秘 (鴻運樓)

營業中

休息中

大家有無掛住鄉下嘅吉列牛呀🤗近期都開左唔少主打食吉列牛嘅餐廳，究竟今次嘅《秘》可唔可以為大家止止渴呢🤔？🥩秘。燒黑松露吉列牛加配定食吉列牛外層炸得酥脆，比較可惜嘅係牛肉解凍爭左小小，以致做唔到就咁食都外脆內軟嘅感覺，慶幸牛肉油花都算豐富，用石燒加熱食勉強可以救得返，但鍾意食比較生嘅朋友就可能會失望，另外要挑剔嘅係跟餐嘅大根湯過於清淡，清到無咩味，可能俾碗麵豉湯我會開心少少，而白飯加左飯素同紫菜食落香口，流心蛋呈啫喱狀足夠出色，如果牛肉解凍做得好啲會更高分。

抵食 板燒吉列牛鍾意食牛嘅你一定唔可以錯過～～牛肉嘅質料係好食，好夠肉味，外邊脆口，配埋食飯係一流同埋糖心蛋都好好味。成個套餐份量絕對足夠。下次會再同朋友一齊嚟食。另外，職員嘅服務亦都不錯👍🏻

美美係一個環保L♻️好多時出街可能買左野飲都會專登行去綠在區區度回收返個樽今次喺佐敦行去綠在唔行都唔知咁鬼遠😆行到身水身汗好彩見到對面有間餐廳😎又可以食食食喇平時都見到要排下隊今次我地可能唔係繁忙時間所以即刻入得📍秘我同男朋友一人嗌左一個set👦🏻板燒吉列牛💰$118💃🏻板燒安格斯牛💰$118個set會跟埋一碗有好多飯素嘅白飯🍚同埋一埋溏心蛋🥚我地好鍾意食飯素所以覺得好開心不過大食豬男朋友覺得碗飯太細我俾多左半碗佢佢都唔夠飽🍚🍚另外佢投訴佢個爐唔夠我個爐熱🔥佢啲牛牛🐂好慢先熟😂我覺得吉列牛都好食嘅不過好炸食幾舊個喉嚨就痕安格斯會襟食啲👍🏼

一行四人都第一次食秘，7點去到即刻有位， 但要齊人先可以入座，限時60分鐘。叫左牛舌芯+牛小排+黑松露吉列牛+牛肉野菜鍋諗住分享黎食。牛肉野菜鍋真係普通質素，牛腩加啲金菇蘿蔔菜咁樣，相比起其他板燒，有啲普通可以唔洗試。但係佢個黑松露吉列牛真係驚艷到我！🤤本身都幾鍾意食黑松露既味道，仲要加埋脆邊，同個牛好夾呀真係！連唔鍾意食黑松露既友人都話正~牛舌芯同牛小排就正常水準啦本身仲諗住星期五夜晚去食要等位，但係唔使等位之餘亦都唔滿座。最後提提只收現金，又唔係食十幾廿蚊野真係好唔方便。

話說上星期試過神之後覺得唔錯，今日中午放飯就試下秘啦，食之前就有個小插曲，本身餐廳都有寫係開12點的，我地大約早左10分鐘到門口就掛左牌寫營業中，咁我地就照入去啦，咁就無侍應係度我地就坐底，轉頭就有位工作人員出黎話未開門，咁果陣大約都11點55分，咁我就話差幾分鐘可唔可以坐住先，佢話唔得無人睇住，咁算啦我地都好合作，咪行返出去企下先，跟著都有幾位靚太都見營業中就開門入去轉頭都出返黎，呢方面希望店家留意下未開得就掛返準備中，唔好令人誤會。咁夠鍾開門入到去啦，環境唔大但都乾淨企理既，坐位都拍埋一邊有條路俾人行唔會好迫。睇下個餐牌啦，咁就午市同晚市餐都係一樣，只係加錢轉定食果度有d分別，我地就揀左期間限定特價既原條鰻魚飯同黑安格斯牛舌心，特價比正價平30蚊。黑安格斯牛舌心，呢個餐我就加左$22轉定食，因初初我以為個餐無飯呀，原來加22蚊只係多左d反素，1隻溏心蛋同汽水，晚市就要加$38，汽水轉做湯，咁我就覺得轉定食唔太抵，講返食物質素，牛舌心切到好薄大約都有15片左右，再用石板燒形式俾你自己燒黎食，石板下面都有個小火爐燒住，唔洗驚個石板擺得耐會冷卻，牛舌心本身已加左d黑椒鹽調味，話晒都係成仔

