粵軒

營業中

休息中

同一天，在旁邊另一間酒樓等位等到一肚氣，好後悔無直接入粵軒搵位，咁就會慳番好多時間，同埋無比人影響心情啦！雖然舖面細細，樣樣都好企理，服務態度又好，食物更比我一个驚喜！名符其實嘅“一盅2件"蝦餃、黑魚子燒賣都好好味，叫左个瑤柱雞粒炒飯，又夠乾身，真係唔錯！不過石榴果就粉皮太厚，原來唔係潮州个種蛋白皮，係粉果皮！仲有好多新潮款式，下次再去試晒佢！可惜這裡嘗完味道，填滿肚子就要閃，因為實在太少位置，見到d人在外面等位，妳都唔好意思坐咁耐啦！好o野都要益吓人地嘅！

呢間店走的係中上級路線.價錢不算得人驚.但食物份以精緻作賣點....環境尚算舒服,值得一提的..有幾個位在魚江旁,厠所門口,就有的問題首先茶具好有特色,茶具上仲有一些詩句...呢間店選呢套茶具給客人,的確有心思...排骨飯--排骨.骨少,肉味尚算鮮甜,而飯粒粒粒分明..但有三分一黏底蝦餃...呢個我覺得差.一夾起二粒都散開..蝦肉俾薑味蓋過....有點怪清酒雲呑雞...清酒味濃.而雞肉用雪藏雞脾,肉質好滑...而雲呑太硬...後來我覺得有魚肉成份先會咁硬一口漢堡:我都欣賞呢間店沒有盲目抄人,肯創新.....個漢堡太細夾住一件炸魚,加上菜...好香口,不過呢個食物只吸引小朋友..甜品,石榴同芒果布甸.各自7元一啖...但真材實料.生果多於粉...個味好濃,同食生果都無分別二個人坐左個幾鍾....149元...價錢都能接受

住在大圍區的我,知道這間食肆好一段日子了,但.....因為每次從店子外面看入內,都見到好像地方很細的,心想一定難以有位的了,所以,每次即使出大圍市搵食,都不會想起它,直至前日在Open Rice無意中看到這間食肆,看到有那麼多的好評,便相約了朋友去試試. 早上十一點九到達"粵軒",我與另一友人叫了以下食物:石頭魚餃 --->> 一籠只有兩粒,但..賣相好精緻,咬下去,除了有石頭魚肉, 更有好重的薑味~山竹牛肉 --->> 一碟有三粒,味道與外面的大同小異,只是這兒的耐放都不會 那麼容易變黑~乜乜炸蝦腸 --->> 這個忘了名字,一碟有六小件既腸粉包著炸蝦,外軟內脆的, 口感較有層次,味道也不俗~"芥末一口漢堡飽"--->>好Cutie既漢堡飽,芥末味調得剛剛好,沒有搶喉的感覺,

本想到最近新開張的新斗記酒家飲茶, 誰知去到還未開門營業, 唯有走行前幾步, 到粵軒飲茶吧。推門入去, 店內不是很大, 但已有不少客人用餐, 座位排得好密, 服務員安排我們坐在近大門的一張枱, 由於內裡已爆滿, 別無選擇, 不過就因為坐位很貼近大門, 每當有客人進出時, 都要忍受開門時由外街帶來的一股熱氣。早茶點心選擇不多, 都是大路的貨色, 我們點了四款點心, 包括有: 蔥花皮蛋瘦肉粥, 蘑菇雞包仔, 肉鬆炸兩腸 及 蒜香陳村粉蒸肉排。個人覺得比較特別的是肉鬆炸兩腸, 炸兩面上放上肉鬆, 一口咬下去, 多重味道, 而且賣相還不錯呢, 值得推介。四款點心, 連茶位及加一服務費合計 $74, 兩人用餐, 價格還可以。不過下次真係要去新斗記試試啊。

