穴 (新城市廣場一期)

最近同朋友喺沙田穴居酒屋試咗佢哋嘅「特選四人前」，真心覺得抵食又有驚喜！🥢套餐由沙律打頭陣，清爽開胃，跟住係鮮甜刺身拼盤，吞拿魚同鯛魚都切得厚身。壽司同樣有水準，口感剛好。串燒部分尤其推薦牛肋骨同雞肉大蔥串，燒得香口 juicy。天婦羅炸得乾爽不油膩，蝦同南瓜都酥脆可口。炒雜菜分量足，唔太油。最驚喜係主食：蒜香牛舌炒飯！牛舌粒粒嫩滑有咬口，炒飯香氣撲鼻，一食停唔到口。最後甜品係抹茶奶凍，茶味濃郁滑溜，唔係得個樣。性價比超高，一餐滿足晒刺身壽司到熱食甜品，推介約埋朋友一齊試！最抵讚係呢度員工好nice，好有禮貌！…查看更多

态度极差态度非常之差，叫了牛肉完全不问几成熟，后面和服务员沟通，完全冇面部表情，完全冇反应就离开，叫买单半天没有反应，出去买单还会说你这样出来我怎么知道你买边张台。完全不知自己做什么…查看更多

因為生日近母親節又太遲book枱，都以冇乜選擇之下揀左呢間，真係一個好錯既決定。我地三個大人一個小朋友去，order左特上壽司拼盤、和牛炒飯、海膽三文魚子飯、熱烏冬、牛脷鹽燒。結果侍應上左特上刺身拼盤，我話我order壽司拼盤，侍應話我order果陣講刺身，我話我就係好清楚自己吾想食刺身所以係講壽司。之後佢話佢覆我單果陣係講刺身,你自己講左ok. 跟著我話，噢，咁即係責任在我，我冇聽清楚你覆單，你話我講左ok, 咁你放低囉。佢仲話刺身係menu左邊你有冇記錯，我話我就係記得壽司係右邊，所以我係好清楚自己講壽司拼盤。之後個侍應仲要走黎話咩同啲壽司師傅反哂面改吾到，話送甜品當補償。我心諗，你屈左我食吾係我order既野，我真係受吾起你啲甜品。個刺身有一半既野我都吾食得，你自己落左單就屈我order錯，仲要原本諗住係度切生日蛋糕，而家背脊骨骼乜都吾洗食。講真，我冇試過食飯比人話落錯order, 仲要其實我冇，就算係其他地方上錯菜或者落單有誤會，都冇試過咁樣受人氣話冇得改、責任在你。Lesson learned. Happy Mother’s Day.…查看更多

因為很久冇去食了，所以到了沙田就直奔呢家店，睇到冇人排隊座位很多非常慶幸，因為之前嚟人都厚多，結果落座到食完才意識到大概講國語系原罪（我之前一個人嚟陣講粵語），呢次朋友一起嚟，佢只會講國語，店員嘅舉止和態度當時就非常曖昧，女性伙計直接走開了，最後男性領班負責點單，落座期間已經系下晝茶時間，完全冇提及下晝茶優惠，點餐時臉色也很難睇。因为呢家店之前經常去，只要去香港就幫襯嘅店，系24年開始冇時間去香港，今年想着得閑就去幫襯，結果下晝茶嘅時間，店員冇主動提及下晝茶套餐，唔提也冇事，餐牌畀我哋就行了，結果把正價餐牌（無打折嘅放最上便），問佢有冇套餐就唔出声，當時點單都冇當回事，結果點完了就立刻把餐牌和混喺一起嘅套餐紙抽走咗。然而隔離嘅香港女性一落座可以慢慢睇，完全冇冷着臉催似趕客。之前我一個人嚟講粵語完全唔會遇到呢種態度，和講粵語嘅其他朋友嚟都唔會，只有呢次講國語遇到呢種情況。而且其中嘅女性伙計，用粵語叫佢靚女和姐姐，唔理人，直接繞着走開了。男領班嘅雖然聽我哋點單，但系只面對我，我講普通話嘅朋友有訴求冇理會，聽唔懂嘅話可以理解，但系眼都唔抬一下，理都冇理講普通話嘅朋友。此前去陣都系比較年長嘅店員，非常熱情而且有禮貌。依家呢批店員系點，我朋友講國語系死罪咩？平心而論，嘢仲系一如既往質量可以，但呢家服務態度系真嘅很糟糕。既然系連鎖店，嗰我仲系去其他店吧，以你哋嘅傲慢，想必唔差我呢個客。放一张刺身的照片证明不是抹黑…查看更多

晚上7：30入座, 安排我哋坐廚房出口位。 10：00關門, 8：00就話要洗爐, 唔可以再嗌爐端燒。9：00last order, 跟手叫你埋單。迅速到一個點令你懷疑人生。即使未食完, 不斷執拾你啲碗碗碟碟, 筷子都收埋, 睇你點食。要出聲叫佢停手先至行開吾再執拾。然後喺廚房推兩個滴曬水啱啱洗完既垃圾桶出嚟, 喺食客張枱旁搬嚟搬去, 嗰陣臭味連埋啲污水畀你送飯。另一個男職員就不停咁到掃地, 塵土飛揚。其實成間餐廳職員都好有愛、好齊心、務求要盡快趕走個客，盡早收工。沙田新城市呢間分店門可羅雀, 職員應記一功。…查看更多

