影片
更多
2020-12-31
1316 瀏覽
一直都好想試呢一間日式餐廳，因為之前食過同一集團嘅鮨千壽，嗰間嘅壽司同刺身都非常新鮮，所以本身對呢間餐廳嘅食物質素都有好大嘅期望。除夕夜想同朋友買外賣返屋企倒數，咁岩經過穴，見到佢喺疫情之下做緊晚市外賣六折嘅優惠，所以今次就決定買黎試吓啦！餐廳門面有一個販賣日本清酒嘅地方，如果有興趣，或者等緊外賣嘅時候，都可以去嗰度行返個圈，消磨一下時間。望到佢嘅餐牌，發現佢嘅六折外賣非常吸引，刺身同埋壽司都只係一百幾十就可以埋單，丼飯就更加抵食😋順帶一提，佢嘅刺身同埋下面嘅魚、雞扒、豚肉都係另外包一碗飯嘅，所以唔使怕唔夠飽。我哋今次就揀咗特上刺身同埋照燒牛肉飯🎈特上刺身呢個刺身有啲期望過高，同一集團嘅鮨千壽更新鮮，所以認真有少少失望佢嘅三文魚唔夠肥美，只能夠稱得上普普通通帶子亦都唔夠新鮮另外油甘魚就唔錯，油脂幾多，入口都有溶化嘅感覺而佢嘅甜蝦、拖羅同埋海膽就值得一讚佢嘅甜蝦夠晒大隻，肉質彈牙，食得出好新鮮拖羅入口即溶，真係要俾個讚海膽亦都相當新鮮，唔會有苦味整體來講，個刺身都係抵食嘅🎈照燒牛肉飯肉量唔係好足夠，飯同洋蔥🧅非常多佢嘅牛肉都幾有牛味，每一塊都蘸上好濃嘅照燒醬汁同芝麻，有啲嫩滑，有啲就煮得
餐廳門面有一個販賣日本清酒嘅地方，如果有興趣，或者等緊外賣嘅時候，都可以去嗰度行返個圈，消磨一下時間。
望到佢嘅餐牌，發現佢嘅六折外賣非常吸引，刺身同埋壽司都只係一百幾十就可以埋單，丼飯就更加抵食😋
順帶一提，佢嘅刺身同埋下面嘅魚、雞扒、豚肉都係另外包一碗飯嘅，所以唔使怕唔夠飽。
我哋今次就揀咗特上刺身同埋照燒牛肉飯
🎈特上刺身
呢個刺身有啲期望過高，同一集團嘅鮨千壽更新鮮，所以認真有少少失望
佢嘅三文魚唔夠肥美，只能夠稱得上普普通通
帶子亦都唔夠新鮮
另外油甘魚就唔錯，油脂幾多，入口都有溶化嘅感覺
而佢嘅甜蝦、拖羅同埋海膽就值得一讚
佢嘅甜蝦夠晒大隻，肉質彈牙，食得出好新鮮
拖羅入口即溶，真係要俾個讚
海膽亦都相當新鮮，唔會有苦味
整體來講，個刺身都係抵食嘅
18 瀏覽
1 讚好
0 留言
🎈照燒牛肉飯
肉量唔係好足夠，飯同洋蔥🧅非常多
佢嘅牛肉都幾有牛味，每一塊都蘸上好濃嘅照燒醬汁同芝麻，有啲嫩滑，有啲就煮得比較耐，有啲老，唔係幾平均
而啲洋蔥唔係霖身個種，而係有啲爽脆
飯都係日本珍珠米，有撈埋照燒汁落去，不過如果醬汁再多啲就更加好啦
14 瀏覽
1 讚好
0 留言
可能係本身期望過高，所以有少少失望，但其實整體食物質素算係唔錯，而且喺疫情下能夠有六折，真係算係幾抵
11 瀏覽
1 讚好
0 留言
張貼
