端記茶樓

營業中

休息中

男朋友終於帶我上大帽山飲茶🥰無諗過平日都咁多人，應該係因為大家都唔洗番工home office😂揀咗係樓上坐，感覺開揚啲舒服啲。類近係自助餐形式，無menu的~連茶都係自己沖。揀咗水仙，可能落咗好多茶葉😂，好濃🍵加埋馬拉糕一齊食，以為自己食緊綠茶蛋糕😋😋。特別有印象嘅仲有臘腸卷、鵪鶉蛋燒賣同茶果🥳第一次食茶果，呢個係艾草黑芝麻味，唔會太漏，好味😋😋以舊式食店嚟講，員工嘅態度係幾好。兩個人食到超飽，埋單$165👌🏻滿足!

以前睇過電視介紹，今日趁得閒唔想戴口罩，去郊外走走，唸住帶埋媽咪去行吓，去到茶樓真係有懷舊feel，雖然唔係好乾淨，但不至於好污糟，地面有d滑，枱面有d油立立咁啦。自行搵位，今日人好多，要搭枱，之後就自己去搵茶杯碗啊筷子之餘此類啦！之後就攞嘢食，個tray癡粒粒,又油又多豉油，其實冇乜種類，一出爐唔使幾分鐘就冇晒，見到有人講過茶果好味，攞一碟，因為阿媽鍾意食茶果，結果一試完全唔係嗰回事，裏面係蘿蔔絲，食咗一個，另一個都已經冇人想食，我哋仲有攞咗以下點心，叉燒包二碟、蓮蓉包一碟、兩個蒸飯、一碟牛肉、一碟排骨、兩碟腸粉、一籠鮮竹卷、一籠雞札，再加兩碗豆腐花，想食西洋菜一直等唔到，埋單咁樣盛惠285！粉果-唔係傳統口味腸粉-鞋口唔滑豆腐花-冇豆香味，唔可以叫滑所有點心，冇一個係覺得突出好味！阿媽同個仔都話，山長水遠，早知道係咁嘅質素就唔嚟！價錢唔係平，環境唔乾淨！我話唔試過，咁又唔知道係乜嘢水準嘅😅冇下次囉！

真的很久沒來飲茶了, 端記迄立在川龍已經好多年, 每逢放假都吸引很多行山人士先來這裏喝一杯山水茶, 點心吃得飽飽的才出發行山。茶樓以自助形式, 自己開茶, 自己取碗筷。食物也要自己取, 有特別的點心出爐, 店員會開咪廣播通知食客自取， 好有老香港的茶居特色。西洋菜 ~ 西洋菜當造, 非常嫩口, 細細條很爽脆, 西洋菜味也濃, $50 有點貴,  也值得！牛肉 ~ 嫩口爽彈 加埋啲喼汁， 好食。鬆糕 ~ 很喜歡這裏的鬆糕, 很鬆軟, 彈口唔黐牙， 甜度適中, 又冇皂水味。腸粉 ~  腸粉皮厚了少許, 幸好微彈唔糊口, 腸粉豉油調教得不錯。川龍出品之前來這裏飲過好幾次茶, 今次整體點心比以前好食, 價錢也大眾化, 吃得飽飽的每人$50, 香港已經好少呢啲風味山水茶居, 支持本土文化, 會再來的。

本身我哋諗住去行大帽山 點知我哋去到滂沱大雨🤦🏻‍♀️所以我哋就咁山長水遠入嚟飲完個茶就走左😂😂·小點$15 中點$17 大點$23 頂點$50呢度係舊式啲嗰啲茶樓 要自己去攞茶葉自己沖kwke都幾有特色 同埋有好多懷舊啲嘅點心 我自己勁鍾意食臘腸卷 呢度就有啦😍😍不過呢度啲臘腸比較肥少少 但係有得食已經超開心 依家好多地方都無得食lu😢··📍荃灣荃錦公路川龍村57-58號荃灣站D出口搭51號巴士去川龍村 但係嗰陣時我記得個巴士站係勁難搵 你跟住Google Map去到發現無巴士站 呢個時候你就要上一條好似唔關事既橋就會見到個巴士站😂😂

