秘密花園1981咖啡店

營業中

休息中

是日去如心廣場冒險樂園彈跳迷宮 出發前訂定呢間餐廳就唔怕玩完無得食啦🤩 餐廳隱身荃灣大會堂地下 上次來仲係牧羊少年漂書館呢 不過裝修各樣大致保留了 只是放書的架子變了放罐頭🥫🔸意式番茄豬扒 拼香煎魚柳 珍珠飯 $62惹味既 魚柳嫩滑 性價比OK🔸鮮忌廉黑松露醬鮮蝦意大利粉 $68呢個價有鮮蝦食 仲要唔細隻 又有好幾隻 算係咁啦 意粉亦掛汁好味 黑松露控覺得滿意🔸英式早午餐 $78黑松露醬炒滑蛋｜白菌｜車厘茄｜香腸｜煙三文魚｜煙肉｜意大利包包既野都唔少 價格賣相亦合理 當中最愛白菌🔸是拉差醬雞翼 $48又唔覺好「是拉差」純粹當雞翼食就幾香口好味⚠️星期六日公眾假期飲品半價（以下為折後價）🔸牛奶可可朱古力 $22大大杯 上面仲有忌廉 味道亦好🔸蘋果蜜桃鮮打凍茶 $22爸爸既 鮮打就是美味🔸焦糖牛奶咖啡 $19拉花漂亮 味道亦好 不死甜

牧羊副線➡️《秘密花園1981咖啡店☕️🥀》心諗荃灣幾時有間名咁特別既CAFÉ，一睇個Menu👀，D野食幾乎一樣😂，價錢仲要便左！地點真係幾隱敝，似唔多人知咁。🔷#是拉差雞翼 🔷 👅8.3/10  💰$52-雞翼好大隻肥美肉嫩😋，炸得好酥脆～～我唔知咩係是拉差🤭醬似微辣嘅凱撒沙律醬，都可以中和下個油膩感。
💬至於呢度既意粉味道食落有種港式同屋企味😂，即係味道唔會好驚人，不過都係好食既！份量都適中。🔸#南瓜汁蘆荀野菌意粉🔸 👅7.8/10 💰$58-甜甜既南瓜味好出，個醬應該撈左唔少南瓜蓉🔹#忌廉黑松露鮮蝦意粉 🔹👅8/10💰$68-蝦大粒彈牙爽口🔸#忌廉野菌三文魚長通粉🔸👅8/10 💰$62 -熟悉的味道哦，你懂的😂📍荃灣大河道72號荃灣大會堂地下前廳

