秘 (偉晴街)

營業中

休息中

今次呢間餐廳門口好似個店名一樣,好神秘!👽有一塊布遮住,好日式🇯🇵. 入到去布置好簡單舒服. 座位都闊落,可以坐得舒舒服服 😌店員服務好好,即刻送上熱水💦,等小編可以慢慢睇menu 1.板燒吉列牛套餐$108 ,晚市加set $58: 包括溏心蛋X2, 紫菜飯,櫻花金魚湯 金魚湯既金魚栩栩如生🐠, 好cute, 有D唔捨得食,入面好大粒蝦🦐,食落同平時既蝦餃差不多吉列牛上黎果陣係外面炸到金黃色,入面就紅色生既, 有個迷你既爐比客人自己慢慢燒.牛分量都好多🐮,切好哂排得好靚! 首先用粒油脂搽滿個石板,然後放肉上去燒, 石板雖然細細個,但一次都燒到6塊, 小編就中意燒到燶燶地,好香口,再點埋個醬汁,正! 其實食肉都夠飽,再食埋溏心蛋🍳同紫菜飯🍚, 非常滿足!2.芝士吉列豚肉$78 加set$58芝士同吉列豚肉分開碟, 芝士好creamy🧀, 豚肉外脆內軟, 唔係好厚粉果種, 亦都唔係好油!咬一口，香濃的芝士流入口腔… 好邪惡啊!😈總括黎講,性格比好高, 以燒肉黎計價錢算平, 加埋set都$200唔洗! 位置又方便易搵,值得推薦! 👍

之前經過荃灣總店時見到好多人排隊，本來已經mark低左哩間在to eat list,點知在openrice搵佐敦有咩食果陣，見到佢在這邊開左分店，即刻行過去試試佢先👍🏻當日去到全店八成滿，唔駛排隊，開心。我地叫左一個板燒吉列牛同一個板燒安格斯牛。見到佢有味增口味，但店員推薦第一次可先試食安格斯牛，就聽佢意見啦！先飲左個湯，味道比較清淡。見到可加多一點錢要金魚造型，幾有趣，不過我就無加啦！跟住食我最期待既吉烈牛，如圖看見份量十足！味道也跟我在日本食的有9成相似！好好味！個蛋都好食！之後食埋安格斯牛，哩個牛味更重，我更加推薦大家可以點哩個食！係超好食！沙律菜都好新鮮，當食到一半既牛果陣，可以食d菜refresh一下！而個飯加左飯素，都好有日本風味！今晚哩個吉烈之旅好滿足！

好好好好好好食!安格斯牛($108)用美國安格斯牛肉 有10幾片係勁好食又多雪花既牛肉 油花比例好均勻我中意輕燒一兩分鐘 燒到七成熟就食 超級香口-松露吉列牛$148同樣好好食!!!!我係好中意黑松露味既人 塊牛比勁多黑松露包圍住 係勁香不過牛味就會有D蓋過左 但肉質都係好正 好嫩滑!所有單點加$58有櫻花金魚湯、流水蛋同好入味既日本飯   係加左飯素既日本珍珠米而金魚湯其實係蝦餃整體送飯 真係好正! 食到無咩火, 店員仲會幫你換蠟~~重點~以上全部免收加一!!!

在荃灣極具人氣的日本餐廳「秘」，最近喺佐敦都開左分店啦！聽聞荃灣店排隊要排一個幾鐘，而佐敦店由於係新開嘅關係，所以未至於要排隊等候。雖然餐廳距離佐敦地鐵站比較偏遠，但星期日晚上都已經有唔少客人啦餐廳裝修以木色系為主，感覺舒適得來帶有日本風味！菜單裡的選擇以牛肉為主，提供多款食法比客人選擇，有吉列、火鍋、板燒等等。同時亦有原條鰻魚飯，同埋多種精美小食，任君選擇章魚小丸子面上加左好多蛋黃醬、紫菜碎同木魚絲，充滿日式風味！小丸子感覺似係炸嘅，而不是傳統的燒，炸得略為有點過火，所以食落好脆口，而內裏的餡料也不算多板燒吉列牛吉列牛已經炸至半生熟，有十五、六片之多，份量都幾多！每片牛肉每邊輕燒一兩分鐘即可，熟度剛好，外脆內軟，充滿肉汁，配埋加左飯素嘅日本珍珠米食，讓人一口一口的吃不停另外加配左$58金魚湯定食，包左楓糖流心蛋同櫻花金魚湯！流心蛋充滿蛋汁同蛋香，好正哦！金魚湯裏面隻金魚其實係餃子來的，味道好似蝦餃，外皮Q彈的！板燒安格斯牛安格斯牛也有10多片，肥瘦分布均勻！自己燒所以生熟程度由您控制，我就將佢燒到七成熟，所以牛肉片好嫩滑，而且富有牛肉香，好味道啊！

