籠太子點心專門店

營業中

休息中

前排聽朋友講話太子有間飲茶點心ok，之後我同老婆放工過去試下啦，一去到，都唔洗等位就可以入去坐。我地坐低之後睇點心，發覺有好多野都好想食，之後點左原隻鮑魚燒賣 (鮑魚煮得好淋好入味燒賣都算大粒)、蝦餃 (蝦肉好爽皮已適中不會過淋)，吉法糯米雞 (比想像中大隻同多料)、魚肚水餃 (魚肚咁岩煮唔夠淋，但個湯超好飲)、鮮蝦腸粉 (蝦不算大隻，但好爽)、不是炸兩 (新式腸粉，腸粉入面包住脆脆春卷，但裡面原來有芹菜)，整體上真係幾好食，希望之後可以保持咁好食啦，一定會再返來食多次。

如果不是平時公司車經過，我大概不會留意原來太子地鐵站附近有間點心店，難得發現當然不會錯過，立即相約我條佬放工後飲夜茶我們來到太子大約六點左右，想不到己全場爆滿，幸好尚剩一張二人座，枱面上己準備熱水壺和盤子供客人洗餐具。店鋪有別一般傳統飲茶的風格，簡約的裝修給人一種舒適的環境。雖然人多但不會有擠壓焗促的感覺。看看點心紙，點心價格實惠之餘，款式也很多，而且茶芥係$3 ！ 放工太肚餓關係，瘋狂☑️了七個點心和精選老火湯～等了一會兒，點心陸陸續續到齊⋯⋯•流沙奶黃包•最鐘意見到咬開後金黃色的奶黃餡料慢慢流出來，食落唔會太甜，但小心燙口！•皮蛋牛肉腸•腸粉切成一份份，非常貼心。腸粉皮薄又軟滑，不黏口，而且餡料十足，皮蛋，牛肉，莞茜混合一起入口軟嫰，口感極佳，一下子己經俾我地食曬～•原粒瑤柱湯餃•湯餃餡料十足，加上原粒瑤柱份外滋味，上湯亦都好鮮甜，仍然吃出兒時的味道～•煎蘿蔔糕•外層煎得香口，看到蘿蔔糕裡有一絲絲的蘿蔔，雖咬落較腍身，不算硬身，但沾上少許辣醬後依然美味～•金蒜蒸排骨•大部分茶樓都只有豆豉蒸排骨，這裡較特別，是金蒜蒸排骨，大量蒜蓉鋪滿排骨，入口蒜香味超濃，底層重有鳥冬，如果是粉絲就更好

出街食飯多數去尖沙咀，銅鑼灣或觀塘，自己住的太子反而很少去搵食。這間位於太子的點心店開業了約3年多，還記得是我搬到太子後它就開業，今晚終於有機會試一試。多數的點心店都只收茶位，不用加一，籠太子亦不例外，每位茗茶$3。蝦餃蝦餃可以選擇2粒或4粒，人少少都可以食。蝦餃外型脹卜卜，皮薄晶瑩剔透，蝦肉爽口彈牙，還有些竹筍，味道爽脆。燒賣燒賣跟蝦餃一樣可以選擇2粒或4粒，燒賣內有原隻蝦肉，爽口彈牙，豬肉唔會死實實，有豬肉的肉汁。糯米雞餡料豐富，有火腿，雞肉，原隻鵪鶉蛋等，糯米吸收了餡料的味道及肉汁，質感非常軟綿煙韌。流沙奶皇包一搣開裏面的奶皇即刻流出，新鮮熱辣，甜度適中，充滿著咸蛋香味，食完好有罪惡感。不是炸兩腸粉包著炸蝦卷，外層的腸粉很滑，裏面是用網紙包著蝦肉及雜菜炸成，所以非常香脆，但不是每舊都有蝦肉。海皇芝士千絲卷外層似炸麵餅，炸得非常香脆，裏面包著蝦膠，爽口彈牙，但吃不出有芝士味。鮮竹卷外層腐皮很煙韌，裏面包著木耳，豬肉等餡料，加上浸在上湯內，所以咬開有肉汁，木耳很爽口。北菇雞飯正常一人分量，雞肉不算多但肉質嫩滑，加上有薑絲去掉雞肉的肉腥味，飯粒分明爽口，但感覺上糯米雞較為抵吃。整體而言

