米子燒肉家 (已結業)

粉嶺中心近期都開咗幾間新餐廳，其中一間係食日式燒肉嘅，見價錢都幾抵食，於是約埋朋友一齊去試下。餐廳地方都幾乾淨企理，枱都幾闊落，唔會有好逼夾嘅感覺。呢度有丼飯套餐、燒肉套餐，我就每樣點一個試下。丼飯五目牛肉盛丼 $88丼飯套餐會送一杯冷泡茶；牛肉都幾多，軟腍度剛好，仲有紫菜拌飯，再加上洋蔥同蔥花，加埋溫泉蛋流出嘅蛋汁好容易下飯，好味呀。燒肉澳洲燒肉盛盒套餐 $88 150g套餐有白飯、和風湯、泡菜/迷你沙律。有澳洲穀飼M3牛肋條、澳洲草飼M2牛頸脊、澳洲草飼封門柳。牛味都幾香濃，份量啱啱好夠下一碗飯，如果鍾意食牛可以點 300g $148，份量會更多，絕對滿足到你。另外佢個泡菜蘿蔔食落好爽口，好好味。

粉嶺中心新開好多食肆，趁有時間逐間試下先😏有時星期一至四工作日收工唔想食太多 但係又口痕想食燒肉，食一人燒肉就啱啦。見到晚市套餐價錢都好實惠 完全街坊價😂🇺🇸美國燒肉盛合套餐150g $75燒肉套餐有飯 湯 小菜和一碟肉，男朋友好大食都夠飽，唔錯👌d肉新唔新鮮睇顏色就知，呃唔到人，有豬肉有牛肉 滿足幾個願望可以過下燒肉癮🥹燒肉肉質唔韌 我本身唔食生 燒既時間都幾耐。但係都唔影響佢個口感 豬肉牛肉肥瘦都剛好😋🐂五目牛肉盛丼 $88呢個丼飯我覺得買$150都不為過，見到碗飯已經胃口大開。份量都頗多 另外有只溫泉蛋再撈燒肉汁，簡直一流。仲有塊脆紫菜和少少洋蔥絲，食落去同牛角飯好似差唔多🤨呢個丼飯既肉質較燒肉套餐既肉厚d，肉質唔韌唔會鹹。係高質燒肉應有既味道 🤩🤩想講個燒肉汁好正 瘋狂點都唔流🥹埋單200蚊都唔洗 值啦 宜家出去買燒肉返屋企燒都好貴🥲

之前lunch都同同事食過丼飯，今次就約埋試吓晚市燒肉先！老實講價錢唔算貴，我揀左個美國牛餐，價錢算係中等級數，300g都夠曬食！一個燒肉餐包白飯一碗，沙律或泡菜一碟，同湯一碗。肉嘅質素真心幾好，本來諗住美國牛應該冇澳洲牛咁正，但事實又唔係噃，幾重牛味。我就覺得唔點醬料都好好食！不過佢嘅醬料又幾好味，尤其是中間白色嗰隻蒜蓉，有啲想買返屋企食添🤣呢隻牛板腱真心正！同事就話佢想食丼飯，一個人食燒肉一個人食丼飯都冇問題可以照坐一枱。個丼飯又真係幾足料嘅，除左靚牛之外，仲有埋溫泉蛋紫菜蔥花，的確係冇食燒肉咁寡（但當然牛就少啲啦）有啲蛋汁咁送白飯特別好味㗎丼飯附送飲品一杯。餐牌就寫日本茶，但今日係紫貝天葵，酸酸地幾啱襯燒肉！總括嚟講，百幾蚊有得燒下燒下都幾抵玩，仲要食物質素唔差。要讚下佢哋夠冷氣，對住個爐都唔覺熱，唔錯，有下次👍

