秋田冰室

營業中

休息中

諗住食個早餐， 成個場係大把位， 偏偏就安排啲人坐到迫迫， 繁忙時間午飯時間我就明啫， 明明隔離全部都係吉位，偏偏就安排啲陌生人坐你對面。 態度服務極差。杯檸茶好澀完全唔掂， 😓😓😓😓😓😓跟住嗰個牛扒， 牛扒早餐非常硬， 完全唔好食， 唯一正正常常嗰隻蛋真係勁建議強烈大家唔好去唔好中伏本身見到出邊好似有幾個人排隊以為唔會中伏， 仲有見到佢出邊嗰個麵包櫃好污糟……..仲有地下好肥肥林林好跣， 有客都爭啲跣親大家小心寧願自己煮好過

呢間喺調景嶺嘅秋田冰室，其實就係取代佢嘅上手金記冰室。仲記得佢嘅上一手其實做得幾差，成日漏單啲嘢又唔好食。依家轉咗手，會唔會好啲？呢度嘅餐牌非常多嘢揀，可以話諗得到嘅嘢食幾乎都可以叫。今晚我哋嚟食晚餐，叫咗兩個鐵板餐。一個係雜扒，一個係西冷牛扒。第一個亮點係餐包。餐包係另上嘅，已經有牛油，份量唔少。第二個亮點係餐湯，可以揀紅湯白湯同中湯。先講雜扒，非常多嘢食，牛扒豬扒煙肉香腸蛋一應俱全。雜菜亦多，加埋個飯飽到不得了。至於牛扒嘅亮點係牛扒本身，夠晒厚，質素唔錯，起碼唔係梳打粉牛扒。不過有個別嘅位置咬落去幾韌，好明顯係咬到筋。

總括最少二十次早餐經驗：👿 帶位態度差劣，座位擠迫。部份2人座位櫃桶只能拉開1/4，根本無法取出任何餐具。曾有食客不小心倒瀉飲料，完全未清理地上灘水，就安排食客再入座。🫗 欣賞自助斟水安排夠環保，但每隻水杯都係油淋淋，部份要沖一沖先敢斟水飲。🚨 平均等候食物時間（包括飲品）20-30分鐘，每次3-5枱吹單，甚至多枱食客一同大聲投訴。部份員工親切有禮，面對食客追問，表現耐心亦有作出相應處理；部份員工態度差劣，對食客追單要求，黑面藐嘴回應，甚至與食客爭拗。🍳 食物質素合格，麺包新鮮熱辣辣。但基於等候時間過長，早餐及飲品上枱時都已經一肚氣。熱飲杯底脹起，企不穩。💰 設有自助埋單，雖然只收八達通，但相當便利，爽快。人手埋單收銀員木無表情，毫無視線交流，無聽過佢把聲，建議多放部自助埋單機更為理想。

餐廳食物質素一般，價錢與類同餐廳接近。明白餐廳想maximize利潤，堂食外亦接外賣單，可惜餐廳未有足夠接待能力同時處理外賣訂單及堂食點餐，導致堂食候餐時間過長。個人經驗所得，早餐不時需要等候20-30分鐘。問單進度時，有部分員工態度欠佳或敷衍了事不跟進。用餐時，四周圍都係追單嘅顧客。另外，亦見過有隔離枱顧客倒瀉飲品，未有處理好，就安排其他顧客入座。總而言之，如果心急，趕時間，唔想受氣，剛巧當日心情欠佳的話，入舖幫襯前請三思。

燻蹄同叉燒都好好食，上次食雙拼，嗰個汁同今日唔一樣，今次呢個有芫荽㗎🥲 我都係鍾意之前嗰個汁多啲😅 河粉好滑，都好食，媽咪好鍾意；不過我都係瀨粉fans。*如果個app可以加走青，咁就好啦😅👍🏼爸爸都係唔會食厭牛扒，所以依然係牛扒，但係今日竟然食意粉唔食飯，真係估佢唔到。明明佢唔食意粉㗎嘛😅🤣

