粵軒

營業中

休息中

食品質素滿意，但份量偏細份A) 1 鍋白菜豬肺湯-清甜，但6人小碗份量B) 客家釀豆腐煲-味道很好，但份量偏少C)煎蓮藕餅-香口D)蠔煲-份量偏少，味道一般E)咕嚕骨-等待製作時間45-50分鐘，最後take awayF)白飯數碗-等左15分鐘（店員稱，飯未煲好）服務水平極差 （1）不會提供冷藏蛋糕服務給生客！（2）店員及老闆娘會不時在店內講粗囗！（3）等待食物上枱時間長 （曾有一道菜等了50分鐘）（4）整店由老闆至店員對生客既服務態度是一致差到不會令生客再次光臨！（5）食物價錢偏貴。店旁新斗記反而便宜一點！

這間粵軒酒家是我跟同事第一次去, 踏進店內,一眼睇晒,店內十分之細,店內已經有很多客人,而且大枱也不多,好彩當天我們一行7人,只需等了十分鐘便有位.今天我們決定大吃一餐,一坐下即刻點了青介脆蝦一口漢堡仔,漢堡包很脆,而且青介味也很夥味,豬潤腸已切成一件件,皮滑潤腸香,蝦餃起大粒,最好味是蠔仔粥,粥仔起多,味道很好,七人也不夠食,還有香芒撻,冰凍入口,完全透心涼,整餐點心分數,我比九十分,因為有兩個點心真心不好食,錦露雲吞和炸粉果,兩款炸物很油,雲吞汁吾夠味,不過,我會再去的.

其實已經係第二次食。第一次食都覺得回味，第二次就不必了，失望而回。服務態度十分差最出名豬肚雞。味道已經有我第一次食的回味，今次好咸。豬肚好少。土伏伶龜湯，本以為冇味精，但事後十分口湯，應該味精不少。但$148都好大鍋。算低飲。份量確實足，味道也可以。只是肉質好差，粉好多。食吾到肉。介茉味，十分怪，又係牛肉份量少得可憐。只是吃西勤。千萬不要試。算是不過不失。最滿意的一個。外脆肉軟滑。失望的一餐。

今天剛去完車公廟，走回大圍打算到尖東飲茶，卻得知兩時後不再接受入座，於是只好在大圍尋找好吃的東西，然後，便遇上它了。看到有幾款看上不錯的創新點心，好，就一試吧。時間已晚，入座沒有難度。叫了數款美點：蝦餃王: 全隻以蝦為主打,內涵味道無難道,難得皮薄彈牙。帶子餃: 創新點心一試,本質上跟蝦餃極為相似,只是加了帶子及上面的假翅,口感多了一層腐皮卷: 腐皮卷以創新形式表現,將腐皮捲著鮮蝦,用紫菜紮口,炸了的形狀像一尾尾鮮魚。既香口復嚐到蝦的鮮味。不過如果人太少會太熱氣,三人吃正好。鮮竹卷: 相對平凡,用料不錯,但精粹似乎在其魚湯,所以把湯都喝光光了。百花釀秋茄: 又一上火之作,蝦肉釀茄子來炸,比腐皮卷好的是較有汁,但相對來說也把蝦肉的味道按下去,所以兩點心各有千秋。上素野菌腸: 這腸粉跟其是次其他點心的路線迴然不同,其他五樣味道感較重,而且都有蝦的成份。而這個上素野菌腸味道甚淡,開始第一口的評感並不太好;然嚐了數口後方明白上素的淡淡味道,才是這個素腸粉的精粹。由於不在商場內或太旺的地段,性價比可以用不錯來形容,希望店家繼續努力,我會再來的!

本來無心寫這個食評，但這次光顧的感覺實在不爽，吃至半途決定不吐不快，於是掏出手機拍照，此時已有一半食物下了肚。話說周日在大圍隨便走走找吃的，見粵軒門外聚集了十多人，好奇下加入等候。後來才知道店家不派籌，單靠老闆記憶編排，如此不靠譜的方法真虧他想得出！幸好這時已是下午二時後，人不太多，未見太混亂情況，只是這個人流管理方式實在令人不敢恭維。其次要說說老闆和員工的態度：由上至下，眾人面口一直繃緊，仿佛是他光顧你而不是你光顧他！可是一轉頭，老闆招呼熟客時卻滿面堆歡，我只能驚歎其變臉特技之高超！坐下一看點心單，發覺與九龍城譚點異常相似，但價錢比位處九龍心臟地帶的譚點還要貴！最後點了八款點心，包括蝦餃（兩粒）、魚肚餃子（三粒）、香芋排骨飯、蝦腸、芥末小漢堡，香芒布甸、焦糖燉蛋和豆沙鍋餅。先來的是排骨飯，芋頭切成一寸丁方，很乾很焦，全沒芋頭香味，似是隨便灑在飯面。排骨還過得去，但飯非常差，嚴重缺水，飯粒乾得可以一顆一顆剝下來，難以下嚥。後來來了個魚肚餃子，拿餃子湯汁拌着才勉強將飯吞下。至於這個餃子，難吃得沒話說！餡料究竟是甚麼東西至今我仍無頭緒，吃着只覺是一團很堅實的肉。餃子皮極厚，咬下去滿嘴是強烈

