穴の酒販 (將軍澳中心)

營業中

休息中

之前經過幾次見到呢間日式食店門面唔錯，今日終於揀咗為屋企人慶祝生日。適逢星期日，8點已經坐滿9成，心諗咁多捧場客應該唔錯！食物質素整體不錯，刺身都新鮮，串燒各款好味道😋豚肉火煱就比較一般。服務方面都招呼周到😉

同幾個同事中午1245黎到，店面唔多客，坐得舒服，黎食lunch都預左要200蚊咁上下，係我唔好，食日本餐廳應該叫返日本野，真心日本野係無問題，正正常常對得住個價錢…但我叫左個安格斯牛御食，真係好耐未食過咁難食嘅牛，首先牛肉榎到不知所謂，又散又霉，牛肉個汁鹹到癡左線，十個鹹佢有9.9，又鹹又涸喉，同個牛肉真係絕配，就算我配菜食都頂唔順。我衰仔我肚餓我錯，$178個餐我食晒，食左第一啖有諗過舉有放棄唔食，但$178好貴我淆底，最後無留咩證據，侍應嚟執枱嗰陣，我忍唔住同個侍應講呢個餐真係好難食，跟住經理行過嚟，話下次食到第一啖有問題就應該講，我話我表達吓啫唔係搵交嗌，又唔係要退錢。大家有機會真係可以黎試吓食佢個牛，包你有一番新體會。btw 依家牛肉汁嗰個鹹味涸住我個口腔。

不單止可一不可再..係一試都唔好..諗住食日本野，見未試過呢間咪入去試下行到門口八點見無乜人都諗會唔會中伏..點知..食物選擇真係少到離譜，乜都痴暫停供應..諗食乜都可以令你諗半個鐘，因為根本無選擇..啲野食仲要唔好食😑又唔係平員工既服務態度不予置評..杯茶凍既，飲晒唔會有人加比你，好似等夠鐘收工咁完全有種貼錢買難受感覺真係唔會再去從來未試過食一間餐廳食到咁唔愉快😑

晚飯時間慶祝生日，見到呢間門面幾靚，門口放左好多sake賣，吸引左我去望望，見到入面又無乜人，無book枱嘅我就隨心走入去食叫左壽司盛盒、一啲燒物、和牛燒流心蛋、清酒賣相ok,夠新鮮海膽質素都唔錯Sake 點左門外做特價的，質素都ok, 唔會係特價就唔好飲可惜呢到放唔到影片，最特別的和牛燒流心蛋show 唔到出黎，佢燒得好好，出面的牛燒得香脆，用刀慢慢切開成個蛋黃就流出黎，和牛的炙燒味同個流心蛋夾得好好最後仲叫左個柚子雪芭，柚子味香濃，清新總結：食物質素ok, 環境清靜，服務ok, 係到買特價酒都唔錯（堂食飲佢枝sake要額外加服務費）

很久沒來光顧，打算再給它一次機會，看看會否有所改善，點知今次仲係最最最最失望，比上次內還要差差差很多，今次個雜錦魚生飯， 魚生簿到好似紙一樣，比以前縮水一半有多，魚生極不新鮮，帶臭味，海蝦霉霉爛爛，海膽有「壓味」，最離譜係連白飯也少咗一半，我朋友點了銀雪魚，魚不新鮮，細個半隻手掌，午餐$120 each 份量連半飽都不及，亦沒有跟咖啡或茶。甜品是兩件毫無誠意的綠茶糕， 很難食侍應人手不足，亦欠禮貌，希望管理層看到此投會有所改善

之前喺奧海城都食過“穴”，今次黎到將軍澳中心買嘢經過先知道有穴嘅分店~一於同屋企人食個日式午餐回味下假日午餐有唔同選擇，有刺身飯，鍋物同天婦羅等等呢🌟雜錦刺身丼🌟有多款刺身，啱哂鍾意款式多多嘅我，刺身新鮮甜美，男士一定夠飽，醋飯份量非常足夠，加左啲飯素，單吃飯都好味!!!🌟海鮮天扶良御膳🌟天婦羅即點即炸，炸衣薄脆可口，有蝦，白身魚，松葉蟹鉗同蔬菜，好好味。🌟日式牛肉火鍋御膳🌟牛肉片加上蛋汁，入口好軟嫩滑溜，仲有好多蔬菜。唔洗牛肉，可以揀鹿兒島豚肉架～午餐仲包左前菜，沙律，麵豉湯同甜品，CP值都高!!!

