稻成 (東薈城名店倉)

營業中

休息中

個日本身唔想食呢間，但結果其他間要等成個半鐘，於是退而求其次。.🌼 招牌稻成酸菜魚 $198真係估唔到個魚嘅分量係咁少⋯ 可能得半條魚肉量。魚頭同魚骨係油炸，用來裝飾。酸菜魚入邊除左酸菜，冇其他任何配菜，冇芽菜 寬粉等等。呢個價唔值⋯.🌼稻成小籠包 $42味道算中等，四個小籠包。.🌼四川擔擔麵 $68感覺一般，冇乜太大特別。.🌼乾煸四季豆 $78唯一覺得好味嘅可能係呢個四季豆。.🌼鳳梨咕嚕肉 $88一般般。.總體來講 冇下次！！！酸菜魚一d都唔抵，味道亦唔算正宗。價錢偏貴，還要計茶錢。

呢排鍾意左食酸菜魚. 去完昂坪360玩完個FILA,就出番東涌食稻成.一坐低就有呢碟野,唔知係咩豆,亦唔知火炸定係炒,好鬼好食.甜甜地. 忍唔住一口接一口食晒成碟...菠蘿咕嚕肉我第一次見呢味菜有蕃茄係入而,而且我食到有陣楓漿味.好香.但肉就太細舊啦, 再沾埋粉漿, 真係唔知食緊乜咁.好一般唔知乜野抄手. 係餛飩,而且又唔辣,無咩味,要另外再叫豆辦醬,又係唔辣.但佢本身個汁係好食. 主菜~~酸菜魚好驚喜係入面酸菜好好食,唔似坊間咁咸,而且湯唔會好油.但係! 唔好睇佢好多辣椒係面頭, 真係DD辣都無!! 好失色..但魚既質好滑 無骨 好好食 浪費左咁好既酸菜同埋魚.口水雞又係唔辣...到底我食緊乜野.....但唔辣黎講,,係幾好食...但唔辣的話..我真係情願食番醉雞...總括黎講, 人均250 有魚有肉 係抵食.岩D唔食辣又想食川菜既人. 

好想酸菜魚，咁啱又見到依間食市唔多人，個餐牌又影得几靚以咪入去食囉!當日冇乜人，餐廳好大下，坐位好多，坐得舒服嘅！我點左酸菜魚，同一份咕嚕肉午餐set ，加豆沙鍋餅！先黎左咕嚕肉，都唔錯，好開胃！之後主角酸菜魚到了，um...啲魚好少咁，不過最大問題係條魚唔新鮮，好怪，魚肉本身已經霉霉地，D調味咁重都冚唔到條魚嘅唔新鮮，我同朋友都係食左一啖，就食唔落去，之後我地叫待應，佢話換過俾我地隔咗一陣，佢走過來同我哋講話條魚本身係新鮮返貨，換過俾你地可能味道都係一樣，建議我哋換過第二款食物。咁仔啦我地就叫左鍋貼同蔥爆牛肉.鍋貼ok ,而蔥爆牛肉就太油同埋太鹹總括嚟講如果想食酸菜魚我就唔建議食呢一間餐廳

作為可以自己煮酸菜魚、水煮系列的人來講，真心覺得佢地的酸菜魚不夠正宗。個湯底好似清湯落多少少鹽咁，無融合酸菜同花椒的味道。但其實已經是佢地的招牌，令我……嗯……唔是好想再幫襯。唯一ok的是魚片仲算滑，但其他方面都唔及格，推測廚師唔是四川師傅。另外，性價比唔高。例如酸菜魚，200左右，加埋服務費，大概230左右。但只是一條唔算大的鱸魚，裡面只有好少量的酸菜。不過我反而好中意佢地碟豆，一撮落就有，吃酸菜魚時，加幾粒豆、少少酸菜同飯，濕濕地又脆脆地，唔錯。

Went to eat here with my family.Tasty food and great atmosphere. Design is modern chinese resembling shanghai Xin Tian Di. Presentation is excellent and makes the food look yummy! The service was good and the lady was attentive and positive throughout service

