稻成 (K11 Musea)

營業中

休息中

由我入場開始，服務質素就非常差勁。侍應態度冷淡，舉手接近3分鐘都冇人理會。因為係星期日，都可以理解，但最令我不滿嘅係企係門口，應該係經理嘅女士嘅行為。當終於有侍應留意到我，打算過嚟幫我落單，佢用粗言穢語鬧呢位侍應，更講出＂已經入座嘅客人唔需要理會，執咗枱比門口啲客先＂咁樣嘅說話。呢種不專業又不禮貌嘅表現實在令人無法接受，我明白生意好重要，但竟然因為客人就座後唔會離開就忽略對客人嘅服務，更在客人面前講出啲咁嘅說話，我深感失望餐廳服務質素竟然跌落至如此地步。餐廳嘅食物係唔錯，叫咗招牌酸菜魚同埋侍應推介嘅熗炒麻辣花菜，但係真係唔會再次光顧！

早幾日同朋友去食生日飯，－共七個人，book 左 20:30 ，去到一坐低嗰個副經理已經即刻嚟話你叫六人餐啦．睇都冇時間俾人哋慢慢睇吓個Menu，又係咁催話今日10:00要行消防，9:00 last order，最好就一次過落晒單啦，跟住我哋都費事煩就嗌咗個六人餐再加咗七個甜品，當然我覺得我哋需要為自己落嘅order要負責任，但我覺得佢哋都應該要提點一下究竟個份量我哋會唔會可以食得晒，我哋係六個女士加一個男士，最終就因為食得好趕同埋太多嘢食，感覺好唔良好！另外佢餐廳其實有好多其他嘅優惠去吸引客人去佢嗰間分店，但佢哋當曰全部都冇講到！ 另外當時落單前個副經理又叫我download佢哋嘅Apps，到我走咗嘅時候睇到個app入邊都冇儲到分，即刻打返俾佢哋已經冇人聽電話，我第二日打去問返佢哋，佢哋又話要即時scan個code先得，要即日嘅埋咗數就唔得喎⋯⋯😡咁你下次過嚟食我幫你搵第二啲單儲返落去囉，我同佢個同事講仲要過嚟食呀😒，咁我再問佢咁嗰啲分數有乜用？佢淨係話可能可以換啲現金coupon或者有啲甜品，咁我就再問清楚佢咁幾多分可以換到啊？佢就已經答唔到我啦⋯⋯😡咁我都唔知download個

一開始路過，睇佢個內容係以酸菜魚為主打，但因為我哋唔食得辣，所以就打算望望有冇其他中菜岩食。咁啱我打開嗰份menu,見到有個砂鍋花膠雲吞雞半隻，好耐冇食過，大部份出邊都係好垃圾所以，我決定比一次機會佢都城小籠包-係好食嘅，但係出邊有更好食既，所以$58可接受鮑魚黑毛豬紅燒肉-上乘豬腩肉，個種肥美，其實食兩舊已經封喉，雖然叫價$288，但佢真係俾足料你，冇野好批評砂鍋花膠雲吞雞半隻-真係好足料，好耐無見過奶白色的湯，飲左兩碗到，個侍應行埋嚟幫我哋剪開隻雞嘅時候，我見到個雞不停滲d雞油出黎，我再飲多一次，真係除左細個時曾經飲過呢隻味之後，已經好耐冇飲過甘足料嘅湯👍🏻$398呢個價真係好抵俾！！！酒釀桂花丸子-我食過更好食既酒釀桂花丸子，糯米粉落得10分充足 一碗已經夠飽肚由於我哋係兩個人食嘅關係，枱就一定唔會太大，但係因為我哋當其時唔係黃金食飯時間，俾咗一張兩張細嘅枱拼枱咁食，先叫放得落我哋上面叫既野食 ，環境氛圍都好好，就係空間座位比較細，冇+1，但係有收茶錢。下一次或者嚟緊有節日的話，都會帶屋企人再嚟食👏

平時都好鍾意食酸菜魚 成日經過沙田嗰間分店都冇機會試 咁啱出到嚟尖沙咀喺MUSEA見到 試下平日午市套餐個酸菜魚先酸菜魚味道我個人覺得唔錯 用嘅係鱸魚 有啲泥味 就咁食魚嘅話味道一般 酸菜唔會好鹹食落唔錯 本身配咗紫薯粉 係我鍾意嘅寬粉類型 夠曬煙韌 好食 仲有個白飯 唔算大碗 不過一個女仔食都夠曬湯底嘅話我覺得夠酸 不過越食越鹹 真係要快手啲最慘係埋單先發現原來要12蚊茶錢 畀茶錢唔緊要 不過佢午市套餐餐牌係冇寫嘅整體用餐體驗連埋服務 計曬加一同茶錢呢個價錢 我就覺得唔太值喇

