禾牛薈火煱館 (金馬倫道)

營業中

休息中

今日冬至，同同事們諗住開開心心食個一人一鍋冬至lunch，呢D大時大節，食晏時間有限，同事已經好醒目預先book定位，仲whatsapp落埋單，一心諗住坐低就有用食。我地一行11人準時到達，咁侍應就叫我地撈定D醬料先啦，隔左一陣有個侍應走黎同我地講冇咁多鍋，話要改做單叫，咁ok啦，轉頭又有另一個侍應話我地已經落晒單，只係個鍋鍋由一人前改做兩個大鴛鴦鍋，咁我地都話ok啦。再隔多陣，又再有個侍應好似好驚訝咁話我地叫既野食，係唔包醬汁，但好慷慨咁話今次算啦。再好笑既係，佢話已經冇晒其他野飲，焗我地要飲果D 一 jar既菊花茶，而詭異嘅事件係呢刻要出現，侍應見我地斟完有剩，佢一句都冇問就拎走咗， 竟然係拎走斟俾隔離枱客人，btw，隔離枱遲過我地到，但有一人前嘅鍋用。補充番少少資料，間野係12:00開門，但未一點就話冇晒其他野飲，我估佢地做完個午市都應該係直接收爐。接住就係，我地由12:40坐底等到13:15，個鍋終於出現，不過凈係個鍋only，唔包括野食，侍應話D肉切梗，俾多5分鐘佢，5分鐘後，再叫我地俾多15分鐘佢，話依家多人，咁呢刻多人，關我地咩事？我地坐低嘅時候得兩枱客咋喎，同埋個幾鐘前

今日同同事一行11人下午食做節飯，午市有一人一鍋，12點左右先book 枱都話有位，我地到餐廳之前已經用WhatsApp 落左單，但就話唔夠鍋，叫我地照叫一人一鍋套餐，但就用兩個大鍋一齊打邊爐，咁都ok嘅。12:45坐低，侍應就俾左啲醬料蒜蔥叫我地自己落，等到1點多啲湯底都仲未上，其中一個侍應就拎左3枝菊花茶黎話套餐包一杯飲品，同得返菊花茶，12點先開門，1點就無晒其他飲品？仲有仲要好緊張話我地叫嘅一人一鍋唔包醬料…er…其實係你地同事俾我地叫我地落左先，唔係我地搶架🤣🤣等到一點三，已經坐低左半個鐘，張單都落左大半個鐘。。。終於上湯底😑😑打工仔，其實2點就要返返去公司做野架啦，唯有再催啲野食幾時到。。。打邊爐唔係黎左就食得，仲要烚熟佢架嘛？侍應就話啲牛切梗，等多5分鐘。。。5分鐘後。。。再走過黎話要15分鐘，啲牛仲切緊，話多人，其實我哋坐低時就真係無乜人嘅，仲要黎之前已經WhatsApp 落單，落單時應該仲未午市，到我地催嘅時候梗係多人啦，午市啦嘛，但我地一早落左單架喎！最後唔係我地唔願等，時間真係唔許可呀，下午要返工架嘛！等左差唔多一個鐘，我地轉場去食茶記。。。。其實有無心做午市呢？

12月2日, 星期三, 寒冷天寒地凍打邊邊, 三個人, 食左~~~鴛鴦湯底 鮮奶花膠鍋拼瑤枉火腿冬瓜鍋 養顏, 女士恩物特級有切肥牛  肉質柔軟, 肉味香濃西班牙黑毛豬 口感嫩滑蕃薯蜆  飽滿, 味道鮮老友鬼鬼 油炸鬼釀入蝦膠, 淥幾秒要食, 香脆, 有層次感三式餃  韭菜餃, 雲吞,牛肉餃, 最鍾意食韭菜餃, 好香好足料脆鯇 口感幾好冰豆腐  留番最後食, 最吸味的精華可樂唔多講拉氣氛幾好. 配料新鮮. 

