稻成 (東薈城名店倉)

營業中

休息中

🐟呢間酸菜魚都食左幾次 係葵芳都有分店 但我主要因為番工所以係東涌食 🐟招牌稻成酸菜魚 $238賣相好特別 好似成條魚咁 魚頭同魚尾都仲係到稻成嘅酸菜魚係用鱸魚中嘅貴族 加州鱸 同埋用市面試激罕 重1斤4兩以上嘅大魚特式係完全無骨 真係啖啖肉 而且肉質好嫩滑酸菜湯唔算濃味 但好處係一d都唔油膩 酸菜咸酸得宜不過除左魚之外就冇咩配料 如果多d配料就更加開心🥬奶油律白 $78好耐冇食過正宗奶油津白 何為正宗？ 我試過好多次d奶油好似溝左水咁 每次中伏都會好嬲 咁我屋企淥條菜都得啦但今次呢個 真係滿滿奶油 望個色都知好足料 好creamy 超鍾意🍞炸銀絲卷 $46😋個銀絲卷皮炸得好脆 點埋練奶真係無得彈銀絲卷入面係一條條面包絲 每條都好分明 呢個就係同饅頭嘅分別 外脆內軟 我都好耐冇食真銀絲卷 有時會係饅頭扮🤷🏻‍♀️🫖另外有茶位每位$16同花生一碟$15 整體雖然唔算性價比高 但每樣菜式都唔錯

Everything here is Hong Kong style Sichuan food, and not spicy AT ALL. The fish tasted ok but couldn't taste the heat (even with extra hot), and doesn't have enough spices. Same with the "spicy" wonton and fried cauliflower, I hate they both contain sweet soy sauce.

好少食嘅奶嘢.... 今次熱野變凍野...真正奶曬嘢... 呢間嘢呢 其實之前食過嘅上次食佢個酸菜魚覺得好好味 所以先得返轉頭再嚟過... 不過今次大失水準盆酸菜魚呢.. 得啲湯係熱嘅...雖然條魚係熟咗.... 唔係自己唔好彩嘅問題... 我見好多盤酸菜魚出嚟都冇乜煙出..呢樣嘢真係要即刻改善... 希望多啲人同佢 反映... 幫助到佢啦因為酸菜魚唔夠熱真係好難搞仲係招牌菜喎跟住嘅評語都冇乜心機寫落去 喺個竹蔗茅根四十幾蚊又平又靚 坐得都幾舒服嘅完

🔸️ 👭 去完迪士尼食咩好呢⁉️🔸️ 突然想食酸菜魚❗🔸️嚟東薈城呢一間試下啦🤗⭐ 稻成酸菜魚 ＄238（例）🔸️ 魚肉份量夠多 兩個人食啱啱好我哋仲加咗薯粉（＄28）😋酸菜份量多 亦都放咗金針菇但金針菇就唔夠入味🙈辣度唔會好辣 反而麻味多啲如果鍾意食辣嘅朋友可能就要揀另一款水煮魚較為合適👍🧸推薦指數：⭐⭐⭐⭐⭐⭐ 奶油津白 ＄78奶油味好重 有cream嘅感覺🌟可惜菜嘅份量唔算太多性價比有啲貴🙈 🧸推薦指數：⭐⭐⭐⭐⭐ 浣花溪畔鮮豆漿＄18（一杯）豆漿味香濃 好有驚喜 亦都好解辣👍🧸推薦指數：⭐⭐⭐⭐㊙️總括而言，酸菜魚嘅份量夠兩個人食 ，味道同分量都算出色，可惜茶位同前菜都要收錢🙈❗🔸️茶位（＄16）兩人🔸️前菜（＄15）每碟🔸️入到去已經放咗前菜喺度，但係冇同我哋再講多次會收錢，我哋埋單先知道原來前菜係收錢🙈稻成京川滬 (東薈城)東涌達東路20號東薈城4樓402號舖

酸菜魚好好味，魚肉好嫩好滑，湯底亦都好好飲，有d麻辣又有d酸，飲完一啖又想飲，好正！佢聲稱係2-3人份量，而今次我地2個人去食都覺得魚肉份量足夠，酸菜份量都幾多。另外點左兩個小菜，分別係京蔥爆牛肉同埋賽螃蟹。兩樣野都非常好味同有驚喜！牛肉都夠淋夠入味，但係如果牛肉份量可以再多d會更好😂 賽螃蟹真係好考功夫，但佢真係發揮得唔錯，絕對值得一試！我地亦都點左兩碗白飯，最後埋單$587。我唔可以話性價比好高，但佢的確係一間我會想再回頭既餐廳！