新店開張有優惠價再全日免收加一，入來試一試個鰻魚飯先！今次加$22轉為定食，多左溏心蛋同可樂鰻魚好大條好厚肉，燒到有濃邊好正！ 醬汁比例岩岩好吾會好咸！ 個飯熱辣辣配埋d鰻魚汁一流！

終於食到秘喇，餐廳最出名就係呢個黑松露吉列牛，咁我當然要叫啦，另外費事兩個餐都叫吉列牛會好膩，於是第二個叫咗板燒安格斯牛小排。😋😋另外亦都加咗錢轉定食～黑松露吉列牛黑松露味重，同牛味好夾，外面脆口，內裏肉質好嫩，加埋飯一齊食，一流👍🏽👍🏽板燒安格斯牛小排好有肉味，細細塊，慢慢食👍🏽👍🏽份量算係幾多，一個人食都會飽，抵食，會再encore！侍應服務態度都幾好👍🏽👍🏽👍🏽

事源早前食完初見有fd話祕係幾食過初見咁又抅起我嘅好奇心🧐🤓今次終於食到祕啦今次都係叫左餐廳最出名個款式啦①黑松露吉列牛今次吉列牛份量唔算少同樣牛肉質地偏嫩滑 都夠淋身更重要食到淡淡黑松露味雖然唔好話濃 但係埋食到可惜係如果點左個吉列牛醬汁反而就遮蓋左我偏向唔點個醬汁②什葉味噌牛肉呢款菜式 真係第一次聽落單嗰陣 店員會問係咪第一次叫如果第一次叫 佢會提示返呢款唔會煎到全熟仲會有啲生生地 如果食唔到生就建議唔好叫同埋會提示呢個只係荷葉上煎 容易黐底 要keep住翻搞直到上餐 店員睇到我地手忙腳亂佢都向我地示範 十分貼心食落口濃濃嘅味噌味我本人感覺有啲遮蓋左本身牛肉香味但都唔算喊算係幾特別同樣今次叫係set 吉列牛所以會配埋 一碗日式飯(飯素) 、一碗味噌湯 、溏心蛋份量足夠一個人食飽飽味道：🥰🥰🥰🥰/5CP：😍😍😍/5環境：🐮🐮🐮/5📍secretchefs祕元朗教育路105號 

行經過求其入去嘅小店，好有意外驚喜！安格斯牛小排，湯同蛋一般，但牛入口即溶，油脂甘香，仲要份量唔少鰻魚飯定食原條鰻魚，味道唔錯。想叫兩款小食7點鐘已話賣完，唯有下次有機會再試。

難得嚟到元朗呢邊工作，緊係要search 下美食推介，見好多好評就試吓啦原本打算食鰻魚飯但見到板燒吉列牛太吸引喇即刻改變心意一份吉列牛 $118 , Lunch set 加$20 包一碗味素飯，溏心蛋，可樂吉列厚薄適中，又香脆鐵板上已經預備好一塊少脂肪俾你慢慢燒都唔會痴住爐火好夠又快熱，唔洗等就可以燒吉列牛份量非常足，男仔都夠飽肚店員細心見你嗰爐冇火會即刻幫你換朋友點的浦燒原條鰻魚飯定食都好好味，超大份量，下次一定會叫少飯鰻魚好滑唔多骨又大條下次再去附近工作，一定會再嚟

假日突登搭車去左元朗覓食...book mark左既野食完部都冇開到之後即刻上網揾左呢間都幾多好評既餐廳開餐!以前係旺角某餐廳都試過吉列牛幾正，所以帶埋男友試"秘",睇下有冇傳說中咁好食!下午5點24分掃安心到餐廳，事前問左職員仲有冇lunch set,職員A話6點前仲係lunch set....入座我地睇左一陣餐牌，5點28分叫職員落單....舉完手職員B叫等等，之後行左入倉，再出返黎落單係5點31分，當我地落單時，佢話lunch已完，5點30分後係晚市set加38蚊。然後我地話職員A講6點前係lunch set佢話總之假日係5點半就完，一句唔好意思/道歉都冇，同埋我地5點半前叫人落單，但完全冇人理..我同男友勁失望，唔係價錢問題，係職員間冇溝通好仲到好似我遲落單咁，結果落完單係5點32分。Fine, 出黎咁遠諗住食好野就唔好計較，加20蚊個lunch set,同38蚊既dinner set就只係dinner set多左個白蘿蔔湯。送餐時間都唔算等太耐，肉量算多，全部細細舊咁。擺上熱石燒既時候，大概半分鐘到就熟。如果想生d可以自己再調節!食到1半覺得有d古怪，塊肉見到係熟，但擺落口唔

