篤篤船麵 (V Walk)

營業中

休息中

今日放工又去V walk 商場搵野食，呢個新商場實在太多美食了，真係要花啲時間先食得晒所有食肆，行過見門口大電視嘅食物相已經相當吸引，內裏裝修顏色豐富、就去試一試點餐紙上一面是大碗麵，一面是四小碗麵，店員介紹四小碗麵、可以一次過試晒唔同嘅選擇，最啱我呢啲三心二意又為食嘅人麵底有乾河粉，金邊粉，米粉，薯粉，全蛋麵任君選擇，至於湯底有牛湯，豬湯，牛辣湯，豬辣湯，冬陰公湯肥牛米粉牛湯豬肉丸金邊粉豬湯牛柏葉薯粉牛辣湯炸魚片乾河粉冬陰公湯雖然份量小小，但每款湯底有驚喜，尤其是牛辣湯同冬陰公湯，小辣帶微酸，令人胃口大開，配料新鮮，麵同樣做得出色另外點左個炸蝦餅，外表炸得金黃薄薄的蝦餅，食落酥脆可口店員推介只限晚市才有木瓜沙律配泰式脆皮燒腩，只睇賣相已經感受到燒腩皮嘅脆，急不及待夾一塊點上醬汁送入口，果然腩皮鬆脆無比，連坐係旁邊的友人聽到脆卜卜的聲音都立即試試，木瓜沙律味道清新，可減少腩肉油膩感，店員真是好推介食物有驚喜，船麵嘅水凖跟我係清邁嘅時候食嘅果種又地道又便宜嘅船麵不相伯仲，值得一試

今日又去V Walk 搵食～～～試下在Openrice 排第三位的V Walk 食店「篤篤船麵」～～～果然受歡迎，雖然今天係平日的星期二，但都坐無虛席，要排隊等入座⋯⋯看到這兒的Menu, 主要食泰式「船麵」為主有大碗$48 、亦有細細碗$13； 小食都是十幾廿元，認真抵食枱面上有很多不同泰式醬料先試一個大碗「牛魔王船麵」HK$48餸有肥牛、牛丸、牛栢葉；湯底係牛湯船麵；粉麵就選了金邊粉～～～味道不過不失，係牛丸幾好味不過金邊粉口感麻麻，不夠「滑」我最其待的「小船麵套餐」HK$48 來了可以一次過試四自由組合的細船麵，夠過癮四碗組合分別係:1. 魚蛋+米粉+牛湯- 魚蛋味道不錯、但米粉粗佐D、沒彈性、口感麻麻、牛湯味道較濃2. 豬膶+ 薯粉 + 豬湯- 豬膶不過不失，豬湯最好味、鮮甜；但薯粉沒有彈性、口感不好3. 栢葉+金邊粉+牛湯- 栢葉OK，但金邊粉不夠滑4. 鴨血+ 金邊粉+ 冬陰功- 鴨血味道OK，不過冬陰功湯太辣，辣得蓋過香矛、南薑的香味小食點了「蝦餅」HK$16這個味道不錯，炸得香口有彈性「鴨血拼芽菜」HK$19味道OK 啦，但此終不及台式鴨血野味。「青檸梳打」$16 杯都

上星期同朋友去開深水埗，仲想食個譚仔小辣，但已經食過好多次，所以就揾下附近有咩麵，然後就發現深水埗有船麵！ Lee個船麵竟然48紋有4碗細船麵，所以1次過叫左4個口味! 肥牛金邊粉平時食開pad thai係乾身，今次就係濕ge，有濃ge湯底而粉有咬口，細碗小食多滋味（4/5） 豬腩片金邊粉雖然係豬腩肉，但肥瘦適中，我鍾意豬腩肉多過肥牛，因爲多肥肉：） （4.5/5） 牛丸蛋麵肉丸彈牙，肉質鮮嫩，如果多幾粒就好la，好好咬 （4.5/5） 牛百葉薯粉牛百葉爽口，薯粉較金邊粉彈牙齒 （4/5） 青檸梳打梳打Singha Soda我自己去泰國都飲過，配埋新鮮青檸，好清新 我覺得如果鍾意船麵又想試多d geh人可以黎試下!

