米亭 (已結業)

睇到雜誌介紹，所以特意黎試下。今日係星期日，要排下隊，好彩排左一陣就入得，還可以接受！店內環境坐得舒適，同好鐘意個壁畫，好有西九氣息🤩餐廳仲好窩心提供個放袋籃，唔洗抱住背囊食飯👍🏼試左餃子餐😋$48，個雞湯有好濃郁雞味，好得👏🏼後尾先知原來係會賣哂，有機會試到真係好好彩😁豚肉餃子彈牙好有肉汁，菜肉比例👌個皮唔厚有煙韌口感，亦夠飽肚。 蜜絲雞翼同菜脯有驚喜🥳本身$48個餐已經覺得好抵， 但因為排隊等候時間既關係，小店送番張$5現金卷比我使用👏🏼👏🏼👏🏼👏🏼👏🏼👏🏼👏🏼👏🏼👏🏼呢餐絕對係超值！

話說行完黃金要醫肚，見到大大個黃色招牌，之前無見過就入去試新嘢，食過一次覺得好食就再隔幾日帶埋媽媽嚟試吓。呢到有個逐樣揀嘅套餐，好特別先揀咗餃子，再可以選擇要唔要米線或者上海麵，然後就湯底，跟住小食、涼菜、醬菜，最後就飲品。上一次我自己就揀咗特濃花膠雞湯，覺得超濃超好味，所以今次就幫媽媽揀咗呢個湯底配西洋菜黑豚肉餃+油菜；而我自己今次就揀咗秘製酸辣湯大辣配山珍松露雞肉餃+米亭麻辣手撕雞。呢到個特濃花膠雞湯真係超足料，超濃雞湯味之餘，配咗兩隻雞腳係超淋，連牙力唔係咁好嘅媽媽都可以食得到！而我嗰個秘製酸辣湯有驚喜，湯面上見到原來有櫻花蝦，令到個湯更加鮮甜！呢到嘅煎餃&湯餃各有特色，下次會再試埋炸餃鍾意食餃嘅人一定唔可以錯過

係深水埗區店內有特別既壁畫，坐得舒服👍🏻叫左餃子餐$48以食材黎講，超值同好食，鍾意濃雞湯既香濃雞味，飲哂碗湯無難度。米線夠一般餐廳食到既幼身，掛湯好合適，又夠飽肚。 呢次試左韭菜餃，菜肉比例適中食完唔會覺得太多肉而好膩。小食加左錢$18試麻辣手絲雞，有雞既香味，但可以再辣d。一個餐有齊餃，湯，麵，小食，涼菜，醬菜同飲品👍🏻👍🏻👍🏻 好有心，食物味道配搭都好恰當。絕對可以再食既小店！🙂

平時好少會去深水埗，今日去咗朋友間新鋪探班就搵下附近既美食！經過見到呢間餃子店，個套餐好抵食喎$48就有齊餃子+米線+小食+涼菜+飲品呢個價錢真係好吸引「花膠濃雞湯韮菜餃子」個湯好真材實料👍🏻夠哂濃郁！仲有幾舊花膠😍花膠質素好掂，唔會好硬，有高質花膠果種滑度😋韮菜餃夠哂香，韮菜超多食得出係自家手作餃子中間既豬肉係選用「本地高質黑毛豬」所以食落肉質完全唔實唔鞋「麻辣手撕雞」未食已經聞到麻辣香岩哂我呢個麻辣控麻&辣味道好平均！「金絲蜜椒雞翼」雞翼係肥嘟嘟架！睇見都好厚肉而且係即叫即炸，超好食外層又唔厚炸衣，一定要食呢個「麻醬蓮藕」好爽口，唔會煮到淋哂