同家人一行4人去開尖沙咀搵野食，見佢地門口幾靚，接待職員又介紹得唔錯，於事就入去試下，餐廳裏面環境唔似食中菜，氣氛好好，埋枱既侍應好用心介紹菜式，而且提醒我地用佢地公司會員App可以儲積分當錢用，抵讚之後侍應介紹左幾款菜比我地酒味香而不濃，雞肉好滑雞湯好足料抵讚小籠包皮薄多汁餡靚招牌酸菜魚果然係招牌必試，魚肉軟滑，再加上爽口年偶及酸菜，味道好夾職員推介新推菜式，原隻新鮮龍蝦配上辣椒雞，蝦肉爽彈新鮮，估唔到都幾好味和牛炒飯未上枱已經聞到香噴噴，必試甜品酒釀桂花小丸子，味道清清地有淡淡酒香唔錯煎鍋貼香脆多汁花菜夠鑊氣水煮魚香噴噴味道一流排骨肉質鮮嫩香脆可口整體黎講餐廳食物同環境招呼都有水準，職員都好好態度同有禮貌，一定會再黎幫襯

星期日夜晚約咗朋友去尖沙咀食飯，之後見到稻成環境唔錯，就行咗入去食。門口同事都好好咁樣安排我哋坐一個比較靜少少嘅位置，坐低之後其他同事都有主動斟茶同埋介紹佢哋嘅招牌菜式。而我同朋友亦都唔想煩食乜嘢，所以就聽啲姐姐講叫咗佢哋幾味招牌菜。每一道菜嘅味道同埋賣相都唔差，而啲姐姐仲有好主動咁樣幫我哋加茶，又聽到我哋講話怕羞污糟就主動俾咗濕紙巾我哋，好貼心！走嗰陣啲都好好禮貌咁同我哋講拜拜，下次一定會再幫襯！

一段時間冇光顧，今日咁啱帶埋隻狗狗一齊去尖沙咀shopping，就決定入嚟食下。食物依然高質，而且比以前更加好味。服務態度更加係冇得講，見到我哋有狗仔特登安排我哋坐入邊房嘅位置，waiter上菜時都會介紹菜名同提醒我哋小心熱。而且咁耐冇去，個經理都可以認到我，推介咗幾個新菜式，仲送咗飲品。龍蝦辣子雞 新菜式！值得一試黑醋骨味道唔錯鮑魚紅燒肉招牌菜 送飯一流麻辣花菜 每次去都要嗌 手抓餅都係新菜式 出面夠脆 入邊有青瓜同肉鬆好特別嘅配搭 但食落去好夾 好好味必食小龍包可憐嘅小狗有得睇冇得食😂

價錢昂貴，食物水平一般，服務態度極差，員工長期在發夢，絕對以後都唔會再幫襯，完全質疑旗下集團其他餐廳的質素，唔怪得知長期都有位唔使排隊，完全唔明白點解可以仲開門做生意，期望盡快執笠。

Order左8人餐，8個人食飯～前菜同點心係好食，粉皮、口水雞、點心小籠包同燒賣都唔錯。2個時蔬中規中距啦。主菜得紅燒肉係好食，酸菜魚唔夠味，片皮鴨都一般，但老實個價錢唔平。最主要係服務差，我地已講明未食得切要慢啲上菜，餐廳意見接受態度照舊，完全無理會我地成張枱已擺唔落餸依舊係咁上。到真係擺唔落，再講過話上慢啲，先最後個2個餸停左陣，但原來係一早整好放左係外面攤凍哂，再上黎個陣個黃金蝦球又凍又淋。

11月中同友人黎到K11 musea食呢間，我第一次黎，因為朋友話好食所以帶我地黎試下。叫左4人餐，燉湯幾好飲，都足料。有蟲草花、燉雞、 龍眼、羊肚菌餐包埋 小籠包、口水雞同埋水晶肴肉小籠包都係入口淡淡汁，好味👍但食落無出面咁濃咁咸，味道濃淡平均，個人黎講幾喜歡。口水雞係冷盤，好入味，麻辣味夠得黎唔會嗆喉，同佢陣麻辣係慢慢滲出黎，食完又會再想食。水晶肴肉我無咩興趣所以無試到😂乾燒蝦球，堅好味，個汁好襯個蝦，一定要試，蝦球亦好大隻，連我平時唔好蝦都食左2隻🤣好似東玻肉既物體，但佢個汁又係好出色，食落入味，口感唔錯。紫淮山素小炒 有粟米筍、淮山條、蘆筍，超好味👍炒到好爽，唔會有油膩感，口感同味道都好fresh既感覺😂紅燒肉糯米燒賣，呢個口感特別，好食過平時既燒賣🤣可能個肉比較惹味，都係一定要試。酸菜魚，啖啖魚肉，酸辣適中，底有荀同金菇，必試❤️桂花酒釀丸子，超好味，酒味同桂花既配搭👍唔會好甜，食完仲想食多碗整體野食好食，環境ok，星期五黎講都幾full都多人食，如果假日要黎都真係要book位。不過4人餐除返開，每位都要480幾。

