端記茶樓

營業中

休息中

有朋友入黎荃灣想飲茶 但又唔想酒樓咁普通！我就決定帶佢上郊區😂川龍呼吸下新鮮空氣 飲啖茶 食個包！上到黎係自己搵位坐 自己攞野食架 同舊式酒樓一樣 中意邊籠就攞邊籠🤓我地都算人多 所以可以樣樣都攞 試哂全部咁濟🤣🤣 最推介係大包 牛肉 同豆腐！牛肉就夠香 腍得黎唔會好似出面腌到鬆哂咁 豆腐就無得輸 我地仲encore左一碟 雖然係煎炸式都仲好滑 豆香味好濃！必食阿！！

成日都想黎呢間茶樓食, 但我是一個睡寶寶, 所以每次朋友行山我都未能參與😜, 而且呢間茶樓在週末好旺好多人, 就算上到黎都好難有位；今日請左日假陪男友...因為今日是大食男友生日🎂, 我就終於 ‘的’起心肝早起了丁點揸車上黎飲早茶, 以前以為大家上黎係因為食風味, 原來呢間茶樓真係好食架, 它真是沒有令我失望😋；我地攞左6樣點心, 有鵪春蛋燒賣、蝦餃、牛栢葉、腸粉、馬拉糕還有煲仔爉味飯, 我最喜愛的是馬拉糕, 口感鬆軟且足料(不是食空氣), 跟住係鵪春蛋燒賣, 不但蛋香而且豬肉都好香；呢餐有風和日麗相伴的美味早茶為大食男友帶來一個好開始😊

附近有山行，行山前當然要食飽飽先得啦~川龍有兩間好出名既茶寮，呢間係其中一間啦。黎到咁有特別既茶樓，點可以唔試出名既西洋菜呢~ 好新鮮好甜好味。好快就KO ，叫多左碟呢度得意在茶水、碗筷同點心要自己拎，出去拎時要好小心，地面好油好滑，幸好無滑倒。食過既都會知呢度仲有好多傳統舊式點心，山友們都話係令人懷念味道。一些新鮮出籠既點心好快就會搶光了，到訪既朋友要注意出籠時間啦。幸天氣不算熱，戶外飲茶別有一番風味。

放假得閒駕車去大帽山川龍端記試下,十二點去到,附近空地已泊滿,唯有把車泊在中間,好彩酒樓有廣播提醒車主。酒樓是全自助形式,沖茶攞點心都係自己搞掂蝦餃皮夠薄,味道不錯芋角味道都可以,但可能炸左一段時間,唔夠熱粉果一般,皮太厚燒賣無咩蝦,味道亦太淡牛肉有驚喜,牛肉大大粒質地有口感,無太重莞茜味,雞札味道唔夠濃,腐皮忟得唔太腍。豆腐花要自己攞碗裝,唔係太衛生,而且豆花好鞋,仲以為山水豆腐花會好滑,相當失望

全自助式, 沖左茶, 洗好碗, 就去拿點心。蟹籽燒賣: 大大粒, 有蝦有豬肉, 但比較漏排骨: 蒸得好滑! 不過都幾肥豆腐花: 朋友話幾滑大包: ORDER左先蒸出來, 原來入面大部份是菜肉包的餡, 另有叉燒同UN 春蛋, 新鮮蒸起軟林林, 熱辣辣, 好食BTW, 佢地落雨仲借遮俾我們用, 很好人^^

好多人都鍾意上川龍飲茶，有啲可能係慕名山水而來，有啲係山友門飲早茶嘅集合點。我之前以為端記只做早茶，因為呢樣出名嘛，仲聽過有好多人都話有少少名過其實。因為一個偶然嘅機會而食到呢度嘅午餐，又有啲驚喜，食野都係講撞手神。午餐嘅選擇同普通茶記差唔多，都係成版然後勁多唔同配搭嘅選擇。但係價錢真係好親民，平時33蚊邊有可能食到鴨腿湯飯，呢度有，仲要好好食。啲鴨肉堆滿哂成個碗，肉質夠軟而且好入味，煮到啲骨肉有少少分離，唔柴，剛剛好。湯一啲都唔油好清，除左鴨香味飲得出仲有唔同嘅香料，但係唔識分～食哂成個飯都好似唔夠喉咁，唔係因為唔夠飽，係因為太好食。食完亦都唔會頸渴，個口仲會有陣鴨湯香味。

同屋企人貪得意上左川龍行下，飲個茶啦緊係要，聽聞西洋菜係自己種好好味，可惜當日無晒：（茶樓自助形式，好多人，千其唔好星期日去，要搶野食，慢少少都會無晒，都幾嘈幾唔舒服，只怪自己揀左最多人既星期日去啦，但點心好懷舊好有風味，好岩閒日個陣黎！

有一日係行山嘅時候突然間聞到陣陣嘅食物香味，抬頭一望原來就係端記茶樓。咁行咗成日山梗係要上去醫下肚啦，見到端記個招牌就即刻沖左入去。原來係自助形式既茶樓，都唔知有繼耐無試過自己拎點心食咁過癮。我哋坐低一嚟到拎左個馬拉糕，仲有個糯米雞。因為真係太肚餓啦，所以基本上係見乜拎乜，但提一提大家基本上係12點過後好多嘢食都會冇咗，例如腸粉只會淨番少少。腸粉同棉花雞都十分之滑，令人回味。但係真係不得不提嘅就係呢一個豬大腸，好食既豬大腸夠肥，味道濃郁。再配埋山水沖既茶，精神百倍！

