穴の酒販 (將軍澳中心)

營業中

休息中

新型冠狀病毒疫情之下，人多地方唔敢去，連出外用膳都減少了，無奈之餘又無聊。今天公務員開始要正常返工，人應該少啲，很想外出走走，所以去咗將軍澳單車公園附近逛下，吸吓新鮮空氣，又由日出康城沿着海旁散步到將軍澳Popcorn，當做運動。商場內人唔算多, 家人推薦當中的一間日本餐廳「穴」午膳。難得出外用膳，份外雀躍，另因疫情影響下餐廳沒有太多的客人，加上環境舒適，感覺自在又休閒。係咁艱難嘅環境下好多食肆都要減價吸客，呢間日本餐廳也不例外，所有午市套餐均一價$98超抵。主菜有很多選擇，例如魚生飯、銀雪魚、鰻魚飯、鍋物、天婦羅等七款。除了主菜，仲有沙律、前菜、湯和甜品。沙律菜新鮮伴以芝麻醬汁前菜則是矜貴的櫻花蝦冬瓜餐湯是熱騰騰的傳統麵豉湯主菜我則選擇了原價（$198）最貴的雜錦天婦羅，共有7至八件之多，當中有魚、蝦、蟹鉗、秋葵、南瓜、茄子..... 竟然還有帶子，外脆內軟，絕對真材實料，沒有將貨就價，值得推介！之後還來個糯米糍甜品（稍甜）。其他主菜賣相亦唔錯，下次要逐一嘗試。活在疫情下能嚐到咁超值嘅高質食物，感覺尚算有番啲安慰。相信好多食肆生意慘淡，我哋喺環境許可下真係要多D光顧，不但可以振興經濟

在痰痰日子，又要早點食，又要揀位坐，呢個我倆近日嘅左右銘😝行到呢間，居然有御膳，仲要只係$98! 我倆亦揀到想食嘅😃 便入去！ 又有好位，實在太好了！店員又有禮，未食都開心咗😄😄 楝咗一個雞，一個魚😋首先，前菜，沙律，湯！ 精緻好味👍🏼😋女友個鹽燒阿波尾雞扒御膳先到，好香，好靚！未食都覺好味😋 食落⋯⋯都好味呀！塊雞皮燒到好吸引，平時唔食雞皮嘅我倆，都食咗少少😛😋到我個西京燒銀雪魚御膳，都係好靚好精緻，好味呀，我覺得98蚊食到銀雪魚定食好抵！😃😋還有飯後甜品，我真心覺得$98一個御膳真係抵食👍🏼👍🏼😋

聖誕節當然不會去食西餐，無咁多錢俾人賺。精靈話想食燒烤，知道這裏新開，而銅鑼灣的穴都是我的後宮，佢的姊妹店對佢有信心，食物的款式有些不同。先看枱上特價牌，三枝串燒加杯啤酒（half pint）$128,算底，串燒閒閒地$30串，揀咗感覺最貴鹿兒島五花腩2串，甫上枱香噴嘳燒香味，燒的程度不會過燶，多肥肉當然係五花腩的本色，靚油光自然係優品質，抹我朱唇一點濃，翻轉口腔滿溢香，滋味！月見免冶雞肉1串，以為月見係日本地方，原來係賞月，蛋又圓又大，好好欣赏，明月光，一心照亮，現在雞啄月，免治雞肉幼滑，甚麼雞？味道咸淡適中，加蛋係滑，但蛋香又不覺濃，但都吸引。雜菜天扶羅，咁细件，薯，南瓜……炸粉質素一般中下品。脆米三文魚卷佐香辣汁$88，因嫌軟蟹殼卷普通，試試，半熟三文魚捲飯三文魚， 青瓜絲，脆米捞红色豆辦醬，軟軟腍，靭靭地，脆脆的，辣辣點，多層次，㗳味！松葉蟹蓋海膽飯，我喜歡食在 銅鑼灣店,但今次麻麻， 海膽無海味， 仲葉蟹膏， 即混凝土色，好流質，稀水，過咸，恐它不新鮮會肚痛；米飯， 熱辣辣，有飯焦，香， 魚子卜卜鮮。聖誕快樂！