𝒞𝒶𝒻𝑒 𝒾𝓃 𝒯𝓈𝓊𝑒𝓃 𝒲𝒶𝓃𝘕𝘰𝘵 𝘮𝘶𝘤𝘩 𝘱𝘦𝘰𝘱𝘭𝘦 𝘬𝘯𝘰𝘸 𝘢𝘣𝘰𝘶𝘵 𝘵𝘩𝘪𝘴 𝘤𝘢𝘧𝘦 𝘢𝘴 𝘪𝘵 𝘪𝘴 𝘲𝘶𝘪𝘵𝘦 𝘤𝘰𝘷𝘦𝘳𝘵 (𝘫𝘶𝘴𝘵 𝘭𝘪𝘬𝘦 𝘪𝘵𝘴 𝘯𝘢𝘮𝘦 𝘴𝘶𝘨𝘨𝘦𝘴𝘵𝘦𝘥). 𝘉𝘶𝘵 𝘢𝘣𝘴𝘰𝘭𝘶𝘵𝘦𝘭𝘺 𝘢 𝘨𝘰𝘰𝘥 𝘱𝘭𝘢𝘤𝘦 𝘵𝘰 𝘤𝘩𝘪𝘭𝘭 𝘢𝘯𝘥 𝘴𝘱𝘦𝘯𝘵 𝘺𝘰𝘶𝘳 𝘥𝘢𝘺 𝘸𝘪𝘵𝘩 𝘧𝘳𝘪𝘦𝘯𝘥𝘴 🤹🏻‍♀️ 𝘦𝘴𝘱𝘦𝘤𝘪𝘢𝘭𝘭𝘺 𝘪𝘯 𝘢 𝘩𝘰𝘵 𝘥𝘢𝘺 𝘭𝘪𝘬𝘦 𝘵𝘰𝘥𝘢𝘺🙈🌞𝙈𝙖𝙞𝙣• 𝘌𝘯𝘨𝘭𝘪𝘴𝘩 𝘉𝘳𝘶𝘯𝘤𝘩 $78 • 🍳🍅 • $68 • 🌮🫓 𝚃𝚑𝚎 𝚖𝚊𝚒𝚗 𝚍𝚒𝚜𝚑𝚎𝚜 𝚊𝚛𝚎 𝚗𝚘𝚝 𝚋𝚊𝚍, 𝚎𝚗𝚐𝚕𝚒𝚜𝚑 𝚋𝚛𝚞𝚗𝚌𝚑 𝚌𝚘𝚞𝚕𝚍 𝚌𝚘𝚖𝚎 𝚠𝚒𝚝𝚑 𝚑𝚊𝚜𝚑 𝚋𝚛𝚘𝚠𝚗 𝚊𝚗𝚍 𝚜𝚘𝚖𝚎 𝚟𝚎𝚐𝚎𝚝𝚊𝚋𝚕𝚎𝚜. 𝚃𝚑𝚎 𝚙𝚘𝚝𝚊𝚝𝚘 𝚠𝚎𝚍𝚐𝚎𝚜 𝚝𝚊𝚜𝚝𝚎𝚜 𝚐𝚘𝚘𝚍🥰 𝚊𝚗𝚍 𝚝𝚑𝚎 𝚜𝚊𝚞𝚌𝚎 𝚠𝚊𝚜 𝚌𝚑𝚎𝚎𝚜𝚢 🤣- 𝘿𝙧𝙞𝙣𝙠𝙨• 𝘏𝘰𝘵 𝘏𝘢𝘻𝘦𝘭𝘯𝘶𝘵 𝘓𝘢𝘵𝘵𝘦 ☕️ $38 • 𝘐𝘤𝘦𝘥 𝘊𝘢𝘳𝘢𝘮𝘦𝘭 𝘓𝘢𝘵𝘵𝘦 🍹 $48 😍 ✨🌟𝙸𝚝𝚜 𝚙𝚎𝚛𝚏𝚎𝚌𝚝 𝚝𝚘 𝚑𝚊𝚟𝚎 𝚊𝚗 𝚒𝚌𝚎

可能因為喺荃灣大會堂入面，個個驚要安心出行，所以星期六晚7-10加埋得3枱客，但其實入大會堂係可以填紙嘅，不過佢會即時打電話確認係一個真電話（通就得，唔駛你即時接）食物方面，種類好多，而且有素食選擇，嗌咗沙律，薯角，意粉，豬扒，窩夫同法式蘋果批，全部都好食、無伏、價錢合理。沙律大份，材料新鮮，用料上乘；薯角應該係即叫即炸，外脆內軟；意粉最抵讚，真係做到Al dente, 麵質彈牙又有蛋香；豬扒有孜然味，配荷蘭汁，特別得黎又夾到；窩夫同蘋果批上碟嘅時候都係熱辣辣，窩夫好好味，外脆內軟不在話下，重點係做到入口鬆脆；蘋果批啲蘋果片得好薄，排得好靚，仲襯番隻靚靚法式田園風嘅碟，但個批係無肉桂粉嘅，個人覺得差咁啲嘢（討厭肉桂味嘅人應該會鐘意）如果真係要彈嘅可能係啲甜品配嘅雪糕，朱古力味變咗華田味，雲呢拿味就好似融過再雪番，有啲冰嘅口感🙈P.s. 呢間餐廳唔收10% service charge，要行去cashier落order, 同埋要自助斟水，但有職員會幫你上菜&收碟

沙律：沙律好好味，用料新鮮，連上面啲芝士碎都好好味。薯角：必食！！！！炸得好酥脆，黑松露醬超惹味，就算放耐佐，溫度依然可以保持到咁上下熱度，同埋仍然好酥脆。必食！意粉：意粉都好好味，大蝦彈牙來爽脆。黑松露醬好味，呢個價錢有咁嘅質素真係唔錯，性價比高！薄餅：千島醬海鮮薄餅，味道比較淡，餅底唔夠脆，相比其他食物之下比較遜色。食物出品出色，不過人流少，繁忙時間都唔多客。希望大家多啲支持良心小店💛，等佢哋做得住！