因為朋友同屋企人都想去哩間食野，所以今個星期幫襯左兩次。第一次，落單嘅女同事好無禮貌，不過見佢好多野都要問經理，可能係新黎掛。食物質素都ok ga 第二次再幫襯，另一位落單嘅女同事又係好無禮貌串串貢，都算😅仲要落漏單到收錢嘅時候，男同事又係無禮貌😅明明同一集團，另一分店圍方，個個員工都好有禮貌又主動。去到沙田分店，個個都甘無禮貌😅😅就算食物幾好都吾會再去，貼錢買難受，哩個價錢，日式餐廳大把選擇。…查看更多

唔知係咪生意少咗，所以而家有得訂位走沙律醬 新鮮，中華沙律小食OK我嗰個牛肉檔，唔係好多牛肉啱我 不過啲牛肉都係有啲肥，今次當試吓 同埋最緊要係嗌咗啲刺身食海膽同埋蝦 雖然好貴，但係幾好味朋友個牛肉，好肥美壽司set都幾靚仔，但係朋友覺得海膽聲呢個係跟餐嘅月餅我哋五個餐，所以五粒一齊上整體服務OK啦，但係會睇到人哋冇查要提醒先㗎全部不過不失海鮮刺身都新鮮散嗌會貴過午餐所以我哋四個人寧願嗌多一個set，啲串燒都幾靚仔，每款有少少…查看更多

都係嗰句開場白 本身喺附近返工通常都係食開呢間嘅晏晝晏晝會有一啲set去嗌，感覺上比較抵食有一日放工好晏，為咗慰勞自己就決定過嚟食晚飯因為今次係食晚飯嘅關係 所以都係散嗌兩個人嗌咗一個壽司set一個蔥吞拿魚薄脆再加一煲蟹粥第一道上嘅菜係蔥吞拿魚薄脆嘩唔知係咪放工太肚餓嘅關係，真係令人驚艷 咗一下 嗰個薄脆超級香口 配埋吞拿魚 一絕 真係好好食喎 跟著就係一set壽司 每款都唔會重複因為兩個人食 我試嘅每一嚿都非常之出色最後上嘅蟹粥，唔知係咪都飽飽地嘅關係定因為前面嗰兩道菜都非常之有味道所以個蟹粥就略嫌有一啲淡嘅感覺但見到都足料，熱辣辣咁上嘅不過下次就未必會叫喇…查看更多

好耐無去沙田新城市廣場. 諗住行一陣食飯, 見一排無食日本魚生串燒,又有D積分就到期,去用吓啦！晚上7點幾,原全無人排隊,可以即刻入坐😥因為無咩客,都比咗張4人枱我☺️叫我侍應嚟落order, 行係一邊打牙較中, 過嚟落單笑容欠奉. 我叫咗一客油金魚刺身,吞拿魚魚腩手捲,雞泡魚魚乾作為前菜. 其餘未諗好,佢已經有D唔耐煩😡本來想叫刺身拼盤,之前600幾蚊而家要900蚊😰可能有一個VIP計劃,join咗全單有8折,加價嚟比折🤔之後再點燒物,牛舌,豚肉,白鱔,雞肝同茄子.老老實實,比其他分店水準差,又一城同海港城真係高幾班,無論係服務同食物嘅質素.食咗以上嘅嘢,埋單700幾蚊🤬之後應該唔會再去😅…查看更多

之前試過佢哋啲服務麻麻哋，價錢又唔係平，所以都有一段時間冇嚟，今晚突然諗起佢哋啲龍蝦沙律，再返過嚟食。平時多幾個人可以試多啲唔同嘅嘢，今日得兩個人，唔係叫咗好多主食，反而試咗幾樣之前未食過嘅小食。我哋叫銀雪魚乾，夠哂香脆配啤酒一流。每次嚟必食嘅龍蝦沙律，雖然新鮮清甜，但係細細碟連埋加一$90，咁嘅價錢都幾貴，不過真心好食。岩鹽汁青瓜冷豆腐係今餐新嘗試，連加一$57，咁嘅價錢又冇乜特別，我個人覺得唔抵食。😂同樣係第一次食嘅葱吞拿魚腩薄脆，雖然連埋加一每件$34，不過薄脆真係脆，吞拿魚腩好鮮甜，入口即化，值得一試。我記得佢哋嘅鹽燒油甘魚好好食，今日呢個都係一樣咁正。唔止好味仲好多肉。食完咁多小食都已經好飽，之前食過佢哋烏冬同炒飯，覺得都唔錯，不過今日見到隔離枱個冷蕎麥麵嗰樣好靚，叫咗嚟試吓。果然冇叫錯，最特別係佢哋嘅冷麵汁，原來加咗啲Wasabi同埋鵪鶉蛋真係好好味，連埋加一$68，絕對係夏日推介。今次新試嘅吞拿魚腩薄脆同冷蕎麥麵勁好食，令我對餐廳有改觀，加返分，會再返嚟。😋😋…查看更多

