米亭 (已結業)

約埋朋友係深水埗玩具街(福榮街)掃左一輪玩具, 終於可以食下LUNCH, 係福榮街向前行就係食肆街, 因為呢條街好多食店。我地拎住好多袋玩具, 想搵間舒服的餐廳坐低。經過米亭,見到係新店, 而且整潔光猛。就揀呢間啦 !坐低後, 職員遞上餐單, 仲好細心話我地知, 用水筆揀填餐。呢個方法幾好, 又環保又方便。套餐由$48起, 已經包埋餃子, 小食, 醬料, 飲品。價錢唔貴喎!唔夠仲可以加錢配其他。如果唔叫套餐亦可以散點, 不過套餐抵食好多。我地點左 : 1)     餃子套餐 : (韮菜黑豚肉煎餃子米線(豚肉清湯) + 秘製脆汁豬扒 + 麻醬蓮藕 + 菜甫 + 凍黑豆漿)套餐 : $48 + $10(改煎餃) + $24(加小食)2)     餃子套餐 : (米亨和牛肉餃(特濃雞湯) + 涼拌雲耳 + 野味小蝦米 + 半份油菜 + 熱豆漿)套餐 : $48 + $15(改和牛肉餃) 其實唔加配其他食物都好夠飽, 只係我地大食 ^^食物送到時擺得好整齊及豐富。我同朋友SHARE食, 大家可以食到多D野。韮菜黑豚肉煎餃子米線韮菜餃真係煎先正, 煎到脆卜卜, 勁香口。我覺得沾埋野味小蝦米仲YU

我一向喜歡食餃子，今次睇網上介紹得知深水埗開了一間新餃子店，我就一於去試試，結果是喜出望外。我點了韮藥黑豚肉餃配特濃花膠雞湯，一見姐姐上菜我心叫「哇！點解咁多花膠，雞湯膠落好濃，餃子在雞湯花膠中間浮吓浮吓好可愛。再食落口，竟發現餃子出奇地與花膠雞湯配合，一口餃子，一口花膠，一口雞湯，心中感到一股幸福的暖流，超好食，好感動，心想這正是我要的餃子給我幸福的食感。謝謝米亭給我這碗幸福餃子，食材選擇有心思，價錢超值，令我在這城市裡感受到愛在瘟疫蔓延時。

是一間開業不久的食店，地址就在深水埗福榮街，之前我曾介紹過的，名字趣怪的「醉藥雞」隔離。店名叫「米亭」，店內多幅照片，介紹的文字都大玩食字，例如「咪停去追夢」、「咪停去追求突破」等，不過在這小店內最吸引的，就一定是那幅長達五米的橫幅彩色卡通漫畫，漫畫中的俊男美女，吸引極了，原來是專畫少女漫畫的名漫畫家林祥焜的作品，畫作正中間位的水手服女生，梳了80年代日本有名女星松田聖子的髮型，旁邊的男生亦有當年少女偶像近藤真彥的影子，加上其他栩栩如生的漫畫人物，真的十分吸引。說回食物，這間「米亭」的「全日供應套餐」（$48）挺抵食的，五十元還不到，便可有齊五隻湯餃加上海麵（或六隻湯餃）、靚湯、一款小食、一款涼菜、兩款醬菜和飲品，十分豐富。雖然當中無論煎餃、炸餃、湯底、小食、涼菜和飲品，不少都要加錢，不過要是不想加錢，只用四十八元便可吃到一頓豐富的午餐，仍有足夠的選擇，就好像這天的我，就揀了五隻「韮菜黑豚肉餃 + 上海麵」配「特濃雞湯」、小食「金絲蜜椒雞翼」兩隻、涼菜「涼拌青瓜」、醬菜「米亭菜甫」和「惹味蝦醬」和一瓶「凍豆漿」做午餐。等了十分鐘左右，侍應便把我的午餐端來，這午餐擺放得整整齊齊的，賣相甚