疫情期間冇乜點出街食飯，呢排見到疫情有啲緩和，就即刻走咗去試吓呢個酸菜魚！1.首先最好食嘅係好似花生咁嘅嘢，香口！2.口水雞$7x真係好出色，啲辣醬好好味，啲肉都好滑！推薦大家一定要試吓。3.小籠包$4x都唔錯，張相都睇到漏汁，本來想叫多龍，但無奈已經食咗一碗飯！4.終於到酸菜魚$19x啦，主要係來食呢樣野嘅，但我覺得唔係好出色，酸菜唔夠多，同埋酸菜切得好細條，整體嘅味道好平淡，有一刻我懷疑緊自己係咪食緊酸菜魚，不過你望落去同你食落去係有落差嘅！最後東涌呢間個環境都唔錯，好乾淨，係享受嘅！下次可能都會再嚟，再試下佢個水煮魚好唔好食！真心推薦大家食口水雞，個賣相都好高級！另外整體價錢都唔係好貴，（實價唔好記得）大家可以去試吓！

潮流興 fusion，一般也只是兩溝，譬如京川或京滬。這稻成打足京、川、滬三個番號，是不是 ambitious 了一點？首先「有料」前菜是一碟豆，據說是豌豆，是我在任何單一地方菜館未食過的，盛惠15，加兩位茶就是47，再加一服務費就差不多是100。難怪現在好少人再俾貼士。首先失策的是這店的招牌菜是酸菜魚，我們卻懵盛盛叫了個水煮魚，這實在是不可饒恕的疏忽。這水煮魚除了稍咸之外，魚肉尚算新鮮。相比之下，那個瓦屋山龍炒手(紅油抄手)卻又淡得出奇，皮厚而不軟滑，乏善足陳。小籠包雖未見突出，卻也尚算鮮美。至於炸饅頭和腐皮卷，亦算及格。比較特別的是我們以一酌六花茶代替甜品，很有下火涼茶的味道！

難得黎一次東涌，見到呢間餐廳主打酸菜魚，見佢都算價錢合理又唔洗點排隊就試下啦！服務態度真係好既，個個都好友善好有禮貌。講真入到黎，我相信好多人都係食酸菜魚，個碗咁鬼大，張二人枱擺到個魚擺多兩碗飯，加其他菜根本就好逼，雖然地少人多，但真係好逼好辛苦。郁下都怕整跌野。酸菜魚：+28蚊可以加姐薯粉，好多酸菜同粉，魚都一片片分開哂，又冇骨，又滑，好好味，兩個人可以加到個餸都夠食！回鍋肉：用大量油炒既野都好食既！送飯一流。翡翠苗：食上海菜必叫，清清地好正！（可能我冇睇清楚收費，戴頭盔先）問題係一開始埋位有個炸花生定炸豆既野，我食左一粒就覺得好難食。然後睇返張單，果個炸豆要收錢，茶位再加每位8蚊，又唔係真係有個水壺好似酒樓咁任飲...點解我唔去買枝樽裝茶飲，反正都係飲得一杯野好食既，但價錢有點貴，酸菜魚好食既餐廳都好多，應該唔會再去

我哋2個人點咗酸菜魚（例）、糖醋魚塊、雞絲粉皮、菜苗。岩岩一落單就話「我哋餐廳因為有3個糖醋食品，所以我哋依家唔做魚塊。你可以選擇糖醋咕嚕肉同糖醋松子魚」一聽真係好嬲，咩叫有同類食品所以唔serve糖醋魚塊？你唔賣就咪寫落餐單俾人揀啦！碟菜苗好多油，建議你哋真係叫呢個，一定叫佢哋少油。當我哋食哂菜苗同雞絲粉皮之後，我哋覺得好奇怪點解咁耐都未上碟酸菜魚，我哋先發現佢哋竟然仲要落漏單！佢哋完全無落我哋嘅酸菜魚！離哂譜！而且只係話依家幫我落返。叫兩個主菜都出事，你叫人點會嚟下次呀。無下次！

係東薈城都有川菜食，係星期一至五去食有午市套餐可以嗌，都幾抵嘅。有兩個主菜，兩個點心，白飯，妙菜同甜品。酸菜魚同水煮牛肉嘅辣度係中辣，都可以接受。配飯真係一流，食多兩碗飯