滑疍煎糯米雞：糯米雞本身無煎過!只是用塊蛋皮包住個唔熱嘅糯米雞，名不乎實，一般嘢！筍尖蝦餃： 一句講晒-＂厚皮＂千年蛋牛腸 ：腸粉皮厚夾唔滑，唔夠熱芥末脆蝦一口漢堡： 見個麭有烘過的色水，睇落有期望，點知個麭是不熱的，有點失望！灌湯餃：撈一撈，見湯裏的仿翅重未浸軟，重硬硬地。一口咬落個去，哇! D饀好似一口䊢湖，吐出來睇真D，原來全是肥膏攪成，不能下嚥，放棄了，28大元報廢了!重括來說點心不合格。服務方面一般至麻麻地，等位唔派籌號，一片混亂，以為佢好旺場，只是假象!

呢間嘢我幫襯咗成年之前都覺得佢地D服務好差以為佢地會慢慢有改善點知過左一兩年啦都係咁差，啲服務員成日俾人睇白眼，不過呢間野D食品的確有幾特別嘅，首先先講個燒賣雖然只得兩粒但係誠意十足,外表好靚呢個燒賣望落去同平時啲蝦燒賣雖然個表面真係差唔多但係佢上面多咗啲黑色既魚子醬嘅，一啖燒賣加魚子醬放入個口度食真覺得同平時酒樓質樓差太遠了,呢度真係好食好多,同埋佢地有個(一口漢堡)望落去好似一個迷你嘅漢堡包(太約2-3隻手指般大)呢個嘢裏面有啲雞肉芥辣同埋菜成個配搭相當之好味！另外又有個個滑蛋糯米雞，呢一個點心相當特別，佢同一般糯米雞大細差不多，不過佢外面唔係用荷葉包住而係用一層滑蛋包住淨係睇賣相之特別同吸引，我係好多飲茶既地方都未見過，所以你話唔怕冇服務態度的話，又想試都幾特別點心，都可以來哩度一試！

野食份量小，又貴，極度唔抵食安排入坐又唔用飛，以為自己記性好，點知比其他人入晒都未到我，仲話自己記得記得！熟客一黎到就入，街客等成個鐘都無得入，公平到呢！入到去，員工招呼好到無人理，入點心張紙去左十年都唔返黎！呢間野真係無下次！！！

今晚同老人家食飯, 三個人, 6點到左入去食.食到6:45, 我同爸爸已經食完, 但女麻女麻仲食緊, 好明顯仲未放低筷子, 繼續夾送. 某女侍應不斷黎想收左D 送, 每隔2分鐘就黎一次想收. 有禮貌地講完一次又一次話未食完, 總共黎左4次. 想點?????老人家怕唔好意思, 唯有急急食完!埋單時同個職員講, 做咩要趕個老人家走, 黑面話無.講真, 環境食物唔錯, 但態度咁樣, 點食呀! 食一餐飯, 一個鐘, 唔係好過分姐,

諗住食小菜，都成八點幾到，生客就當透明，熟客同代客泊車就即刻有位，淨係要人等等，生客又唔問上唔上樓上，要成家人係街食風！部長淨同人吹水，樓面叫極唔應，激鬼氣都唔知食過咩！

兩個月前食過一次晚飯，覺得味道不錯，所以約了一家人到此食團年飯。但不知是否換了大厨，整體食品變差。除了聖子之后，其它菜式難以嚥下。首先，梅菜一字骨，醬汁味道太濃及太咸，根本食唔到梅菜味及肉味，另外，梅菜及一字骨可能烹煑太長時間，肉及梅菜太＂林＂,根本食唔到。古法蒸魚雲，魚雲唔新鮮，好腥。最后，胡淑豬肚雞，涷啲唔熱架，唔怪得個侍應係在點菜時不停sell我食雞啦