朋友介紹，星期六，專程開車到此地方，很容易搵到了，時間已經11:30m，周圍泊滿了車，慢慢行一圈，尚有幾個車位，免費泊車村屋改成的酒樓，已經坐滿7成人，剛巧，地下大廳內，有一張吉枱，一行五人(包括嫲嫲)快快坐低，分頭，去廚房，攞碗筷洗，又要自己沖茶。感覺就似，一家人準備過年開飯的感覺😂還未坐好，已聽到了，廚房，叫咪，新鮮茶果，新鮮鳳爪排骨！匆匆忙忙起身，跑去廚房，拿到茶果和新鮮的鳳爪排骨😊😊嫲嫲說，茶果，好好味😋，蘿蔔絲茶果由於，新鮮出爐，全都是，叫咪，所以我們都拿到全部新鮮的食物，整體也幾好味，唯獨西洋菜，實在太多人排隊了，沒有試到😢值得推介，再來

今日想食乜嘢呀？ 飲茶啦。邊度飲呀？呢個季節，梗係上大帽山川龍喇啦。呢間隱蔽地茂既茶樓，全自助式; 自己搵位、 自己沖茶、自己拎點心……乜都自己。 環境方面， 呢度係一間丁屋，分2層，如果屋内搵唔到位，可以坐外面。 不過要搭枱的。仲有呢度冇枱布、地氈、衛生環境一般。來呢度飲茶，就要接受呢度嘅文化。食物方面:西洋菜……必食，因最出名的。未食已聞到菜既香味。至於，價錢方面就約5O蚊左右一碟，份量唔小。其他點心就一般……豉汁鳳爪; 個汁唔錯，不過好多油。蝦米腸粉; 腸粉好大條，細食既人食一碟就飽左。义燒包; 個包皮好厚，無乜餡料，唔夠熱。茶果; 分甜同鹹， 我揀咗蘿蔔絲茶果同艾草茶果(芝麻餡)。 茶果唔係成日有，當整好，員工會開咪叫茶客自己去攞。整體都ok，嚟飲茶又可以順便 行下山吸下新鮮空氣，係一個唔錯嘅選擇。

天朗氣清......上山飲茶是一姐至愛，先見一籠籠點心，精緻又好味，即時將想吃的點心飽覽在桌上........最欣賞係山水豆腐花，名符其實由山水弄出來的，特別是燒賣😋😋坊間是吃不了的。腸粉幼滑，足料......🥳🥳🥳點心每次不同，每次出爐款式不同，以一姐估計，點心師傳將點心做到最好推介出來，確保品牌出品必屬皆品....要找緊時機，捕捉心儀的點心。一姐由小到大必食春蛋燒賣，食遍天下，最好也是大山出品🤩🤩🤩

比人呃話食大排檔....都錯唔晒嘅。格局似，自己揾位，自己倒茶，自己抹下枱櫈啦！仲有，要自己落去攞嘢食，但呢個就係風味囉。茶果類，係要搶嘅，因為好快無，同埋好多人想食。呢款係菜圃雞屎藤，咸嘅，味淡 ，不及大澳買嘅好食，但都唔差，而且唔係咁易買到，值得試。黃色係蘿白茶果，但我覺得似大發糕加茶果混合體，甜甜地。西洋菜又係要搶嘅，如果想食菜，好其他選擇，但佢大大塊西洋菜田，水種嫁，即摘即淥，$50一碟，好多人想都食唔到，因為賣晒。而大飽一向係我最愛，佢好在有我最愛嘅鵪鶉蛋 但個包放左一陣，凍左少少，就開始硬了。紅豆糕好正常嘅酒樓質素，好夠滑，凍食好味。整餐連茶價$118，食風味。上山為左間中吸下新鮮空氣，所以上得黎，對食物唔好有太大嘅期望，求其一餐啦。另外不求衞生，洗手間不多。