呢間店專賣餃子 大家可以揀湯/煎/炸餃再配搭不同心水湯底 招牌雞湯/酸辣湯/豚骨湯想食得再奢侈啲? 可以加錢轉特濃花膠雞湯🐓!呢個價錢 仲配埋小食、涼菜、醬菜同飲品添仲擺到成個日式定食咁款 真係估唔到係食餃子呢🔖 山珍松露雞肉餃配特濃花膠雞湯一上碟嘅時侯 比佢兩隻大大嘅雞腳嚇親😂湯底的確真材實料 濃濃嘅雞湯配花膠 滋補養顏松露味唔算突出 但餡料豐富 粒粒餃子都脹卜卜🔖 川味黑豚肉餃配香辣濃雞湯湯底好辣 飲嗰陣唔小心嗆親 咳到眼水都流埋😂嚇親附近嘅人 有啲尷尬添(´･Д･)」唔好意思呀..不過落單時可以問一問店員先 因為原來新雞湯賣晒嘅話會由辣豚骨湯代替的!然後豚肉餃都非常辣 係湯底嘅雙重夾擊下個嘴好快就辣到腫咗🥲 下次會避免兩個一齊叫🔖金絲蜜椒雞翼 (套餐跟配) 好好食! 好食到要專登推介佢☺️炸到金黃色嘅雞翼薄脆皮 配埋面頭嘅蜜糖絲 再加小小黑椒胡椒粉 正到爆!🎈小小題外話: 牆上嘅漫畫 係由著名漫畫家林祥焜所繪畫架👨‍🎨

去開深水埗購物，都會吃埋午餐才回家，遠遠看到一個黃澄澄大招牌，十分奪目，走前細看一下，原來是新張不久的水餃麵店，再看看門口大餐牌，發覺食品與價錢都合心水，決定一試。小食兩款：秘製醬脆手撕雞~~雞肉絲嫩滑、醬汁綿香柔滑，配爽口清脆的青瓜絲、紫洋蔥絲與蓮藕片，綿滑中有清爽口感，是十分理想的特色小食。金絲棗燒雞翼~~雞翼不單單是皮香脆、肉多汁，而且味道還帶金絲蜜棗的清香蜜味，初嘗如此超出我們預算的美味，感到嘖嘖稱奇。米亭和牛餃面、上海面、特濃雞湯、菜甫~~皮薄饀靚的和牛餃肉香四溢，特濃雞湯，味道濃郁，柔軟的上海面掛上雞湯吃，滋味無窮！我的石斛竹蔗茅根水~~清涼微甜。朋友的凍黑豆漿。人均消費$69，性價比極高，下次再嘗試。

深水埗新開人氣餃子小店， 打破一般傳統餃子店只賣普通慣常吃的韭菜餃，白菜餃等，這個有很多特別自家制的餃子，例如芫荽黑豚肉餃，紅咖喱芝士豚肉餃等等不同口味選擇內裡裝修夠色衫，用漫畫作餐廳做壁畫，各漫畫主角夠搶眼Menu 一張睇洒，用水彩筆畫上膠片Menu 上點餐，夠環保套餐包餃子麵，小食，涼菜，醬菜，飲品愛辣既我，當然點了秘製酸辣湯，湯味夠酸辣，煎西洋菜餃子，煎得很香口另加錢點了秘製脆汁豬扒，超級好味，用上BBQ蜜糖加香草烤熟，香草味撲鼻，並不是一般煎豬扒咁簡單，誠意之作朋友點了白菜豚肉餃+特濃花膠雞腳湯套餐，白菜餃大大粒好好味，雞湯底十分濃郁，兩塊大花膠夠彈牙，雞腳亦很入味，好正呀套餐包很多食材+飲品，真的誠意推介愛吃餃子湯麵的你，食過真的會返尋味

