秘撈王 (已結業)

之前去黃金商場買完配件，天氣勁熱🥵回程時行到身水身汗，經過有間小店見到有各種款式既沙冰😍即刻去買一杯黎解渴止熱先原本只係諗住買杯沙冰，店主極力推介大部份客人必點既主打小食～煎沙薑雞冀見差唔多到晚餐時段了，於是順便買埋晚餐啦！見小店主打秘製撈麵，而且好多小食都好吸引，重有5款自家秘製醬汁🥰全部即叫即製，包保食到新鮮熱辣辣嘅食物👍🏻香煎沙薑雞翼$39哇😋呢個真係非常之有驚喜，見到啱啱煎完出嚟既沙薑雞翼，已經聞到陣陣超香既沙薑味😮大大隻，一份有六大隻肥美既雞翼熱辣辣煎到表皮好香脆，沙薑醃得夠哂入味，食起上嚟勁惹味，雞肉好嫩滑吖！廚師限定套餐$59香煎好大大雞扒飯配荷包蛋/ 荔枝沙冰雞扒既份量都幾多，而且煎到好香😋唔會乾，好juicy鎖到肉汁，飯既份量都唔少，撈埋蛋黃汁同食一流吖👍🏻套餐飲品我揀咗荔枝沙冰，有新鮮既荔枝肉架，好味又解渴，勁消暑透心涼吖🥰招牌撈麵拌飯套餐$29秘製肉燥配飯+$10肉燥份量都多，夠哂撈飯，啖啖都滋味😋肉燥有小小辣味，夠惹味，用嚟拌飯勁開胃吖🤤秘撈王重有不定期限量食物，如果大家想食到就要留意住佢哋ig 既公佈啦😉雖然食物惹味，但食完之後真係一啲都唔會口渴，證明真係原味

今日好想食撈粉絲 上網搵到呢間秘撈王見到佢有秘製醬汁好似好正 所以就去試吓首先揀咗一個炸南乳雞翼配秘製豬大腸粉絲加沙嗲醬！❀ 炸南乳雞翼超香南乳味道 外脆內軟外皮超級香口❀ 秘製豬大腸滷水味道剛剛好 口感淋唔係好硬嗰種正好係我最愛的豬大腸口感應該係熬製咗好耐！花咗好多心機同時間！❀沙嗲醬香濃沙嗲醬 充斥花生香味微甜不辣！撈埋粉絲簡直一流另外再叫咗一個豬頸肉炒公仔麵配秘製醬汁❀ 豬頸肉炒公仔麵好有鑊氣୧( •̀ㅁ•́๑)૭✧肉質爽口 超香肉味 ！超喜愛佢個秘製醬汁超級惹味令人地好開胃（微微辣味）❀蝶豆檸檬冰第一次嘗試蝶豆 味道甜甜地再配埋檸檬帶點微酸 也不錯！

老公去深水埗買嘢，就當然買埋晚餐返嚟啦。選左間撈麵外賣店，可以自由配搭撈飯定撈麵，有冷麵，公仔麵，粉線，水晶粉，粉絲，飯仲有炒飯同豬油飯，都幾多選擇。再揀撈咩醬汁，有秘製醬，麻辣醬，菜脯醬，沙茶醬，蒜香醬，每款都幾吸引。最後再揀配咩餸，一共有八款，肉燥，牛筋，肥牛，滷水雞翼，沙薑雞翼，豬頸肉，豬大腸，雞扒，續款計錢，價錢都幾實惠。一定要試吓沙薑雞翼，平時食開嘅沙薑雞翼都係濕嘅，估唔到呢度係香煎嘅，一路拎返屋企都聞到好香，食落果然好好味😋

