秋田鐵板燒刺身專門店

營業中

休息中

🇭🇰#香港捐窿捐罅記 instagram : foodkiller_dk🦖暴暴🦖祝大家新年快樂 年初一 就比隻超超超大鮑魚大家睇下 祝大家日日有餘😏 日日有鮑魚食🥰 全世界都快d出pool 🐷 賺多d錢👻 比起外國會表演既鐵板燒 香港既比較正經 我問左個廚師點解冇得表演 佢話因為安全問題 所以就好少機會表演 btw其實我冇食隻鮑魚 因為唔係我order 係人地 個set要成2000蚊 我都係比較適合食1xx既set 😂😂😂😂-午膳鐵板料理套餐 一人前 （$178）前菜 鮮三文魚籽蒸原蛋蛋蒸得啱啱好 冇過老 幾滑👍 三文魚籽好鮮甜原隻大虎蝦🦐🦐🦐🦐🦐有我手掌咁大隻既蝦 爽口彈牙 好似新鮮蝦既口感 雖然我知道佢係雪藏 不過入口唔似 仲有廚師會煮埋個蝦頭 比你成個食左佢🙂香煎法國鵝肝🦖🦖🦖🦖鵝肝煎得外脆內嫩 而且面包吸左油 唔會好油和牛脆蒜片青薄燒卷🐮🐮🐮🐮完美既口感配合 和牛既淋 配蒜片既脆 加上蒜片吸埋個牛肉汁 好豐富既味👍其他唔太特別 所以我就唔特別講啦總結來說 係抵去既 廚師又會有問必答 而且好爽手 又好食 又有20年經驗 如果我叫其他set 就一定會比佢更高分 不過我食最平果個😂-

之前食過一次，覺得ok，都唔係好高質。今朝打電話去問下有無位，接電話個職員態度極差，極冷漠咁答完一句無位就up線，以後Bad List！就算無位都唔需要咁惡劣既態度，仲要咁無禮貌up線！唔好影衰曬香港d日式餐廳，呢度唔係淨係得你一間，服務極差，已經有唔少負評

其實平時都有食開尖沙咀分店，今次就試下灣仔分店。覺得呢度嘅鐵板燒都幾好味，而且價錢唔算貴一入到去見到餐廳都幾大，有好多大枱，適合一班人嚟食。入咗冇幾耐就畀沙律我哋，沙律材料都豐富，有火龍果、蕃茄、甜薯、粟米、沙律菜、青瓜等,沙律嚟講都算有誠意接著廚師就喺個鐵板上面準備咗黑魚子魚子蒸蛋畀我哋，呢個裝落隻蛋到幾得意，而且望落去好靚，味道都唔錯鵝肝都算幾大塊，味道唔錯，不過我就覺得如果煎耐啲就更加香我哋叫咗鮑魚，鮑魚好大隻，而且非常新鮮，活生生咁放上鐵板燒上面，一路燒一路喐，真係好生猛 燒好之後肉質非常好味，新鮮有夠林午餐跟麵豉湯，麵豉湯味道夠濃。我就點咗牛柳，叫咗五成熟，加埋上面啲蒜片食味道都唔錯。 但係呢個牛柳偏鹹，放得太多鹽，廚師調味有待改進。 炒飯喺鐵板燒裏面我都幾鍾意食，呢個炒飯ok，但係調味我就覺得一般，唔夠味。最後配上炒雜菜，味道都係偏鹹，甜品有芝麻雪糕。

是次光顧灣仔秋田鐵板燒已是第二次了，同樣是午餐時段，喜歡廚師在你前面烹調的風味和可以接受的價錢幅度。今次選擇的套餐名為「菊」，價錢$268 一位，是第三平價錢，最平的一個只需$188。鮮三文魚子蒸原壳蛋原壳蒸蛋放了兩種不同的鹹香魚子使普通的一個蒸蛋變得極既矜貴又可愛。田園沙律材料豐富，清新又開胃。鮮活原隻南非鮑魚飽魚生生猛猛地被廚師放在煎板上烹調熱得不停地扭動，感覺有啲殘忍，之後食落啖啖又爽又彈嘅鮑魚肉又不敢竪起拇指叫好，認真矛盾！西京燒銀鱈魚柳魚肉鮮嫩可口，唯美中不足就是太細件！和牛脆蒜片青蔥薄燒卷份量比想像中多，和牛油脂滿溢，包着大量青蔥和蒜片一齊食，口感豐富。大蜆味精湯 、 炒野菜湯的味道不甚突出，但勝在材料豐富，可惜不夠熱。野菜炒得不會過生，但係好爽口。秋田特色炒飯用大量櫻花蝦炒飯格外美味！日本雪糕食完鐵板燒後，來一客冰凍的綠茶雪糕，好爽！以為食完雪糕就食完了，原來有特別甜品奉送，認真驚喜。原來係叮噹食嗰啲豆沙餅啊！單看製作過程已經夠晒吸引，再食埋呢個紅豆pancake豆沙餅，真係一大滿足！