黎到粉嶺搵間日式野醫下肚先, 係粉嶺中心地下有間米子燒肉家, 新裝修, 好新淨, 乾淨亦好光猛。 👏🏻座位好闊落, 唔會一入到去就好大油煙, 抽風做得幾好, 至少食完都冇話成身燒肉味!🤗我地2個人就一個食燒肉, 一個食丼飯:五目牛肉盛丼賣相幾好,都好吸引食慾, 我就中意篤穿溫泉蛋撈飯, 個蛋漿包住D飯真係好正 , 牛肉肉汁豐富, 肉都大片, 醬汁好好撈飯, 好快就食哂成碗~😌澳洲燒肉盛合套餐150g✌🏻套餐包白飯, 和風湯, 泡菜或迷你沙律~ 肉質香口, 好林, 好香牛味, 食燒肉好處係, 燒自己中意幾多成熟都得, 店舖提供左3款口味既醬汁, 有蒜味, 甘味同埋燒汁。上菜速度快, 下次會再幫襯~😻😻

終於開返晚市堂食，好耐無出街食燒肉～～記得喺粉嶺火車站附近有呢間店，就過嚟encore丼飯同試吓燒肉～～丼飯揀咗五目牛肉盛丼，同上次食一樣咁豐富，肩胛牛肉肉味濃，燒得好味，濃郁牛汁加溫泉蛋撈飯，正！另外，燒肉喺度就第一次食，揀咗澳洲燒肉盛合套餐，有三款牛肉～牛肋條、牛頸脊同埋封門柳～牛肋條肉質鬆軟，少少油脂，幾嫩口～～牛頸脊切薄片快熟，較有咬口，牛味適中～封門柳牛味濃郁，軟腍，油花較少～豐富嘅晚餐～～

一向粉嶺都冇乜特別好嘢食，今日行開粉嶺見呢間新開冇幾耐，主打食燒肉，減錢又實惠，就走入去食呢度環境唔算好大，但座位佈置得好舒適，又夠闊落，一啲都唔迫餐廳食品選擇都幾多，淨係燒肉都有咁多款揀，仲有得揀份量，可以按你哋嘅食量去選擇我哋嗌左個五目牛肉丼飯係珍珠米，溫泉蛋，牛肉燒得好靚又夠大碗，好抵食另外我地嗌澳洲燒肉盛300g啲肉燒完都好軟滑，好好味👍🏻👍🏻跟餐仲有湯、沙律同白飯食飽飽埋單都係三百都唔洗，真係好抵食

重未正式開張，無得訂位，所以18:30 walk in攞位，重即時有位可入，地方闊落、舒適、乾淨，櫈底有兜擺袋～ 百零蚊有一個牛set 算足夠一人晚餐份量（女士好夠飽），點左澳洲燒肉盛合、美國燒肉盛合、澳洲和牛扒，澳洲兩款都好味，好重牛味！美國就肥牛佔多所以多油感覺（我麻麻），平均百零蚊鬆啲就食到，哩間係抵食嘅選擇～ 會再黎！

召喚粉嶺寶寶們🥰🥰呢間燒肉性價比抵食過牛角😏😏想抵食又食到靚牛🥺建議可以叫一份米子人氣牛腔200g + 澳洲燒肉盛盒300g再share食🤫⭐️⭐️建議試食先後次序，可以先由牛味冇咁濃嘅部位食起：先食澳洲燒肉盛：M3牛肋條（牛肋條係咁多塊肉最un嘅，但食落感覺有啲似淋左嘅牛腩，而且唔算好肥）👉🏻M2牛肩脊（🤪開始有牛味，肉質比牛肋條淋🤤🤤）👉🏻封門條（🤩啲雪花開始平均，開始牛味濃嘅節奏）後食米人氣牛腔👉🏻牛小排（好滑身，雪花好平均，牛味好出）👉🏻和牛臀肉蓋（🤩🤩 第一次食，出面少見啲，脂肪同肌肉比例岩岩好🤩一入口啲牛嘅油脂同味道出晒黎🤩🤩）