❣️深水埗平民超抵又好味既撈麵拌飯套餐🫶🏻多款配餸任君選擇👍🏻d餸仲要心機製作兼勁足料🤩仲有多款水果沙冰大杯又抵飲🥤仲可以WhatsApp 或QR code 自助落單🤳🏻特定時段仲有得送外賣😎深水埗既街坊同返工既人必試阿！😋❤️‍🔥招牌撈麵拌飯套餐❤️‍🔥🍝撈米線（秘製醬）$29💫加配招牌靚餸 每款$10💫日式肥牛🐮+滷水雞翼🐔+昆布豬頸肉🐷+香煎雞扒🐥大大碗，份量算多，配餸好有誠意超抵食，每樣餸都即叫即製逐樣出，熱辣辣，米線配秘製醬意外地好味，微微香辣得黎麻麻地咁 幾惹味，肥牛用紫洋蔥炒香，雞翼都幾入味，昆布豬頸肉肥瘦均勻，雞扒皮薄咸香又juicy ，整體真係幾唔錯🍉西瓜沙冰 （跟餐+$12）大大杯，新鮮西瓜製作而成，最岩夏日炎炎飲，清甜解渴得黎又透心涼，正㊙️秘製小食-大滿足秘炸拼盤 $39小食種類非常豐富，有炸薯條、芝士腸、廚師腸、炸燒賣、炸花枝丸，仲配埋腐乳汁，而且超大兜，兩個人食都有啲飽飽地，新鮮滾熱辣炸起，面頭仲有d椒鹽調味，非常香口

一陣間喺附近度整指甲，就睇吓附近有啲咩外賣自取食吓，呢度地鐵站行過嚟5分鐘左右都好近，冇諗過咁就比我尋到寶🤣-我地叫左佢既套餐～佢係1234咁簡都好多選擇我朋友就簡左秘製醬撈米線佢既秘製醬酸酸辣辣咁仲有啲蒜粒係入面超開胃又惹味就咁食已經好好食了🥹🥹我朋友就咁食米線撈呢個汁已經話下次要encore😂我都覺得好好食～-我就係秘製醬撈水晶粉水晶粉更掛汁又Q彈而米線係索汁不同享受😎-（餸）秘製肉燥好濃郁好夠肉香既肉燥肉燥配米線係絕配啲米線索哂啲肉燥精華加埋肉燥又將個米線昇華左真係超級正😋-香煎雞扒啲雞扒調味好夠又唔會鞋仲好juicy添🤭-花雕雞翼本身冇寫呢個菜式係我見到OpenRice上邊有所以問吓佢哋😂佢地好好滿足左我🥹花雕酒味好香仲好大隻雞翼🫶🏻-日式昆布豬頸肉好特別第一次食昆布豬頸肉～味道都幾特別鹹鹹地咁如果食飯撈飯食都唔錯-沙薑煎雞翼雞翼都係大大隻啲調味好夠煎過更加香口我特別好鍾意佢哋煎嘅嘢食好惹味忍唔住一口接一口🤤-（飲品）桂花龍眼冰、椰汁沙冰龍眼冰好清甜解渴啲龍眼我都食晒🤭呢啲天氣飲椰汁沙冰啱哂好消暑😋-走果時佢哋炒多左個肥牛炒飯就問我食唔食牛俾我試下😂咁好人都有既咩🥹佢哋個肥牛炒

今日嘅主角秘撈王， 依間鋪頭主打外賣撈麵🍝加小食🥨，食物即叫即製，令我地回想起讀書嗰時📖，放學同同學一齊食冷麵嘅回憶😁，就決定坐低試一試先～-香煎沙薑雞翼🐥 - HKD 39同店主傾計得知香煎沙薑雞翼🐥係鋪頭主打嘅信心之作💪🏻，二話不說叫嚟試下先！！雞翼係即叫即整，一咬落去熱辣辣🤤，表皮好香脆，肉質好嫩滑香口，細味一陣更有陣陣沙薑香味係口腔環繞😋，令人一食上癮，的確係值得一試嘅主打小食😙-菜脯醬撈豬頸肉冷麵🐷🍝 - HKD 39好少見菜脯醬撈麵🐷🍝依個配搭就叫嚟試試😆，菜脯醬食落口先有香甜味👍🏻，後有辣味🥵漸漸滲出，相當過癮😆，如果食唔到辣嘅朋友就要留意下～ 而冷麵食落爽口彈牙😋，更有少少蛋香味🥚，後來同店主傾計得知冷麵係每日整唔會過夜，豬頸肉稍為煎過，食落幾香口、爽口彈牙🤤，份量都唔少～-秘製醬撈雞扒米線🐥🍝 - HKD 39見到有秘製依個字眼就忍唔住叫嚟試下係咩嚟😆，秘製醬食落口酸酸辣辣🌶又帶點蒜味🧄，加埋涼涼地嘅彈牙米線🍝一齊食真係好開胃🤤，雞扒🐥表皮煎得好香脆，咬落口肉汁豐富而嫩滑，重點係雞扒厚度好足料😋，真係可以啖啖肉咁咬呀😃-柚子檸檬冰🍸 - HKD 12飲落微甜之餘又帶點