自從加入左社交平台嘅米線關注組，成日見到啲巴打Sister o啲米線相真係日日都想去食呀。位於深水埗嘅米停，真係窮人因物，因為好抵食，又多選擇，亦都係我嘅飯堂。今日又去食啦，帶咗我最鍾意嘅芫荽餃子配米線，加上杯豆漿，真係人生一大享受。餃子煎得脆卜卜，啲皮又香又脆，入面充滿芫荽香味既餡，真係好好味，唯一美中不足嘅係餃子癡成一舊，如果舖頭可以幫忙剪開一隻一隻，咁就好啦。豆漿略為甜咗少少，米線分量足夠，配料亦多！

電腦壞了，要到深水埗買電腦，經過一條街，看見門口有人等位，估計應該有好嘢食啦。餐廳餐牌有餃子套餐，跟從6個步驟選餐，簡單方便。第一個套餐1）餃子: 韭菜黑豚肉餃 炸餃+$10可以選擇只要餃子或配麵/米線。韭菜的份量比豬肉多，韭菜味道濃，炸餃炸得剛好，沒有過燶。2）靚湯：特濃雞湯湯底有數款，最後選了特濃雞湯，雞湯濃稠得結膜，雖然我選擇了炸餃，但我一口炸餃一口湯覺得配搭不錯。3）小食：溏心蛋溏心蛋雖然未有流心，不過蛋很滑。4）涼菜：麻醬蓮藕蓮藕爽脆，麻醬份量剛好。5）醬菜：米亭菜甫和惹味蝦醬自家製的菜譜帶點芝麻香味，蝦醬味道濃郁。6）飲品：熱豆漿第二個套餐1）餃子：西洋菜黑豚肉餃 煎餃+$10煎餃子有個網狀的脆皮，西洋菜味道比較濃，但仍然吃到豬肉味，豬肉嫩滑。2）靚湯：豚骨濃湯湯底的味道有啲似自家煲的湯。3）小食：金絲蜜椒雞翼雞翼炸得很好，帶點甜甜的味道。4）涼菜：涼拌雲耳雲耳大朵，有點川辣的味道。5）醬菜：米亭菜甫和惹味蝦醬自家製的菜譜帶點芝麻香味，蝦醬味道濃郁。6）飲品：熱豆漿再散叫多8隻川味黑豚肉餃，黑豚肉餃味道不太辣，而辣味會慢慢在口裏散出來。吃了少許辣的食物再喝豆漿真不錯！

星期日去深水埗買遊戲機～附近出名的美食都吃過了，發現一間餸子米線新店～裝潢設計吸引了我目光～套餐有淨餃子或餃子配粉面，可配小食，冷盤、飲品、醬料，如果不加配的話只需$48，我選了川菜豚肉餃，酸辣湯大辣小食金絲蜜絲雞翼和醬油醃漬牛旁飲品我選了凍黑豆漿。餸子放酸辣湯，米線吸收了酸辣湯，又香口又夠酸辣，讓人吃不停口，我特別喜歡雞翼，它熱騰騰外皮香脆，咬下肉質也夠嫩滑多汁～牛旁爽脆，愈吃愈開胃～朋友點了和牛餃子上海面，和牛肉汁很香，牛肉味濃，上海麵麵質彈牙，掛湯一流～青瓜酸酸甜甜很清新～手撕雞還有花生、蓮藕等，夾著一起吃口感豐富～

飲食唔好停， 上海味道唔好停，同個friend 兩個走到深水埗，見到間上海麵食，走去望一望，整返個韮菜黑豚肉餃子套餐， 其實都唔簡單㗎喎，原來一個套餐包五隻餃子，整個尊貴，特濃花膠湯就加15，整個小食跟餐嘅醬脆手撕雞又18， 跟餐嘅就有，醬汁醃漬牛蒡，米廷菜莆，仲有飲品柑桔酸梅湯，呢個餐89。我就簡單啲，叫咗個套餐就係，白菜黑豚肉餃跟五隻，都係要上海麵，加個特濃花膠湯15蚊，跟餐金絲蜜汁蜜椒絲雞翼，涼拌麻醬蓮藕片，惹味小蝦米，成支凍豆漿上，平平哋就落樓，兩個人一個下午餐。深水埗有啲傳統嘢食，感覺都非常好嘅，餃子做得唔錯，醬汁都做得唔錯各樣都有一般水準，唯一就境景入坐要小心啲，地方窄咗少少，我哋愉快一餐好味抵食。