星期六，晨早流流，約咗個朋友一齊去行山，行山之前就梗係要食飽啲嘅，所以就嚟咗端記茶樓食飽先至出發！已經係第二次嚟啦，人大咗就愈係鍾意體驗呢啲原始風味，始終平時喺城市居住得耐呢啲傳統野真係買少見少。入返正題先，其實交通好方便，一啲都唔難嚟到，喺荃灣市區坐80號小巴去到總站行多兩步就到啦。呢度係自助式茶餐，拎碗筷、茶水、點心呢啲全部都係自助，只有埋單呢個動作要職員幫手。其實自助都幾好吖，睇啱咩嘢想食就拎嚟食，啲姐姐仲會嗌咪介紹有咩係新鮮出爐嘅嘢食，啱食嘅就出去拎，咁樣真係好有特色嘅。唔好以為咁早無咩人呀，其實我地9點左右到都已經人頭湧湧嫁啦，再遲少少嘅話真係搵個位都難！聽講西洋菜係現摘現煮，好似好新鮮咁！我之前最多都係飲過西洋菜魚湯同西洋菜蜜，從來都未食過真正咁樣煮嘅西洋菜，所以無理由唔試吓啦。一碟西洋菜都幾大碟！另外我地仲拎咗鹹魚飯、叉燒包、豆腐花等等兩個人飲茶，食到咁多款點心都算係咁啦！睇其他人啲comment話覺得啲職員態度好差、嘢食又垃圾、環境又污糟等等，但係我就完全唔係咁諗，職員好有人情味，話就話自助式，但係其實有咩問佢地，或者有咩要佢地幫手都會幫。至於嘢食方面，其實我覺得呢啲點

百行以「孝」為先，老媽子話都想試再來 大帽山端記茶樓🥢...今日比上次晏咗少少到，#西洋菜 🥬last 1碟都咁好彩拎到，早起的鳥兒有🐛蟲吃遲來一埗，請耐心等待⌛️1小時‼️..🥓#肥腸 夠哂肥美入味，喜歡吃既要點..🍡#茶果 、#雞屎滕 必點，茶果係眉豆餡，甜甜鹹鹹，趁熱食，入口軟糯。雞屎滕凍食到咁好味😋..🥓#燒腩仔➕#燒鴨🧆 新鮮出爐，吃貨既梗係排隊試下，燒鴨好一般。燒腩仔個皮的確咬落去「卜卜」聲，肥瘦未去到甘香，可試可唔試但行完山⛰食碟頭飯🍽又幾飽肚...今次有時間 #摘西洋菜🥬，好好彩冇乜人排隊✌🏽✌🏽仲用嚟包餃子🥟😋老媽子相當滿意..📍端記茶樓 (荃灣)。 06:00am-14:00pm🔖荃灣荃錦公路川龍村57-58號....

不少遊客喜歡行完山來呢度嘆個早茶。概實環境一流，有大自然風味，可以呼吸清新空氣。距離市區又唔遠。但講到食物千祈唔好有要求或者有期望，所有點心難食。兩個人$125，叫咗燒賣，叉燒, 雞扎，叉燒包，馬拉糕，排骨飯。除咗排骨飯好少少其他真係差啲入唔到口。叉燒腸粉入面叉燒勁隆，有少少苦。叉燒包入面叉燒肥肉多。雞扎d料勁喊。馬拉糕無味的，面有少少黑點唔知咩來。好多人點西洋菜，好似話自己有機種的，不過我本身唔食所以無叫到。來一次都夠了😥😥

2019還剩下 34日，肥仔終於帶了Vienn嚟 川龍端記茶樓 Duen Kee Chinese Restaurant .「正宗」#山水茶寮🍵歎翻1盅兩件🥢，睇📺真係睇得多，果然鳥語花香💐..由開茶、拎點心、醬料，全部都「自己」包辦晒🤩真係超正‼️好多行山愛好者，行完山必到此醫下「五臟廟」😗而且早上既點心係最新鮮，#早吃的鳥兒有蟲吃🐛😝..🥢必吃 #茶果（蘿蔔、豆沙）、#雞屎滕（原味、有餡） 原味雞屎滕有好香芝麻味，同平時大澳食既完全2回事，久違的味道，終於食翻..🥢全港最好吃 #石磨腸粉 、#山水豆腐花正所謂靠山吃山，靠水吃水‼️水質咁靚，人潔地靈，從未食過咁香米味、滑而不爛，sir落喉嚨既 #腸粉‼️😱😱#豆腐花 既豆香味，真係勁滑，食完想再食，其他既要行埋一邊please 🤫..🥢識食既點少得 #西洋菜🥬非常柔嫩，即叫即淥😗 鮮甜可爽👍🏽👍🏽👍🏽..🥢#棉花雞、#山竹牛肉、#鳳爪🥡飲茶必叫，並不是平時整定或花巧野，簡單美味!同Vienn一樣咁中意食 #牛肉球既純對唔係食粉團同用「粉」嗱出嚟既滑😋..肥仔仲叫咗 #鳳爪排骨飯 ，爽yy‼️...廣州、澳門、香港大大小小「飲茶」好地方都去得多