去茶樓飲早茶同下午茶 就試得多 今日呢個創新嘅嘗試 飲夜茶餐廳開早上十點 晚上凌晨兩點關門 隨時隨地 都可以食到中式點心 嘆番杯中國靚茶同朋友兩個人 點咗好多款點心 埋單價都係158蚊 每位茶價三蚊 真心抵食先洗下啲餐具 先食得安心又放心老火精選靚湯 不含味精 真材實料 昆布海草大山地煲豬骨 飲完喉嚨好舒服籠太子蝦餃皇 可選兩粒或四粒 蝦餃皮薄餡靚 外皮彈牙 晶瑩通透 餡料份量足 非常飽滿原隻鮑魚燒賣 極度奢華 價錢大眾化 鮑魚炆得好林 豬肉餡料唔嚡口棉花雞 魚肚就好似一舊海綿 吸收咗雞 冬菇嘅香味 入口有爆汁嘅感覺翡翠帶子腸 有六件 每件入面都有帶子肉 清甜而且彈牙 腸粉入口滑溜 而且有彈性餐廳唔係一般嘅傳統大酒樓 裝修係cafe風格 帶點時尚 點心卻充滿驚喜 食物質素唔會輸蝕大酒樓

幾十蚊食飽飽@籠太子點心專門店 香港地搵食愈來愈艱難,到連鎖店平食,一個頹飯都索價$50多元 有時候想飲餐茶,又要加一又要茶芥,計起來又百幾蚊落樓 早幾日朋友帶我到籠太子飲茶,一個好可愛的地方, 茶錢每位$3,沒有加一,也沒有分時段收費,即是你在早上或是下午餐期去食點心都是劃一收費 入面裝修新式很光猛, 空間感十足,店員們清一式年輕人,令人感到朝氣十足 點心明碼實價,沒有加一,即叫即整 款式頗多的 雪山叉燒包$18 食的時候還在冒煙,入面的饀料是蜜汁义燒 很喜歡那有點似菠羅包的外表,很香牛油味 咸魚肉餅飯$23 大大盎,味道不過不失,份量好多,填肚一流 多汁小籠包$19 外型不討好,看起來又乾又黃 咬下去完全另一回事,真的有爆汁的口感,味道比其外表好好多 籠太子蝦餃皇$25 這裡可以單點兩只的,蝦餃入面很多蝦肉,而蝦餃皮食起來夠滑又有點彈性 原隻鮑魚燒賣$27 小貴,但點一客用來拍照呃LIKE一流 燒賣上面放了一片很好看的鮑魚,食起來雖然沒有很濃的鮑魚味道,但外型真的很討好,而且燒賣本身很多汁彈牙,不妨試下 一人幾十蚊就可以食飽飽了

相信太子街坊都應該會知道呢間點心舖，聽問質素高而且幾抵食，夜晚突然想飲茶的話係一個唔錯嘅選擇。今日夜晚唔係太肚餓但又想食下野，同朋友叫咗幾款點心外賣返屋企食，燒賣同蝦餃都係正路野，燒賣啖啖肉，蝦餃調味都好足夠，但係雪山叉燒包同個南瓜煎堆就麻麻，叉燒包好厚麵粉，叉燒份量比較少，南瓜煎堆同一道理，南瓜饀欠奉，但糯米做得相當煙韌，反而藥膳雞爪出乎意料地好食，藥材味好濃，雞爪亦相當入味，十零蚊做到咁嘅水準係相當唔錯。不過未知係咪外賣嘅緣故，點心凍咗，食落冇咁過癮，建議點心真係唔好外賣食。

一講食點心，好多人會諗起茶樓食，不過依家唔再係茶樓專利，多左其間以點心為名嘅專門食店都有水準，其中聽過嘅有lee一間！本人次次食親點心飲茶都會叫腸粉食，其中一個原因係要試下間店舖水準去到邊度，一定唔可以凍硬實，要嫩滑QQ有彈性，這店做到，好食！炸物外脆內軟，有咬口，唔會太油！小籠包湯汁飽滿，一口一隻，爽嘅。蝦餃皮薄又彈牙，有原隻蝦，讚！另外一提流沙奶黃飽真係流晒岀黎，甜度適中。重點: 鮑魚燒賣！有噱頭，味道唔差，鮑魚煮得夠軟，燒賣啖啖鮮肉同蝦味，正！其他都有正常水準，值得再去食。

