筷子記

營業中

休息中

上星期六(28/10)，過海搵食。想平又想試新o野，所以去筷子記。澳門特色麵？之前都唔知係咩。所以今次叫倆個三拼撈麵，諗住可以一次過試多幾種。我叫葡國腸、腐角拼魚扒撈粗麵；太太叫魚羹、包心卷拼魷魚撈粗麵；葡國腸個樣唔得，但味道好濃郁，其實有似臘腸！？炸/煎到脆脆地，唔錯。可惜少，得兩三片。腐角相對地失色，冇咩味道。魚扒個樣好粗糙，但食落幾爽口，味道亦唔錯。魚羹應該係店內特色小食之一，但唔覺得好鮮甜，味道只係一般。包心卷幾好食。魷魚好入味，爽口，正！倆個都叫沙茶醬，但覺得撈粗比撈粗好食，不過，個人喜好。特別一提，套餐包熱飲，可以轉熱檸賓，不另收費，普通茶餐廳未必做到。

由於在中環工作關係，差不多每一兩週都會與同事前來光顧。這裡的食物很有特色，標榜是澳門風味食物。我和同事每次都是點撈粗麵，可以選擇撈蠔油或沙茶醬，個人就較喜愛後者，雖本我吃不了辣，但沙茶醬確是較惹味；我每次都盡量嚐不同現料，但主打必定是澳門包心卷，其次馬交魚羹味道也不俗。反而，忘了那個好像叫豆腐角的食物，就有點失望，沙茶魷魚也一般。以下午茶時段$23連飲品的茶餐\，有這麼不錯的食物，絕對是「抵食」。而且，那位收銀哥哥及服務員很有禮貌，作為食客感到很舒服。缺點是位有點迫，由於店子面積略細，每檯距離較近。

此店的\\\"鉄皮屋\\\"撈/湯麵基本上是車仔麵，不過這處的餸款較有特色，如馬交魚羹(即細細粒的鯪魚肉)、澳門包心卷(墨魚肉釀入魚片內)和香菇魚片扒等。二餸（連熱飲)$23，三餸（連熱飲)$26，可配幼麵、粗麵、米粉...等，另可選擇蠔油撈或沙茶醬撈。味道方面不錯，麵不會太\\\"淋\\\"或太\\\"硬\\\"。另外，撈麵用鐵碟上，幾有風味!惟\\\"澳門西洋菜蜜\\\"就普普通通，不覺有什麼特色。

自己不嬲都好鐘意去澳門覓食，一年都會去一兩次，次次肚皮都滿載而歸^_^。特別喜愛嗰邊嘅麵，因佢哋嘅麵仍沿用傳统制法--- 用竹升打麵，落豬油...但响香港要揾呢D麵食越嚟越難。一聽到呢度標榜澳門麵食，就即刻去試...查實應該叫做"澳門風味車仔麵"就差唔多。menu以麵食為主，仲有豬扒包及辣魚包等供應，好macau style...叫一個三拼撈幼麵，加一碟生菜及鹹檸七，夠嘞....三拼係魚羹、包心卷及葡式香腸。魚羹好彈口，肉幾煙靱，非常不俗；包心卷主要係响魚肉入面包入D墨魚肉茸，亦係幾彈牙，魚味亦夠；葡國香腸跟响澳門食到嘅一模一樣，夠鹹香，不錯..主角嘅幼麵麵質唔太腍亦唔太硬，對我嚟講就啱啱好，配上沙茶醬及少許豬油，食得幾過癮，如果可以落多D沙茶醬就更加冇得頂...下次嚟一定要試吓辣魚包...

在香港，打正以澳門特色食品的餐廳不多﹝當然有澳門茶餐廳﹞，這裡擺明主打地道澳門小吃，價錢便宜。就趁一日沒有約人來試一試。好幾味也說是「澳門特色」，我記得的只有辣魚包，還要了一個雙併小吃，包心卷加馬交魚羹。辣魚包只「叮」熱而非烘熱的，不過散賣十蚊的一個包，又好像不能苛求太多。辣魚是以罐頭沙甸魚再加洋蔥及醬汁撈成，微微辣，配合軟豬仔包，都不錯；包心卷外面是魚肉，包著裡面的豬肉，味道沒有什麼特別，豬肉部份反而幾結實彈牙。馬交魚羹是魚肉打成的魚蛋，幾彈牙，醮上醬油，味道也不錯。這碟雙併小點，也是十蚊，很便宜。見餐牌還有好幾款「澳門特色」，價錢也一樣的便宜，可以再來試其他的。連飲品埋單34蚊，未吃過都可以一試。題外話：餐牌下及招牌都題了「莫道筷子小，日日伴君餐；千年甘苦史，盡在雙筷間」，都可以睇睇。

I read an article from a magazine. however i am a little bit disaapointed about the food.i ordered thing nooddles with portugese sausages, mushroom fish fillet and fried bean curd puff (Coloane) and stuffed rollwith sa cha sauce. i though mushroom fish fillet is special but it is just common as we could find it in frozen meat shops. but it is crispy though. the fried beancurd puff is tasteless. just boiled with salty water. not refeshing though.the cream soda with perserved lim is cool. but the

由於曾在澳門唸書,所以對這地方非常熟悉且有着深厚的感情. 一向饞嘴的我,絕不會放過當地的地道小食,當我看到"筷子記"外賣單內的小食名稱,如"馬交","澳門","路環","葡國"等字眼.令我勾起昔日不少的回憶,而其中的一些小食,更是令我回味不已! 在14款小食中,已試了10款,個人最欣賞的小食是"東風螺", 煮得非常入味且軟硬適中.十分有口感.喜歡吃貝殼類的朋友,非試不可. 其次的是"香菇魚片扒",雖是初次嘗試,很有口感,爽口且彈牙,於其他車仔麵檔中少見. "葡國腸",在港是較少機會吃到的腸類,也可一試. "辣魚"應是葡國的罐頭沙甸魚. 其他的"沙茶醬魷魚","路環香腐角", "瑞士雞翼亦"味道也不錯. 每款小食的份量不算多,價錢為5元一款.如胃口較大的朋友,可能要再添多一兩款小食才夠.該店還有"懷舊飲籵"以供選擇和配搭.其他三文治和多士系列的價錢亦很大眾化,總括來說是間不錯的食店. 值得一讚的是, 店內的員工服務態度很好,而負責介紹及收錢的那位先生,待人熱誠兼笑容可躹,這才是致客之道. 在港居住的澳門人,曾在澳門居住過的,又或對澳門很熟悉的人,如試過"筷子記"的小食,可會有同感嗎?