今日行東薈城見到地下介紹食肆，呢間個樣係酸菜魚就嚟試吓，嗌咗二人午餐，揀咗雞絲伴粉皮、蒜炒翡翠苗、酸菜魚。首先嚟雞絲粉皮，好細碟，雞絲真係得幾條，佢正價餐牌都$58，未免是水太深吧，另外味道花生醬濃咗d，然後蒜炒翡翠苗，普普通通啦，主菜來了，結果係失望，因為我食過幾多間酸菜魚通常係滑，但佢係「鞋」，成個感覺係所有材料放落去，但係各有各味道，完全無融合到。好吃不止酸菜魚，但係連主菜都咁難食我真係諗唔到點解我會再幫襯第二次。

行東薈城，見到酸菜魚諗住試下，點知好失望！入左去未問飲咩茶就已經開左⋯環境都ok，雖然好多侍應，但服務都一般⋯叫左招牌酸菜魚，點知中左伏講真，主打酸菜魚，但酸菜魚味道真係好一般，味道真係一言難盡⋯唔酸唔辣唔鹹？總之冇乜味⋯冇乜魚，好多酸菜辣椒⋯平時食開微辣，但夫妻肺片真係辣到爆炸，食唔到咩味，得剩係個辣字⋯蔥爆牛肉都還好，一般水準。以後唔會再幫襯，真係好失望⋯兩個人食左五百幾蚊，人均3舊呢個質素真係有待提升！

昨天和家人到東涌逛，見到稻成的酸菜魚推介，便想試試。要付費的小食是醬油豆，醬油味道夠，偏濃味，脆卜卜但略嫌較硬。我們一行三人沒有點了太多東西，因為長者怕不能吃清，不想浪費食物。我們點了招牌酸菜魚（例牌）、黃金蝦球和素鵝，後加了份油條。素鵝：屬前菜，味較淡，正常沒有什麼驚喜。黃金蝦球：主菜味較濃，用鼻聞的時候咸蛋黃味好香，但吃的時候味道又不是太重，外皮脆口內裡蝦肉爽，蝦本身有味道，應該調過味。酸菜魚：我們點了微辣，份量夠，鱸魚片滑，最好是無骨啖啖肉，酸菜味清甜，這個酸菜魚的味道剛好，不會太濃或太淡，也不會太嗆，微辣中帶點麻，值得推介。油條：這個替代主食，脆口但略嫌太油，沾酸菜魚的湯汁一起吃也不錯。總括食物質不錯，服務也算中上，值得推介。

酸菜魚在香港巳流行了一段時間，但最好食的始终在中國，未通關，唯有在香港止吓瘾先。餐廳装修雅緻舒服當然要試酸菜魚，不是太辣，可接受，但魚肉質地麻麻，整體味道過得去。餃子，肉比較小，size也小，但味道尚可。回鍋肉上枱的賣相麻麻，而且肉質口感偏乾，豬肉不是新鮮半肥瘦，而似是巳急凍了一段時間的豬肉，只能用調味料的味道加小小分數罷了。食後感 : 食材麻麻，影響了整體食物觀感和口感，但餐廳好在坐得舒服， 私隱度高，可以同朋友飲杯茶，慢慢傾下偈。

下班後不想煮飯，於是又出外用餐了。這間餐廳我算得上經常光顧了，雖然有時會覺得有點少貴，但這裡的環境不錯，而且順路，便也經常光顧了。回鍋肉辣度適中，很好下飯，不過喜歡清淡食物的人就不建議點，因為回鍋肉多油是必然的。小籠包很有鮮味，湯汁也很多，感覺蒸煮時間合適，皮的厚度適中，不會一夾就穿。這味菜叫「恭親王京燒羊腩」，原本以為是羊腩煲，便想點來試試，後來才知道自己吳會了。不怕吃羊的話可以試試，騷味不會很重，味道不錯。這間餐廳價格不算便宜，但在可接受範圍，整體而言是值得間中光顧一下的。