初初食冬蔭功個湯白色好似普通清湯底咁，早兩日膽粗粗再試一次。有驚喜！超好食！所以今次同媽咪一人一碗🤣🤣 癈事比佢飲晒我啲湯😅🤣 雖然啲肥牛無初初嗰陣咁多，不過個湯底變正常冬蔭功，咁已經好好，起碼又多樣選擇。爸爸如常都係牛扒愛好者，因為佢一定要食全熟，咁茶餐廳冰室牛扒就最啱佢。呢到塊牛扒都算大，所以佢好開心，不過佢今次竟然揀咗原型澱粉質來食，好健康😜。熱即磨咖啡好飲咗👍🏼😋咁我就唔一定要飲凍啡或熱奶茶啦～

這間餐廳實在令人費解！非繁忙時段竟然還有空位卻不讓顧客入座，反而強迫顧客拼桌，這種行為完全不尊重消費者。而且，店員的態度極其惡劣，不僅沒有基本的服務熱誠，還讓人感到被冷落和冒犯。至於食物，實在只是普通水準，味道毫無驚喜，完全配不上那高昂的價格。不僅如此，這餐廳的經營模式簡直讓人難以忍受，既不懂如何吸引顧客，反而用一副趕人的姿態應對大家。如此令人沮喪和失望的用餐體驗，除了浪費時間和金錢外，實在毫無收穫。奉勸這間店家，若不作出徹底改善，早晚會被顧客和市場淘汰。實在無法推薦任何人光顧！

拜完山行落到調景嶺站，順便醫肚，見到秋田冰室有人排隊，就會一會佢！ 我最喜歡常餐，餐牌推介「叉燒意粉」同「豬扒通粉。結果豬扒望落真係靚仔，厚切兼煎到金黃色，點知一啖咬落... 柴過柴灣！好彩個湯底夠濃，通粉煮得啱啱好，叫做挽回多少分數。至於朋友嗌嘅叉燒意粉，睇相都知伏——又乾又瘦，叉燒靚極有限。 埋單前聽到廚房嗌「蛋撻出爐！」，即刻加單試埋蛋撻同雞批。呢兩樣先係戲肉！蛋撻皮脆餡滑，蛋香攻鼻；雞批外皮鬆化，餡料仲有微微肉汁，絕對係水準之作。

【西貢區】【秋田冰室】今次同美女朋友去食嘅茶記係調景嶺新開嘅呢間新派冰室，佢正正喺知專設計學院對面。開張初期，好多時都要排隊，麻煩晒美女朋友幫我排咗。佢就食 $63 嘅「全日早餐」，有吉列魚柳、英式腸、火腿扒、煙肉、炒蛋、茄汁豆、自家製出爐餐包，配餐飲。佢唔食炒蛋，改煎蛋，餐飲飲「熱奶茶」。上菜時見到魚柳勁大塊，味道上佢就話唔錯，份量亦都夠食，杯奶茶有好嘅茶記水準。而我就食特餐，本身想食 $55 嘅「招牌沙嗲牛肉公仔麵」，點知話賣晒，攪到我要轉個貴啲嘅，$58 嘅「鮮忌廉雞湯豬扒通心粉」。食落就好普通，特餐配嘅「嫩滑北海道牛乳炒蛋」同「自家製出爐多士」正正常常，餐飲我飲「即磨咖啡」，茶記嚟講算好飲。見蛋撻出爐就叫兩隻 $8 嘅「出爐靚蛋撻」，點知唔熱嘅，叫侍應換返新鮮嘅，又肯喎，感覺好好多。埋單 $137，冇乜特色嘅一餐。。。（地址：調景嶺景嶺路8號都會駅2樓R03&027號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food