剪完頭髮就已經lunch 時間，醒起上次經過有間日本嘢好似唔錯就去試一試，睇佢menu 都係偏貴果啲，但是個lunch set 我覺得ok 嘅，158蚊lunch set,可以揀2個小丼飯/1個小丼飯+2串串燒，配有前菜，烏冬，睇menu 都feel 到好飽，我叫左一個丼飯加2串串燒。沙律就無咩特別，但是隔離個冬瓜好好味 ，佢用上湯煮，好入味，好甜。丼飯要左蟹肉明太子丼，啲餸都算多，不過明太子無咩味，佢附有一隻蛋，撈埋落啲飯度好好食烏冬無咩特別，係好食果種清湯烏冬串燒叫左雞軟骨同牛舌，好好食ar 最後仲有甜品，又係一餐滿足嘅午餐，下次去試下食刺身先。

一次比一次差，社會運動開始後，學校停課，星期六、日又出不到街，所以TKO本區餐廳（除藍色外）生意普遍好了，這個集團每一次都是新開張做得好好，一多客少少就開始質素下降，魚生飯原先用料足，現在竟變了平價魚生，連三文魚也要薄切，螺肉有沙，不知所謂，三隻梅到爛哂的細小甜蝦，賣相嘔心，成碗魚生飯一啲鮮甜味都沒有，只有鹹、鹹、鹹，飯好像隔夜一樣又硬、又黏、又酸，好唔新鮮，甜品兩舊唔知咩糯米，好難食，相信唔會再幫襯

呢一間日本料理喺將軍澳係比較高檔次的餐廳，但係我個仔好鍾意食，今日有個好消息，所以佢話請我食飯，佢自己揀咗呢一間餐廳😁。餐廳裝修好雅致舒服，坐位比較闊落，可能價錢關係，經常都唔爆一定有位每次嚟到都一定係呢一個刺身拼盤，刺身非常新鮮，我係一個唔食生野嘅人，都會食呢一個拼盤，可想言之佢嘅吸引力呢一個蟹子海膽飯都係阿仔必食嘅，佢食完就有好有滿足感😂呢一set刺身亦係我老公必食嘅👍🏼呢個係海膽xx壽司我唔記得咗😅不過好食仲有帶咗幾種唔同嘅串燒，不過我掛住食其他唔記得影相😅呢個係牛舌同埋豬腩肉，juicy😋呢個係三文魚飯團好好味，出面燒得好脆口

將軍澳中心前幾個月終於裝修完，開了很多新餐廳，這家日本餐之前路過覺得非常有格調，外面擺了很多不同的日本酒供大家購買，也可以試飲，服務員好熱心介紹不同酒的分別。裡面就是餐廳。剛好朋友生日，就想起來這家餐廳，決定來試一試！呑拿魚腩薄脆新鮮的吞拿魚碎，底部是烤過的香脆米通，吃起來很特別，口感豐富，值得推薦！雜錦天婦羅炸得很脆，不過價錢有點貴。壽司組合如果兩個人來吃的話，這個是不錯的選擇。一盤就嘗試到不同的味道。總體感覺這家餐廳食物ok，但是價錢偏貴。

