籠太子點心專門店

營業中

休息中

下班後和友人到金魚街賞魚，友人突然興致勃勃想飲茶食一盅兩件，貪佢可以樣樣都試啲，滿足味蕾，於是找了附近一間點心店晚餐。叉燒腸粉(⭐⭐⭐⭐💢)講到點心，必然有腸粉。筆者一直很怕餡料少的腸粉，但籠太子的叉燒腸卻很足料，放進口內感覺叉燒滿滿，若喜歡厚糯腸皮，必點。魚肚水餃(⭐⭐⭐⭐💢)水餃皮有驚喜，十分爽口彈牙，沒有厚糊感。魚肚厚身，吸滿湯汁，餡料亦美味。多汁小籠包(⭐⭐⭐⭐💢)小籠包以錫紙兜盛戴，不怕黐到點心紙。味道及肉汁不過不失，略嫌麵皮偏厚。金蒜蒸排骨(⭐⭐⭐⭐💢)排骨乃是次晚餐美味之最，排骨放進口中滿是蒜味，而且每件均啖啖肉，不會骨比肉多，肉質亦鬆軟，十分推薦！煎蘿蔔糕(⭐⭐⭐⭐💢)雖然絕多數茶樓或點心店均有蘿蔔糕，但籠太子的蘿蔔糕卻煎得十分香脆，端上枱時仍然熱呼呼，而且不會有只有粉漿沒有蘿蔔的感覺。四寶滑雞紥(⭐⭐⭐⭐💢)整件雞紥值得一提是雞件，選材十分新鮮，肉質仍然彈牙實在，完全沒有雪味霉味。其他餡料亦不俗。蒜香春卷(⭐⭐⭐⭐💢)熱辣辣的春卷炸得十分脆口，內裡盡是蝦肉，味道亦不錯。不過略嫌份量較少。~~~~~~~~~~~~~~~~~~~~~~~~ 籠太子點心專門店 太子柏樹街9號

石班荷葉籠仔飯工作辛苦，晚上梗係要食返男人最愛籠仔飯，今次特登叫了籠仔蒸龍躉荷葉飯，淨係睇到個蒸籠都熱燙燙，即叫即做，而且好多魚肉，每一塊都是新鮮魚肉，沒有散肉，食下去足夠蒜容和荷葉香，值回票價藥膳雞腳一道普通的家常菜，卻有著不一般的滋補作用，具有益氣活血、美容養顏的功效，四季皆適宜，我當然不錯過，味道足料，帶有黃芪啊黨參等藥材味道，雞腳吸收這精華，味道特別香和美味。籠太子蝦餃皇水晶外皮，晶瑩彈牙，飽滿的內餡Q彈的鮮蝦，每一口都有滿滿的Q彈與爽脆，口感層次分明。

Steamed Rice Flour Roll Stuffed With Prawns❣:Looks so pretty that it is sliced into mouthful portion and slips right into your mouth. There is one prawn per slice.Snow Mountain Barbecued Pork Bun❣:The bun is very soft and melts right into your mouth. The barbecued pork is tender and works wonder.Dumplings in Soup with Dried Scallops❣:The soup is very flavourful and the sweetness of the dried scallop stays in the mouth for a while.Siu Mai Topped with Haliotis:It is very economical but not the top

平時中午多去酒樓飲茶食點心，今次改去了一間近太子的點心專門店，店舖主張即叫即蒸，以保持食物質素。店內環境簡潔，座位闊落。而樓頂更掛滿雀籠作為裝飾，以配合店名。每位是3元茶錢，點心都是大約二十元，性價比高。-原隻鮑魚燒賣（2件） 燒賣上放了原隻鮑魚，鮑魚彈牙，燒 賣是用了蝦和豬肉裝成，肉味鮮甜。-龍太子蝦餃皇（2件） 皮薄、蝦肉彈牙-石斑荷葉籠仔飯 荷葉包著炒飯，飯面鋪滿了厚厚的 石斑肉，魚鮮味滲入飯裏，十分惹 味。 -老火湯-紅蘿蔔粟米排骨湯 大大碗，湯味清甜，飲得出沒有味精-南瓜煎堆仔 炸得外脆內軟，用了南瓜不會過甜， 甜度啱啱好。-香芒沙律盞 用蘋果做沙律，加了香芒醬，味道很 清新，放在炸得脆脆的雲吞皮內，有 不同口感。

本來諗住食個咩辣「牛肉」「大」春卷，叫左，試左啖，又唔辣又冇牛肉味，望左眼另一個牌，寫住「不可能牛肉大春卷」，頂佢個肺，係素牛肉，你素牛肉連牛肉味都冇，又難食，你兩個名都唔同，我實知你係素牛肉啦，真係多謝你