琴晚臨訓前，A姐話想聽朝去飲茶食點心。結果，早茶時段，佢未起身；等到下午茶時段，佢都未起身！終於，喺下午3點半佢起身喇，我嘅早餐終於有著落喇！好彩依家食點心唔止得酒樓，仲有好多點心專門店，真係想凌晨食點心都無問題啦。呢間位於太子嘅籠太子點心專門店，雖然無米芝蓮嘅眷戀，但人氣十足，我哋今日就去嘆吓茶啦！原隻鮑魚燒賣細細隻嘅鮑魚仔，意想唔到鮑魚味咁濃，好煙韌好有咬口！而燒賣大大粒，豬肉同蝦嘅比例啱啱好，一人一隻唔會太多太溜。籠太子蝦餃皇除咗燒賣，蝦餃都可以叫2粒，不過我哋太鍾意食蝦餃，所以叫咗4粒。蝦餃皮薄，晶瑩剔透，蝦肉彈牙，好新鮮呀！ 黑椒金錢肚黑椒味道香濃，金錢肚夠晒入味。再用埋索晒汁嘅烏冬墊底，好好味呀！不過，份量就略嫌較少。雪山叉燒包包面嘅雪山夠晒香脆，麵包鬆軟，入面叉燒嘅份量十足，好好味呀！原隻鮮蝦腸腸粉好滑，每件都有大大隻嘅彈牙鮮蝦，好滿足呀！鳳爪排骨飯食咗咁多點心，無飯落肚又點得呢？呢碗大大碗嘅鳳爪排骨飯就啱晒大食之人啦！

為了慶祝細細順利考到二級船牌，應要求去吃點心慶祝。細細說網上見到有不少好評，而且我有朋友吃過也說很讚。距離太子地鐵站很近，才3分鐘路程。淺綠色的裝修望上去令人感覺清新又柔和。門外還放有推介每日精選的小木牌。頗坐下就有職員送上一暖壼的玄米茶，杯底還可以見到一粒粒的炒米耶 但茶不是放在暖壺內不好嗎?? 我見現在很多食肆酒樓都改用暖壺裝茶呢(知道的可以告訴我XDD)桌上的餐紙有介紹店中的各款點心，想不到吃什麼的朋友可以參考一下。煎蝦膠釀茄子，賣相挺不錯的，有點似日本的軍艦壽司。茄子上面鋪上一層彈牙的蝦膠，一口就有2種不同的口感。味道不錯，但有一點點咸。蒜香春卷，又脆又香口~海皇芝士千絲卷, 每一口都十分脆, 因為金黃色外層的千千萬萬條脆條包圍著內餡, 內裡有大大隻的鮮蝦及冬菇，鮮味非常，但芝味不太明顯呢。多汁小籠包，名字改得很貼切輕輕咬開一小口已經見到肉汁準備沖出來了。先吹一吹再整隻放入口，皮薄肉鮮又多汁，十分滋味推介咸魚肉餅飯籠太子蝦餃皇，另一大推之選 精螢的蝦餃皮又薄又煙韌，包著幾隻鮮味蝦仁，還有筍絲，又爽又脆又煙韌，一次過多重口感鮮蝦腐皮卷，外皮半脆，中間有鮮蝦及芽菜等，可能是芽菜出水

收工九點幾又肚餓🤢，又唔想食粉麵咁飽突然諗到食點心上Openrice 搵下見到呢間籠太子好似都幾多好評，而且收0200咁夜所以即管試一試啦！去到見到入面都幾full😨要排隊都排左15分鐘先入得去 款式都同一般點心店差不多！我地兩個人總共叫左6樣野食奶黃包- 好熱 正常奶黃包，無咩特別，但無咩流沙feel茄子- 呢個要讚呀！除左執皮硬左少少，都好好食好香！遠睇好似碟軍鑑壽司😂鮑魚燒賣-好的🎲既一籠燒賣😍細細粒易入口鮑魚又唔會太硬燒賣、牛肉- 都唔錯 岩岩蒸起熱辣辣芝士千絲卷- 最期待係呢一味果然無失望，雖然等耐少少 不過黎到時外脆肉熱 隻蝦大大粒！唔錯好岩宵夜時段黎但等食物時間比較耐🙁

整個點心店設計很新派，全間店以綠色為主調，天花都全掛滿雀籠做裝飾點心款式傳統但做法新穎----古法糯米雞用料足，份量夠，兩個人都食唔晒魚肚水餃，清湯盛著新鮮水餃，皮夠薄，加上魚肚很爽口金蒜蒸排骨，排骨很入味，蒜味濃郁，再加了個烏冬底，超入味，沒想過有烏冬和排骨既配搭最好味一定是海皇芝士千絲卷，新鮮炸起，千絲做得很有口感，流出少少芝士醬，很好味