於兩、三星期前已經很想嘗試這間日式店，來到門前原來有落場規定、所以便擇日重賽，到達前早在手機網上的訂位apps預訂而且(還有85折優惠)、實在太適合我這個精打細算的㕑娘。。。平日又加上不太便宜的街坊價入座時眼看只得五至六枱客，差不多二時以只得我和另一枱鄰枱的食客、還是快速點單好了~選來一個特上壽司御膳HK$218.包括前菜沙律與及飲品及味噌湯~簡單而翠綠的沙律菜配以清新的蕃茄片，醒胃~冬瓜可算為白搭, 泰式、日式，都有機會見到他的影蹤,奇特的冬瓜~微暖的味噌湯不過於咸，不錯！十件壽司中自己會喜歡邊一樣？ 每一件都有它的特色、以這個價錢吃著這樣的级數可算謂收貨，當然我會妄想一下邊有一件金目鯛又或是海膽軍艦啦！ (＾▽＾) 日式蕨餅黃豆粉剛剛《但自己就喜歡多少少,》用來填飽最尾的胃納甜品空間~和老人家食飯難免不能叫多，原因就是沒有大人這般龐大收納胃、所以簡單要來一個熱食牛肉烏冬Hk$98. 肉質方面自己覺得可算為偏瘦, 多餘的肥膏簡直是寥寥可數、但牛肉味極濃~烏冬爽身而豐彈口老爺讚口不絶~侍應還細心地提點我們套餐方面還可以挑選飲品,簡單地要來白桃梳打和荔枝梳打、個人就覺得後者比前者更為好

母親大人生日當然要食好d，大家一致決定去最近新開既日本餐廳，之前試過銅鑼灣分店，食物質素相當不錯😋到埗後，餐廳已經滿座😯我地book左枱都等左15分鐘先可入座，可見受歡迎程度。精選刺身拼盤包括魷魚海膽、凡立貝、甜蝦、三文魚、鯛魚、油甘魚等，每款刺身鮮甜美味，5百幾食到呢個質素真係唔錯😍燒榮螺原隻汁燒榮螺超正😝螺肉爽口，仲有香菇、金菇。黑豚肉泡菜石鍋飯黑豚肉口感嫩滑，有微微的人飯焦，配埋泡菜好好味！呢個又係超好味，但忘記左個名😭係類似炸魚鰭，油脂好香口。雜錦天婦羅🍤每次食日本野必叫之選🤤有蕃薯🍠、大蝦、香菇、南瓜等。鯛魚Carpaccio 整體食物係相當不錯，不過價錢有少少貴，節日慶祝間唔時黎食係ok既～

突然間老婆話要食好野，將軍澳其實無咩 好野食。最近將軍澳中心返新重開就多左好多食肆，其中一呢間重外面望入去感覺好 Grand! 於是入去試一試。餐牌選擇都有唔少，由刺身，壽司，串燒，和牛，燒魚，海鮮，鍋飯，烏冬等等，應有盡有。另外最多就係清酒。裝修比較豪華。壽司吧內有超過10個師傅，好似好忙咁，場面都幾壯觀。食物方面，我們點了幾串串燒，因為唔平，一串燒雞皮$38，有四五小塊，雞腎都係好細粒，試完唔敢再叫，食30串都唔會飽但要成千蚊。個唔知咩腸$68，來到嚇左一跳，約係一條廚師腸大細砌開4粒，加隻蛋，咁就$68🤦🏻‍♂️，另外叫左條燒魚，侍應推介，$188 就試一試啦，嘩，細過條秋刀魚😳 個燒螺算係最出色，又價錢最合理，$160，燒得剛好熟而且好鮮味，天婦羅蝦還好，唔夠飽唯有叫多個牛肉烏冬。$120一個烏冬唔算過分不過就唔可以用咁低級嘅肥牛囉😒。總結，性價比完全不值。

將軍澳中心裝修完開咗唔少食肆，同朋友聚舊想食日本嘢搵到嚟呢個餐廳。餐廳以黑色為主，好有格調，係傾計嘅好地方。冷製豆腐$48-豆腐滑溜溜咁入口即溶呑拿魚腩薄脆$58-用香脆米通做餅底，加上軟腍呑拿魚腩係面，口感豐富海膽魷魚卷$128-第一次試將海膽同魷魚一齊食，魷魚爽滑柔黏，卷住新鮮creamy嘅海膽食超特別天扶良蝦卷佐松露汁$88-蝦好彈牙，加上松露汁好香口由於我地本身都唔係好肚餓，所以食得唔多，但咁樣食都已經要三百幾蚊，都頗貴...