之前食過東大街果間, 感覺不錯先發覺原來屋企附近都有一間分店~ 是日諗唔到食咩就去食點心啦!呢度坐得闊落而且茶位只係$3好抵, 仲有玄米茶飲~蝦餃燒賣係must 點items lol~ 呢度好貼心可以2粒甘樣叫, 仲有原隻鮑魚燒賣緊係2粒鮑魚2粒蝦試下佢啦鮑魚燒賣鮑汁濃郁, 好彈牙; 蝦燒賣肉質好爽!蝦餃蝦仁大大粒，皮夠薄、點埋佢特配既「蝦將軍XO醬」真係好match!極之推介海皇芝士千絲卷!!!呢樣真係好好食!勁鬆脆, 而且入面仲有蝦同芝士, 一D都唔油膩, 好有驚喜!!多汁小籠包係的確幾多汁既, 而且肉湯夠濃鮮蝦菜苗餃好抵食, 因為入面真係好多菜, 絕對好食過X香果D!雪山叉燒包就相對失色, 雖然夠熱但皮唔夠鬆軟…但味道係OK既皮蛋牛肉腸其實即係牛肉腸, 腸粉都夠滑最後香芒沙律盞甜品結尾, 不錯! 下次再來!

今日放工後很想吃點心， 便與女朋友到太子的籠太子吃即叫即蒸點心由於很久沒有吃點心，所以我們點了各款食物有煎炸類和蒸品類。招牌不是炸兩外軟內脆， 配上不咸的豉油提升鮮味，一秒掃清光！而荷葉石班飯更令人驚喜價錢實惠之外，亦有不少石班肉塊，香氣十足令人一試難忘🥹我們每人最少也可以食兩碗才能把這個飯吃完。最後亦有二人份蝦餃，十分細心，適合我們為食的心態外，亦能避免吃得太飽。這次還有很多點心想吃，只好留待下次了！

呢個價錢 完全吾值員工態度又差 個蝦餃上到 吾熱 皮又厚個雪山叉燒包 應該係反叮既 啖啖都係油紅油抄手 完全見唔到紅油 好似就甘用醬油加醋撈埋鳳爪 係冇味道一樣藥膳雞腳。雞腳夠軟爛 但個湯好似溝左水拎上來甘荷葉雞飯 除左係炒飯底同蒸得夠干身之外 個雞麻麻

今日來籠太子飲茶，呢度嘅點心做得非常出色，已經食過好幾次，水準依舊好食。點心選擇款式多，而且價錢非常相宜，平均每款$20左右，但係比起好多酒樓仲要好食。黎得呢度一定會飲依度嘅老火湯，冇味精，絕對天然，今日係紅青蘿蔔煲豬骨，性價比超高，大大碗都只係$18 碗。另外點左燒賣兩粒$15，蝦餃兩粒$15，呢度可以點兩粒，好啱兩個人飲茶，每樣可以食少少。蝦餃和燒賣都好好食，蝦仁大大粒，爽口彈牙。黑椒金錢肚$26 金錢肚夠淋亦帶點爽滑，黑椒味加上花椒八角嘅味道，蒸得非常入味。藥膳雞腳$22 雞腳煮得夠軟淋同入味，有滿滿嘅膠質，上湯有濃郁藥材香味，鍾意食藥膳嘅一定唔可以錯過。原粒瑤柱湯餃$26平時出去食灌湯餃要差唔多$50一個，呢度只需要一半嘅價錢就有得食，湯餃非常大粒，有滿滿嘅餡料，上湯有瑤柱粒，真材實料好好飲。雪山叉燒包$21，大大個，一份有三個，雪山皮香脆，麵包軟熟熱辣辣，餡料亦夠豐富。翡翠帶子腸$26腸粉皮夠簿同滑，帶子鮮味十足，切開細細件，非常方便食。煎蝦膠釀茄子$20 每次嚟呢度都係必食，蝦膠厚肉彈牙，茄子外脆內軟，加埋豉椒汁好惹味。

依家想嘆一盅兩件，除咗酒樓之外，新派快餐點心店都係一個唔錯嘅選擇。點心專門店喺早午晚時段提供傳統或新式創意點心。籠太子點心專門店就係其中一個例子。行入籠太子點心店就會明白店鋪點解叫「籠太子」，抬頭一望見到好多鳥籠樣式嘅燈罩，綠色牆身給人大自然感覺。點心即叫即整，又融入創意，多咗幾分新鮮感：➺➺➺原隻鮑魚燒賣$25/2粒燒賣上面有隻同佢大小相若嘅鮑魚，好吸睛，貪新鮮就一定要點，鮑魚都幾合理架，彈牙入味，$25食到2隻鮑魚加2粒燒賣仲想點？➺➺➺籠太子蝦餃皇$15/2粒皮薄、蝦仁彈牙，配辣椒醬食係最正嘅！➺➺➺黑椒金錢肚$26試過喺酒樓食金錢肚韌到好難咬開，今次呢個唔錯，幾淋、好入味，黑椒同辣味突出。下層竟然系烏冬，索曬啲汁，好好味。➺➺➺香芒沙律盞$22賣相幾靚，成朵花咁，啲沙律係蘋果粒，上面係唔少份量嘅沙律醬同芒果醬汁。下面唔係脆皮，反而煙煙韌韌。➺➺➺豆漿$10好大枝，比出面一般買到果d多咗起碼一半份量！茶芥$3平過酒樓最少3倍啦！今次食嘅點心都精緻少少，見到隔離枱點嘅包點、飯類，都大件抵食，有機會再試！