旅行返左香港有排，但都仲好想泰國野特別係是泰國旅行成日都可以食到嘅傳統泰國船麵，傳統泰國船麵真係一樣食極都唔好會厭嘅野食，跟住咁岩見到新商場入邊有一間專門食傳統泰國船麵嘅舖頭, 呢傳統泰國船麵麵賣相都算接近泰國風味，細細碗咁，雖然係細細碗但無令人失望，牛湯嘅底夠晒濃厚牛肉味道夠晒重,牛肉質素都ok，唔會太差麵底方面我自己揀左金邊粉，金邊粉是一種泰國經常係泰國食到嘅粉，夠晒吸湯入口有口感總括而言味道賣相都令人滿意，牛肉湯再濃啲就更好，同埋個價錢都唔算貴 

新商場日日都經常行過呢間泰國野，外邊睇落同一般餐廳個風格都幾唔同，我都未食過一間以船麵做主題嘅泰國餐廳, 今日自己終於得閒啲路過可以食下lu。為左配合番餐廳主題我就叫左4小碗，因為係泰國都係咁食的而唔係一大碗咁食。呢度個麵底選擇都真係有好多款揀下,我揀左金邊粉,全蛋麵，薯粉河粉。仲另外加左個小食。呢度既金邊粉,全蛋麵，薯粉，河粉同泰國一樣都係即叫即煮,師傅唔會煮得太淋。湯底都好香濃，味道正宗。而且配料選擇都多，個人推薦鴨血，肥牛，因為呢啲配料都好配合到個湯底小食方面我地叫左蔗蝦都好有驚喜。真係入口都好惹味下，中間支蔗又甘甜。下次黎一定要再試其他小食! 

Lunch平時同同事都係西九食算，但今日好想食麵，同事就帶左我黎食船麵，加上糧尾，48蚊四碗，勁抵食同同事share，一人食兩小碗，就已經好飽肚。一碗扎肉，一碗鴨血，一碗豬肉丸，一碗牛柏葉，牛柏葉配薯粉，配埋辣湯，酸酸辣辣咁，係夏天好開胃，牛柏葉加上薯粉又爽口。鴨血一D都唔腥，平時少食內臟既同事都接受到。扎肉同豬肉丸都好彈牙，扎肉既河粉都好香口，好滑嫩，每人share其實都好夠飽，同埋又可以試到唔同既野。

泰國篤篤船麵今日同媽媽放假行街，之後坐地鐵去咗V walk到行下新商場，行完之後就開始去附近搵嘢食媽媽講起之前Facebook有介紹到銅鑼灣有一間船麵，今次見到又係大熱船麵所以就過嚟試吓餐廳環境雖然唔算太寬躺😌但係香港地租昂貴，其實迫少少都已經算係好合理是泰國的勞動階層普遍嘅食物，之前喺泰國食都係細細碗，每碗都是幾啖食完但呢度同泰國一樣都係有分大碗同埋細碗腩肉金邊粉 滿滿泰國風味，湯底味道濃郁，可以自行選取金邊粉、米粉、河粉、油面燒腩仔做到肥瘦相間，咬落啖啖罪惡咁，但又停吾到口🤣

早幾日同朋友去行南昌嘅新商場v walk，畢竟係新商場人流唔算多，而且都幾好行，我同朋友都差唔多逛足一日。經過見到呢間食泰式船麵嘅都幾吸引，細碗仲要只係$13，所以就入去食個lunch。呢碟肥牛金邊粉湯底牛肉味濃郁，但又唔會太油膩，金邊粉吸收晒湯底嘅精華，味道不錯。鴨血全蛋麵 冬陰公湯底豬紅就食得多，鴨血就真係相對少見，朋友叫了個鴨血全蛋麵，再揀左冬陰公湯底，湯底酸酸辣辣咁越食越開胃！小食方面分別叫了蔗蝦同蝦餅，每樣都只係$16，兩樣小食送上來嘅時候都夠熱辣辣，蝦肉爽口彈牙，蔗亦清甜，另外蝦餅亦炸得香脆可口，今餐簡直係物超所值！

黎緊就快去旅行，要去深水埗買電話卡順便係深水埗行下街，食下野⋯⋯話晒深水埗出名多野食，點都要食埋先走🤤本身想試其他出名既鋪頭，但因為太多人冇食到，而且經過V Walk個陣見到呢間平民泰國野，覺得可以簡簡單單食完就算。入到去我同朋友分別叫左玻璃魷魚、扎肉乾河、牛柏葉薯粉、肥牛金邊粉（牛湯）、豬腩片乾河粉（豬湯）🤤本身對篤篤船麵冇咩期望，但偏偏佢比我預期更好味，同埋份量都算大。但環境方面還好，有少少逼，如果唔中意空間太細既食客，可能會唔舒服。

第一次聽船麵呢個term😂聽落好似好正咁，所以嚟咗深水埗呢間餐廳食野。同朋友一齊黎，自選咗豬腩片乾河粉同埋牛柏葉薯粉，個牛柏葉堅係爽口，而且薯粉吸左湯底，好正。最好食嘅係香茅雞翼，唔會太油，加埋泰式辣醬真係perfect，小食好香口。最後再加叫咗一個玻璃魷魚，夠彈牙。整體來講幾滿意呢間餐廳，湯底同配料都可以自選，可以自由配搭自己鍾意嘅面，而且價錢唔貴，性價比都幾高。下次會再嚟試其他款嘅麵同湯底。