湯底非常出色嘅餃子店，推薦叫有湯嘅餃子～～～星期六黎深水埗玩具街買玩具比小姪仔 之後順便係附近覓食 見到呢間餐廳望落幾多人 又正好想食餃子🥟 所以就揀佢黎食個lunch休息一下～～～有個好抵食嘅$48全日套餐 裏面包左餃子/麵 小食 涼菜 醬料 同飲品 (*部份特定口味餃子、小食或飲品要額外加錢）就同屋企人 一人叫咗一個set黎試下😄～～～白菜黑豚肉餃皮薄餡靚 豬肉半肥瘦 有肉脂味 山珍松露雞肉餃好足料 食落味道幾清新 最正就係佢哋嘅湯底做得好到位 雞湯飲落好濃郁又唔會油膩 而秘製酸辣湯就好惹味 酸酸辣辣好開胃 亦都令餃子嘅味道變得更加多元化😄～～～小食方面我哋就叫咗油菜 同埋秘製醬脆手撕雞 油菜就正常菜 但係份量都OK多 手撕雞就好出色 裏面材料豐富 除咗雞絲之外 仲有洋蔥青瓜同埋蓮藕片等等 食落好清新好舒服～～～最後飲品亦都冇失望 黑豆漿黑豆味重 六花茶就係飲得出自家煲製嘅 唔會太甜 飲落清熱又苦中帶甘😀～～～推薦度：🔥🔥🔥🔥🔥🔥🔥🔥

深水埗玩具街果邊新開左間專食餃子店，驟眼望都幾光亮鮮明。小店舖面唔算好大，全是兩人座位。左邊牆身有一幅來自深水埗西九龍漫畫大師林祥焜嘅經典畫風作品，突顯本土特色。呢度最吸引我就係呢個$48餃子套餐。已經有齊湯底、餃子（+$轉煎餃或特色口味餃子）、小食、涼菜、飲品 以呢個$48晚餐價錢真係無可挑剔！特濃雞湯西洋菜黑豚肉餃子米線 （5隻）雞湯湯頭非常濃郁，面層都有一層雞油，飲落雞味都幾突出。餃子幾紮實，小店用上本地優質黑豚肉，食落無豬臭味外，亦拌入少量肥豬肉部分更爽彈。米線係偏幼身嘅米線，食落順滑之餘都幾有口感，幾有驚喜。另一個單點湯餃$38/8隻 可以雙併同價呢點值得一讚。選了豬骨濃湯 川味黑豚肉餃+韮菜黑豚肉餃 豬骨湯飲落較似屋企老火湯會落蜜棗果種清甜味。同樣用上本地優質黑豚肉造，川味少少辣感覺更清新，食幾隻都唔會覺得有膩感。套餐包嘅黑豆漿有豆味唔太甜。凍飲就會一支支上，熱飲就會用杯上/米亭菜甫+惹味蝦醬 菜甫加入黑白芝麻幾香口，呢度嘅蝦醬似用蝦乾、辣椒製成嘅辣椒醬。涼菜：涼拌雲耳調味夠，而且夠凍。小食：溏心蛋 溏心就唔算喇，但都幾有蛋味嘅米亭和牛煎餃 $62/8隻冰花煎餃面上碟，好有