間唔時會想飲下夜茶，感覺有啲新意～ 籠太子之前食過都覺高質又抵食！ 價錢平均$2x 就有交易喇叫到整桌滿，都只不過是$160鮮蝦燒賣皇$15/2隻燒賣豬肉好紮實，調味夠！蝦餃 $15/2隻 蝦餃皮偏厚果種，蝦肉都爽彈～鮮蝦腐皮卷 $23 鮮蝦腐皮卷都只係$23，脆卜卜唔油膩煎蝦膠釀茄子$20 超有份量，茄子好juicy!皮蛋牛肉腸$24皮蛋牛肉很搭，亦好少機會食到鹹魚肉餅飯$27鹹魚有咸香彈性，唔會死咸肉餅係紮實彈牙的～原隻鮑魚燒賣 $30/2隻多左隻鮑魚添貴氣，味道口感與豬肉燒賣無異

環境：中式點心專門店🥰門口logo 對應店名「籠」諧音，真係有條龍喺度。 而店內環境裝修就掛滿一個個籠喺天花上面，都幾有特色同埋幾對店鋪名，令人一見到就聯想起😆特色：即叫即蒸點心☺️我食咗石斑荷葉籠仔飯，魚同荷葉香味滲晒落啲飯到🤤 而石斑肉質肥美啖啖肉另外仲叫咗鮑魚燒賣同埋蝦餃😆有得叫2件同4件，2件份量一個人食啱啱好😆手製燒賣一向好食，加埋鮑魚口感更彈牙紮實，蝦餃大粒有口感😆地址：太子柏樹街9號地舖

籠太子在現址已有一段時間，次次行過都冇入去，今日终於試到了，店内裝修和枱凳已有一段日子，有歲月痕跡但不算殘舊，接近2pm了，很易找到座位坐下。✨茶錢$3 each伙計姐姐很快遞上一壼茶，洗杯洗碗時，發覺茶味香濃，他用上了玄米茶，非常有别於一般茶居，清香易入口，對腸胃好👍✨蝦餃、燒賣各2件 $15 each用蝦新鲜，皮薄冇黏口，入口鲜味四溢，燒賣肥肉不多，入口彈牙，勝過一般大茶樓👍✨皮蛋牛肉腸$24皮薄晶盈通透，即叫即蒸，冇得輸，但食唔到皮蛋，牛肉淡淡的，唔錯👍✨鳳爪排骨飯$27熱辣辣上枱，但食相不佳，飯偏硬，一般般✨蜜汁义燒包$19上枱時，個樣麻麻地，但包底軟熟可口黏牙，細細仔，好食👍✨魚肚水餃$22上枱非常熱，有二件魚肚三隻餃，餃子結實料足，湯底甘甜👍✨煎蝦膠釀茄子$20茄子熱辣辣上，表淋醬汁，是最好食的點心👍👍值得一提是枱頭的辣椒油，甘香不很辣，超濃蝦皮味，very good 👍

早幾天到籠太子點心專門店午餐用膳，囝仔同他的女朋友、太太和我一行四人，大約一點到店前，見到已經有人排隊攞票；但是不是等了久，大約十分鐘便安排入座。我們點選左籠太子蝦餃皇、鮮蝦燒賣皇、懷舊鵪鶉蛋燒賣、多汁小籠包、雪山叉燒包、密味叉燒腸、鳳瓜排骨飯同蒜香蝦春卷。以上點心都很有水準，多汁小籠包真的是很多汁而且味道很適中，餃皮亦很薄但是不會很容易破爛；蝦餃皇亦是考師父的功力，不但皮薄而且蝦亦很彈牙；雪山叉燒包也不錯👍。總括而言，所有點心🧆都很好味😋。

今晚去太子食點心，籠太子點心專門店，之前行過都見幾多人排隊，今晚早黎食，好彩有兩位Walk in。-蜜味叉燒腸👍🏻，師傅好貼心已經一早切好細細舊，方便大家一口一舊，腸粉皮薄，叉燒份量都多。-流沙奶皇包👍🏻，我好驚啲流沙奶皇包唔夠熱，唔夠流沙，呢個流到成枱都係。-籠太子蝦餃皇👍🏻，呢度好好，可以半分咁樣叫，唔使食到飽一飽試唔到其他嘢。-原粒瑤柱灌湯餃👍🏻，湯頭夠味，灌湯餃都好充料，呢個要推介。-鳳爪排骨飯👍🏻，呢個排骨處理得好好食，蒜味夠重，飯都入哂味。-海皇芝士千絲卷👍🏻，外皮炸得好脆，入面芝士無令人失望，香脆可口。******************************👍🏻好食 | 👌🏻可以 | 😔 難食評分 : 8/10簡評 : 每款點心都做得水準以上，價錢合理