出走食個午飯去外賣店 今日遇見特色撈麵舖 麵底有唔同選擇 💥八個唔同嘅餸我揀咗香蔥豬油飯&米線 秘製醬汁叫左蒜香醬 & 秘製醬 飯都幾夠味👏📌香蔥豬油飯 📌撈米線冰涼特飲📌碟豆花檸檬冰📌桂花桂圓冰出面穩唔到既特飲組合 新鮮糖水😊#深水埗 #撈麵 秘撈王 (深水埗)

好想推介下呢間無論食物定服務都好好嘅小店行過睇下餐牌就受到熱情介紹有咩好食本身諗住買外賣 但見門口有幾張餐枱可以坐低食女職員仲好好借埋風扇仔俾我地添59蚊包埋特飲 食物份量好大所以好抵食天氣熱就叫左西瓜同菠蘿沙冰 套餐包唔洗加錢見到冇落糖水真係用生果打成 透心涼香煎大雞扒飯配荷包蛋雞扒多到要分兩層放 煎得雞皮好脆 配左秘制汁好惹味燶邊荷包蛋勁香 啲蛋汁撈飯好正涼拌薯粉配花雕雞翼加木耳手拍青瓜冇晒粉皮轉左薯粉都好彈牙 夏天食涼拌野啱晒青瓜同木耳多到好誇張 成兜滿晒好多蒜蓉好香口 雞翼勁大隻香煎沙薑雞翼呢個煎得好香 個人認為仲好食過花雕嗰款秘炸拼盤呢兜野夠三四個小朋友做下午茶薯條係細個去茶仔嗰種粗曲薯條 出面好脆入面夠粉仲有好多腸仔 炸燒賣 墨魚丸等等 好飽

今日去開深水埗買野，咁啱見到呢間新開嘅外賣店，米飯班主話好吸引要試新野，咁就買個外賣返家食啦🤗1️⃣ 廚師限定套餐 $59香煎好大大雞扒飯配燶邊荷包蛋・沙嗲醬・西瓜沙冰香脆多汁的雞扒份量十足，雞皮煎起來好香口，味道濃郁啖啖肉，肉質嫰滑軟腍；沙嗲醬香醇微甜帶微微嘅辛辣，雞扒蘸埋沙嗲醬同食，更為惹味。西瓜沙冰即叫即製，仲大大杯❤️今日咁熱，飲番杯西瓜沙冰，非常透心涼。2️⃣ 招牌撈麵套餐 $39秘製肉燥・菜脯醬🌶・冷麵肉燥既醬汁味道濃郁，香氣十足，而且肉質嫰滑，再配搭埋店家自家製菜脯醬，菜脯醬帶微辣，食落去會慢慢滲出一股菜脯甜味，用黎撈麵滋味非常，個麵餅仲份量十足。3️⃣ 招牌撈麵套餐 $49昆布豬頸肉・香煎雞扒・秘製醬🌶・米線豬頸肉肉質爽口又腍滑，香口又惹味；雞扒肉質嫰滑軟腍又juicy，蘸埋店家自家製秘製醬，味道微酸，撈埋米線同食，互相平衡味道，而且口感順滑。香煎沙薑雞翼 $39即叫即煎嘅沙薑雞翼，雞翼煎得外皮香脆肉質嫩滑，沙薑醃得好入味，沙薑味道濃厚，食起來好惹味！

