籠太子點心專門店

營業中

休息中

相信太子街坊都應該會知道呢間點心舖，聽問質素高而且幾抵食，夜晚突然想飲茶的話係一個唔錯嘅選擇。今日夜晚唔係太肚餓但又想食下野，同朋友叫咗幾款點心外賣返屋企食，燒賣同蝦餃都係正路野，燒賣啖啖肉，蝦餃調味都好足夠，但係雪山叉燒包同個南瓜煎堆就麻麻，叉燒包好厚麵粉，叉燒份量比較少，南瓜煎堆同一道理，南瓜饀欠奉，但糯米做得相當煙韌，反而藥膳雞爪出乎意料地好食，藥材味好濃，雞爪亦相當入味，十零蚊做到咁嘅水準係相當唔錯。不過未知係咪外賣嘅緣故，點心凍咗，食落冇咁過癮，建議點心真係唔好外賣食。