家庭聚會又一好地方。服務不錯價錢又抵，食物新鮮好味。一行二十多人，一區的鐵板燒吧枱坐無虛席，還要誇過第二區。實在熱閙。先來田園沙律清清喉嚨，即時醒胃。賣相嬌小可愛的原売蒸蛋，熱呼呼的傳來香氣，原來是三文魚籽的鹹香。蒸蛋尚算滑溜，滋味！師傅己準備就緒，拿起工具，一隻隻鮑魚放在鐵板上，鐵板熱度另鮑魚起舞了，還活著的太新鮮了。肉質軟腍容易嚼著，鮮甜美味。跟著是帶子，手掌之大，少許的調味提鮮，己夠入味。非常軟熟。和牛選揀了脆蒜片青蔥和牛薄燒，只兩三下手勢，半熟的和牛卷已在口腔內嘴嚼，半熟度恰到好處，牛脂香味濃厚，配上大量青蔥和炸蒜片，惹味！等待炒飯的時候，大蜆味噌湯先上場。湯底鹹度剛好。大蜆鮮甜，質素高。炒飯配料不少，好豐富。炒得乾身，粒粒飽滿金黃，一啖一啖，絕冇油膩感，滿足。餐後可選雪糕或飲品，甜品控的我，當然雪糕啦！最後燒叮噹紅豆餅，每件大小均一、好可愛喔。用來伴雪糕，一冷一熱有驚喜。

上星期BOOK位  準時1點入座 唔洗等我自選鵝肝配和牛薄燒同事選大虎蝦配美國牛小排坐低無耐 侍應遞上大蜆麵噌湯及田園沙律沙律的醋味 甜甜酸酸很醒胃廚師在鐵枝燒枱上忙著住海鮮其中有一個用獲蓋遮住 原來是鮮三文魚子原殼蒸蛋蛋很滑 鮮三文魚子很鮮甜戲肉---鵝肝外脆內軟 配麵包索去油膩感每一啖都好滿足、好享受脆蒜片和牛薄燒 和牛好味 但個脆蒜片有點苦同事的脆蒜片牛小排也遇上同樣問題牛很好食 但脆蒜片也是苦的同事說蝦很淡 但配上預先擺放的調料醬就很好食炒飯加好多好多櫻花蝦(心心眼)令你每啖飯都充滿著櫻花蝦炒野菜也很好味最後 師傅也即場整紅豆餡餅先整兩塊pancake 再炒香紅豆組合變成 豆沙餅再配order綠茶雪糕(可選雲呢拿/芝麻)一口豆沙餅 一口雪糕真是滋味，捧著肚離開

昨天星期日是每月家庭聚會的日子，我們為數24人訂了下午1點鐘在秋田鐵板燒食肆聚餐，由於人數衆多，要分兩張枱，我們選了$268的鐵板餐，食物相當豐富，前菜有鮮三文魚籽蒸原殼蛋、田園沙律、鮮活原隻南非鮑魚、北海道鮮活帶子、和牛脆蒜片青蔥薄燒卷、大蜆味噌湯、秋田特式炒飯、炒野菜、紅豆班戟和芝麻雪糕，材料新鮮，師傅巧手的烹調，尤以鮮活鮑魚、北海道帶子及和牛薄燒卷，都是精彩菜式，一大班人嘻嘻哈哈，享受豐富滿足的一頓午餐。

為慶祝新同事到來，所以我地就揀左食呢間幾好坐又好味道嘅鐵板燒啦😺 Lunch set有蛋、湯、主食、炒飯、菜、甜品同飲品嘅🙃價格由170幾到300幾都有😀😀 先食個魚子蛋，好滑又唔會過熟！配上粒粒魚子鮮味十足(^^) 鵝肝多士好肥好正！銀雪魚好嫩滑，燒得巧香❤️❤️ 炒飯粒粒分明又飽滿！:-D 野菜就小小苦，不過都香口嘅☝🏻☝🏻 最後新加嘅銅鑼燒即整架，好好食，熱辣辣！紅豆超豐富⭐️⭐️ #2018秋

It’s the first time for me to see the staff using detergent to clean the hot pans while customers are still eating though it’s almost the time to close the restaurant, it is just totally unacceptable and ridiculous, the worst restaurant ever

