籠太子點心專門店

營業中

休息中

質素很差尤其是素牛肉春卷更不知所謂一点質感也沒有咬下去只有軟軟的漿和辣椒其他就是油,質素和之前相差太遠不值一试,進餐是連餐紙也不提供,客人想要餐紙只有向他們買或者用自己的,而不提供免費使用,這可能是另一種生財之道

上次同仔仔去食覺得唔錯，今次帶媽咪去試上次未食過嘅點心食物蝦腸啲蝦好大粒，好彈牙！不過佢個腸皮有啲厚同硬不過佢有6舊，不過呢個價黎講，都ok嘅！蝦餃最保持水準係呢個！連媽咪都話好食！個皮夠薄夠軟熟，啲蝦又大大粒！春卷食落去超脆！超熱不過略略有啲炸深色左…不過上次係咁，今次又係咁，下次都唔嗌呢個，留錢嗌其他試。海皇芝士千絲卷又係炸燶咁不過呢個真係幾好食！好溶嘅芝士、好脆口嘅絲燒賣同上次一樣，不過不失啦，今次係特登叫俾媽咪試，好香燒賣味。荷葉石斑籠仔蒸飯比想像中爭好遠啲飯好似有啲生米粒，啲魚骨多過肉，呢個價錢黎講，好似有啲貴。下次又可以留錢試其他點心。環境坐得舒服嘅，都多人，但好彩唔洗等位。

今日出咗去太子旺角行吓，就嚟到籠太子米芝蓮點心店試下，其實好鍾意飲茶，但傳統酒樓就係太多人太嘈，反而鍾意哩一類點心店，好味又清靜😃茶錢都係$3/位。籠太子蝦餃皇2粒 $15燒賣蝦餃都可以點兩粒或者四粒，啱晒我哋兩個人份量，平時麻麻哋燒賣就怕佢太多肥豬肉，但呢度嘅燒賣蝦肉同豬肉比例剛好，仲保持肉汁😋鮮蝦燒賣皇2粒 $15蝦肉爽口鮮甜，外皮晶瑩剔透皮薄餡靚。鮮竹牛肉球 $21牛肉球唔會鬆散林啤啤，咬落有口感鮮蝦腐皮卷 $23外皮炸得香脆，包住鮮蝦點嚟喼汁食，一碟有六件。海鮮蘿蔔絲煎薄撑 $24薄撑剪得好香口，最鍾意食佢嗰邊，餡料就唔算好多。皮蛋牛肉腸 $24皮蛋嘅香味加上牛肉好夾，腸粉皮剛好唔太厚。牛肉餡有好多，唔似而家出面酒樓啲腸粉蝦腸都要加生菜🤣煎蝦膠釀茄子 $20呢款茄子就普通，都係鍾意食返煎釀三寶嗰款多啲😜鹹魚肉餅飯 $27朋友仔冇食早餐所以點左個蒸飯食😂鮮蝦菜苗餃 $24菜苗餃大大粒脹卜卜，免疫菜苗夠鮮嫩

收工時間 五條友係太子搵嘢食都真係幾頭痕一來選擇太多 有嚴重選擇困難症既我 揀唔到食咩好二來好多餐廳要拎飛排隊 等到餓死都未有得食朋友突然心血來潮話要食點心 即刻上OpenRice搵吓附近有咩地方有點心食點知真係比我地搵到呢間開頭覺得位置係有少少偏 但食完可以慢慢散步返地鐵站 其實位置都唔差我地7點左右到 好彩仲有幾張吉檯我地坐低之後都keep住有人離座入座 都幾旺場真係估唔到咁多人都係夜晚食點心成班餓鬼見到張點心紙好似幾日無食過野咁 咩都話要食😂鳳爪排骨飯 蝦餃 小籠包 鳳爪 鵪鶉蛋燒賣 不是炸両 腐皮卷 雞扎 咸水角 叉燒腸 流沙包 燒賣皇上菜速度好快 我地叫得太多野食 張檯都唔夠位放 要向上發展點心全部都蒸得時間岩岩好 做到點心應有既水準另外 每張檯上面都有齊點心要用到既調味料不得不提係兜辣椒油 真係好好味👑唔係得個咸字或者得啲油 個底有好多辣椒籽架啲辣椒籽脆脆地 好香口 夠辣一啲肉類比例較多既點心 配上呢個辣椒油 減去左個份油膩感 一流🤤🤤

