秋田冰室

營業中

休息中

【西貢區】【秋田冰室】今次同美女朋友去食嘅茶記係調景嶺新開嘅呢間新派冰室，佢正正喺知專設計學院對面。開張初期，好多時都要排隊，麻煩晒美女朋友幫我排咗。佢就食 $63 嘅「全日早餐」，有吉列魚柳、英式腸、火腿扒、煙肉、炒蛋、茄汁豆、自家製出爐餐包，配餐飲。佢唔食炒蛋，改煎蛋，餐飲飲「熱奶茶」。上菜時見到魚柳勁大塊，味道上佢就話唔錯，份量亦都夠食，杯奶茶有好嘅茶記水準。而我就食特餐，本身想食 $55 嘅「招牌沙嗲牛肉公仔麵」，點知話賣晒，攪到我要轉個貴啲嘅，$58 嘅「鮮忌廉雞湯豬扒通心粉」。食落就好普通，特餐配嘅「嫩滑北海道牛乳炒蛋」同「自家製出爐多士」正正常常，餐飲我飲「即磨咖啡」，茶記嚟講算好飲。見蛋撻出爐就叫兩隻 $8 嘅「出爐靚蛋撻」，點知唔熱嘅，叫侍應換返新鮮嘅，又肯喎，感覺好好多。埋單 $137，冇乜特色嘅一餐。。。（地址：調景嶺景嶺路8號都會駅2樓R03&027號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food