星期日飲早茶，從未試過咁早起身為咗飲茶，但真係好難得。野食未必係最好，環境一定係最清新。好特別的飲茶經驗，所有都係自助，八點幾到都已經坐滿地下嗰層，所以要坐樓上，有好多雀友拎住雀籠飲茶。朋友話啲茶好香。有叫最有名的西洋菜好新鮮，豆腐花好有豆味，蝦角好足料但係唔夠熱。值得去一試，仲可以買菜返家同行山。

睇完「牛下女高音」，見佢地重逢飲茶聚舊既地方，即諗起「端龍茶樓」，加上呢排秋風起、好天氣，決定去一去飲茶！嚟到川龍村大約10時，下車後前往酒樓時，見到門口已經坐滿茶客，茶樓設有2層，所以我們便往上找位子！找到位後，我們就自行沖茶，茶葉可選普洱、鐵觀音、香片茶等，茶葉任由你決定落多落少！沖好茶、攞齊筷子、碗，就落樓攞點心！我哋分別點了：燒賣：細細粒，一啲都唔似出面全麵粉山竹牛肉：大粒彈口，食落滿滿肉汁叉燒包：大大個足餡！蜂巢香芋角：必食！已經唔係間間酒樓可以食，外皮酥脆，內層滑軟，餡有微汁，香濃鮮美炸魷魚鬚：必食！香脆可口、新鮮美味咸水角配豆沙角：必食！紅豆不太甜，外脆內軟，咸食配甜食，簡直一絕食咗咁多都只係成惠$100，又抵又可高質食物真是買少見少了。如果唔係太飽，仲有蒸蘿蔔糕、茶果想試呢！

#日日都話要飲茶你估人人都想飲茶咩？我家姐條仔勁愛飲茶，每次都提議去飲茶，諗去邊間都諗到攰 ╮(╯▽╰)╭今日，結果我哋走咗上川龍端記 ٩(˃̶͈̀௰˂̶͈́)و嘩，七點幾已經泊咗好多車，差啲連double parking都冇位。一坐低當然要叫我鍾意嘅芋角啦 ♪(´ε｀ )其實有好多炸物，我都好想食魷魚鬚，不過冇理由叫咁多炸嘢🤭芋角 - 唔熱，只係暖暖哋，不過芋蓉都好多，啖啖芋蓉。蝦餃 - 好新鮮，皮好薄，一挾就爛，但因為啱啱蒸好，好熱好正。蝦肉🦐都好多。嗰度太多點心，我嘅選擇困難症又發作╮(￣▽￣"")╭鳳爪 - 有點辣，但比較細隻。牛腸 - 談不上暖，簡直係凍冰冰咁。但啲皮好滑，如果熱啲就最好！沙律蝦角 - 好耐冇食過，好多地方都冇。如果我媽咪有嚟就好，佢嘅至愛。呢度嘅只係暖暖哋，但裏面嘅蝦好多，我覺得合格。最後，我家姐條仔竟然話要食多碗粥，omg，飽到嘔 （ーー；） 但其實碗粥好正，係金銀蛋瘦肉粥，好清甜。最後竟然食晒。盛惠$131總括而言，好味，如果你唔介意self-service的話，要自己斟水斟茶，仲要自己攞嘢食。而且地方唔算衛生。我都唔係第一次去，但絶對會再encore！