滑滑溜👍🏻👍🏻最緊要也是加湯丸🥣🥣

糖水佬甜品，食過個人都知道黎間店是老字號。哩次專登過黎食。價錢方面都幾公道。核桃芝麻糊，核桃味道蓋過芝麻，食起身，好香，值得一試。我選佐熱嘎，不錯不錯。榴蓮糯米糍凍凍地，好多榴蓮，可能食佐地熱野，再食榴蓮糯米糍，有滴凍🦷椰汁星洲渣渣入邊好多料，花生，紅豆，綠豆，芋頭等等，類似雜錦。

今日去完黃金商場…食完lunch之後突然間好想食個糖水..傳統既廣東糖水，中式糖水我就只諗起深水埗糖水佬。呢到選擇好多，各式各樣既糖水，燉品仲有啲小食同飲品都有。可以自由咁配搭…分別點左一碗椰汁蜜瓜西米露椰汁味夠哂香濃同香滑但個人就覺得成碗野偏甜左小小..令到冇左果種好消暑解渴既感覺..另一碗就叫左蕃薯糖水蕃薯份量好多….而佢既薑味都好夠好出..味道帶有小小微辣..甜度都剛剛好…係我最鐘意既蕃薯糖水口味

起深水埗行得攰，梗係想坐下食下糖水啦！入到舖頭，環境十分乾淨，整潔，已經光猛冷氣充足，所以感覺很好！首先叫個芒果西米露，係芒果底嘅，而且上面有好多芒果，價錢又唔貴，夠哂足料👍🏻另外叫左個芋圓涼粉西米露，呢個D料真係多，芋圓又多，涼粉又多，真係抵食夾大件，食完仲有啲飽嘅感覺。我哋仲叫咗個芒果糯米糍，入面有三粒，粒粒都好大粒，芒果肉又大，而且一D都唔酸，好味👍🏻呢個真係值得一試呀！如果鐘意芒果嘅朋友一定唔可以錯過呀！

今日趁放假最後一日，同小朋友一起到深水埗買遊戲game。食飽午飯後，諗住去搵間糖水舖食下糖水。見到糖水佬，其實都好有歷史，細個都有喺度食，所以入去幫襯下。入到去叫咗一個合桃露、芝麻糊及楊枝甘露。嚟到之後就知中伏⋯⋯合桃露冇味，芝麻糊冇味⋯兩碗野杰撻撻，完全係用豆粉水加粉開出嚟⋯仲要$30一碗⋯真係唔識講。食得豆粉多頂住個胃，對身體都唔好。其實做街坊加生意，唔好呃人呃成咁⋯⋯我講出嚟，都係唔希望有下一位受害者。

去深水埗覓食，食完晚飯梗係要食返嗰甜品見間間都排晒隊 唯有邊間有位就入邊間🌟麥提莎糯米糍（$23）糯米糍比想像中大件 而且有3粒外層仲用撒左滿滿嘅椰絲不過裏面嘅餡料有d意想不到本來以為係麥提莎醬 但原來係放左2粒完整嘅麥提莎係入面😂😂 所以口感同平日食嘅糯米糍唔同有d唔慣🌟椰汁黑糯米（$23）同想像中嘅椰汁黑糯米有好大出入碗野稠過隔離街啲碗份翅😅啲椰漿完全冇椰味仲要甜到漏 食左1/3已經食唔落🌟椰汁芋圓涼粉西米露（$35）依碗甜品好足料 涼粉夠曬多😉但好可惜椰汁味唔夠濃郁 西米亦都煮得過軟😌芋圓夠煙韌彈牙 不過芋頭味就不足🥲-門口雖然有體溫探測器但店員完全冇叫人量體溫見好多人都直出直入喺疫情期間覺得可以再做好啲

行街行到攰攰地，想搵個地方坐低休息下，經過糖水佬就決定食返個冰凍嘅甜品/甜點就最好不過。下午時段都幾多人，等咗10分鐘左右就有位喇。有選擇困難症嘅我，選擇太多都唔知食乜嘢好，最後決定揀西瓜嘅甜品，咁熱嘅天氣食個西瓜消消暑都唔錯西瓜大明珠 $33大明珠配上椰汁底，第一次食大明珠都幾特別，好似食珍珠咁，但又冇珍珠奶茶嘅珍珠咁煙靭，椰汁夠香加埋西瓜夠消暑啫哩西瓜冰 $33啫喱就係提子味，配埋冰涼嘅西瓜冰，夏天食好適合。

去咗深水埗好多次第二次食糖水爐記得上一次仲係食緊碗喳咋，呢排細度唔好決定對自己好啲所以就嗌咗個糖水好奇妙之旅同埋一個榴槤糯米糍，個糖水囉一度有驚喜非常多生果我諗成杯有一半都係三個月底呀有啲啫喱襯托都幾match，反而個榴槤糯米糍可略醃鹹太少唔夠多榴槤肉否有啲後食落冇乜榴槤肉，不過整體都ok嘅可以再食~

