秋田冰室

營業中

休息中

呢間喺調景嶺嘅秋田冰室，其實就係取代佢嘅上手金記冰室。仲記得佢嘅上一手其實做得幾差，成日漏單啲嘢又唔好食。依家轉咗手，會唔會好啲？呢度嘅餐牌非常多嘢揀，可以話諗得到嘅嘢食幾乎都可以叫。今晚我哋嚟食晚餐，叫咗兩個鐵板餐。一個係雜扒，一個係西冷牛扒。第一個亮點係餐包。餐包係另上嘅，已經有牛油，份量唔少。第二個亮點係餐湯，可以揀紅湯白湯同中湯。先講雜扒，非常多嘢食，牛扒豬扒煙肉香腸蛋一應俱全。雜菜亦多，加埋個飯飽到不得了。至於牛扒嘅亮點係牛扒本身，夠晒厚，質素唔錯，起碼唔係梳打粉牛扒。不過有個別嘅位置咬落去幾韌，好明顯係咬到筋。