米子燒肉家 (已結業)

左睇睇右睇睇， 覺得今日係食燒肉既日子。呢度有燒肉套餐同燒肉丼選，今日想懶d, 唔想自己燒， 選左兩個丼飯。五目牛肉盛丼（$88） : prime級肩胛牛肉入口即化， 肉味勁濃。 配合滑嘟嘟温泉蛋一齊食， 不得了了！蒲燒鰻牛盛丼（$92）：鰻魚肥美而不油膩， 醬汁很好地掛上魚肉。牛肉同樣肉味勁濃， 牛脂在口裡一咬爆發， 勁甘香！每個丼仲有一杯少少甘唔知咩既飲品， 又幾好飲喎！整體相當滿意， 環境都乾淨企理， 可以encore！