燒鵝拼叉燒：燒鵝啲皮超韌，又肥又冇肉食。叉燒又咸又硬冇乜甜味。 最慘係180蚊雙拼中間用啲菜拓底扮大份。。。焗咖喱薯仔魚柳意粉：啲醬勁稀又唔夠咸魚香茄子煲：8:30入座等到9:15都未有個魚香茄子煲，中間已經追過三次。終於黎到啲肉勁咸，茄子得茄子味一啲咸味都冇，唔知係追單太趕定點。。。諗住新開試下，絕對唔會再黎☺️👋🏻 啲嘢唔好食，等嘅時間好長，價格偏貴，燒味份量偏少。 好彩之後冇嘢做，唔係就好唔抵，等咁耐又唔好食🤯

It is a newly open restaurant in the mall. It also sells buns and bread outside the sitting area. The last order time is 10:30pm so it is a convenient choice if you are hungry at night and looking for a hearty meal.They also offered the daily special set dinners and the menu would change every day.I had a tofu and fish rice at this place. It was done in typical local style. Tofu and fish were oil-fried and then braised with the brownish soysauce. Taste is fine and as expected. I wish one day may

話說就係岩岩係門口買左兩隻蛋撻，本身個呀姐係拎蛋撻前執緊隔離張台上手客食完既野，（當然佢係有戴住藍色既手套），然後係呢個時候我過去買蛋撻，個呀姐就直接用佢果隻岩岩執緊隔籬枱再加無換過藍色手套嘅手，直接拎左兩隻蛋撻放入袋中比我，我果下反應唔切，直接比左錢就走左...而家諗諗下我究竟應唔應該食果兩隻蛋撻呢？仲有一隻係諗住買比個女食...好核凸呀！

趁著紅日，跟巴士迷朋友坐694來調景嶺探老友記，這才知道，原來金X結業，轉了做這家秋田冰室。午餐時段要排隊，很快就有位子了，窗外的景色還不錯呢。跟大部分新式餐廳一樣，客人用QR Code下單。我們三個人都叫了炒嘢，分別是：。頭抽乾炒牛河 $69。咸魚雞粒炒飯 $69。XO醬鐵板豬扒炒一丁 $70幾個餐製作需時，就是新鮮炒的啦。當中炒一丁最令大家滿意——樣靚、料多、大份！豬扒還是切開了的，巴士迷朋友很滿意！飲品選擇很多，巴士迷朋友推介凍檸賓。雖然紅日要加一，但可以跟朋友聚舊也沒所謂啦～最後很想知道，為什麼會叫秋田冰室？是不是有些隱藏日式餐牌呢？？

從來未食過咁恐怖嘅晚餐，我已經將啲菜撥埋一邊，啲油仍然係多到滿晒個碟；份量又唔係多，一個餐加埋飯加埋湯冇嘢飲要成$85；碗湯嚟到嘅時候仲要係一大浸豬臊味攻上嚟，老實講真係劣食

今日爸爸堅持要試下午茶。橫掂有9折卡，佢應該會食多啲🤔是旦啦～屋企樓下得三間嘢食之嘛！爸爸叫咗星洲炒米，因為上次食蝦嘅時候啲蝦“那”過，所以今日走蝦。個味好明顯好味，因為佢好快食晒。媽咪叫燒鵝瀨粉，啲瀨粉係透明瀨👍🏼燒鵝個皮脆～細佬叫牛扒沙律，塊牛扒有筋，正常牛扒～我叫肉醬意粉，西蘭花個面燶咗，初初諗住撈暈佢先食，點知見到好大兜，仲大過lunch嗰個兜，不過個app無得叫多醬，所以啲醬唔夠平均分配全兜，所以我求其撈咗上面食，但係我食咗兩啖，就決定打包😜 返到屋企加工先再食，發現原來佢個底都燶😅🤣 同埋都幾多油。即磨咖啡同普通茶記咖啡嘅分別，就係 creamy啲，濃到差唔多，普通咖啡酸度高啲。今日下午茶4點幾呢啲時候就唔洗等，即刻入。呢到個環境唯一唔好就好似審犯咁比人打大光燈🤣🤣光係好，但如果黃光嘅光會好啲。白光影相靚，睇落光猛乾淨。但其實乾唔乾淨唔係靠個光就做到，所以食嘢，黃光會舒服啲囉～