大會堂是藝術表演的地方。租用其地方做餐廳的商戶，當然不能缺少文化氣息。前身是文青cafe，合約完結沒續租，換上另一間類似情調的cafe。價值相比，現在的比前身的更相宜，食物味道差不多，可說是物有所值。其實顧客本身不應以食肆背景為光顧目的，食物質素與價值是否相稱，或者是否物超所值，才是得到支持的主要因素。忌廉三文魚雜菌長通粉很久沒有見過，與家裡吃的份量相約的長通粉。之前在外吃的經常都是大碟小圈的份量，這裡卻是真的碟頭份量。而且入口味道很住家feel，長通粉彈牙有口感，與忌廉汁及芝士粉搭配出濃郁的味道。很滿足。焦糖朱古力芝士蛋糕最近心情很差，外出吃飯都希望用甜品調節一下心情，令自己樂觀指數保持力量上升，減輕負能量。這個芝士餅，不太濃的芝士味，配合我口味，餅底的焦糖，與中層的朱古力芝士一同配合，令芝士餅有不同又混和的口感。吃下去很舒服，暫時解決了負能量指數的上升。這裡要點讚一下服務員，他主動提出"甜品後上"，讓我可以安心吃下鹹點，再吃甜，不會放滿桌，要趕著吃完走之感。生薑檸檬茶吃過甜品，當然要中和一下味道。花茶是最好選擇。而且薑有調和身體的功效，有助驅風，檸檬則幫助去油膩感及消化。可惜不是新

荃灣區愈來愈多人啦 🤣 有時搵個地方靜靜地食下野都唔容易！今次搵到尼間係大會堂裡面既西餐黃店 💛 原本係牧羊少年既佢，到而家都維持住一種文青感覺！星期日午餐時間黎到唔算好多人 😮今次🐻同男友order兩個午餐Set，「卡邦尼長通粉」、「車打芝士煙肉鮮蝦意大利粉」，另外星期六日假日飲品半價，揀左「凍檸檬利賓納」同埋「熱榛子牛奶咖啡」☕️ 價值都抵食啊！推介/ 意見‼️✨ 「卡邦尼長通粉」又係超creamy，而且煙肉香口配埋洋蔥粒同埋有咬口既長通粉，🐻好鍾意💛 ✨ 「車打芝士煙肉鮮蝦意大利粉」唔算好重芝士味，意粉偏硬，但整體來說都不錯，鮮蝦爽口而且醬汁配合 😌✨ 「凍檸檬利賓納」正常發揮，「熱榛子牛奶咖啡」有榛子味道亦有濃濃咖啡香，連唔太飲咖啡既🐻都覺得不錯唷 🥰價錢‼️$62 「卡邦尼長通粉」$62「車打芝士煙肉鮮蝦意大利粉」$15「凍檸檬利賓納」假日跟餐$20「熱榛子牛奶咖啡」假日跟餐

讚1. 環境舒服，夠寧靜，黎既客人唔會講野勁大聲2. 咖啡係幾出色，甘香唔澀彈1. 點左卡邦尼長通粉，好似係六七十銀？份量係細到嚇一嚇，基本上男子唔會飽，長通粉寫得過腍，醬汁完全係忌廉同芝士，係好港式既味道

到尼邊🧒🏽有個同事介紹我地去隱世，真係幾隱既因為正正真係係個大會堂入面。名都有得叫係Secret Garden，都係牧羊少年系列既，lunch都唔係太多人。睇睇食左咩先，今次叫左鮮忌廉黑松露醬鮮蝦意粉，lunch set仲有跟餐湯，而且仲可以加配飲品。湯還好，中級水平。試主菜，嘩真係好香，畀果陣熱騰騰既香氣吸引左，之後仲有黑松露香氣好濃，不過都唔會太重口味，蝦就真係都大隻，用料上真係 out of expectation 既，而overall都仲幾creamy，都真係幾好食播。咖啡既option都算多，連Vienna Coffee都有得揀。不過🧒🏽就揀左Latte，還好啦都有個豆既味都出，正常發揮。CP值食一個西式有ddd要求既話都算中高CP值啦！

之前去開同位置的餐廳，靜靜的用餐，週日享受和閨蜜的悠閒下午。今天來到這店，發現已易手，既來到，環境尚算清靜，便坐下吃late lunch.其實整體食物味道也屬中等，可惜最後付款時的服務強差人異。Lunch Set 餐牌內的餐飲是分別列出的，原來只是一至五有免費餐飲，週六、日是沒有免費餐飲(只有半價)，需要額外另加$11~20!!還有什麼特飲要另加$$的。可惜沒有影低餐牌比大家了解有幾唔清唔楚，失策! 好心佢就不如直接有另一set weekend/holiday menu， 省卻誤會。可是這樣的樣價錢的午餐，區內應有更多好的選擇。結帳時，收銀的男服務生跟我們不斷說餐牌已寫得很清楚，態度惡劣，我們氣着完成付款，表明「無下次」。利申:很少寫食評，今次仲要係劣評!