武漢肺炎搞到個friend滯留響大陸，上去又要隔離，返嚟又要隔離，所以已經好耐冇出嚟食飯喇~ 難得佢終於返嚟香港，緊係出嚟食飯慶祝吓啦~ 我地打完邊爐就過嚟食佢好掛住嘅榴槤飄香加雪糕一如以往，我地全部都係要榴槤飄香，分別只係加唔加雪糕。 佢嘅榴槤飄香真係好食，又大碗， 有濃濃嘅榴槤味，真係好卦住馬拉嘅榴槤呀！！！ 最衰而家武漢肺炎搞到冇得去旅行啦，如果唔係，一定要去食榴槤呀！！！！ 但係好彩， 都有糖水佬嘅榴槤飄香頂住先，如果一路都冇榴槤食，我真係會癲架真係一個字形容呢個榴槤飄香 --- 好食！！！

武漢肺炎呢排好似少咗出嚟咬人，我地可以出嚟食多d飯趁武漢肺炎冇咁活躍，梗係要食粥底邊爐啦~ 食完之後，例牌行去食糖水佬 門口都幾多人等外賣，堂食都full full地， 不過好快有位， 我地填得form, 度埋體溫再睇埋menu, 都入得去lu~ 我地響門口見到d啫喱大菜糕，大家都好疑惑，究竟點整架呢？！ 點整到左右一半呢？ 簡直係違反物埋定律，定係IQ題嚟架呢？！我地一入去坐低，已經可以叫，三個雪糕榴槤飄香吖唔該 雪糕有得揀朱古力，士多啤利，雲呢拿同芒果， 我地3 個都係要朱古力見到都好開心， 有好多雪糕， 朱古力雪糕仲有d朱古力粒響度， 榴槤飄香就有好香嘅榴槤味， 正呀~ 所以我地次次都係叫雪糕榴槤飄香咁滯， 好味呀！！！食完之後真係好飽，我地飽到行幾個巴士站去到旺角先搭車~ 好滿足呀

深水埗食糖水真係平 糖水佬呢間唔錯呀維持到質素 尤其是係大明珠超正係佢呢度比較多款 其他糖水舖多數都係芋圓嗰啲但係冇大明珠今次叫咗椰汁大明珠同埋兩份大明珠，如果唔加水果其實都算平呀都係廿零蚊，大明珠份量都多，食完又飽都幾好味😋唔算話超級甜所以啱我呀可以再少甜啲嘅 同埋服務態度都幾好，因為喺外面見餐牌個價錢同最後俾錢有啲出入，然後職員都好有禮貌而解釋返，所以都係一次唔錯嘅堂食體驗題外話發現佢哋用嘅淡奶同椰汁都唔係平時超市買嗰隻牌子

武漢肺炎搞到我地冇得出街食飯，但係又死唔封關， 中門大開，呢個垃圾正苦其實想香港人死.... 終於等到開返晚市堂食， 第一時間即刻book位食飯~ 真係太耐冇出街食飯， 好慘， d食肆仲慘， 希望佢地捱得住啦我地食完飯又點少得食糖水呢~ 呢間糖水佬都幾多人響度等外賣， 我地填完資料，度完體溫就入去坐， 好彩唔駛等位我地繼續叫我地嘅例牌， 雪糕榴槤飄香， 好耐冇食喇， 超卦住 另一個friend就食南北杏雪耳燉木瓜， d阿婆要食熱嘢~一拎到上枱， 真係急不及待咁食， 因為太耐冇出街食糖水。。。。。 食落真係有種熟識嘅味道， 好好味，好香榴槤味， 又有好多雪糕~ 正呀！！！

在附近吃完午饭后，本来计划逛一下，然后才坐车回家。见到这家糖水店后就心思思，誓要吃完甜品才打道回府。他们应该刚开门营业，店内客人不多，量完体温后就随便坐。糖水和甜品的种类很多，冷的、热的、传统的、新潮的..... 各式其色，款式多多，价钱也算是大众化。最后点了一碗渣咋热食，其实碗子可不少，里面的糖水份量和用料也多，香芋、扁豆、红豆，......等等装得满满的。糖水上还加了椰酱，令它更香浓。值得一赞的是味道也不会超甜，吃完不会腻。这里的糖水不贵，款式也多，下次会试其他的。

星期六下午好多人。要排隊等位。 叫咗燉鮮奶（熱）同埋 燉雪耳桃膠 （熱）。 上到枱竟然只係微暖。在8度嘅天氣下，真心覺得接受唔到..... 本來想叫佢翻熱一下，不過算吧啦，佢地人手都唔夠🥲座位都十分擠逼。疫情下都係少去為妙。