可能是平日的關係同朋友二人沒有訂枱晚飯時段 walk-in 都有位，仲可以坐四人卡坐，餐廳亦只有五成客人。坐下來侍應便為我們倒茶🍵 我們點了招牌酸菜魚, 可以揀大中小小辣🥵我地就揀了小辣🌶 魚肉質雖然好滑但可惜全無魚味, 所以建議夾多一點酸菜一齊食，而酸菜量都算多，酒槽醉雞 酒味淡淡的建議分開雞件浸一下酒先食會更入味，鳯梨咕嚕肉 不過不失，川陽鮮肉煎鍋貼🥟一咬開裏面只是微䁔, 沒有肉汁, 而且鍋貼皮淋淋⋯⋯失望

中午同朋友去左e間食係初初開業果陣食過，覺得東涌沙漠黎講都算可以但服務就一般，不過我覺得可能初初開太多客人關係事隔錦耐再黎試，客人唔多，但服務依舊黑面真係俾d掌聲服務keep到水煮牛肉。。。牛肉少得可憐。。。。😭但入面個粉又幾好食油炸鬼。。。。糖醋骨，可能佢係頭盤ge關係所以呢個係凍ge最最最最意想不到ge。。。竟然全個午餐最好食係。。。。。。炒青菜炒年糕總括嚟講，食物可以但服務質素。。。。。。

呢間出名喺酸菜魚，香港好似好少有正宗酸菜魚食，今次試呢間稻成京川滬都喺對酸菜魚有少少失望😕反而其他小菜有驚喜🤩1️⃣酸菜魚（小辣）加薯粉加左薯粉，個薯粉好食好索湯，但酸菜魚少失望😕唔酸叫小辣都唔辣... 但魚片方面讚係冇骨的，都幾多片，唔洗去骨食得好爽🤩但味道可以濃味返啲，多啲酸菜同椒2️⃣油炸鬼 🤤好脆，沾湯食半軟半酥脆，口感好好3️⃣孜然羊肉 一上桌已經好大陣孜然味，流晒口水🤤，本身以為會好羶味，點知調味得好好 唔羶 食落好香孜然味，而且勁淋身，一咬即化可能因為肥肉比例多啲 4️⃣酥炸骨 好酥脆，肉都係一咬就斷，唔會痴住啲骨 略嫌調味同孜然羊肉有啲似😂5️⃣上海年糕 以為係上海炒年糕用鼓油個款，點知係類似雪菜肉絲炒年糕...味道一般，有點太痴，食落唔夠調味😕

今日好想食酸菜魚，起東薈城即刻唸起呢間稻成。由於早入座，2個人都安排咗大卡位比我們，坐得十分舒服。酸菜魚無得揀魚，所以二話不說就落單。酸菜魚就食得多，通常都習慣配白飯。但見餐牌推介配油炸鬼，今次就嗌來試下，估唔倒又幾夾。油炸鬼新鮮炸脆卜卜熱呼呼的，放落酸菜魚的湯底一陣，酸辣味道入哂油炸鬼，口感相當好，值得一試。講番酸菜魚，魚片都幾多，仲好滑無骨，我們食到尾都無食到有一條骨，呢點真係要加分，因為很多餐廳刀工唔夠好，或者魚種多骨，都要食得很小心。怕骨的朋友必來試！而且湯底味道剛剛好，酸辣+鮮甜好開胃，酸菜都好食！

嗰日同個同事Farewell，因為唔想又食西餐，結果就揀咗呢間上海嘢我哋喺度睇Menu嘅時候，個侍應就同我哋講，話有個四/五人嘅套餐，好抵食。我記得好似係$888。由於我唔食魚，所以我冇得comment，但我啲同事都話，呢個酸菜魚係名菜，好正喎。不過有啲辣，因為放咗好多辣椒。小籠包熱辣辣囉，我又真係唔覺得佢特別好食。感覺好普通。呢個翡翠苗係偏鹹嘅，食完你會覺得好口渴。而且都偏細碟嘅。但呢個雲吞雞，我就覺得佢太淡喇，好似冇乜味道咁。係就係好足料呀，又大煲(每個人都飲到兩細碗，我哋4個人)，花膠都算多，我啲同事就讚不絕口。不過我始終覺得佢淡咗少少。最好味呢，我就係覺得呢個黃金蝦，啖啖肉！蛋黃又唔係好鹹。唯一可惜啲，就係墊住啲蝦嘅雀巢，係唔食得㗎，淋之之，一啲都唔脆╮(￣▽￣"")╭呢間可以再encore，因為佢啲嘢其實係幾平嘅，唔算好貴(喺東涌呢啲地方)。