與友人在K11 MUSEA行街，偶然間遇到呢間餐廳便入去一試。食物質素非常高，想食酸菜鱸魚，但近排又唔想食辣，侍應幫我哋落單走辣，唔辣嘅酸菜魚竟然超好食。紫淮山爽脆味道清淡爽脆好味，凍杏仁豆腐非常出色，超好食，豆腐比較杰身，濃郁嘅杏仁味真係真材實料，大力推介。小籠包皮薄餡靚，鍋貼🥟香口，都非常好味。之後發覺原來用匯豐信用卡食滿$500送小籠包一籠，非常化算。副經理話頭醒尾，其他侍應照顧周到，服務一流。整體嚟講食物新鮮、好味，味道媲美五星級酒店。

今次主要帶埋狗狗快閃尖沙咀，雖然musea可以俾狗狗坐寵物車入，但唔係間間餐廳都接受寵物入內🐶好彩稻成可以之餘，狗狗仲可以坐凳🥰而且攜帶寵物既客人會被安排住包廂，唔會影響其他客人，係十分貼心既安排🫶🏻.因為懶就叫左個二人套餐🍽️餐廳上菜超級快😂略嫌快咗少少🙈.✨水晶肴肉✨前菜揀左呢個我好中意食既水晶肴肉，細細粒啪入口，肉香同上湯味都好濃郁✨鮑魚羊肚菌燉雞湯✨上枱超級熱既湯🔥雖然鮑魚得果一個角咁少😂但整體黎講都算好多料喺入面，都飲到食材既甜味✨酸菜鮮鱸魚✨酸同辣都好平衡🤤仲好多酸菜添！平時坊間食果d成日都唔夠酸菜架！鱸魚片份量好多好滑🐟✨紫淮山素小炒✨紫淮山平時比較少見，食落唔會好潺😉而且份量好大，兩個人食唔晒😂調味比較淡，食得多會覺得單調🥬不過食緊辣既酸菜魚，搭一個清清地既蔬菜都唔錯✨小籠包✨皮薄餡靚又多汁，不俗既小籠包😛✨桂花酒釀丸子✨個桂花湯底幾好飲，桂花味夠濃，帶淡淡酒香😋丸子數量都多，不過本身係無味既✨整體黎講係非常唔錯，其實知道呢間酸菜魚好耐，今次係第一次食，希望keep到水準啦👍🏻

這間其實由開張後已經被它門外 酸菜魚三個字吸引了 一直都好想去本來想散嗌 結果發現有套餐 比較化算 • 招牌王鴿（隻)• 涼菜三小碟• 招牌酸菜鱸魚(另+酸菜薯粉)• 紫准山素小炒• 酒釀桂花丸子x2 酸菜魚 一層辣油在湯面 浮著浮著 感覺特別油膩 哈哈魚的份量 都幾少 特別特別多金菇菜另加了酸菜魚的靈魂伴侶 紫色的薯粉 幾有趣但份量又是好少 味道一般般啦～· 紫准山素小炒 這個真的特別好食 真係好少餐廳會有這道菜特別喜歡吃准山 還要是粉紫色 真係少見而且味道爽脆👍🏻· 招牌王鴿 一隻小乳鴿 味道就正正常常啦 如果…如果…可以大只一點就好了 哈哈哈

琴晚同朋友口痕想食中菜就去左K11 MUSEA稻成，入去裝修好大反差，好有設計感，冇諗過係食中菜既，令人更加好奇。入到去餐廳之後，同事好好咁樣叫我哋自己揀一個覺得舒適嘅位置，因為嗰陣時人流唔多。本身冇抱住太大期望，但冇諗過菜式都好出色，每一道菜都感受到師傅好比心機去做。員工亦十分好態度，亦感受到同事之間都相處融洽。試咗好幾道菜都冇令到我失望，甚至最後嘅甜品都好好食，唔會太甜，就算食到好飽都仲食得晒一碗。本人一定會再幫襯！

行街沒有定位又見快到午餐時間但又想試一試新嘢就入咗這間餐廳。由於食中菜沒想過一這樣裝修的餐廳，造型有點不倍，這是人各有志吧。It was almost lunch time, didn’t make any reservations, but I wanted to try something new, so I went into this restaurant. To have Chinese food, I may not pick a place with such decore nonetheless this is subjective,喜歡較為清淡，一點味道的朋友較為適合。最出色的便是小籠包皮薄有咀嚼感，湯底青，肉也有質感。第二樣一定要是便是旦旦面。湯底味道：花生、辣味的比例合適，麵條質感質也不錯。It is more suitable for those who likes a lighter taste.The most outstanding thing is that the Xiao Long Bao has thin and chewy skin, soup