今日去深水埗行街，行到攰就想坐低食野，見到這間米亭應該是開張不是太耐，因為之前沒有見過，又見它是食餃子的，一於就試一試吧！入到去就被牆上的壁畫吸引著，很色彩繽紛。店舖雖然不大，但尚算骨子，坐下後，侍應給我們每人一張點菜的餐牌，人客可以用筆直接寫在餐牌上。我們見到有個餃子套餐$48起，人客可揀選自己喜歡的食法，例如淨餃子或者餃子配上海麵或米線等，餃子都有很多款式，又可以選擇煎，炸，放湯，如果想吃一些特別的餃子就要有額外收費，套餐除了餃子，還有小吃，涼菜，醬菜及一杯飲品，如有特別選擇，都會有額外費用。視乎食客選什麼。我就選了淨山珍松露雞肉餃子(+$15)配秘製酸辣湯(+$8)，小食就要了金絲蜜椒雞翼，涼菜就要醬油醃漬牛旁，醬菜就要米亭菜甫和惹味蝦醬，飲品就要了杞子六花菜(+$8)。山珍松露雞肉餃子配秘製酸辣湯，說好的酸辣湯原來不是我想像中的樣子，湯底只是酸酸辣辣，對我不是太食到辣，這碗酸辣湯就比較辣，適宜愛辣人仕，湯底都算頗香的，山珍松露雞肉餃子，吃上去有種爽脆感覺，味道香濃，口感豐富，裡面除了雞肉，應該還有木耳，相當不錯！小食是金絲蜜椒雞翼，一客兩隻，廚師炸起了雞翼，用上蜜糖，香香甜甜的

餃子不但可以是主糧，也盛載着情感的食品。一家人圍坐包着一隻又一隻的團圓，是寒喧是關心是祈願。標榜用料，精緻之中，貼地價錢，座無虛席。麻醬蓮藕是爽脆，為這頓打開序幕。濃郁的雞湯，順滑湯身，溫柔輕撫着喉嚨。上海麵粗幼適中，夾附湯汁，每口都是留戀。西洋菜黑豚肉餃，咬下去，外皮軟糯包着飽滿的餡料。炸的白菜黑豚肉餃，炸得黃金的外皮，香脆多汁。金絲蜜椒雞翼，沾上蜜汁的皮脆，熱氣騰騰的肉嫩。用心製作的餃子，無論何時，都是一種祝福。

去深水埗買零件，趁著恢復堂食，為食妹當然要吃個晚餐啦～煎米亭和牛餃一咬下去好驚喜，啲牛味飛出黎😍坊間未見過，煎過的餃子脆卜卜，外皮不算是很油，牛肉下得真不少，而且真的比一般牛肉味濃縮，幾特別。秘製酸辣湯還有辣度可選，要了大辣！有花生碎芹菜和小蝦米等的湯頭🦐果然又酸又辣，還做到真大辣，十分惹味。金絲蜜椒雞翼是炸雞翼，即叫即做就做得入味，甜甜的，雞肉肉嫩有汁。涼拌雲耳小巧，配醋少許辣，幾開胃。香辣菜甫幾爽口，加入XO醬，微辣，質感脆脆的。柑桔酸梅湯解渴消濟，亦一流。紅咖喱芝士豚肉潮餃最喜歡吃芝士餃的小妹，一見餐牌有就第一時間點上。餃皮薄得涵料肉眼清晰可見，肉帶香，芝士味亦濃，紅咖哩幾過癮，富有一點辣。幾樣食材，比例恰好，口感扎實，有飽足感，芝士估唔到還可以拉芝哎⋯⋯叫了出來呀😍有驚喜(⁎⁍̴̛ᴗ⁍̴̛⁎)豚骨湯頭口味出奇濃郁，和大小適中的餃子超夾，完全是家的味道。凍黑豆漿冰凍又解渴，已加甜，不是寡口的淡豆漿，具有淺淺的豆香，質地順滑易入口。食後感：除了餃子🥟味道選擇蠻多外，小食價位亦便宜貼地。