同仔仔去完覆診，特別搭車過黎食！個陣已經1點半，所以滿場都唔洗排隊✌🏻食物春卷仔仔最鐘意呢個！有4條大概2隻手指咁粗咁長…好脆口！如果瓊多少少油岀黎仲好咬落去好實淨，好外脆內軟嘅感覺！加埋佢個喼汁真係好好食😋燒賣呢個真係好酒樓燒賣風味😭😭😭係有菇味架！好飽滿，好彈牙黑椒金錢肚好耐冇食過金錢肚，佢呢個有幾條烏冬麵底，仔仔食晒啲麵仲話唔夠食🤣啲金錢肚好入味，有粒粒黑椒味。流沙奶黃包唔知係咪去得晏，個包唔流沙，又唔奶黃🥺我最鐘意同最期待嘅奶黃話咁冇咗蝦餃皮薄，蝦唔大隻，所以粒蝦餃大約5蚊咁大姐。一啖就啪入口糯米雞一黎到🤣好大個，2歲小朋友手掌咁大，好足料！不過咸左少少，有火腿、鵪鶉蛋、雞肉…鳳爪排骨飯呢個要黎飽下肚，啲飯蒸得好靚，但個賣相就唔係太靚仔用過蝦將軍(定辣椒醬？唔辣架喎)撈飯真係好好食！大家一定要試牛肉球一定要點喼汁！真係好好食！牛肉球大過乒乓波入面有好多葱、馬蹄…服務姐姐好好呀！見我哋抱住小朋友，都幫我哋轉卡位，坐正風口位又問我哋怕唔怕佢凍！食完之後好快收左啲碟，因為啲卡位都比較窄

Best beef rice roll in town! We have been there more than 10 times! Everytime we order beef rice roll. The smell and taste of beef is amazing. The rice roll is not too sticky nor plain. Best of the best. Their daily soup is the best too. Homemade style with no MSG. No additive at all. The portion is very big. Good price. Most importantly, everytime we go there is not crowded. You can always find seats.

今日行程係出太子花園街,幫屋企人買野順便食下午茶兩個人購完成畢順其自然也是搵餐廳食飯呢間專食點心既專門店 食左幾款試下當下午茶石班荷葉蒸飯 鮮肉燒賣 芒果布甸 炸煎堆仔南瓜餡升級版蒸飯要$48,估下咩原因 原因係用石班魚塊蒸荷葉飯見佢咁特別有興趣試試, 另外叫左件燒賣,一客2件 蒸飯要十分鐘,燒賣同其他菜式上先!先試燒賣 一人一粒 個燒賣皮好薄身包住鮮肉餡料,咬開好有肉汁同彈性芒果布甸上面仲要再加芒果蓉,食落非常香甜入口即溶南瓜煎堆仔 一客4件 細細粒咬開係甜香既南瓜蓉,幾特別,一般都係用豆沙餡會太甜呢個唔錯最後蒸飯上場喇! 放到滿滿既石班塊 蒸得岩岩好 魚肉入口仍然非常鮮嫩 魚塊既油脂同白飯已經融為一體,撈埋蔥蒜一齊食,鮮味之餘味道豐富平均消費$150評分8/10太子點心專門店太子柏樹街9號地下

.📍籠太子點心專門店📍 #饅頭去太子 #饅頭食中式菜------------------------------皮蛋牛肉腸 ($23)腸粉剔透，口感軟彈ok滑，可惜皮層有啲厚，而且感覺牛肉好多麵粉，味道有啲淡，不過皮蛋冇異味，淡淡哋同牛肉呢個組合有啲新奇，不過唔試都冇壞。------------------------------籠太子蝦餃皇 ($14/2粒)蝦餃皮晶瑩剔透，皮薄煙韌，蝦肉爽彈但鮮味唔夠，可以一試。------------------------------流沙奶黃包 ($23)包體唔夠鬆軟，而且包皮都幾厚吓😥，勝在內餡流沙，不過都係有啲稀，鹹蛋黃顆粒感唔夠細，不過奶皇同鹹蛋黃味道平衡，冇話食唔出邊種味道唔夠濃郁。------------------------------原隻鮑魚燒賣 ($29)算係當日最好食嘅點心，鮑魚煮到入味唔會好乾，燒賣大粒皮薄，豬肉同蝦都好新鮮，香嫩彈牙，有少少汁😋，值得一試。------------------------------海皇芝士千絲卷 ($24)炸千絲層卜卜脆，不過炸粉絲太厚，鎖住過多嘅油份令小編覺得好膩。好在蝦肉大嚿爽彈有少少