一家人都鍾意食日本菜, 最近將軍澳開了不少日本餐廳, 但還是喜歡穴之酒販。 門口放有多款日本清酒供客人選擇, 配上最愛嘅時令生蠔, 一魚兩食(燒併刺生), 其他款式刺生併盤, 串燒, 真係可以將白天工作帶來的煩惱拋諸腦後。有時唸唔到食咩, 師傅就會幫我地發辦, 往往都有驚喜。食日本嘢, 每人平均消費5-6佰算係性價比高, 所以我決定寫評語介紹比街坊。

平時行過呢間野一定唔會食因為晚市好貴。你平時同同事方法見佢午市幾平先至會入去食。 咁其實午市來講，大概$130連加一，呢個魚生飯都算係咁。比起其他所謂板長或者風壽司又係要百幾蚊但係啲魚生飯全部都係啲下欄嘢，呢一間算係咁。佢仲要好新鮮，又有海膽，又有鮮大蝦， 仲要唔會話好腥臭，所以平時我哋食飯諗唔到食咩都會第幾日間嘢。不過都係果句，如果佢變返正常，就應該唔會食佢啦。雖然疫情令人好痛苦，依家啲逆市大優惠就當係苦中一點甜。

//疫情下禁晚市的高質外賣//之前都有介紹過呢一間嘅外賣，禁晚市就有外賣自取六折嘅優惠🤩，特上刺身只係要$131食到😍已經食過好幾次啦😚同集團嘅鮨千壽都食過，質素差不多，但穴唔洗點排隊喎（唔好唱開去，唔係多人排隊會耐咗🙂）·✨特上刺身 跟白飯 $131刺身新鮮，高質素又份量十足，抵食最鍾意係拖羅、赤蝦、海膽同埋左下角嘅魚🤤·🌟唔係hard sell，真係好抵食，不過冇六折就唔會食啦😚趁仲有外賣優惠就快啲去食多次啦😋

折左都要$101 既外賣，冇諗過可以咁hea咁難食.....冇米香既珍珠米，唔緊要....但其實你外賣整唔到石鍋飯，可唔可以唔好吹咁大？我一打開都知奶野，十分鐘內已經食，兜飯又硬又微暖，又冇米味，最接受唔到，佢係就咁係個飯上面加罐頭蟹肉，一舊明太子....同幾條紫菜！大佬....咁樣我洗乜買外賣呀？自己買罐頭算啦！而且蟹肉冇味，明太子亦唔香！只食到辣味！我完全唔知自己食緊乜！難食到極點，老闆有冇自己試過？你食得落先好賣俾人丫大佬！點解呢個可以叫石鍋飯？！外賣做唔到你就改menu la! 一舊水！？疫情生意難做，你都唔係當啲客傻嫁嘛？可一不可再，做幾多折都唔會再食，去超市買個hea 飯都好食過佢！

朋友邀請我地去家中作客，仲買刺身請我地食，好貼心，晚市取消堂食，估唔倒外賣都packed得咁靚，盒嘅size 啱啱好，彷彿係為呢個併盤度身訂造，沙律菜嘅配搭同份量都剛剛到位，海膽係用豉油盒另外放再配上青瓜，成個構圖都理想👍，唔係穴，係悅，因為真係賞心悅目。有海膽，三文魚，蝦，帶子，吞拿魚……🦐🍣，全都厚切，好新鮮😍。