朋友約左我慶祝生日係荃灣行過見到一間睇落好舒服嘅餐廳，所以入左去試下入到去waiter推介我地食個一人套餐超抵食因為我地有三個人，佢同我地講，你地三個可以叫二個餐做追加小食咁好既waiter 都有既。仲怕我地食唔晒哈哈我地叫左個煙三文魚蕃茄意大利粉，味道超好食份量又多 ，所以一定要推介。我地最尾再叫多左個黑松露配炸薯條🍟冇得頂所以我地下次一定會再來食所以真心要推介呢間餐廳俾你地，ps：老闆娘(應該)佢好令女，好好人😊😊

今天晚上在大會堂附近做完野入左大會堂借個廁所，準備離開之際又有點兒肚餓，正好見到眼前有間簡潔優雅既西餐廳，睇睇佢門口的晚餐set都幾多選擇，有位好禮貌既侍應係門口同我講解有湯又有甜品 飲品可以任選餐單上的飲品，我就一於入去試試，地方乾淨舒服環境優雅，我點左個dinnerSet既意式蕃茄煙三文魚燴意粉，同一杯朱古力沙冰，首先餐湯係個南瓜蓉湯，味道濃郁加上有黑椒碎 辣辣地都幾醒胃，跟住就上主菜 意式蕃茄煙三文魚意粉，合格以上只是稍微偏咸左小小，朱古力沙冰正常，最後既甜品 係提子乾橙皮蛋糕，唔鐘意食蛋糕做甜品既我都竟然食哂。咁左食左餐完美既晚餐。以後經過一定會再黎

約左朋友荃灣食飯 無意中見到呢間位於荃灣大會堂嘅cafe 環境都ok 所以試吓（因為附近商場好多都係連鎖集團食肆 成日去都有少少厭)估唔到食落都有D驚喜 勁推芝士火腿牛角包 真係好好味 但可惜冇影相 我哋三個人叫左 煙三文魚沙律 黑松露薯條 蜜糖雞翼 蜜糖牛柳粒 芝士火腿牛角包 千島海鮮pizza 雪糕窩夫 一杯士多啤梨yogurt 一杯水果茶 一杯凍檸茶 埋單每人200蚊到 價錢都算合理 而且份量都唔少 由於本身都冇諗住寫食評所以冇咩影到相 寫食評都係想支持下這類有心做又有質素嘅小店

星期六中午去荃灣大會堂拎演唱會飛 順便試下呢間㊙️密花園咖啡店。叫左什菇意大利粉，同煙三文魚蕃茄意大利粉。意粉口感普普通通。反而杯雙重芒果沙冰有驚喜！天氣熱都幾熱暑解渴 份量都唔細👍🏻

噚日(8-9-2019 Sun)晏晝,老公話去搵個可以hea 嘅地方食嘢同坐,我諗起荃灣大會堂嘅牧羊少年漂書館(嗰個食評: https://www.openrice.com/zh/hongkong/review/%E9%9B%A3%E5%BE%97%E6%82%A0%E9%96%92%E5%9C%B0%E9%A3%9F-e3343561),於是再嚟.去到坐低,唯一一個後生仔serve我哋,佢講嘢好細聲,只聽到佢話今呢日係星期日,午餐飲品要加$12.00一杯.睇完menu,老公決定要$65.00嘅黑椒香蒜田園雜菜意大利粉,加錢要凍朱古力.個男仔問佢要唔要忌廉?佢答唔要.我要$72.00嘅紫薯印第安藜麥葡萄雜菜沙律,配香脂油醋汁,加錢要凍檸賓.幾分鐘後,兩杯嘢飲到嚟,凍檸賓唔太甜,有檸檬香,正常,但飲到最後,冰都溶晒時,就只有檸檬嘅澀.味道: 2.8分老公杯凍朱古力呢?用吉百利朱古力粉沖,沖得啱啱好,唔太甜又唔太淡,唔heavy,飲得舒服. 味道: 5分6分鐘後,餐湯嚟喇,係忌廉湯,咩忌廉湯呢?係粟米忌廉湯,就只有粟米,湯嘅質地都幾稀吓,味道唔太鹹,整體嚟講我覺得麻麻.味道: 0.5分然後