今日嗌咗四人餐，份量啱啱好，不太多不太少，有兩餸，同兩個小食，仲有甜品添！有水煮肉片，酸菜魚，小食有菜苗同醉雞，甜品呢就有枸杞桂花糕，價格合理，性價比ok ，中辣就似小辣，不係好辣。

中午嗌4人午市套餐都幾抵食，每人平均百幾蚊都幾正常，首先嗌左兩個小食，分別係醉雞同抄手，酒味夠重，抄手夠辣！之後嗌左兩個主菜分別係酸菜魚同水煮牛肉。雖然唔夠大陸口味重，但都不過不失啦！最後仲有個枸杞桂花糕做甜品，完全解辣好味呀！

減肥關係近排少左出街食嘢。但今日個腦不停咁捻住啲炸雞、漢堡包、鵝肝。。。最後都抵受唔住誘惑比男朋友叫咗出去食酸辣魚😜唔知係咪疫情有啲緩和嘅跡象，今日條街都多咗好多人，間間餐廳都差唔多滿座。一坐低，侍應就放低炸黄豆作為前菜。不過呢個前菜唔係免費㗎，盛為$16。😅我哋嗌左例牌嘅招牌稻成酸菜魚仲再加埋油條、雞絲伴粉皮、乾爆重慶辣子雞同埋兩碗白飯。首先嚟嘅係雞絲粉皮，但因為我太肚餓嘅關係我唔記得咗影相🙈粉皮爽滑👍🏻👍🏻👍🏻👍🏻雞絲、青瓜絲、粉皮撈埋啲麻將食，食落一啲油膩感都冇。🤤唯一比較失望嘅係雞絲同埋青瓜絲嘅份量比較少，大約只有三隻手指嘅份量。💔$138乾爆重慶辣子雞，雞丁嘅份量又係少得可憐🥺雞丁比較瘦，肉質食落有啲硬，而且孜然粉落得比較重手，食完都幾口渴。個人唔會建議大家點呢個菜，因為我覺得又貴又唔好食最後嚟嘅係酸菜魚加油炸鬼🧡好彩呢個酸菜魚都中規中矩，令我呢餐嘅感覺唔會太糟糕。油炸鬼係新鮮炸起食落非常酥脆，浸落湯到幾秒再放入口，入口酥脆又散發酸菜魚湯嘅精髓，感覺新奇之餘又好味✨

係東涌踩完單車，曬完太陽，有啲攰，想搵間舒服啲既餐廳食晚飯，最後揀左呢間食酸菜魚開下胃。.我地嗌左醉雞、四季豆、例牌酸菜魚、小籠包，甜品就嗌左豆沙窩餅同桂花丸子。.先講下個醉雞，份量唔算多，起左骨都易食。味道方便，冇乜雞味又冇乜酒味，肉質又唔算滑，唔會推介。.四季豆炒得有啲鹹，不過都算正常發揮。.小籠包ok，好juicy，個皮唔會做到好厚。.黎到主角酸菜魚，肉質唔錯但味道差啲。唔算重口味，唔會好酸又唔會好辣，但又有啲麻刺激下，如果想食重口味既朋友可能會失望。.甜品冇影到相，豆沙窩餅正常發揮，冇驚喜。桂花丸子好甜，嗌糕點應該會好啲。所有野既味道都係average以下，呢個價錢⋯大家應該有其他更好既選擇。

一路都聽過朋友講呢間食川菜都唔錯，之前屋企附近又開咗新分店，終於俾我搵到一日同朋友一齊嚟試下我哋去到分別叫咗酸菜魚 小籠包，糖醋排骨同京蔥爆牛肉一齊食。酸菜魚好開胃，用個湯送飯真係一流，而且魚肉份量好多，肉質又鮮滑，d辣度又適中，好正小籠包一籠有四件，餡料豐富，皮厚多汁實在太好味啦糖醋排骨嘅排骨軟而不柴，湯汁濃而不膩，糖香醋鮮，層次好分明。京蔥爆牛肉嘅分量都好多，京蔥爆得好入味香口，牛肉肉鮮鬆軟，簡直停不下嘴