前排收早去深水埗睇野，睇完經過秘撈王，見到有撈麵同飯都幾吸引，而且價錢都唔貴，所以就買左返去做晚餐，估唔到除左份量夠之外，味道真係唔錯，個秘製醬料簡直係畫龍點睛啊 🤤雪菜豬頸肉·水晶薯粉·蒜蓉醬屬於撈冷麵的做法，個蒜蓉醬超濃蒜味，但唔會死咸，撈落去水晶薯粉好掛汁，啖啖蒜味好惹味 🤤 豬頸肉偏淋好吸汁，天氣咁熱食呢個超正 😋秘製滷肉·白飯·沙爹醬撈完麵又試下撈飯，個秘製滷肉份量超多，咁大兜飯都可以撈曬 😍 滷肉味道有少少辣，非常惹味 😋 重點係個沙爹醬，香濃有少少花生味，又係唔會死咸，撈埋落去超級正 🤤沙薑鷄翼我就揀左浸的，鷄翼好淋好入味，佢地調味幾唔錯，咸得黎係香的，食完完全唔會口渴 🙆🏻‍♀️秘製豬大腸滷得好入味，淋淋地幾好咬 😋 見到仲有特飲同埋沙冰，價錢都唔貴，係好有心機嘅小店 🙆🏻‍♀️ 下次去要再試多幾個配搭 😋

再續前緣同粉麵達人好友去深水埗近九江街試下新開嘅小店。嚟到呢頭多少都有啲感觸，人生無幾多個十年，但我喺呢區都經歷咗半個人生，直至最近改變咗工作環境先至告別深水埗區。我哋為咗去福仁商場執平貨過開嚟，落車沿途經過呢間店仔細細嘅…..秘撈王？！個名咁搞笑嘅？掃貨前都要食飽飽，叫咗嘢食坐低後，同老闆傾咗兩句，佢哋好nice咁比咗碗自家製嘅涼拌粉皮我哋試食，之後越嚟越多人忙到無停手，估唔到呢個隱藏係後街嘅小店原來係咁多人嚟買外賣！涼拌粉皮+木耳拍青瓜＋花鵰醉雞翼試咗老闆請嘅自家製嘅涼拌粉皮真心愛上，佢哋唔係第一口就勁辣嘅醬汁而係恰到好處，食食下先滲出嚟！好友外賣比屋企人食都話好味，再加罐大啤，讚！香煎沙薑雞翼目標明確的我，係為咗要食呢個小食，鐘意食沙薑雞嘅味，但我成日都唔鐘意佢白雪雪。煎香咗嘅雞翼配上濃濃沙薑味。其實我都外帶咗比屋企人試，大家都話好味。秘製撈麵兩餸1冷麵＋秘製醬＋豬大腸＋雞扒。冷麵軟硬度剛剛好，就係啲大廚成日講嘅al dente。而個汁同冷麵似乎係無可分割，香濃蒜味加少許辣度。食完竟然無口臭？！豬腸同蘿蔔忍唔住大讚好食，老闆話浸到5-6點時係最好味。雞扒似乎係鎮店名物，個個嚟都叫

位置問題，呢個位成日轉手。之前見有個叔叔好有心機咁貼貼紙喺紙兜上，突然想支持下呢間小店。今晚路過買外賣，店員都好誠懇有禮咁向我推介，仲話雞扒剛剛煎好。我抱住一試無妨嘅心態，回家打開蓋見到咁靚，真係好有驚喜喎！😍雞扒排得整齊美觀，味道仲唔錯好香口野味。秘制醬汁味道係我喜歡的😋 值得推介👍🏻 支持街坊小店