揀咗雙拼煱，養顏椰子雞拼益生雜菌薈湯底；棷子雞好香嘅棷子味撲鼻而來，鷄肉都滑唔＂嚡＂口，雜菌薈有幾種菇類，一D都唔敷衍，包括香信菇、羊肚菌、秀珍菇、蟲草花、鷄脾菇，D菇滾起後，聞到超超超香嘅菇味，尤其是羊肚菌好突出，未開始落火煱配料前，急不及待飲碗湯先.今餐主攻海鮮，同朋友點咗：脆炸魚片頭海鮮併盤鮮活鮑魚脆脘骨腩珊瑚蚌手打蝦滑脆炸魚片頭，人人都鍾意嘅大路小食，上枱時外面仲係脆脆哋好惹味，無論空口食或者送啤酒都一流。海鮮拼盤有游水蝦、廣島蠔、帶子同埋沙白蜆；蝦上枱仍然會郁，肉質彈牙，蠔同埋沙白都鮮味，帶子大大粒，超滿足感.新鮮飽魚又係大隻嘅，放在雜菌薈湯內淥（不要過熟），食得出鮮鮑魚嘅鮮味👍🏻，原來用菇菌湯淥鲍魚好夾，沒有搶去鮑魚味道.脆脘骨腩，切功厚簿適中，啖啖魚肉滿足要求。珊瑚蚌口感爽爽的，很過癮一口接一口無停過😃佢哋嘅手打蝦滑，果然係招牌推介，食到粒粒蝦肉，沒有粉粉的感覺，真材實料。

物超所值的火鍋店今次俾我發掘左一間火鍋店係超抵食而且坐Vip房仲無限時數同最低消費又唔收開瓶費而且餐廳設計都好寬闊而且坐得好舒服我地5點幾就入座，怕6點後會高朋滿座🤣呢度好多湯底同菜餚可以揀呀!款式種類都好多!💯最後揀左胡椒咸菜豬肚湯來做個湯底好足料呀，胡椒味超重，咸菜好多而且豬肚好爽，整體黎講，整個湯底都係好正叫左好多款菜，特別想讚係冬菇釀墨魚滑、白膳片同蝦🥣冬菇釀墨魚滑爽滑彈牙重口感，冬菇香氣同鮮味都好夠，而且鮮墨魚滑很鮮味同好彈牙，簡單又看樣子好吃，打邊爐十分唔錯~然後一碟白膳片🐠都係有好多，至少有8塊，膳片係很厚一片，完全係用心之作，魚肉結實而且鮮味十足，的確係必食之選蝦🍤係新鮮又大隻而且又爽又甜，食落去超滿足，整碟放入咸菜豬肚鍋超快完成整體來說，呢間火鍋店係食材新鮮，服務周到，值得一讚!

個晚同男朋友突然想打邊爐，但又想睇英超。打去book枱，員工好主動問睇唔睇波，可以安排有電視既卡位坐，當然即刻話好。去到滿心歡喜期待等睇波、落單打邊爐。一開始我地話想睇英超，佢叫我地自己教台，整左陣搵唔到再叫另一個員工搞。如果睇唔到都唔會留喺個到食😑搞左一輪，終於搵到個台，就落單。餐廳環境食物服務都正正常常啦，晚市7:30-9:30有live band，仲可以點歌聽(如果佢識唱). 個晚雖然唔係咩英超大賽，但live band同場波既時間撞到應一應😂連中場休息時間都一樣。我同男朋友超級無奈，加上band友正正係我地斜後面唱(literally 你坐係個位邊邊 你係掂到佢個種斜後面)😅卒之，就咁聽住佢既歌聲睇英超，唯有自己做旁述

同一堆懶嘅人做朋友要約出嚟食飯已經係非常之艱難，約完出嚟仲要諗食乜，再要配合各人喜好係難上加難，所以一於一鑊熟就打邊爐啦！呢間火鍋店其實我揀嘅，不過都係亂揀，因為懶hahah 😂坐低覺得都幾舒服，因為同行好多人，所以我哋叫咗好多嘢食（詳細可以睇返張單😂）我哋叫咗兩個鍋分別係寒天翅瓜滑雞鍋同埋牛雜湯底！雞湯底就好有特色，不過個人都係覺得牛雜湯底好味啲！值得推薦嘅食物有幾款：老友鬼鬼不嬲都係油炸鬼fans，自從開發咗用油炸鬼打邊爐之後基本上每餐都要食，所以覺得好好味至尊本地手切肥牛其實唔係極上盛嘅牛肉，但係都叫做好大份，而且好大食肉質都好幾香 手打牛丸我覺得佢哋嘅牛丸，肉質非常好，食落去好Juicy牛肉味亦都好濃，而且非常有咬口係我鍾意嗰一種牛丸嘅Type另外叫咗一碟熟食 一口雞軟骨覺得揸得幾香脆，不過計完骨本身就好難整得唔好食hahah整體而言中規中矩啦，一大班人食都係為咗開心啫，不過會唔會再嚟食就未必啦，可能會再去尋日更好嘅打邊爐舖頭！