一直都好想試呢一間日式餐廳，因為之前食過同一集團嘅鮨千壽，嗰間嘅壽司同刺身都非常新鮮，所以本身對呢間餐廳嘅食物質素都有好大嘅期望。除夕夜想同朋友買外賣返屋企倒數，咁岩經過穴，見到佢喺疫情之下做緊晚市外賣六折嘅優惠，所以今次就決定買黎試吓啦！餐廳門面有一個販賣日本清酒嘅地方，如果有興趣，或者等緊外賣嘅時候，都可以去嗰度行返個圈，消磨一下時間。望到佢嘅餐牌，發現佢嘅六折外賣非常吸引，刺身同埋壽司都只係一百幾十就可以埋單，丼飯就更加抵食😋順帶一提，佢嘅刺身同埋下面嘅魚、雞扒、豚肉都係另外包一碗飯嘅，所以唔使怕唔夠飽。我哋今次就揀咗特上刺身同埋照燒牛肉飯🎈特上刺身呢個刺身有啲期望過高，同一集團嘅鮨千壽更新鮮，所以認真有少少失望佢嘅三文魚唔夠肥美，只能夠稱得上普普通通帶子亦都唔夠新鮮另外油甘魚就唔錯，油脂幾多，入口都有溶化嘅感覺而佢嘅甜蝦、拖羅同埋海膽就值得一讚佢嘅甜蝦夠晒大隻，肉質彈牙，食得出好新鮮拖羅入口即溶，真係要俾個讚海膽亦都相當新鮮，唔會有苦味整體來講，個刺身都係抵食嘅🎈照燒牛肉飯肉量唔係好足夠，飯同洋蔥🧅非常多佢嘅牛肉都幾有牛味，每一塊都蘸上好濃嘅照燒醬汁同芝麻，有啲嫩滑，有啲就煮得

因為無左晚市堂食, 如有朋友到訪, 都只係買外賣算了。由於『穴』晚上 6:00 pm 後外賣餐牌有 6 折 (不是主餐牌), 但都有好多選擇, 真係超級抵食之選, 我地之前已經好想試喇。今次趁住朋友到訪, 當然係問左佢地先啦, 結果當然係一致贊成去買『穴』外賣啦。餐牌唔算太多選擇, 但價錢真係好吸引呀。可能好多人以為呢個價錢會再有 6 折, 所以見佢寫明《此牌價錢已六折》。四個人 order 左 5 個餐, 都只係 $505, 大家都話抵食。拎到返屋企一打開, 大家都好開心, 因為刺身真係好新鮮大塊又厚肉, 無因為減價而比少你, $131 好抵。雜錦魚生丼 $107 都 ok 呀! 其他忘了影相... 🤣

與朋友聚會叫咗穴 ANA 卷物外賣🥡所有口味都好特別！一路食，一路講返啲味道，都增加返唔少樂趣！呢到就叫咗6款卷物 加洲卷 （估到既味）天扶良蝦卷佐松露汁二色軟殻蟹卷有牛油果都幾夾海鮮卷 吞拿魚他他 海老卷佐海膽醬 非常特別脆米三文魚佐香辣汁疫情下有discount就抵食啲

很少來將軍澳中心這邊食飯，完全不熟悉這商場的餐廳，今次第一次跟同事們來這家餐廳吃午飯～lunch set幾抵食～～～未計加一，$108就包前菜﹑沙律﹑主食﹑麵豉湯及甜品！set menu選擇充足！魚生丼有兩款，分別是雜錦魚生丼及特選魚生丼，我就選了特選魚生丼，看名字，覺得魚生好像會靚點前菜是櫻花蝦黑木耳，味道恰好，酸酸甜甜，不會鹹，幾開胃！麻醬沙律的特別之處是加入了蒟蒻，增加了口感的豐富度～～麵豉湯的濃度及鹹度恰好，還加入了我愛吃的腐皮圈～～特選魚生丼，配料有三文魚﹑螺﹑蝦﹑三文魚籽﹑蟹籽﹑魷魚及海膽。三文魚的紋理一般，帶魚油香，但不算好甜～螺肉爽脆，蝦鮮甜，三文魚籽卜卜脆又好香魚油味～～～魷魚軟嫩得來又夠脆身！海膽份量雖不多，但味道夠鮮甜！！醋飯加了飯素，增添香氣～～甜品是黑糖蕨餅，質感軟糯，面層沾上黃豆粉，添了香氣亦中和黑糖的甜度，都幾好食～～以$108的套餐價錢有這樣的質素，都算是可接受啊，但當然不能與丼飯專門店去做比較啊！