👑原隻鮑魚燒賣。$54好精緻啊秘制鮑魚煮得好淋燒賣肥瘦適中一籠2隻👑籠太子蝦餃皇。$25蝦肉彈牙新鮮皮薄好食有4粒👑名醬蒸鳳爪。$18最中意食鳳爪好入味醬汁惹味無得彈👑金蒜聲排骨。$18排骨偏大舊蒜香味濃肉嫩👑鮮竹牛肉球。$18中意呢度既牛肉球唔會太大粒容易入口肉球可口👑黑椒金錢肚。$23金錢肚唔會難咬黑椒惹味唔會太辣👑鮮蝦腐皮卷。$20全家都愛吃腐皮卷煎得香脆不油最愛蝦肉爽口有6件👑鮮蝦菜苗餃。$21菜苗餃非常飽滿完全不用沾辣椒油亦很夠味👑四寶滑雞扎。$25雞扎有火腿雞肉嫩滑材料豐富👑北菇雞粒飯。$23香噴噴北菇撲鼻雞粒份量不少頗嫩滑👑精選老火湯。$15赤小豆黃瓜排骨湯好大碗的老火湯補啊

前幾日約左個係太子返工既老朋友食飯太子呢個地方 一向都唔太熟 通常都只係經過唔會細行裡面既小巷今次有朋友帶住 先發現原來太子有咁多抵食既餐廳本身我朋友話去飲茶 以為去酒樓 去到原來係一間小館!原隻鮑魚燒賣 $27呢個燒賣我諗係呢間餐廳既signature兩粒燒賣上面仲有一個mini size既鮑魚食落去味道都幾MATCH 仲好土豪!多汁小籠包 $19我最愛既小籠包 食落去勁多湯汁流晒出黎 唔錯 北菇滑雞飯 $23我地仲叫左兩個飯滑雞好嫩滑 加埋soyo 唔錯!

一家去吃傳統點心是最好不過的節目，而我們也很久沒去過籠太子了。蝦餃皇25蝦肉飽滿而皮不易爛，粉皮比例ok，涵肉肥肉不多。鮑魚燒賣皇27x2由於這點心跟燒賣皇其實一樣，只是上面加了小鮑魚同蒸，所以也沒再重複點燒賣了。黑椒金錢肚23如願細淋軟糯，婆婆牙不好也可吃到，黑椒味不算濃，整体調味👍🏻雞扎25只試了腐皮，滑溜又不過咸，份量也不小。鮮蝦菜苗餃21菜苗很多，清新中有蝦粒也沒感覺太寡，但粉皮過淋了。牛肉丸18婆婆大愛，她說合格的。金蒜蒸排骨18肥肉不少，油很多，不太入味，但排骨有嚼勁。鮮蝦腐皮卷20炸後熱氣但不算油膩，豬肉蝦肉參半，芽菜涵好創新。鳳爪18肉滑溜又好入味，娘親吃清光。北菇滑雞蒸飯23雞件跟醬油撈北菇片蒸飯好抵吃，盅飯頂肚又美味。老火湯15x4是日老黃瓜赤小豆蜜棗湯，味道較淡，很大碗呢，十分化算。食後感：這兒的岀品不俗，繁忙時間要等位，不跟茶樓的點心比下去，開了幾年也賺到許多街坊的棒場了。

由細到大都好中意去飲茶食點心，但去飲茶多數都係時間長d會坐一兩個鐘，而家市面上開左好多點心專門店好方便，可以就咁入去叫幾籠點心食完就走，好適合番工需要快既第奏🤣12:45左右黎到，唔使排隊即刻有位👍🏻見到餐紙上咁多點心，樣樣都好似好好食咁，花多眼亂咩都想叫同酒樓一樣，自己剔想食既點食再交就可以，唔同既係呢到唔係大中小點，直接係價錢🤣呢個點心應該係參考煎釀茄子改良要成，上面釀左蝦膠，個醬有少少似甜酸醬，都幾開胃。雖然好熱氣唔係好想食炸野，但見到海皇芝士千絲卷個名咁有霸氣好似好好味，仲要有個thumb up係點心紙到，就叫左。見到個樣都知真係幾熱氣既 咬落去好脆，入面係蝦，芝士唔係拉得出絲個隻，但味道同蝦好夾，去籠太子一定要order本人好中意食鮮竹卷，去任何點心餐廳/酒樓都一定會嗌！ 呢但鮮竹卷涵料唔算多，但個味道調得好好，唔會太淡或太咸！個上湯超正，唔會好似外面個d咁好淡 係我食過眾多鮮竹卷入面排頭三位!唔知大家有無遇過2個人去食點心既煩惱？就係籠籠野都係4件，結果一係食淨好多，一係就食得好少款點心 籠太子好好咁將幾乎枱樋會嗌既蝦餃燒賣bulk break，有得揀2件或4件，咁大家有得