放假除了可以睡到自然醒，最大福利是可以周圍去搵野食。瞓醒後行下廟街，順理成章，晚餐就在附近解決。讓我們進去揭開簡單而神秘面紗。室內裝修一樣行簡單路線，簡潔得來座位之間很寬敞。燈光柔和溫暖，有背景音樂配襯之下，覺得很放鬆。即燒即吃的板燒美國安格斯牛。板燒吉列牛：選用美國安格斯牛肉，雪花般的牛肉外層由日本面包糠包圍，炸到香脆鎖住肉質。將牛肉放在加熱的石板燒到七成熟便可進食，口感軟硬適中，油花比例均勻，很香口，肉汁豐富，送飯或直接食都可以。流心蛋顏色鮮豔，充滿光澤。浦燒原條鰻魚飯，加$58有櫻花金魚湯、流水蛋和飯。金魚細緻到見到魚鱗，滸滸如生。外表動人讓人不捨得食。流心蛋色彩鮮豔，吸引人食慾。而且營養豐富。鰻魚原條上，燒到甘香，配上白飯，軟綿綿的口感，讓口腔受益無比。

最近見好多人大推哩間食吉列牛既鋪頭，就決定一試事先抱住幾大期望，可惜⋯⋯板燒吉列牛$108吉列牛炸粉唔會話好厚，食落脆脆地，雖然增加左口感，但就個人口味黎講覺得會油左啲。牛肉質地夠嫩滑，一咬就開，因為吉列牛本身有少少厚度，都有嚼頭既；不過，味道方面，食唔到有牛味；牛肉有油脂，但欠缺油脂香氣。唔洗點附上既醬汁都已經有鹹味，但點埋醬汁食就更惹味。個人認為吉列牛冇大家講到咁出色，質素普通蒲燒原條鰻魚飯$78平時睇相睇落好似好大條咁，其實實物冇想像中咁大，但都可以接受，以$78哩個價錢可以食到原條鰻魚真係好少有嫁啦～鰻魚有油脂；但燒得唔夠香，皮唔脆的尚算厚身、冇細骨，質感偏淋身，唔係肉質爽彈果種鰻魚，所以冇咩口感。鰻魚汁調味適中，唔會勁鹹或偏甜。鰻魚汁唔多，重口味既朋友可能會覺得唔夠。所有野都好似唔差咁，但致命傷係鰻魚有腥味愈食愈腥，我自問都幾頂得順魚腥，但都覺得幾腥下失望！值得一讚既係飯夠熱同軟熟!整體食物質素只屬一般。價錢雖然比香港其他食吉列牛、鰻魚飯既餐廳黎講唔算太貴，可惜味道唔太出眾順帶一提，餐廳衛生情況唔太好。飲水既杯入面見到有條細蟹柳絲、飯匙上面痴住左粒飯乾⋯⋯(可能我唔好彩啦)服

Lunch Time黎到佐敦搵野食。呢間「秘」，主打吉列牛。其實佢荃灣有分店。佐敦呢間全日可以訂位，而荃灣果間只係日頭先可以訂位。鋪頭設計好簡潔。坐低就比凍水我地啦！板燒吉列牛$108，午市可以加$20配做定食，而晚市就要加$38，但如果要埋個櫻花金魚湯就加$58另外仲有松露吉列牛$148，同樣都係咁樣加做定食。其實佢有個板燒安格斯牛套餐，都係收$108。如果唔食係咪無野食，又唔會，因為佢有個芝士吉列豚肉套餐$78、浦燒原條鰻魚飯套餐就$78，同樣套餐可以加錢轉定食既。小食都有另外叫既，仲有D特別既飲品(日式薑啤、澳洲薑啤、澳洲青檸梳打、水蜜桃汽水、櫻花汽水、青提汽水、蘋果碳酸同綠茶汽水)，全部都係$26/支，而罐裝汽水$12/罐！咁我地叫左個板燒吉列牛，原本有個白飯跟既，但想試埋個櫻花金魚湯，所以加左$58，要呢個定食。呢個定食，個飯係秘之飯素，姐係有紫菜撈既飯。仲叫左另一個板燒安格斯牛套餐，就有個白飯跟既。另加多個野菜鍋$38，如果想多飯，係可以同店員講既！店員話燒之前係用呢粒既油脂搽滿個石板度架！可能個店員見我笨手笨腳，直接幫手燒個脂肪。一邊燒，一邊有陣陣既香氣，之後店員話用動物

呢度離柯士甸站好近..不過正常好少會行黎呢邊。咁岩圓方睇完戲行返去佐敦的路上。俾我發現左呢間低調既小店不動聲色咁開左分店。之前係荃灣食過一次已經覺得好抵食黎到呢度竟然唔洗排隊第一時間衝入去啦六點幾黎到人唔算多。我地分別點左安格斯牛同味噌牛肉餐。味噌牛肉係香港第一次食。醬料味濃分量非常多但唔係好識燒攪到有少少燒焦左既味道即刻叫店員幫手😂😂好彩冇浪費。個人覺得有少少咸。不過要黎送飯一流。而安格斯已食過。同上次一樣出色軟殼蟹堅好食脆卜卜好香口。蟹入面好多肉而蜆鍋又係大大隻好鮮甜。不過我唔飲酒既。如果有得配清湯就好了下次仲會再黎希望試埋其他款啦

一個吉列牛套餐+糖心蛋+金魚湯-個吉列牛就OK啦,牛肉味唔香但都無雪味,食落都好淋,幾瘦,雖然無根,但都無油花,一舊水貨仔,一試無妨-糖心蛋,有啲over cook 咗,生啲可以好啲-金魚湯,若果飽嘅可以不試, 好似啲紫菜水撈咗舊粉,裡面放咗啲唔知係魚滑定蝦滑嘅餃子,但女士們可能例外,事關我女朋友話呢啲先至係打卡嘅重點總括以言,一試無妨