晚上6點多到達籠太子 店內經已9成滿座了 生意興隆必有其箇中的玄機🌸坐下後店員立刻就送上碗筷和洗碗的容器碗筷雖說不上乾淨 但至少不會一摸上手就一陣油膩感桌上還附有辣椒油、醋、喼汁、牙籤和一壺茶🍵蝦餃🦐不是典型的皮薄餡足 皮是帶一點厚度 但是煙韌的 蝦肉不是我吃過最大顆的 但也是不錯 鹹甜鹹甜的 蝦肉和豬肉比例也可以 就是沒有很緊實 就是我和友人吃了一顆之後 立刻決定加單🤣🤣再要4顆鮑魚燒賣💎這真的是鎮店之寶 很好吃！！！ 蝦肉🦐和豬肉比例完美 十分緊實 一口下去真覺得很彈牙 蟹籽爽脆 是有香菇吧 添加香味 燒賣皮不會過厚 鮑魚就是大家想像到罐頭的味道🤣 總之就是好好吃！！所以我們又立刻加單了一籠！蒜蓉蝦春卷🦐又是蝦的菜點😌現炸的 夠熱、夠脆！裡面蝦子很足 就是略嫌有略鹹 不過還是好吃！！！點上喼汁更提鮮！🥰🥰🥰豉汁鳳爪🐔醬料調得剛好 不會過甜過鹹 鳳爪不會過軟 就是感覺還能嚼到膠原蛋白的感覺 於我而言 這是最佳質感 因為我不喜歡軟乎乎的鳳爪 也害怕吃到還是膠彈的鳳爪🐸 鳳爪底下是白烏冬 這配搭很新奇！就是撈烏冬的概念吧 也不錯吃🥰流沙奶黃包✨這就是沒什麼特別的奶黃包 沒有流沙 但就是有

呢餐係名副其實俾錢買難受😞😪😪😪😪芝士唔知咩卷，垃圾黎👎🏻- 芝士係芝士粉 唔夠粉- 好油 好油 - 蝦肉 普通- 食完佢乜都唔洗食從來未食過咁難食既小籠包- 皮厚肉細 - 7-11買叮叮都好味個佢 仲要呢個價- 太難食連相機都唔想影到佢薄餅- 有酸味，係酸味呀 😓- 食左件扔左係一邊- 做得咁唔汁都奇腸粉 咩不是炸兩- 普通得黎又係好油- 普通腸粉 食其他間仲好- 蝦肉牛柏葉- 硬灌湯餃- 唔好食😂 唔想評價了蝦餃燒賣- 正常

星期六早上一開門就去，比想像中少人，大家都差唔多11點先去。桌椅同枱上嘅用品比較殘舊，如果著重新淨裝修嘅話就唔啱你啦。茶係麥茶，$3位。海皇芝士千試卷幾得意，好多條脆脆包住蝦肉同芝士。呢個叫不是炸兩，入面嘅油炸鬼轉咗做豐富嘅脆脆。嗰個米色糕點叫反斗糕，其實就係形狀比較少見嘅馬拉糕。鮮竹卷有三條，我覺得幾惹味，其他嘢食都好食，冇樣嘢係失望嘅。桂花糕好厚呀，涼浸浸。鮮蝦腐皮卷每片都有一隻蝦。整體而言野食唔至於驚喜，大多中上。仲食咗幾樣野但冇影相。最後埋單每人約60蚊，但食得幾飽。