今日同好友係粵軒食左三個鐘，朋友極力推介，果然名不虛傳! 今日十二點半前已經到左，朋友訂左位，上左二樓。雖然樓梯窄d，但二樓得四檯，靜靜地岩曬三兩知已係度吹下水~望住張點心紙，覺得款式唔多，但係就有好多係出面一般酒樓食唔得既特別菜式，值得推介: 青芥脆蝦一口漢堡仔: 脆蝦塊好新鮮，好正!黃金茄子肉：個人最鐘意呢個，咸蛋王茄子，好好食呀! 聖子皇: 我地三個人，叫左一人一隻，都幾鮮甜。豬潤腸：呢個唔好食，個人覺得辟味做得唔太好。蝦餃燒賣：每籠兩件，超大粒，最岩人少少叫。甜品：試左梳芙里西米布甸、雙皮奶同石榴布甸，每樣都細細碗($7)，最正係石榴布甸，隻味好特別! 好開心，食到好飽，每人盛惠$120，我覺得好ok.值得一試!

大圍有幾間飲茶o既地方呢間我覺得係用料最新鮮點解呢 ? 因為就連豉汁鳳爪的配菜---青豆 都食得出係新鮮gei ! 那個灌湯包亦非常好吃用上的是素翅外皮薄、素翅多 ! 不得不說這裡的甜品久不久就會轉款而且份量不多，適合我這些"為食"又要keep fit gei 女仔~

今日星期日, family day, 諗住同爸媽&妹去飲茶, 大圍, 離不開就係明星or新天地...但爸媽說開左間新茶樓叫粵軒, 佢地話果度幾貴但少人, 唔洗排隊...我當然要去試新野啦!估唔到既驚喜......舖頭細, 但D茶杯.....幾有特式喎又~睇下點心紙, 正丫~ fusion野! 牛肉腸 , 正, 有皮旦起入面, 腸粉個皮唔錯, 包住厚厚既牛肉! yummy! 熱辣辣~ 煎封咩燒賣拼酥炸蝦餃, 蝦餃個皮好薄好脆, 包住一大舊爽口既蝦, 正丫! 牛肉球, 好正, 好新鮮, 仲有D鮮菌高湯做底, 未食過~good! 焦糖旦, 唔馬虎! 芒果布甸, 好正~ 唔係假芒果! 細細杯, 可以試埋其他味, 岩哂女士們 ^_^ 蒸蝦餃, 蝦夠爽, 但我嫌個皮唔夠彈性, 有D痴牙 湯浸腐皮卷, 不過不失 石榴球, 我無食到所以唔知 (因為碟碟蒸野通常得兩舊) 叉燒飽, 普通 馬拉糕, 乾身左D, 唔夠輕身, 所以食完覺得好飽&乾~ 皮旦瘦肉粥, 我無試, 唔知呢~食左好多野, 四個人, 都係二百一十幾蚊, 抵過去隔離新天地!遲D諗住食佢個晚巿, 好似好正咁喎....hehehe~ 多謝你黎

三個人來飲早茶, 叫左十幾樣野, 連埋加一, 都係200蚊咋!!!雜誌介紹, 點心師傳曾在高級會所工作, 所以點心的款式比較特別, 部份似西菜多過中菜添!

眾所週知, Wanchai Luk Kwok hotel 有間粵軒, 有人見到有間A貨在大圍, 於是帶領三位試食兵踩場. 在坐食客都是中上人仕, 裝飾尚算可以. 聽聞廚師班底是從跑馬地 ' 竹園 ' 過來, 但這晚菜式水準一般. 其中一碟餸的一隻蝦無挑蝦腸.是夜叫了很多菜式, 另人叫好的是胡椒豬肚浸雞, 正!!!, 雞滑, 湯內的豬腸好食, 於是我叫廚房加多D粉腸. 炒素翅, 我覺得已很好, 只嫌芽菜小, 但團友話旦老了少少我對魚雲興趣不大, 但今晚我居然食了很多, 因為夠鮮味蟹鉗好彈牙, 但跟碟的醬汁不match雞旦雞絲煎米粉, 十分出色, 如奉上陳醋更好, 十分出色, 如奉上陳醋更好, 但那自製的 XO sauce 都很好