上次黎食飯見到呢間餐廳好多人排隊，今次我哋醒目啦，避開排隊嘅人潮食個early dinner!-佢用車仔麵嘅形式去揀麵既餸，麵質，同埋湯底。黎食船面梗係要嗌牛湯啦， 個湯底好濃郁！特別推介薯粉，可以吸收晒湯底嘅精華。肥牛金邊粉牛栢葉薯粉-再叫咗幾個小食，蔗蝦，蝦餅，香茅雞中翼，每樣都係10幾蚊，好抵呀！兩個人食嘅份量啱啱好！-見到隔離枱食四個細碗嘅船麵，咁就可以一次過試晒唔同嘅湯底，好想試吓佢個冬陰公湯底！

I love boat noodles because they are small bowls of noodles which are not filling.At Tuk Tuk Boat Noodles, you can choose 4 bowls of noodles for HKD48 which is reasonable as most boat noodles in Hong Kong are around that price.You get to choose 5 broths and 5 noodles which gives you 25 different choices already!I love beef broths so chose beef broth as a base and for the noodles they had the usual like egg, Cambodian, Dried Flat Noodles etc but the potato noodles were different so tried that.My

前排去完泰國好掛住泰式料理，今日見v walk開左無耐入去行下，估唔到咁啱有間泰國菜，重要食落好地道木瓜沙律 $16撈埋袐製醬汁，咬落唔單止好爽口，辣得來又好有泰式既香。鴨血配芽菜$19每塊鴨血既質地都好似啫喱咁，淋到可以用筷子夾斷但同時都保留到應有既口感，亦食唔出有任何血腥味，只係有淡淡既鴨香。肥牛牛湯乾河粉豬腩片豬湯米粉豆卜冬蔭湯金邊粉牛丸牛辣湯全蛋麵每款細碗船麵$13，但叫4碗就只需$48，好似我咁大食就要4碗，計落慳左，重可以試多幾款添！每款細麵都各有特色，我就比較鐘意牛丸牛辣湯全蛋麵同埋肥牛牛湯乾河粉。後者既肥口好入味，絕對為成碗麵畫龍點睛，河粉既口感亦做得唔錯。前者既既蛋麵口感有啲似蝦子麵，麵同牛丸都非常彈牙，食落好滿足！泰國椰子水$16泰妹蘭香籽飲品 荔枝味$19

係網上見到南昌有個大型商場剛開幕，今日放假一於過去行下先，行左個幾鐘巳經行到攰攰地又餓餓地，於是搵下哩度有咩餐廳醫下肚先，見到哩間餐廳裡面佈置色彩繽紛，望落去有種愉快既感覺，一於入去坐低睇下有咩岩食先，餐廳主打泰式風味，食粉麵為主，落單紙上見到可自選唔同配搭食法，仲有大細碗揀，唔洗被局限，幾新穎。我最後決定食四小碗，貪佢可以配搭唔同食法品嚐，第一碗我揀左扎肉牛湯全蛋麵: 扎肉食到鮮味，蛋麵爽身，牛湯的色好深，味道濃厚。檯面上有4兜唔同調味料(魚露、糖、辣椒粉、醋浸辣椒)，我加了兩滴魚露和辣椒粉再食，竟意想不到味道更加提升。第二碗配搭係豬腩片牛湯薯粉: 薯粉滑，豬腩片薄薄地完全唔肥膩，第三碗配搭係豬肉丸豬湯河粉: 豬肉丸彈牙鮮味，最後一碗我揀牛丸冬陰功湯金邊粉: 冬陰功湯小小辣，牛丸彈牙。食完有啲唔夠飽，於是叫多個脆皮燒腩仔配木瓜沙律食，聽店員講哩款小食係每日限量供應，因為製作工序都比較煩複，而我落order時巳是最後一份了，期待地等左十幾分鐘時間，燒腩仔出爐上檯了，燒腩仔脂肪及瘦肉比例層層相間，望落可分為五層，咬落第一層外皮脆卜卜，第二層外皮下的脂肪，唔算多，帶點油香味，第三、四層肥瘦

一直好想試泰國船麵，見倒起南昌v walk 新開將, 就排隊試，都排幾耐，如果有得拎飛會好D。餐牌有一大碗或4小碗揀，因為想試多d湯底，我們3個人每人哎左4碗船麵，來哂有12碗好壯觀！不過食完發現原來唔夠飽，每碗得一小啖麵，我唸男士/肚餓的，要食6-8碗才夠！牛辣湯太辣，蓋過牛味，豬湯唔錯，冬陰公湯啖又好辣，一般。小食平但份量小。細食的女生e度係一個唔錯的選擇！但我覺得如果每碗大碗d, 價錢貴一點也無所謂！