尋晚八點幾入去， 話說佢哋九點last order， 已經乜選擇都冇不在話下， 我哋嗌咗個餐跟豬扒， 個餐黎左仲差個豬扒， 叫服務員幫手追追， 出緊黎架啦，你哋食住先！ 咁你擺低時可以講聲係咪！之後我哋極速食完， 因為整個氣氛都好趕住收，果時九點幾我哋已經食完飲埋杯嘢就走， 但隔離枱9食客仲食緊無耐，老闆娘竟然關燈趕客，極無禮貌！如果老闆娘你睇到， 多嘴講句呀， 過門都係客， 閂燈趕客太過份， 可以禮貌講句五分鐘大家我哋要差唔多要閂門啦， 唔該幫幫手，甘樣大家都好落台，閂燈叫人點食呀! 同埋又唔明點解九點閂門咁早， 起碼十點啦， 喺得深水埗區喎服務態度串過澳牛， 物質素就幾唔錯嘅， 又係時候諗諗， 香港地食嘢係一定要受氣㗎咩？

是日與朋友到深水埗購買電腦器材，朋友得知我尚未吃午餐，他便陪同我吃個簡單的午飯，恰巧路過這間新開餐廳，見其菜單大份抵吃，我們便選擇內進用膳。餐廳門口使用黃色招牌，寫有店名外還有碗熱騰騰的餃子圖案，從此可看出是以餃子為主打菜式。內裏裝潢簡約樸素，燈光明亮，而牆壁上的大壁畫色彩繽紛，甚為搶眼，令整體設計生色不少。套餐套餐是全日供應的，價值$48，包含了主食、小食、涼菜、醬菜、飲品五款菜式，份量是甚為充足。主食我選擇了上海麵，口感柔韌順滑，軟硬適中，掛湯力高。湯底加$15揀選了特濃花膠雞湯，配料有花膠、雞腳，而且湯底靜止擺放時會出現薄膜，可見是真材實料，飲用味道濃稠鹹香，雞味濃郁。餸菜方面包含有五隻餃子，我挑選了米亭和牛餃，餃皮製作得軟糯煙韌，內餡鮮嫩多汁，肉香四溢。小食是米亭麻辣手撕雞，雞肉肉質細嫩鮮香，雞味香濃，調味的辣度恰到好處，味道麻辣辛香，配搭上青瓜絲、芫荽、花生粒，整體更添滋味，層次豐富。涼菜是涼拌雲耳，使用了蒜蓉和辣椒調味，口感細嫩軟滑，爽脆彈牙，味道酸甜辣香，開胃惹味。醬菜選擇了惹味蝦醬，用作配搭點綴各款食材皆很是適合，口感細膩黏稠，鹹香鮮味，味濃不腥。飲品是支裝的凍黑豆漿，

新店於深水埗，但店舖環境乾淨企理， 坐得舒服無壓迫感！好抵食👍🏻只係$48起有濃湯，餃子，小食同野飲，出面起碼要做到$70了！熱熱濃雞湯起膠，肉汁豐富既黑豚肉餃子加埋煙韌口感嘅餃子皮， 足以有飽肚感。食左湯餃同煎餃，湯餃為松露雞餃（+$15），裡面配有雞軟骨所以帶有爽脆既口感。煎餃外皮煎得好香脆，試左煎芝士紅咖喱餃， 好香芝士奶香味，但我鍾意湯餃配雞湯！兩款菜脯更係必食， 好想可以買返屋企。下次都會再試其他湯底👍🏻

新年前去完褔榮街買掛飾見肚餓就喺附近搵野食，點知比我發現呢間唔太多人嘅餃子麪店醫下肚，（當時係下晝三點幾）叫咗個套餐，有多款選擇，我就揀咗餃子跟上海麪，湯底有雞湯或豚骨湯，小食係溏心蛋加手拍青瓜連唔辣菜甫，加埋黑豆漿一支，都係盛惠$48，價錢合理，我仲八掛問下原來呢間店只係開咗兩個月，所以環境企理乾淨。唯一有待改善嘅係一入門無人招呼，唔知點叫餐，後來走去櫃位問先知原來係好似日本拉麵店咁自己剔，不過係要人拎比你，無預早放喺枱上。論環境食物質素我都會比佢高顏值。😋