之前嚟過呢度食日本嘢感覺OK，今日再嚟試吓日本嘢壽司同埋魚生嘅Sec會上得快！同平時嗰啲唔同，我見平時日式餐廳通常都係熟食快上啲見到朋友個壽司拼盤勁大嶼山口前好長好靚，海膽亦都非常靚仔勁吸引 可惜我今日冇前菜，我要求走沙律醬帶咗個海鮮魚生沙律 同平時一樣大大碟好多Gucci三文魚油甘魚 我個壽司拼盤有好多魚生款式，仲有魷魚夾咗少少海膽掉下人！兩隻甜蝦先甜好味！帶子一分為二嘅兩粒，我鍾意鯛魚煙韌嘅口感 油甘魚 獅魚望落去都好吸引！全部都好新鮮好味好彩冇揀到朋友揀咗嘅西冷牛扒，睇幅圖以為厚切原來係博切我唔鍾意，而且比想像中肥嘅脂肪較多，我鍾意食瘦牛柳個類不過我想講呢度一樣嘢好差，就係佢不斷劉丹你要吹佢，同埋佢會唔記得俾啲蒸蛋前菜等等，譬如嗌過外賣嘅話佢會比漏晒沙律甜品同埋前菜已經唔係第一次，今次堂食嘅時候都係吹佢先記得冇蒸蛋冇前菜沙律 🥗外賣嘅話真係返到屋企冇得補償 呢樣嘢要認真注意 令到服務質素有所保留。重…查看更多

雖然平時放假都同自己講要食好d 但到左新年係真·食好d一來貴小小吾會等位等到2046選擇都好多 懶得諗叫左個8百幾蚊既set 然後再加小小野set:刺身3款 好鮮味好飽滿 set:安康魚肝側邊有d 柚子啫喱消滯 但個人認為用醋仲好set:已經吾記得叫咩名😂類似蝦加菜既天婦羅炸起熱辣辣冇油膩感亦吾會乾set:芝士火灸大蝦 都好厚肉有手掌咁大隻set:和牛三文治 油脂味重 油膩到我同老公都食吾到 set:海膽炒飯 都算粒粒分明 上面pat海膽同我地單點一板海膽既貨吾同 呢個略小甘個set仲有個菇湯 但手殘del有張相 好清香 配呢個set 一流a la carte 大大隻脆卜卜 小朋友食到好滋味a la carte 開初以為吾夠食叫多左個platter…查看更多

好鍾意食呢一度嘅日本料理，但係價錢亦都唔平，所以就久唔久嚟獎勵一下自己呢度位置好方便喺沙田新城市下便嗰層， city’super落多一層就係，開咗好多年㗎啦，質素有一定保證吞拿魚拖羅薄脆呢一個真係次次嚟都食，好好味個薄脆好香口，配上呢啲有質素嘅吞拿魚拖羅，加少少芥辣真係不得了魷魚海膽刺身喺魷魚裏面個圈讓入一啲新鮮海膽原來係咁夾，旋風式放入口，好食到鮮味到停唔到口炸吞拿魚拖羅壽司呢個係我女兒嘅至愛，佢由三歲食到而家，香脆惹味，但又不失拖羅嘅新鮮感，好正…查看更多

今次就嚟咗沙田新城市廣場嘅穴，係專食日本嘢嘅居酒屋！因為同行有小朋友，所以食物全部就晒佢，叫哂熟食～———主食方面就嗌咗牛肉烏冬同和牛炒飯，和牛炒飯方面， 略嫌鹹咗少少， 但牛肉粒好香。牛肉烏冬就濃淡得宜， 食得出所用嘅牛肉係唔錯嘅牛肉。小食方面就嗌咗炒雜菜、天婦羅同燒冬菇，天婦羅炸衣厚薄適中，配埋個天婦羅汁， 襯托出食材嘅鮮味😆順帶一提， 餐廳職員好細心， 見到同行有小朋友， 為佢準備清水，亦為大人準備茶！…查看更多

今日同同事食飯，老細請客，冇影其他同事食乜嘢喇，唔係幾好意思，我自己就叫咗火炙魚生飯。火炙魚生飯入面包括有：三文魚：魚生新鮮，厚切，火炙技巧純熟，剛剛好，令到油脂不停爆出嚟，魚生嘅質感口感都提高了！帶子：有四片，新鮮，鮮甜的。左口魚：唔使多講，呢隻魚係充滿魚油🤭分量足夠，可以慢慢享受。醋飯亦都很夠份量，男孩子們落嚟食應該都會夠飽👍🏻呢間食魚生飯，好過食壽司！刺身會比較厚切😬滿足感亦都會提高！𝓹𝓼 :之前個燥底部長好似已經唔喺度做，可以多啲幫襯返呢間餐廳👍🏻😂…查看更多