常常搭巴士經過時，都看到這間點心店好多人光顧，好奇它有什麼特別，真的很好吃嗎？這次終於來試試看。餐廳裝修清新，牆壁油上薄荷綠，門口有兩大片玻璃窗，餐枱椅子吊燈都油上白色，而且樓底都高。點心紙一張過，簡明清楚。茶位$3位。‖ 原隻鮑魚燒賣 ($29) ‖鮑魚仔味鮮彈牙。燒賣發揮正常，不錯。‖ 潮州粉果 ($18) ‖‖ 籠太子蝦餃皇 ($27) ‖蝦肉新鮮彈牙，外皮煙韌，不錯。‖ 不是炸兩 ($25) ‖果然和一般炸兩不同。裡面是炸蝦卷，那層炸皮非常酥脆。整個吃下去頗可口。‖ 海皇芝士千絲卷 ($24) ‖這個好吃。蝦肉鮮嫩，夾有濃濃芝士香，千絲卷十分酥脆。‖ 黑椒金錢肚 ($25) ‖這個味道和口感都比較平淡，而且份量十分少。‖ 雪山叉燒包 ($20) ‖菠蘿皮不脆，整個包軟淋淋，不過味道不錯。籠太子點心專門店某些點心夾有創新，店員有善，經過可以一試。

今日放假去左太子行街，行行吓又諗到好耐冇食點心，於是就決定今晚食點心。雪山叉燒包,外層類似菠蘿包好鬆脆又甜甜地，包又軟熟叉燒餡料又多又好味。黑椒金錢肚用烏冬放底可以索金錢肚的精華，金錢肚夠淋又好入味又香。籠太子蝦餃皇，蝦餃皮薄餡大，蝦肉又爽口彈牙皮又煙韌。原隻鮑魚燒賣，燒賣好彈牙又鮮甜好新鮮，仲有鮑魚又軟熟好吸引。鮮蝦腐皮卷煎到好香口，里面有啖啖蝦肉，腐皮又煎到好鬆脆。家鄉鹹水角咬落去好煙煙韌韌，配埋餡料一起食好美味。鳳爪排骨飯蒸到剛剛好，飯底唔會太淋，飯軟硬適中，鳳爪和排骨都好入味。

已經成半年多無同過呢位朋友食飯，今晚晚餐就去食點心。準備過馬路已經見到店舖，睇到個門口已經好吸引，入到去地方大，坐得舒服；有好多款唔同點心，每款都好吸引好想食 用點心紙✔咗幾款唔同點心，首先嚟咗【鳳爪排骨飯 $26】，唔好睇少呢碗飯，每人食到2碗仔㗎；鳳爪好入味，排骨軟滑，粒粒飯分明，好香飯味 再嚟就係【籠太子蝦餃皇 4粒 $27】(可以揀 2粒)，蝦餃皮夠薄，蝦肉大粒，爽口彈牙，肉質鮮甜好味，每人食2粒先夠喉 呢個係朋友揀嘅，話呢個好好食【鮮蝦腐皮卷 $22】一碟有6件，每件都皮薄香脆，每件都包住鮮蝦，點埋喼汁一齊食，仲會好夾 其他點心陸續嚟【翡翠帶子腸 $25】好少係出面食到帶子腸，腸粉夠滑，帶子腸一啲都唔油膩 當然唔少得我最愛食嘅【原粒瑤柱子灌湯餃 $25 ×2】好大隻灌湯餃，裡面啲餡料塞到滿滿，最重要真係有原粒瑤柱，好真好味道，再加埋浙醋一齊食，仲正 最後就係【家鄉咸水角 $18】有4件熱辣辣嘅咸水角，勁香脆，炸到金黃色，外脆內軟，唔食呢個都唔得 籠太子點心專門店太子柏樹街9號地舖

從餐牌上看，這個點心專門店是全日供應，亦沒有為晚市特設其他食品，可見他們對自家點心的信心除了黑醋/醬油外，餐廳亦有提供自家秘製辣椒油，叫蝦將軍，香味濃但不會太辣。另外餐廳非常意外地有提供植物肉的菜式，非常新穎，是很好機會讓年長朋友試試。填完點心紙之後，一籠籠點心蒸籠便徐徐送上，很有酒樓飲茶的氣氛。香滑反斗糕口感鬆軟，但沒有想像中特別。四寶滑雞扎浸著高湯，味道鮮甜，雞肉嫩滑， 加上彈牙魚肚，咬一口能吃出多重口感。蝦餃肉質爽口而且足料。蒸好時的小籠包也是浸著高湯，咬開時要小心過熱。除了點心外，我們還點了石斑荷葉籠仔飯， 蒸出來的飯收了荷葉和石斑的精華，不用落醬油也很惹味。最後才上的甜品是椰汁桂花千層糕，賣相精緻，層次分明，桂花糕的花香配以椰汁糕濃郁的椰香，但略為偏甜。