星期日早上天氣特別好，所以決定揸車上山飲茶，今餐茶除咗地點遠之外，仲有其他幾個特點嘅~特點一：等車位飲茶~仲比人打尖!特點二：無冷氣特點三：點心自己攞，基本上係無人賣點心，不過有個姐姐企喺喥，因為太熱佢有幫我攞點心放落個盤~呢度所有嘢都自助式，沖茶攞茶杯碗筷子，只有煮西洋菜有專人服侍!西洋菜好出名，幼嫩唔老好新鮮，即摘即煮!特點四：懷舊點心薑蔥蒸牛柏葉鮮蝦韮菜餃呢個做得唔多錯，皮唔過淋蝦肉爽口彈牙~炒銀針粉呢個完全唔得，用雜豆+蛋炒，古古怪怪。炸蝦角好大粒，不過過咗氣淋咗!豉汁蒸鳳爪我發覺我都幾愛啜腳趾~味菜蒸大腸唔係度度有得食呀！！鍾意食嘅人就好愛囉!新鮮出爐炸魷魚鬚熱辣辣脆卜卜好好味！馬拉糕小時候最愛食，但而家熱情減弱左，因為食咗佢個肚無乜空間食其他嘢！所以都係食小小~特點算五：食飽可以去睇西洋菜田！

呢日5點鐘天都未光就由男朋友做柴可夫送我2位朋友去機場!辛苦晒～為左慰勞佢，決定請佢上山飲早茶！端記就乜都自助形式既，連茶水碗筷搵位都係。一去到梗係沖番壺茶先啦～有２個大熱水器，好熱要小心！雖然環境衛生都真係麻麻嫁啦。。地下都幾濕。。其實出面Ｄ餐廳門面乾淨，但係分分鐘入面廚房仲。。。呢個位去拎野食都必定望到～所以如果好介意環境就要小心啦！見到個個師傅都無停手！！佩服！！每一樣野都好足料又好味！腸粉要８點定８點半後先會有～要快手呀！師傅會即叫即整！ＸＤ埋單好似６樣野都係$116!!!!!!!!!抵到不能再抵～！！肯定會再有下次呀！！留意到黎食既好多都係熟客仔，有街坊客，行山客。收錢果位疑似老闆都同食客有講有笑～睇得出係好有人情味既小店！同場加映，牛牛一大隻～～沿路都好多車，唔知ｄ牛牛點過馬路呢ＸＤ

久聞川龍村的茶樓，黎生首次到來茗茶，吃上端記茶樓。先不談食物如何，先談這酒樓的特色，這裡除了結賬外，什麼都是自助的，沖茶、取位、取食具和取點心，皆全自助。假期人多，取點心便遇上困難，好些想吃的點心也搶不回來。點心方面，還以為這些地方的點心不錯，整體上只是不過不失，如牛肉腸粉，味道有點古怪，或許假日繁忙影響質素吧。價錢方面，比想像中貴。要提出的是，菜是不錯，油墨菜很鮮甜，或許是因為在郊外地方吧！豆花花亦不錯，難道真的是山水製造！

聽了川龍呢間茶樓好耐, 但因為路途遠而一直無去過, 今次襯有幾日長假期, 試一試呢間傳統係山上的茶樓。來之前都有 search 過d 資料, 知道基本上全自助, 拿茶杯, 壼, 碗碟筷子。 點心不定時發放, 不同款式, 自己要睇準機會去攞, 都有d 尋寶感覺。 相比起一般酒樓, 點心紙order, 呢度更加有風味。 第一個回合已 order了5樣點心。 膠粉夠滑, 吾錯。 菜胶足料好味。 鑲豆腐可惜凍咗但味道都算可以的。 另外之後仲叫了鳯爪, 棉花雞, 山竹牛肉, 炸魷魚鬚, 豆腐花, 都有水準。可惜最出名的西洋菜已賣完, 下次再來時要試吓。

好神心咁早由港島區黎到呢度，終於試到端記川龍茶樓，人流明顯比另一間彩龍多，可能前面已經有個大停車場架車一家大細比較就腳方便。講番食物先，其實好有舊式屋村酒樓feel，以自助形式自己拎點心沖茶，懷舊款式點心比較多，大包/糯米卷/鳳爪/菜肉包/燒味/粥品/腸粉/炸物，仲有最馳名山水豆花同西洋菜，好可惜黎既時候已經太晏，假期人多無機會試西洋菜，食下食下都試左唔少點心，質素都唔錯加埋咁自然既環境，果然值得加分，拎野食既時候聽到附近人講端記比彩龍點心多款式，希望下次可以早起的話到去試下

到大帽山行山，我會顺道到端記這間舊式茶樓飲個早茶來懷舊下番。在這裏，鳥語花香，一邊品茶一邊欣赏前面山中景色（當然要到上層近欄杆位才可以），確是赏心樂事。這裏除碟頭外，其它一律自己動手，包括冲茶和排隊攞點心，但好有氣氛。點心中，我必選這裏的粥，但太晚來（十點半可能無了）已法清，粥底煲得軟綿綿的，味道香濃，再配上可口脆片，非常有水準。其它點心如奄春蛋燒賣和雞球大包也值得一試，很有份量，味道一流，現今大部份酒樓已.沒有了。

全自助茶樓 - 端記茶樓無論沖茶、攞點心都係靠自己。水滾茶靚: 水仙、香片、普洱、壽眉點心選擇多：叉燒包、腸粉、盎飯、糯米雞、糯米卷等... 還有特色大大個茶粿。行完山過黎食，仲正。