影片
更多
2022-09-15
257 瀏覽
話說上星期試過神之後覺得唔錯，今日中午放飯就試下秘啦，食之前就有個小插曲，本身餐廳都有寫係開12點的，我地大約早左10分鐘到門口就掛左牌寫營業中，咁我地就照入去啦，咁就無侍應係度我地就坐底，轉頭就有位工作人員出黎話未開門，咁果陣大約都11點55分，咁我就話差幾分鐘可唔可以坐住先，佢話唔得無人睇住，咁算啦我地都好合作，咪行返出去企下先，跟著都有幾位靚太都見營業中就開門入去轉頭都出返黎，呢方面希望店家留意下未開得就掛返準備中，唔好令人誤會。咁夠鍾開門入到去啦，環境唔大但都乾淨企理既，坐位都拍埋一邊有條路俾人行唔會好迫。睇下個餐牌啦，咁就午市同晚市餐都係一樣，只係加錢轉定食果度有d分別，我地就揀左期間限定特價既原條鰻魚飯同黑安格斯牛舌心，特價比正價平30蚊。黑安格斯牛舌心，呢個餐我就加左$22轉定食，因初初我以為個餐無飯呀，原來加22蚊只係多左d反素，1隻溏心蛋同汽水，晚市就要加$38，汽水轉做湯，咁我就覺得轉定食唔太抵，講返食物質素，牛舌心切到好薄大約都有15片左右，再用石板燒形式俾你自己燒黎食，石板下面都有個小火爐燒住，唔洗驚個石板擺得耐會冷卻，牛舌心本身已加左d黑椒鹽調味，話晒都係成仔
咁夠鍾開門入到去啦，環境唔大但都乾淨企理既，坐位都拍埋一邊有條路俾人行唔會好迫。
睇下個餐牌啦，咁就午市同晚市餐都係一樣，只係加錢轉定食果度有d分別，我地就揀左期間限定特價既原條鰻魚飯同黑安格斯牛舌心，特價比正價平30蚊。
黑安格斯牛舌心，呢個餐我就加左$22轉定食，因初初我以為個餐無飯呀，原來加22蚊只係多左d反素，1隻溏心蛋同汽水，晚市就要加$38，汽水轉做湯，咁我就覺得轉定食唔太抵，講返食物質素，牛舌心切到好薄大約都有15片左右，再用石板燒形式俾你自己燒黎食，石板下面都有個小火爐燒住，唔洗驚個石板擺得耐會冷卻，牛舌心本身已加左d黑椒鹽調味，話晒都係成仔牛舌最靚既部位，食落軟淋得黎又有d咬口，口感就幾豐富，如果就咁食就比較重牛油味，點埋跟果個醬汁就比較咸少少，飯就珍珠米軟硬適中，跟左d飯素就更好食d，溏心蛋就正正常常。
黑安格斯牛舌心
27 瀏覽
0 讚好
0 留言
原條鰻魚飯，呢個鰻魚就果然好大條呀，賣相都好靚，特價黎講算係幾抵食，略慊汁水少左d。
原條鰻魚飯
19 瀏覽
0 讚好
0 留言
整體黎講食物用料係幾高質既，個人就認為唔轉定食會抵食d，另外睇到星期6日或假期午市定食仲要無汽水，呢樣大家如果去食就要留意下啦。
張貼