粉嶺開咗間新燒肉😛收工近近地可以試吓，餐廳闊落，座位之間有一定距離唔使擔心太近。一坐低落單，職員就會好細心咁拎啲醬汁俾你，有柚子醋、燒肉汁、蒜泥。澳洲燒肉盛盒套餐❁ 有3款牛 ，牛肋條、牛頸椎同埋封門牛柳，澳洲牛肋條脂肪分布平均，幾香口，質地淋身，切到細細粒好容易咬。封門牛柳都幾正，相對較瘦，啱晒我驚肥😛米子人氣牛控套餐 有美國牛小排、澳洲和牛臀肉，油脂充足，本身已經蘸上了特製醬汁，肉質細膩，配飯好正。套餐包一碗飯、味增湯，仲有沙律或者泡菜，飯嘅份量好多所以唔使擔心唔夠飽☺️整體感覺都唔錯可以再過去食~

米子燒肉家 (粉嶺)粉嶺新運路33號粉嶺中心地下145-146號舖#粉嶺都有似樣嘅燒肉店#性價比算高👍🏼 豚三國王樣 套餐(300g) $98✔️套餐包括伊比利亞豬、美國梅肉同皮桃腩✔️當中皮桃腩最出色，好爽口，充滿油脂👅✔️伊比利亞豬同梅肉都係薄切，不過不失啦，煎得香脆唔會太油膩✔️$98食倒300g (仲要唔係劣肉) 都算係咁啦😌澳洲燒肉盛盒 （300g) $148✔️個套餐全部牛✔️當中個牛頭脊最出色，其餘兩種牛比起就冇咁juicy，但都可以，不過不失✔️油脂分布平均✔️呢個價錢食到咁多牛幾抵！✔️點佢個蒜蓉醬真係舔舔脷🤩套餐包括白飯、蘿蔔海帶湯(清甜好飲)、泡菜同埋醬料🤩呢間餐廳啲肉唔會過度醃製，點上醬料好滋味，更顯出肉嘅鮮味👍性價比算高，呢個價錢食到咁多肉好抵！Igable打卡度：8/10Taste 好味度：8/10Worth revisiting返兜度：8.2/10#粉嶺美食 #上水美食 #大埔美食 #香港美食 #粉嶺 #燒肉 #韓燒 #日本燒肉 #fanling

粉中米子燒肉想試好耐可惜開咗冇幾耐就禁堂食解禁後第一時間就同fd子燒下燒下晚市套餐價位唔離譜百幾蚊大概有200~300g肉包白飯，麵豉湯，沙律或泡菜我哋叫左個米子套餐同澳洲牛套餐燒肉最緊要講下個爐🔥非明火，發熱線，加熱速度幾快個網重身，唔會燒燒下痴住啲肉衛生冇痴立立抽油煙機對正個爐坐到七八成滿座嗰陣都唔算煙霧彌漫少少味難免，但我覺得可以接受嘅個餐賣相正常啲肉解凍得幾好冇出水上枱嗰陣侍應冇講解咩肉係咩部位個人感覺呢間嘢嘅侍應都係走cool爆路線算啦反正我只係想食燒肉同埋食完我都只可以分好味定唔好味🤣我覺得性價比最高一定係澳洲牛套餐佢嘅牛幾款嘅牛味都唔錯米子餐因為得200g，唔係太夠喉呢兩款餐嘅牛都冇經醃製所以質素決定一切係咪好靚嘅牛我會話中級一分錢一分貨啦總括黎講粉嶺一帶燒肉真係一間都冇黎感受下個氣氛又唔洗出城係ok嘅