打風放早，返到將軍澳即刻搵嘢食。未掛T8都已經勁多人。🤣 行左幾間都排大隊，見今日匿間都有lunch set 又有位，所以就即刻入去食😬我地叫左2個set lunch，魚生非常fresh ！set —》湯—〉熱辣辣非常足料set ～》芝麻醬沙律，而櫻花蝦冬瓜就比較特別啲set 1 —》 熱湯蕎麥麵 set 1 ～》mini 丼鰻魚飯 —〉厚肉😋set 1 ～》mini丼三文魚海膽 —〉😋😋Set 2 —> 雜錦魚生定食 —》fresh yummy 😋😋😋Set 嘅甜品

去將軍澳食Lunch，見到間日本餐廳，外面裝修靚靚，就入去試啦。Lunch set比晚餐便宜，不過都要百幾蚊，將軍澳消費力果然驚人。Menu 選擇很多，我們睇看中了最後一頁，迷你丼飯餐。個餐包括迷你丼兩碗or 轉一碗丼飯變兩串串燒，烏冬或拉麵仲有前菜甜品，還未開始都覺得會好飽哦。沙律前菜茄子也不錯，茄子好入味。迷你丼飯細細碗，賣相吸引，天婦羅丼新鮮即炸，明太子蟹肉丼飯，就比較少明太子，但蟹肉尚算可以。串燒水準一流，月見免治雞肉有較碎骨咬口十足，牛舌香口彈牙，日本青椒苦澀味十足，不是每個人都喜歡，帆立貝的醬汁甜甜地也不錯。個餐還有迷你煮食烏冬及蕎麥麵，真係會食到很飽很飽的哦。最後我還很喜歡這個甜品作結。

約左舅父睇戲，我請睇戲，舅父請食飯；仔當然唔會同舅父客氣。係約定時間前，就行晒幾個商場搵食乜好啦。不過今日都早食，6點就食Dinner啦，因7點鬆D就睇戲呢。左揀右揀仔揀左間有麵食又有壽司又有串燒既食店，滿足晒佢既喜好。不過呢，今日飽既都只係得仔仔。事關我睇戲一定要食爆谷的，所以我要留肚食爆谷；而舅父呢，因為剛瞓醒冇耐，佢根本就冇乜胃口呢，原本佢都想話睇完戲先食晚飯的，但睇完9點幾，第二日我同仔都要返工返學所以改左早食呢。牛肉赤麵，仔評價麻麻地，百幾蚊唔值，佢話6,70就差唔多。串燒叫左好幾款的，但冇影晒相，串燒大多數都OK，但唔係乜好食到令人想食完再食架囉。壽司Set，串燒，青瓜卷。壽司係幾好味，質素早過板Ｘ元Ｘ果D既。依個係一個伏黎，睇相係靚既，吸引既，但出黎就差左少少，食落更...後悔百幾蚊6舊唔好食的肉，早知叫多3,4串串燒好過囉。依間野，好食係幾好食，但價錢都真係有點太貴。一次起兩次止唔會再去既機會大D。

嗰日剛好喺將軍澳中心行街，見到間幾高級嘅日本餐廳，咁啱lunch time 就去嘗試下, 裏面嘅裝修係好似去咗酒店高級餐廳嘅感覺我地點咗2個午餐1) 燒肉雞肉丼，餐包埋日式沙律 8分，雞肉好香2) 雜錦刺身丼，都係包埋日式沙律 刺身好新鮮，唔錯最後仲會跟餐送甜品，好似日式糯米糍，裏面有紅豆，唔會太甜，好味