呢幾日天氣都唔太好，一早去咗朋友屋企飲嘢玩下咁，可能天氣差又深閨左，黃昏同朋友道別後我地就早點返屋企，攞車途中見到附近有間小店叫做秘撈王，門面乾淨感覺唔錯， 見到個老闆就問佢有啲咩好介紹，佢話新開嘅咁主打係撈麵，但係亦都有啲套餐，咁套餐今日就係大雞扒可以試下。其實今日同朋友食完嘢都唔係好肚餓，而且天氣又麻麻地都無咩胃口，晚上食少少就應該啱啱好。咁同另一半見到餐牌上款式唔算非常多但反而仲接受    ，始終越少越專門越出色，見到有幾款都好特別，最後我哋嗌咗一個撈麵套餐、大雞扒荷包蛋飯、兩款雞翼小食再加兩杯特飲，無計啦見到其他顧客都有叫呢幾款，而且個賣相好靚仔。落單後埋單每人大約$100蚊，講真又唔貴喎。等咗大約15分鐘所有食品終於都上枱啦~ 職員態度好好，好有禮貌咁包裝好晒，始終一間鋪頭嘅質素部份取決於職員嘅服務態度。由於落雨絲濕，我用迅雷不及嘅速度揸車返到屋企，餵隻狗狗食嘢後發現我哋都開始肚餓，哈哈~ 咁影完相之後就開餐啦，估唔到除咗包裝得美觀外，打開之後仲係好熱辣辣，而且份量嚇你一跳，個性價比真係相當高喎。急不及待要試下先啦，我揀既撈麵有兩款餸：椒鹽豬扒、秘製豬大腸、粉絲同埋沙嗲醬，佢

📍秘撈王(深水埗)深水埗福榮街172號地舖相信大家都知深水埗多平靚正嘅嘢食，同個朋友專登過嚟搵食，不知不覺就行到嚟呢間外賣食店，有飯有撈麵同小食，輕食又得食飽飽都得😆😆👉香煎沙薑雞翼 💰$39😋😋😋😋.5/5第一次食呢個整法，有新意，好有驚喜。雞翼表面煎到金黃色，香脆可口，沙薑好入味，雞肉好滑好嫩口，食得出係一滾就熜火焗熟個效果，一份六隻，好抵食，食完包你會再想叫多份😆😆😆👉冷麵拌秘製汁 配香煎雞扒同秘製豬大腸 💰$50👉蝶豆檸檬冰 跟餐+$12冷麵爽口彈牙，配埋自家特調秘製汁，酸酸辣辣，好夾好開胃。大大塊香煎雞扒，皮脆肉嫩，每咬一口都有脆皮口感。秘製豬大腸非常肥美，辣汁辣得好惹味，將肥腸沾滿辣汁，一口咬落去咇到成口都係，好過癮😆😆😆😆有幾款自家製冰涼特飲揀，蝶豆檸檬冰就最吸引我，比較小地方有得飲之餘，呢杯嘢打卡一流，紫到藍有個漸變效果，仲要微甜，加埋檸檬，清新又解膩🤤🤤回頭: yes!!!! 即叫即整，全部都熱呼呼，仲有個沙薑雞翼 絕對一試難忘😆😆！好味🤤

椒鹽豬扒飯🐷🍚豬扒炸得金黃色💛，食得出係用人手打鬆啲豬扒🐷，加上蒜蓉🧄和椒鹽🧂一起炸，豬扒外脆內軟，非常香口和惹味😋用來配白飯，正啊😎香煎沙薑雞翼撈麵🍝雞翼🐥煎得好出色，外層脆口，肉質嫰滑，仲充滿著濃郁的沙薑味，好好味😋個麵配有雞蛋絲🥚、蘿蔔絲🥕和青瓜🥒，連埋啲秘製醬🧉一起撈來食，口感好豐富👍麻辣牛尾🐂牛尾一樣炆得十分軟稔入味😋，用麻辣汁煮，帶有少少香辣味🌶️，肉香鮮嫩，而且做到骨肉分離，非常出色🌟🌟🌟紅酒牛肋肉🐂加入紅酒🍷、洋蔥🧅、紅蘿蔔🥕等，牛肋肉有肥有瘦，煮得非常入味，肉質軟腍，呢道菜十分美味🌟🌟🌟爆漲炒雞絲🐥雞肉先煮後煎，再切成絲，所以食落肉質嫰滑又入味😎秘製肉燥🍛肉燥又係廚師嘅另一道拿手菜👨🏻‍🍳，香噴噴的肉燥，撈飯/撈麵來食都好正👍秘製豬大腸🐷具有咸鮮微辣，口感豐富，內臟清洗得乾淨，容易咀嚼👍蝶豆檸檬冰💙💜最後飲返杯野飲解辣就正喇😍大大杯，都只係加$12，非常之解渴，飲品顏色亦都好吸引😚