🍴米子燒肉家 （粉嶺)📍粉嶺新運路33號粉嶺中心地下145-146號舖粉嶺近來開左唔少新餐廳😍北區人都可以係區內試唔同美食✌🏻今日嚟到位於粉嶺中心新開嘅日韓式燒肉餐廳😎試一試佢地嘅燒肉丼先～(⁎⁍̴̛ᴗ⁍̴̛⁎)開返晚市堂食 一嚟到walk-in 拎位要等一陣都有幾多人排隊新開嘅餐廳環境座位都好四正 有唔少卡位因為要燒肉嘅關係 每張枱都會有個燒烤爐🔥不過今次我地唔係食燒肉😜而係想試下佢地嘅丼飯🍚睇睇Menu📋 丼飯都有好多唔同配搭主要有牛🐮亦都有豚肉、炸雞&鰻魚每個丼飯都伴有唔同成份👀我地就分別揀左蒲燒鰻魚丼 & 肉の雙劍客丼 ✌🏻每款丼飯都配一杯日式冷泡茶飲我地個杯係酸梅湯飲🥢蒲燒鰻魚丼成份有飯🍚、日式大紫菜、鰻魚汁、牛肉、半條鰻魚、蔥花、蛋絲🥚雖然話係半條鰻魚🙈但實情係至少有手掌咁長😮烹調火喉恰到好處食落口仲有D餘溫🔥而牛肉咬落冇渣🤔大約燒到7成熟左右🥢肉の雙劍客丼成份有飯🍚、牛汁、角切（牛肉）、炸雞、玉子、乾椒絲呢款丼飯嘅炸雞其實唔係普通韓式炸雞店嘅炸雞個種反而食落口感有啲似麥樂雞😂麥樂雞嘅fans應該會幾鍾意食（本人就是）外皮脆脆地 入面肉質都juicy仲有角切左嘅牛肉都嫩口配埋唔同嘅

今日終於可以去打籃球加食飯，可能因為今日3個月後第1日打番波，超攰=.=之後去左粉嶺揾左間食肉補習蛋白質。本身有見好多人食燒肉，但個FRIEND話想食丼飯，最後我地點左兩個丼飯五目牛肉盛丼牛飯肉仲有温泉蛋，這個丼飯有兩款牛肉，有一種牛肉比較有咬口，似牛仔骨的口感，而另一種牛肉就比較軟身，似比時食的燒牛肉，比較JUICE，如果鍾意食牛的可以試試這個。蒲燒鰻牛截我的朋友就選這個丼飯，比較足料，因為除左牛肉之外，仲有鰻魚食^^。配埋飯食，味道唔錯。我見到幾多人食燒肉，下次可能會試下燒肉好唔好食 ^^

今日經過粉嶺，限聚令嘅剛剛放寬，周街都係人大家蠢蠢欲動忍唔住約朋友食晚飯聚一聚。剛好經過粉嶺中心地下，喺門口都聞到香噴噴既燒肉味一於入去試一試！店內寬躺多座位，整體都係乾淨企理。入門先量體溫登記安心出行，掃針卡然後就揀食燒肉定係食丼飯。今次我地先試燒肉，款式都好多，主打美國同澳洲牛，仲有日本和牛！最後揀咗澳洲燒肉盛盒套餐300g同米子人氣牛控套餐200g。澳洲燒肉盛盒套餐300g每款都可以自選泡菜或者沙律，和包括日本昆布湯。套餐包括m3牛肋條，m2牛頸脊同封門柳。款款呈鮮紅色，肉味濃烈而且小編最愛封門柳！肉香口感淋，好少食燒肉食到呢個位置！必試米子人氣牛控套餐200g包括美國牛小排同澳洲臀肉蓋，臀肉蓋油脂分布相對冇咁多但肉味好香口感有少少似封門柳。牛小排簡直無懈可擊，油脂分布比較多，但係最驚喜嘅係佢肉味非常重，坊間一般嘅牛如果油脂分布多嘅話都係好油膩冇乜味但係米子既牛小排味道確實驚為天人！仲有多款配菜例如牛舌同埋丼飯今次都冇機會試食，因為一個套餐已經夠晒飽肚！下次要分開叫其他人試多啲！

左睇睇右睇睇， 覺得今日係食燒肉既日子。呢度有燒肉套餐同燒肉丼選，今日想懶d, 唔想自己燒， 選左兩個丼飯。五目牛肉盛丼（$88） : prime級肩胛牛肉入口即化， 肉味勁濃。 配合滑嘟嘟温泉蛋一齊食， 不得了了！蒲燒鰻牛盛丼（$92）：鰻魚肥美而不油膩， 醬汁很好地掛上魚肉。牛肉同樣肉味勁濃， 牛脂在口裡一咬爆發， 勁甘香！每個丼仲有一杯少少甘唔知咩既飲品， 又幾好飲喎！整體相當滿意， 環境都乾淨企理， 可以encore！