我地book左6點半, 準時到, 廚師around 7點先到, 但仲完全未準備好, around 7點15分先開始整第一菜 - 蒸旦, 一路整, 一路話我地咁早黎, 好多野未準備好, 好多怨言.                  佢一個廚師負責招呼3枱客共7個人.                      一黎到, 就不停同其中一枱客吹水, 完全莫視另外兩枱客, 最大問題係佢無帶mask, 口水四噴, 完全不顧衛生.                 呢餐飯食左around 兩個鐘, 就足足吹左兩個鐘, 另外兩枱客就俾佢莫視左兩鐘.                   鐵板燒 最尾炒飯係可以整公仔圖案, 當天係我個仔生日, 佢捉議整一7粒龍珠, 個廚師又覺得好難整, 如果整, 要浪費好多時間, 最後整左佢覺得易整木圖案.                                  到最後整甜品, PANCAKE, 又再一次講我地太早黎, 未準備好.               一餐飯 每位7 - 900元, 仲要受廚師氣AND 莫視.                呢一餐, 我相信

Happy Friday 緊系要食好啲！由中環黎左灣仔食好野QRE Plaza一到晏就時間就要排大隊😓前菜有沙律，蒸蛋，我同朋友嗌左北寄貝同和牛卷，食完有麵豉湯飲，仲有樓花蝦炒飯！鐵板師父果日心情靚，整左甜品豆沙餅俾我地食最後最後，有得揀餐飲/雪糕。食到好飽咁返公司做野😝

要留心價錢☺️☺️禮拜四晚收工後同朋友上去食飯，本身見佢門咩餐牌價錢寫二人餐，$7xx，入到去先發現原來係$7xx一位，不過我認係我眼大無睇到，但預估消費貴左一倍😂😂人生第一次驚喜😝😝因為我地收工後就去，算早入座，入到去間餐廳無客，得我地兩個，店員安排我地坐其中一個鐵板燒枱，本身以為慢慢會好熱鬧，即係同枱會有其他客，師傅又不斷燒咁，點知最驚喜既係原來今晚得我地兩個客，即變相包場😇😇咁鐵板燒又有個師傅專登服務你，直頭upgrade左成個感覺。當晚意外地有極佳氣氛咁同朋友傾左晚計😏😏

想食鐵板燒，又唔想自己動手，可以來秋田。環境舒適，服務亦好！簡簡單單，我和友人揀了「櫻」！我選虎蝦+銀雪魚朋友選虎蝦+鵝肝先來個沙律，好新鮮，好味道！開始即場煮食，有蒸蛋🥚同步進行剝蝦殼及去腸，師傅手勢純熟，很快手！蒸蛋很滑溜👍🏻我地一面品嚐蒸蛋，師傅繼續烹調主菜銀雪魚🐟鵝肝虎蝦🍤及湯🍵炒飯🍚及雜菜🥦最後餐飲或雪糕🍨，二選一。雪糕有芝麻或者綠茶味，真係好飽，好滿足！晚餐價錢貴好多，午餐真係好抵食！

我喺灣仔街坊以前久唔久都會上去食鐵板燒, 佢愈做愈差, 零服務外,十分鐘食完一個套餐, 同茶餐廳差唔多!冇回頭!其實佢哋食物質素唔錯只係畀班員工累死..............................

一家五口和爸爸慶祝生日。之前在尖沙咀諾士佛台秋田食過，覺得都不錯，再加上炒飯砌字這個gimmick，希望為爸爸和家人帶來驚喜及愉快的記憶。我們星期五晚上去，人不多，我們一家五口和另外一對情侶共用一個鐵板，環境算舒適。我們叫了約＄600一位的秋田鐵板燒餐。有龍蝦，銀鱈魚，牛排，分量相當充足，食完真是飽到一個點，炒飯亦要打包回家吃。以份量來說，這個餐真是非常抵食。首先我要稱讚我們的師傅，他看來相當年輕，非常有禮貌和親切，一直和我們談笑，我們一家都吃得很開心。不過在食烹調方面，可能我們家人比較要求食物要熟，少鹽少油，這點始終都找不到一個理想的平衡。整體感覺是太油，和偏鹹，回到家大家都有食濟的感覺。不過始終師傅由頭到尾都和我們保持溝通，這點我們是很讚賞的。問題出在一位女服務員。她由一開始已經黑口黑面，非常不幸地，她兩次在收拾時將食物及碗碟打翻，其中一次更把熱湯淋在我們其中一人的腿上！另一次就將全部收回的碗碟全部掉在地上，令人嘆為觀止。師傅和其他店員看在眼裏，他們都有賠不是，說她是比較論盡，亦免了我們加一。雖然這位服務員沒有太影響我們的心情，但是總結來說，我就覺得這一家秋田試過一次就夠。