籠太子點心專門店

營業中

休息中

星期六早上一開門就去，比想像中少人，大家都差唔多11點先去。桌椅同枱上嘅用品比較殘舊，如果著重新淨裝修嘅話就唔啱你啦。茶係麥茶，$3位。海皇芝士千試卷幾得意，好多條脆脆包住蝦肉同芝士。呢個叫不是炸兩，入面嘅油炸鬼轉咗做豐富嘅脆脆。嗰個米色糕點叫反斗糕，其實就係形狀比較少見嘅馬拉糕。鮮竹卷有三條，我覺得幾惹味，其他嘢食都好食，冇樣嘢係失望嘅。桂花糕好厚呀，涼浸浸。鮮蝦腐皮卷每片都有一隻蝦。整體而言野食唔至於驚喜，大多中上。仲食咗幾樣野但冇影相。最後埋單每人約60蚊，但食得幾飽。