星期日去深水埗行吓街，想食餃子。見到依家新開鋪頭都幾多人食，仲有人排隊添，價錢又合理一於試下。我哋叫左兩個餐加埋都只係$149, 超抵6隻煎西洋菜餃－有個脆薄薄嘅底，可以好似薯片咁食，第一次食西洋菜餃比韮菜餃淡味但比白菜餃濃，唔想食白菜咁寡，可以一試，我就較鍾意味濃，所以加埋佢哋惹味蝦醬食，味道便啱啱好。豚骨濃湯醬油醃漬牛蒡－聽講牛蒡好健康，而我鍾意佢爽囗，入味秘製手撕雞－大大碟，驚喜係有蓮藕6隻炸韭菜餃－脆皮，鍾意韭菜餃味多啲，因為較濃味，下次可以試煎特濃花膠雞湯－真係有花膠，仲有兩舊添金絲蜜椒雞翼一大黑胡椒粒加蜜糖再加一點沙糖，雞翼夠入味，甜甜地

話說我同我老公都勁鍾意食餃子🥟，所以就算我廚藝唔好😂得閒都會包嚟食！鄰居知道附近開咗間勁好味餃子店，於是即刻介紹我去食，今晚就嚟會一會米亭啲餃子先！呢度個餃子餐好抵食喎！$48有齊主菜、小食、配菜、仲有豆漿，簡直係抗通脹之選！可以自選淨餃子或者飽肚上海麵，仲可以自選湯底，完全照顧到唔同口味人士需要喎！我呢款餃子餐就叫咗白菜黑豚肉水餃🥟配豚骨湯底跟上海麵，上海麵吸收左豚骨湯底，好入味！個水餃🥟夠晒皮薄餡靚，一咬開除咗肉質仲有肉香，果然好味無介紹錯呢👍小食就叫咗金絲蜜椒雞翼，脆卜卜雞翼甜絲絲醬汁，配搭好match，估唔到幾十蚊一個餐有咁超班小食😋完全驚喜！隊友就揀咗秘製酸湯底配韭菜餃子🥟上海麵，個上海麵好惹味，配埋芫荽勁正！芫荽黨員一定要試！佢個小食就揀咗米亭脆米豬扒，食落勁似牛扒，大大塊仲要係厚切，好味到停唔到口呀！超愛餃子嘅我們當然唔會放過呢度嘅煎餃啦！白菜黑豚肉煎餃又別有一番風味！淨係見到個金網已經滿分啦！脆卜卜嘅底層爆汁嘅口感，愛餃人士表示好滿意呀！

星期日再出動揾食，前排睇到雜誌推餃子專輯，仲要係我至愛嘅“濃”湯去到已經五點，因為太晏嘅原故，雞湯已經賣哂，所以我試左個豚骨濃湯。。。＄48嘅套餐加錢要左：豬骨濃湯配上海麵、韮菜豚肉餃、手撕雞。首先講下個湯先，好鮮甜，有啲似濃湯版嘅青紅蘿蔔湯，飲完都無口渴嘅感覺，同上海麵同餃子皮好夾，掛湯一流，不過如果有啲蔥花會更加正餃子：唔係一般喺出面食到嘅咁重味，反而係淡味啲，可能為左配合番個濃湯，雖然淡口，不過食到啲豬肉餡嘅鮮，又唔會太肥小食：加左錢配手撕雞，入面有啲麻醬，啲雞絲好滑同埋加左雞皮，好特別個餐仲有配左啲醬菜同飲品，個辣蝦醬菜有意思，辣得黎同有啲蝦嘅咸鮮味，配落餃子度過食，又有另外嘅感覺。飲品係一枝枝嘅，感覺餐廳好貼心，好捨得比人食嘅感覺，其他餐廳我好多時都會飲唔哂，今次可以拎埋樽飲品走慢慢飲總括而言，喺褔榮街食到咁嘅價錢、咁嘅環境同咁嘅質素。。。好有驚喜。新店開張，仲送左張＄5蚊現金券下次用，下次一定要試到個雞湯😌