這家禾牛會是最近我們在香港，吃過最好吃的火鍋。和牛新鮮，菜品種類超多，十分推薦香辣蟹這裡的川味美食，對於愛吃辣的人一定不容錯過。如果不能吃辣可以點骨頭湯鍋，還可以點雙拼

【油尖旺區】【禾牛薈火煱館】喺尖東同個同事搵嘢食，放心，係男同事嚟，一向都係同佢出去做啲試食 job。但係呢排我都冇乜 job 做，有得做嗰次又自己唔舒服推咗，所以都有一段時間冇同佢食飯。咁啱大家都有啲時間食飯，就去打邊爐啦。嚟到尖東呢間火鍋店，其實係我揀嘅，不過我都係求其揀，呢度附近都幾多邊爐或者燒肉等等。只係 1am紅館 嘅 post 我多數係自己食嘅，因此一直都冇機會食呢啲咁解。樓下有阿姐安排入座，搭電梯上到二樓有人帶位入座。坐低覺得都幾舒服，安排咗角落頭卡位，私隱度幾高，而且有獨立電視，幾啱啲中意有私人空間嘅客人。我哋入到去湯底要咗 $198 嘅「招牌禾牛薈」，有牛肚、牛膀、牛筋、大腸，其實就係牛雜牛骨湯底咁，又幾好，濃而不膩。火鍋料主要食 $368 嘅大「本地招牌手切肥牛」，質素平庸咗啲，灼多一秒都變香口膠，牛味唔算好出。而 $188 嘅「自家製四寶丸」有手打蝦丸、墨魚丸、鯪魚球、牛丸，我哋幾中意個蝦丸，粒粒鮮蝦幾好食，算幾驚喜嘅。叫咗個熟食，係 $98 嘅「脆豚牛卷」，外層酥脆，餡係以自家手切本地肥牛釀製，係有大腸嘅口感，點埋個糖醋汁，唔錯。飲品方面叫咗 $68 嘅「自家製

一班朋友聚舊最好打邊爐邊食邊傾，黎到尖沙咀禾牛薈，卡位都幾闊落，裝潢光猛明亮，地板唔會痴笠笠，乾淨企理。首先叫左四川麻辣同珍寶豬骨湯底雙拼，麻辣湯內有鴨血、知竹等配料，好入味，湯底好香口，小辣唔算好辣，啱啱好。豬骨湯有胡椒香，比較家常嘅味道，專用黎淥菜。肥牛方面叫左至尊本地封門柳和頸脊，封門柳牛味好重，推介！頸脊好嫩，但牛味不太重，如只叫一款牛肉，可以不試。牛肉建議叫大碟，因為份量不算好大。我地俾侍應姐姐影響叫左封門柳同頸脊例牌各一碟，但黎到見到份量覺得應該一早堅持叫大碟！我地本身都係想食肉為主！搞到後來要再叫封門柳大碟，反而仲貴左！另外推介嘅火鍋料有豬潤、魚卜、牛胸爽、魚蛋、鴨血、凍豆腐等。豬潤切薄片，快熟鮮嫩！魚卜好新鮮！魚蛋係九龍城馳名魚蛋，鮮甜彈牙！飲品方面叫左啤酒塔，一邊打一邊啤，非常滿足。值得推介係菊花茶，好清潤解渴！

話說今日公司齊齊出去做義工，做完就黎左尖沙咀打邊爐，我地一行人15人book左間房坐，開左三個爐一個豬骨湯底、一個沙嗲湯底同一個蕃茄湯底。野食方面當然係叫到成檯都係，火鍋必備嘅牛肉，海鮮當然唔少得，其他大部分配料例如響鈴等味道都唔錯，份量亦都唔算細，15個人每樣嗌double已經夠曬食。最令我哋驚喜嘅係水晶包，叫完一碟好快比人掃曬，老闆指定encore又encore最後叫左3次先肯停手。 當中奶黃味水晶包真係必食推介🥰🥰🥰