好多人都提早做節,周圍既中菜館都full booking,唯有試下早d walk in,睇下有冇位,好好彩,一行7人有位wor ,可能太早(6:00pm)食dinner既關係,我地都唔太肚餓,只係order咗 好夠味ar!! 好香胡椒味,我地食到連湯都飲埋,yummy!! d肉好散ar!! 最重要既脆醬都做唔好,一d都唔香脆,我只係食咗一舊就放棄la!! 餐牌標名話美國桶蠔,點知上到枱好細隻ar ,有d失望,不過個味道都ok 既!! 好大舊,而且舊舊都有肥膏,食唔慣lor,加上我之前在外面食過,人地係用自家制既酸梅醬去炒,但呢度係泰式醬lor!! ok好味,夠晒芝士醬,不過如果d大蝦可以再爽d就仲正!!

一直很想試這間位處於大圍的新派點心店。有好幾次已經是從門口出發了，但最後又臨時改變主意到了別處。是日下定了決心，那裡都不去，只一心想來吃一頓點心....人客算是蠻多的，好不容易才找到個位子，就算是要搭枱也不介意。喵一喵點心紙，發現無論從外表的設計以至點心的陣容都與龍城的"譚點"極其相似 (有些款式甚至是完全一樣)。兩者，可說是如出一徹....一個人試不了那麼多款，就只能精選幾味吃吃。金針雲耳蒸雞飯件頭甚的骰，飯量少；米粒僅僅熟，偏硬，不是自己那杯茶；雞肉入味且不算嚡，但致命傷是雪味竟還未除；金針及雲耳又是少得可憐。作為打頭陣，這飯已是落筆打三更...記得好像在"譚點"也吃過類似的這個黑魚子北菇燒賣。肉本身帶甜鮮，而且不是太淰，不俗；可惜的是那層黃色外皮是包得甩皮甩骨，有碍觀瞻，而且吃完一整籠後也食不出有加入冬菇粒在內，真令人費解....千年蛋牛肉腸算是比較對版的一道。皮蛋雖是硬硬的，但碎鮮牛肉味不太羶且帶微甜，而且腸粉皮拉得帶煙韌且厚薄適中，是完生沒有黏筷的情況出現。這個倒是意料以外的做得好....在點心小店林立的今天，要維持生存下去，除了實力之外，運氣倒是另一因素。老實說，若不是這店

有別於大圍區內酒樓。單看餐具就知同媽媽二人飲下茶，媽媽第一次去新式酒樓，所以選了幾款點心。子薑蒸魚雲, 上台時 發現是未熟透, 要再反蒸用子薑取代薑去蒸, 魚雲味道酸酸的, 不過子薑太少了。錦鹵雲吞，正價錢貴點, 服務普通啦

在前文"裕富"的食評中，提及過在大圍有兩間點心店，另一間，就是在楓林小館後面的"粵軒"。與六國酒店內的中菜廳同名同姓，事實上兩者是沒有任何關係，反而我覺得，此間粵軒與九龍城的"譚點"，有些雷同之處。首先，是用上的茶具一模一樣，第二，就是點心款式極為相似，第三，價錢是一樣地不便宜，一籠蝦餃＄16，其實只得兩粒。又是在平日的早上來，除非陪家母飲早茶，或朋友們茶聚，否則我絕少在公眾假期早上飲茶，最大原因，莫過於人多又要等位。但是平日的早上九點多，還是差不多坐滿食客，很多點心店收你茶錢，茶壺也沒有一個，粵軒便沒有這種弊處。點心紙上的選擇不少，名字夠特別，而且即叫即蒸，看起上來比"裕富"的來得精緻。很可惜，第一道點心已經失手，荀尖活剝蝦餃皇，聽個名頗殘忍，一聽到就覺得監生將隻蝦剝殼，這樣是否好吃一點，抑或純屬吹噓？但是蝦餃的外皮非常之薄弱，一夾即破，而且蝦餃本身還是包得很鬆，開口位中門大開，就算內裡的蝦肉怎樣多，怎樣逼爆，怎樣爽甜，筍絲怎樣鮮甜多汁，外皮之弱，什麼也徒然。收得這個價錢，有期望是正常，夾著這個蝦餃，令人搖頭。為何棉花雞要加上"順民"兩個字，實在不得而知，個人吃棉花雞的習慣，一向是魚