2-3年前第一次幫襯係喺荃灣店食，鍾意食黑松露嘅我見到佢有招牌黑松露牛就叫左黎食，黑松露味好夠，牛味都唔會輸蝕，整體係食得幾開心，雖然價錢算係中上，但做到咁既質素都唔錯。不過問題黎啦，元朗店質素同荃灣店完全唔同，住係元朗既我第一次幫襯元朗店，諗住食返之前既味道，點知黑松露味一啲都唔出，牛味又無，淨係知自己食緊舊肉，加個$38既dinner set，有碗湯，有兩隻糖心蛋同埋有加左飯素既飯，最失望碗湯係凍既，令我諗返起荃灣店真係完全唔係咁。。。無比較無傷害，但事實如此。我男朋友就嗌左個芝士吉列豬，個豬無炸得幾好食既，但係個芝士汁係未溶曬就上，點個陣有少少一舊舊咁，呢個真係有啲失望，我覺得可以攞個火座熱啲芝士，等佢唔好咁易結一舊舊會好啲。我諗之後都唔想再食呢間分店啦，價錢一樣，質素參差，性價比唔太高，個價錢可以食其他更好味既野。

作為元朗人，一直說想試「秘」卻遲遲未行動，然後又迎來停晚市幾個月，最遙遠的距離，就是你就在我面前，而我卻不知那天光顧你🙈！好不容易等到恢復堂食，出關第一餐立即行動，星期五晚兩公婆撐枱腳，雖然接近全店滿座，卻剛好有最後一張吉枱，唔洗等位也是幸運。一人一爐熱石燒肉料理還是第一次試，一人點了一個套餐，有肉、有飯素飯、楓糖流心蛋、大根湯，夠豐富了。板燒安格斯小牛排（$118）大理石紋油花分佈每片肉上，很有藝術感，小牛排是相對貴價食材，肉味濃郁，無論點煮仍保留到牛肉應有的口感和嚼勁。放石上燒一會就可以食，即使熟一點同樣好味，油香溢出，再點少許醬汁，提味後更是美味。板燒吉列牛 （$118）我們都比較喜歡吃牛，所以另一款選了吉列牛。選用美國安格斯牛，外層裹上日本麵包糠炸香，特別在外層香脆熟透，內層仍然是嫩紅牛肉。煎香後不失肉汁同時有鬆脆感，口感獨特。值得一提是楓糖流心蛋，生熟度恰到好處，蛋黃部份黐稠香滑，滲出清甜蛋香，即使是簡單食材仍用心製作！趣脆蝦波（$48）一客有8粒，好勝價比好高，即叫即炸好新鮮入口要小心燙咀。蝦波鬆脆又彈牙，食得出蝦肉比例不低，唔係成粒都係粉團，香脆惹味。另外再每人點了一款支

經常來這間燒肉店，因為cp值很高，今次我吃了蒲燒鰻魚飯定食，這個價錢提供份量十足的原條鰻魚。 好有驚喜希望貴店 可以在疫情下 繼續提供高質素的食物， 我也會一直繼續幫襯。

同朋友行完山落元朗食嘢🥾行咗6個鐘咁辛苦緊係要食多啲肉補充體力💪之前喺荃灣要荃灣要排好耐嘅秘，尋日竟然唔洗排隊🥹人唔多嘅關係落單唔洗等五分鐘就有得食😋一開始用牛肉脂肪抹抹舊熱石，自己燒可以控制生啲定熟啲🔥吉列牛份量好多，原本已經用咗鹽同胡椒粉調味，如果想食真啲牛味可以唔洗加味素😉吉列牛炸皮唔厚粉，但炸到脆卜卜😍美國安格斯牛肉，肉質嫩滑而且無筋🤩💯💯秘(元朗)元朗教育路105號鴻運樓地下3號舖