食物、環境也只是一般，但價錢就真係非一般嘅火鍋店🤑🤑見天寒地凍，和同事們一行四人去食個火鍋，記得N年前舊同學聚會曾經試食過一次，印象中當年坐房，食物亦比較特別，算是高質素的火鍋，但當時價錢亦合理，於是便介紹同事們試這間！誰不知....事隔幾年，質素明顯不及以前，食物方面亦再沒有什麼特色，但價錢就真係........四人埋單四仟幾🤑🤑試一次便夠😆😆幸好服務及衛生良好，如要這個價錢的話，外面實在有太多太多更好的選擇😆認真不推薦.......

我哋成班同事預約咗星期五happy Friday去禾牛薈打邊爐。首先，火鍋湯底我哋叫咗個椰子雞湯，個雞湯椰子味不足，而且覺得好多油。有點失望。這款特級肥牛，是我們所有人都推薦好味，而且是咁多款牛之中價錢最平，性價比非常高。至尊肥牛，我哋就覺得一般，可能我哋女仔不太接受牛肉太濃味。聖子皇大大隻 ，每隻$68蚊，價錢都算接受。味道鮮甜香滑，不錯。大刺身拼盤，都算新鮮鮮味，泰國生蝦的配搭，就有點奇怪，其他份量不算多有點貴。自家製鵝肝蝦丸，蝦丸味道正常，但係裏面的鵝肝味道好奇怪，仲有啲臭臭地味。好失望。帶子保持到鮮甜美味。響鈴，香脆可口魚皮餃略嫌餃皮太厚，味道一般。脆炸榴槤波波球，有淡淡榴槤香，香脆可口。因為鵝肝蝦丸問題，所以店長換咗碟炸雞軟骨比我哋試。味道都唔錯，香脆可口。最後附送甜品大菜糕，奶糕。味道一般。總括嚟講餐廳推薦的食物質素比較一般，反而普通食物沒有推薦的比較有驚喜。價錢有點貴，性價比不是太高。

為慶祝生日，專登搵間高質火鍋🍲慶祝！早幾年前試過九龍城分店，今次就決定幫襯尖沙咀依間！ 三個人打邊爐🍲，首先選左個健髀椰子雞湯底，真係好足料，一黎到個椰子🥥雞味好香，即刻試飲下個湯底，清甜椰子味，仲有好多冬瓜，蘿白，粟米，雞，最重點係標榜無味精！👊🏻另外叫左個雜菜籃，特級肥牛，自家制三式餃（鮮蝦餃，韭菜餃，意式牛肉餃）！ 雜菜籃🧺份量都算多，分別有油麥菜，生菜，旺菜，淥完D菜，吸左湯底味道更加好味😋自制三式餃，三款每款4粒，帶子蝦🦐餃好夠味，每隻餃都包著蝦同蝦籽係餃子👍🏻👍🏻意式牛肉餃好特別，有一種肉醬意粉🍝味，頗有特式，果然有意式味😉特級肥牛（例），D牛肉好有牛肉味，真心高質，淥30秒就食得最尾食埋湯底D配料，粟米🌽超甜，蘿白，冬瓜都甜，D配料都太好味😋，所以全部食曬！依餐真係好滿意，誠意推介俾大家埋單都係$900內，人均都係$300

今晚一早book定枱打邊爐，有得享用VIP房，仲要免最低消費同唔限時，適合一大班人想搵個私隱啲嘅空間食飯傾偈，更可以自備酒水，唔會收開瓶費，超好呢😍📍咸菜胡椒豬肚湯我最鍾意飲胡椒豬肚湯，佢嘅湯膽落咗好多雞殼同豬骨去煲，真材實料，無添加任何味精，飲完都唔會口渴，豬肚都好林好好食🥹📍招牌手切肥牛一睇牛肉嘅顏色就知對辨，封門柳脂肪唔多，主要係食佢嘅肉味，果然肉味夠重，有嚼口，來貨上乘😋📍帶子、游水蝦兩款海鮮都處理得好乾淨，新鮮嘅海產最啱用嚟打邊爐，咁先食得出食材原來嘅鮮味😌可以有間VIP房打邊爐真係好適合一大班人，傾計大聲啲都唔驚嘈親人🥳